Yoclhilhma actamopeycaoc
1 Eycaso ilhnic nat appayvam Moisés: —Ningimpaclhec alhta mocjam ningmiyaclho yoclhilhma actamopeycaoc, ningyiplaclho amay Yingmin Acyilhvasem Mar Rojo. Eycaso apcanama alhta Dios siyanyomaclha oltimnacsic quellhip. Ajolhec alhta ninlhingam ningatoc inquilhe Seir. 2 Aptomjac alhta Dios seyanya coo: 3 Ajolhec mataa apquileyvam quellhip as inquilhe. Elpeyvojo sat quellhip nilhqueyja — alhta aptomjac. 4 Iltimnas sat mocjam apnaymacoc coo sicpayvam: Elyipjongvomoc sat quellhip yoclhilhma apquileyvomaclha Esaú aptovana niptamin, apquilmolhama quellhip, apnaycam yoclhilhma Seir. Elangvomoc sat maa apquilvitacpo inlhojo quellhip. Eltamilsojo sat quellhip. 5 Noelnapap nasa quellhip. Mellhovamquejec sat quellhip as yoclhilhma, actomja apancaoc apquilmolhama Esaú, coo alhta sicmescama yoclhilhma inquilhe Seir — alhta aptomjac Dios. 6 Elilmalhna sat quellhip aptoycaoc maa acyanmongam solyayem najan yingmin, yoyam elyinamcoc quellhip. 7 Dios Apyimtalhnamo ayinyema alhta apquillhoy quellhip cotlaycaoc asoc altamila. Aptomjac alhta apquillhalhma quellhip cuarenta años, apquiltamilquiscama nalhit amay yoclhilhma actamopeycaoc. Am alhta coymalhcac quellhip lhama asoc — nic nat aptomjac Moisés.
8 Ningyinyovquic alhta amay yoclhilhma Arabá, amay ayinyema Elat najan Ezión-geber. Ningmilanquic alhta yoclhilhma actomja apancaoc ningmolhama Esaú aptovana niptamin, apnaycam yoclhilhma Seir. Ningyiplaclhec alhta yoclhilhma actamopeycaoc Moab. 9 Aptomjac alhta Dios seyanya coo: Noelnapap nasa moabitas, apquiltomja aptovana niptamin Lot. Mellhovamquejec sat yoclhilhma maa, ayinyema sicmescama coo. Sicmescama alhta coo yoclhilhma Ar — alhta aptomjac Dios. 10 (Apquileyvomaclha ilhnic nat emitas as yoclhilhma. Appintalhnama ilhnic nat enlhitaoc, apquilvinatem nic nat as enlhitaoc, apquilno ilhnic nat aptovana niptamin Anac. 11 Apquilanayquic nic nat apnaymacoc apquilvisay refaítas. Apquiltimec nic nat moabitas apquilvisay as enlhitaoc emitas. 12 Apquileyvomaclha ilhnic nat enlhitaoc horeos yoclhilhma Seir. Apquiltimec alhta apancaoc as yoclhilhma aptovana niptamin Esaú, acno ilhnic nat apquiltemaclha apquilmolhama Israel apquilnayclha yoclhilhma, ayinyema apcanama Dios.) 13 Aptomjac alhta mocjam Dios: Elimpiclha sat mocjam, elyas sat tap vatsam Zered — alhta aptomjac. Ningmilanquic alhta vatsam.
14 Invocmec alhta treinta y ocho años, ayenmo alhta ningyamasma Cades-barnea acvaycmo ningmilanem vatsam Zered. Apsovjoc alhta apquilitsepma ningilyeyjamcaa apquilnapomap, apnaycam alhta carpa tingma. Acno alhta aplhanma siclho Dios Apyimtalhnamo mepqui apyeycajascaoc. 15 Apmascosquic alhta Dios Apyimtalhnamo apquileyvam enlhitaoc.
