Apquiltemaclha apancaoc enlhitaoc actamongvomlha nelha acnim
1 Iyasamcojo sat lhip Timoteo as amyaa: Yimtilhec sat cotnejic actamongvomlha nelha acnim. 2 Sat cotnejic apquiltemaclha apancaoc enlhitaoc yoyam eltimjic mataa apquilmasma asoc, yoyam najan cotsapoc apnenyaoc solyayem. Eltimjic sat apquilajamacpo apanco najan apquilyimtalhnesomacpo apanco. Eltimjic sat apquilvinéycam incanayc, eltimjic melilyajayquiclho. Elvinam sat actemaclha singapeycam. Eltimjic sat apquilvinéycam Dios. 3 Eltimjic sat apquilvinéycam actemaclha ningasicjayo najan actemaclha ningasicjayclho ingmoc. Eltimesquisic sat apquilmapsomcaa poc. Comopvancaa eltamesacpojo apanco. Eltimjic sat malha nipvajac. Eltanovac sat aclhamoclhojo asoc actamila. 4 Eltimjic sat mataa apquilyinimquiscama poc najan mepqui apquilangvoyam. Elyimtalhnesacpoc sat apanco. Coyangvomoc sat almayjayo apquilvalhoc. Casilhtojoc sat aclhanma apquilvalhoc Dios. 5 Ellhenacpojoc sat apanco apquilyiplovquiscama Dios appayvam, eltanovac sat eyca acmovan Dios appayvam.
Nopasmiclha nasa lhip as enlhitaoc, iyinyov sat lhip. 6 Apnam eyca poc nipyesicsa as enlhitaoc. Apquiltomja apquilyilhomacpo mataa apquilantalhningviyam yoyam eltamilsam apquilpayvam elpamejitsic quilvanaa. Yitnec altemaclha as quilvanaa alsilhnanomalhca najan alitsepma inquenyaoc. 7 Inquililtamjo inyicje colyasingvomoc mataa amyaa actamila. Am eyca colyasingvocmoc mataa amyaa actomja nasoc anco. 8 Apquilnoc as enlhitaoc apquiltemaclha ilhnic nat apquilyojolhma apquilvisay Janes najan Jambres. Apquiltomja ilhnic nat apquilinmelhaycam Moisés. Apquilnoc as enlhitaoc apquiltomja apquilinmelhaycam amyaa actomja nasoc anco. Apquilnoc as enlhitaoc actemaclha yamsicaa najan apquiltemaclha apquilyascamongvoyam. 9 Colapvanquejec sat elinlhanmojoc as enlhitaoc apquiltemaclha apancaoc. Ayinyemaclha apquilyasamcoc aplhamoclhojo enlhitaoc apquiltemaclha acyeyjamelhma, apquilno ilhnic nat apquilyojolhma apquiltomja apquilinmelhaycam Moisés.
Apcasinaycam Pablo Timoteo
10 Lhip eyca aptomja apyiplovquiscama actemaclha sillhicmoscama najan actemaclha sictiyascam aclhamoclhojo acnim. Apnasoc lhip actemaclha mataa aclhanma evalhoc najan actemaclha moyasquiyam najan actemaclha actamilaycam evalhoc najan actemaclha siyasicjayo najan actemaclha silinlhanyam coo. 11 Najan actemaclha sicyamasomalhca najan actemaclha siclingaycamco acmasca. Apyasamcoc najan lhip actemaclha siclingaycamco acmasca naysicsa sicyamasomalhca alhta tingma Antioquía, najan Iconio, najan Listra. Evomcasquic alhta tap Visqui ingac. 12 Nasoc as amyaa: Ningiltamjoc sat ancoc onlhojoc aptemaclha Jesucristo, mongvanquejec mongvita singilminlhinaycam. 13 Inmasquec alamco acyangvocmo apquiltemaclha acmasom enlhit apquilmopvancaa amyaa. Apquilyinimcasquic mataa poc. Apquilyinimsacpec mataa nipyesicsa.
14 Iyimnac sat lhip apyiplovquiscama actemaclha apyasingvoyam. Apyasamcoc apancoc lhip aptemaclha apyasingvoyam. Apyasamcoc najan lhip apquiltomja alhta apquillhicmoscama lhip. 15 Apyasamcoc lhip tasic amyaa ayenmo aptemaclha apquitcoc. Eycaso actomja acyascasingvoyam lhip actemaclha ningilvomsomalhca tap ayinyema mongyasquiyam Cristo Jesús. 16 Aclhamoclhojo tasic amyaa ayinyema Espíritu apanco Dios. Eycaso actomja singillhicmoscama actomja nasoc anco actemaclha yoyam ongilyasingvomoc ningilsilhnanomalhca. Najan actemaclha yoyam ongilpeyvescasiclha ingmoc. Najan actemaclha yoyam ongiltamilsalhcojoc inganco actemaclha acpeyvomo. 17 Eycaso ayinyema singilpenescama ningilvisay Dios apquitquic yoyam coytic ningmovan ongillana aclhamoclhojo actemaclha nintamjaycam actamila.