16 Am alhta ingyaymacpoc lhama appasmom alhta apquilnapomacpilha. 17 Aptomjac alhta Dios seyanya coo: 18 Elyinyoc sat quellhip yoclhilhma Moab, elpeyvojoc sat yoclhilhma Ar. 19 Noelnapap nasa amonitas, apquiltomjac aptovana niptamin Lot. Mellhovamquejec sat quellhip as yoclhilhma, actomja apancaoc, coo alhta sicmescama. 20 (Yoclhilhma alhta apancaoc refaítas actomja apquileyvomaclha. Apquiltomjacpec nic nat apquilvisay zomzomeos, ayinyema apquilpayvam amonitas. 21 Appintalhnama ilhnic nat as enlhitaoc, apquilvinatem apanco, apquilno ilhnic nat aptovana niptamin Anac. Apticyovquic nic nat maa, ayinyema Dios Apyimtalhnamo, apquilnapma amonitas. Apquilnaclhec alhta maa yoclhilhma. 22 Acno ilhnic nat apquiltemaclha aptovana niptamin Esaú apnaycam Seir. Apticyovquic nic nat enlhitaoc horeos, apquilnaclhec nic nat amonitas as yoclhilhma. 23 Acno ilhnic nat enlhitaoc heveos, apnaycam lhalhma anco nipyava tingma Gaza. Apticyovquic nic nat ayinyema apquilnapma filisteos. Apquilinyemac nic nat filisteos acyayem inquilhe Creta, apquilnaclho maa.) 24 Aptomjac nic nat Dios apquilanya: —¡Noc, elmiyaclha sat tap vatsam Arnón! Elmoc sat cotnaja ingmoc apvisqui Sehón, tingma pac Hebrón, nipyesicsa amorreos. Ellingas sat amyaa apquilimpocjay quellhip. 25 Elangvomoc sat apyovoclhojo enlhitaoc as nalhpop, apquillinga inlhojo apquilvisay quellhip. Coyangvomoc sat apquilay najan apquilpilhyinamam, apquillinga inlhojo amyaa ayinyema quellhip — alhta aptomjac Dios — nic nat aptomjac Moisés.
Apmatnam apvisqui Sehón
(Nm 21.21-30)26 Aptomjac nic nat Moisés: —Acvisay alhta yoclhilhma actamopeycaoc Cademot. Ayapajasquic alhta apquilsoycam amyaa apnaclha apvisqui Sehón, tingma pac apvisay alhta Hesbón. Colhic altimnasa apvisqui: 27 ningiltasoc nincoo, ningilpecjam ongyiplaclha amay, ongilmilanic as yoclhilhma apcanamaclha lhip, mepqui ningilyitnocjay as amay. 28 Ongyinyoc sat acyanmongam ningmam nintom najan ningmam yingmin, yoyam ongyinamcoc. Lhip apvisqui, nomyov nasa lhip ongyiplaclha amay — sat ontimjic ongilanic. 29 Am alhta elmiyavac aptovana niptamin Esaú apquileyvomaclha Seir, najan enlhitaoc moabitas apquileyvomaclha Ar. Acvaycmo vatsam Jordán, yoyam ongmilanic, ongvitac sat yoclhilhma yoyam jingmecsic Dios — alhta apquiltomjac apquilsoycam amyaa.
30 Apmiyovquic alhta apvisqui Sehón ongyiplaclha amay as yoclhilhma. Intomjaclhec alhta acyeyjamelhma apvalhoc apvisqui Sehón, ayinyema Dios. Inlhenquic alhta apvalhoc Dios Apyimtalhnamo emacpoc sat apvisqui Sehón nipyesicsa quellhip, acno apquilvitay alhta quellhip.
31 Aptomjac alhta Dios Apyimtalhnamo seyanya coo: Quellhip sat elmoc apvisqui Sehón najan yoclhilhma apquileyvomaclha maa. Eltime sat apancaoc quellhip acyovoclhojo yoclhilhma.
32 Apquilamyilhamquic alhta apvisqui Sehón najan apyovoclhojo singilpilhtetemo. Appecjam alhta jingilnapoc yoclhilhma Jahaza. 33 Ingilyimnatasquic alhta Dios Apyimtalhnamo, yoyam ongilmoc apvisqui Sehón, najan apquitquic najan apyovoclhojo singilpilhtetemo. 34 Ningilmec alhta aplhamoclhojo tingma apquilvanyam, acyiplomo ningnatovascama tingma. Ningilnapquic alhta enlhit, najan quilvanaa najan ayitquic. Am alhta ingyaymacpoc lhama. 35 Am alhta ongilnapac apnatoscama. Am alhta ongnatovasac tingma apquiltamila apanco. 36 Ninsovjoc alhta ningilmam, ayenmo tingma Aroer nicja vatsam Arnón, najan tingma apvanyam nicja alvata, acvaycmo tingma Galaad. Colapvanquejec mataa jingilinmelham cotnaja ingmoc. Dios Apyimtalhnamo ayinyema singmescama acyovoclhojo yoclhilhma apquileyvomaclha maa. 37 Am alhta ongillanac ningilimpocjay apquileyvomaclha amonitas, najan yoclhilhma nicja vatsam Jaboc, najan tingma apquilvanyam nicja inquilhe, najan moclhama yoclhilhma apmasmaclha Dios. Mongvanquejec alhta ongilimpocjac maa — nic nat aptomjac Moisés.
Yoclhilhma actamopeycaoc
1 Eycaso ilhnic nat appayvam Moisés: —Ningimpaclhec alhta mocjam ningmiyaclho yoclhilhma actamopeycaoc, ningyiplaclho amay Yingmin Acyilhvasem Mar Rojo. Eycaso apcanama alhta Dios siyanyomaclha oltimnacsic quellhip. Ajolhec alhta ninlhingam ningatoc inquilhe Seir. 2 Aptomjac alhta Dios seyanya coo: 3 Ajolhec mataa apquileyvam quellhip as inquilhe. Elpeyvojo sat quellhip nilhqueyja — alhta aptomjac. 4 Iltimnas sat mocjam apnaymacoc coo sicpayvam: Elyipjongvomoc sat quellhip yoclhilhma apquileyvomaclha Esaú aptovana niptamin, apquilmolhama quellhip, apnaycam yoclhilhma Seir. Elangvomoc sat maa apquilvitacpo inlhojo quellhip. Eltamilsojo sat quellhip. 5 Noelnapap nasa quellhip. Mellhovamquejec sat quellhip as yoclhilhma, actomja apancaoc apquilmolhama Esaú, coo alhta sicmescama yoclhilhma inquilhe Seir — alhta aptomjac Dios. 6 Elilmalhna sat quellhip aptoycaoc maa acyanmongam solyayem najan yingmin, yoyam elyinamcoc quellhip. 7 Dios Apyimtalhnamo ayinyema alhta apquillhoy quellhip cotlaycaoc asoc altamila. Aptomjac alhta apquillhalhma quellhip cuarenta años, apquiltamilquiscama nalhit amay yoclhilhma actamopeycaoc. Am alhta coymalhcac quellhip lhama asoc — nic nat aptomjac Moisés.
8 Ningyinyovquic alhta amay yoclhilhma Arabá, amay ayinyema Elat najan Ezión-geber. Ningmilanquic alhta yoclhilhma actomja apancaoc ningmolhama Esaú aptovana niptamin, apnaycam yoclhilhma Seir. Ningyiplaclhec alhta yoclhilhma actamopeycaoc Moab. 9 Aptomjac alhta Dios seyanya coo: Noelnapap nasa moabitas, apquiltomja aptovana niptamin Lot. Mellhovamquejec sat yoclhilhma maa, ayinyema sicmescama coo. Sicmescama alhta coo yoclhilhma Ar — alhta aptomjac Dios. 10 (Apquileyvomaclha ilhnic nat emitas as yoclhilhma. Appintalhnama ilhnic nat enlhitaoc, apquilvinatem nic nat as enlhitaoc, apquilno ilhnic nat aptovana niptamin Anac. 11 Apquilanayquic nic nat apnaymacoc apquilvisay refaítas. Apquiltimec nic nat moabitas apquilvisay as enlhitaoc emitas. 12 Apquileyvomaclha ilhnic nat enlhitaoc horeos yoclhilhma Seir. Apquiltimec alhta apancaoc as yoclhilhma aptovana niptamin Esaú, acno ilhnic nat apquiltemaclha apquilmolhama Israel apquilnayclha yoclhilhma, ayinyema apcanama Dios.) 13 Aptomjac alhta mocjam Dios: Elimpiclha sat mocjam, elyas sat tap vatsam Zered — alhta aptomjac. Ningmilanquic alhta vatsam.
14 Invocmec alhta treinta y ocho años, ayenmo alhta ningyamasma Cades-barnea acvaycmo ningmilanem vatsam Zered. Apsovjoc alhta apquilitsepma ningilyeyjamcaa apquilnapomap, apnaycam alhta carpa tingma. Acno alhta aplhanma siclho Dios Apyimtalhnamo mepqui apyeycajascaoc. 15 Apmascosquic alhta Dios Apyimtalhnamo apquileyvam enlhitaoc.