Apquiltemaclha apancaoc enlhitaoc actamongvomlha nelha acnim
1 Iyasamcojo sat lhip Timoteo as amyaa: Yimtilhec sat cotnejic actamongvomlha nelha acnim. 2 Sat cotnejic apquiltemaclha apancaoc enlhitaoc yoyam eltimjic mataa apquilmasma asoc, yoyam najan cotsapoc apnenyaoc solyayem. Eltimjic sat apquilajamacpo apanco najan apquilyimtalhnesomacpo apanco. Eltimjic sat apquilvinéycam incanayc, eltimjic melilyajayquiclho. Elvinam sat actemaclha singapeycam. Eltimjic sat apquilvinéycam Dios. 3 Eltimjic sat apquilvinéycam actemaclha ningasicjayo najan actemaclha ningasicjayclho ingmoc. Eltimesquisic sat apquilmapsomcaa poc. Comopvancaa eltamesacpojo apanco. Eltimjic sat malha nipvajac. Eltanovac sat aclhamoclhojo asoc actamila. 4 Eltimjic sat mataa apquilyinimquiscama poc najan mepqui apquilangvoyam. Elyimtalhnesacpoc sat apanco. Coyangvomoc sat almayjayo apquilvalhoc. Casilhtojoc sat aclhanma apquilvalhoc Dios. 5 Ellhenacpojoc sat apanco apquilyiplovquiscama Dios appayvam, eltanovac sat eyca acmovan Dios appayvam.
Nopasmiclha nasa lhip as enlhitaoc, iyinyov sat lhip. 6 Apnam eyca poc nipyesicsa as enlhitaoc. Apquiltomja apquilyilhomacpo mataa apquilantalhningviyam yoyam eltamilsam apquilpayvam elpamejitsic quilvanaa. Yitnec altemaclha as quilvanaa alsilhnanomalhca najan alitsepma inquenyaoc. 7 Inquililtamjo inyicje colyasingvomoc mataa amyaa actamila. Am eyca colyasingvocmoc mataa amyaa actomja nasoc anco. 8 Apquilnoc as enlhitaoc apquiltemaclha ilhnic nat apquilyojolhma apquilvisay Janes najan Jambres. Apquiltomja ilhnic nat apquilinmelhaycam Moisés. Apquilnoc as enlhitaoc apquiltomja apquilinmelhaycam amyaa actomja nasoc anco. Apquilnoc as enlhitaoc actemaclha yamsicaa najan apquiltemaclha apquilyascamongvoyam. 9 Colapvanquejec sat elinlhanmojoc as enlhitaoc apquiltemaclha apancaoc. Ayinyemaclha apquilyasamcoc aplhamoclhojo enlhitaoc apquiltemaclha acyeyjamelhma, apquilno ilhnic nat apquilyojolhma apquiltomja apquilinmelhaycam Moisés.
Apcasinaycam Pablo Timoteo
10 Lhip eyca aptomja apyiplovquiscama actemaclha sillhicmoscama najan actemaclha sictiyascam aclhamoclhojo acnim. Apnasoc lhip actemaclha mataa aclhanma evalhoc najan actemaclha moyasquiyam najan actemaclha actamilaycam evalhoc najan actemaclha siyasicjayo najan actemaclha silinlhanyam coo. 11 Najan actemaclha sicyamasomalhca najan actemaclha siclingaycamco acmasca. Apyasamcoc najan lhip actemaclha siclingaycamco acmasca naysicsa sicyamasomalhca alhta tingma Antioquía, najan Iconio, najan Listra. Evomcasquic alhta tap Visqui ingac. 12 Nasoc as amyaa: Ningiltamjoc sat ancoc onlhojoc aptemaclha Jesucristo, mongvanquejec mongvita singilminlhinaycam. 13 Inmasquec alamco acyangvocmo apquiltemaclha acmasom enlhit apquilmopvancaa amyaa. Apquilyinimcasquic mataa poc. Apquilyinimsacpec mataa nipyesicsa.
14 Iyimnac sat lhip apyiplovquiscama actemaclha apyasingvoyam. Apyasamcoc apancoc lhip aptemaclha apyasingvoyam. Apyasamcoc najan lhip apquiltomja alhta apquillhicmoscama lhip. 15 Apyasamcoc lhip tasic amyaa ayenmo aptemaclha apquitcoc. Eycaso actomja acyascasingvoyam lhip actemaclha ningilvomsomalhca tap ayinyema mongyasquiyam Cristo Jesús. 16 Aclhamoclhojo tasic amyaa ayinyema Espíritu apanco Dios. Eycaso actomja singillhicmoscama actomja nasoc anco actemaclha yoyam ongilyasingvomoc ningilsilhnanomalhca. Najan actemaclha yoyam ongilpeyvescasiclha ingmoc. Najan actemaclha yoyam ongiltamilsalhcojoc inganco actemaclha acpeyvomo. 17 Eycaso ayinyema singilpenescama ningilvisay Dios apquitquic yoyam coytic ningmovan ongillana aclhamoclhojo actemaclha nintamjaycam actamila.