16 Am alhta ingyaymacpoc lhama appasmom alhta apquilnapomacpilha. 17 Aptomjac alhta Dios seyanya coo: 18 Elyinyoc sat quellhip yoclhilhma Moab, elpeyvojoc sat yoclhilhma Ar. 19 Noelnapap nasa amonitas, apquiltomjac aptovana niptamin Lot. Mellhovamquejec sat quellhip as yoclhilhma, actomja apancaoc, coo alhta sicmescama. 20 (Yoclhilhma alhta apancaoc refaítas actomja apquileyvomaclha. Apquiltomjacpec nic nat apquilvisay zomzomeos, ayinyema apquilpayvam amonitas. 21 Appintalhnama ilhnic nat as enlhitaoc, apquilvinatem apanco, apquilno ilhnic nat aptovana niptamin Anac. Apticyovquic nic nat maa, ayinyema Dios Apyimtalhnamo, apquilnapma amonitas. Apquilnaclhec alhta maa yoclhilhma. 22 Acno ilhnic nat apquiltemaclha aptovana niptamin Esaú apnaycam Seir. Apticyovquic nic nat enlhitaoc horeos, apquilnaclhec nic nat amonitas as yoclhilhma. 23 Acno ilhnic nat enlhitaoc heveos, apnaycam lhalhma anco nipyava tingma Gaza. Apticyovquic nic nat ayinyema apquilnapma filisteos. Apquilinyemac nic nat filisteos acyayem inquilhe Creta, apquilnaclho maa.) 24 Aptomjac nic nat Dios apquilanya: —¡Noc, elmiyaclha sat tap vatsam Arnón! Elmoc sat cotnaja ingmoc apvisqui Sehón, tingma pac Hebrón, nipyesicsa amorreos. Ellingas sat amyaa apquilimpocjay quellhip. 25 Elangvomoc sat apyovoclhojo enlhitaoc as nalhpop, apquillinga inlhojo apquilvisay quellhip. Coyangvomoc sat apquilay najan apquilpilhyinamam, apquillinga inlhojo amyaa ayinyema quellhip — alhta aptomjac Dios — nic nat aptomjac Moisés.
Apmatnam apvisqui Sehón
(Nm 21.21-30)26 Aptomjac nic nat Moisés: —Acvisay alhta yoclhilhma actamopeycaoc Cademot. Ayapajasquic alhta apquilsoycam amyaa apnaclha apvisqui Sehón, tingma pac apvisay alhta Hesbón. Colhic altimnasa apvisqui: 27 ningiltasoc nincoo, ningilpecjam ongyiplaclha amay, ongilmilanic as yoclhilhma apcanamaclha lhip, mepqui ningilyitnocjay as amay. 28 Ongyinyoc sat acyanmongam ningmam nintom najan ningmam yingmin, yoyam ongyinamcoc. Lhip apvisqui, nomyov nasa lhip ongyiplaclha amay — sat ontimjic ongilanic. 29 Am alhta elmiyavac aptovana niptamin Esaú apquileyvomaclha Seir, najan enlhitaoc moabitas apquileyvomaclha Ar. Acvaycmo vatsam Jordán, yoyam ongmilanic, ongvitac sat yoclhilhma yoyam jingmecsic Dios — alhta apquiltomjac apquilsoycam amyaa.
30 Apmiyovquic alhta apvisqui Sehón ongyiplaclha amay as yoclhilhma. Intomjaclhec alhta acyeyjamelhma apvalhoc apvisqui Sehón, ayinyema Dios. Inlhenquic alhta apvalhoc Dios Apyimtalhnamo emacpoc sat apvisqui Sehón nipyesicsa quellhip, acno apquilvitay alhta quellhip.
31 Aptomjac alhta Dios Apyimtalhnamo seyanya coo: Quellhip sat elmoc apvisqui Sehón najan yoclhilhma apquileyvomaclha maa. Eltime sat apancaoc quellhip acyovoclhojo yoclhilhma.
32 Apquilamyilhamquic alhta apvisqui Sehón najan apyovoclhojo singilpilhtetemo. Appecjam alhta jingilnapoc yoclhilhma Jahaza. 33 Ingilyimnatasquic alhta Dios Apyimtalhnamo, yoyam ongilmoc apvisqui Sehón, najan apquitquic najan apyovoclhojo singilpilhtetemo. 34 Ningilmec alhta aplhamoclhojo tingma apquilvanyam, acyiplomo ningnatovascama tingma. Ningilnapquic alhta enlhit, najan quilvanaa najan ayitquic. Am alhta ingyaymacpoc lhama. 35 Am alhta ongilnapac apnatoscama. Am alhta ongnatovasac tingma apquiltamila apanco. 36 Ninsovjoc alhta ningilmam, ayenmo tingma Aroer nicja vatsam Arnón, najan tingma apvanyam nicja alvata, acvaycmo tingma Galaad. Colapvanquejec mataa jingilinmelham cotnaja ingmoc. Dios Apyimtalhnamo ayinyema singmescama acyovoclhojo yoclhilhma apquileyvomaclha maa. 37 Am alhta ongillanac ningilimpocjay apquileyvomaclha amonitas, najan yoclhilhma nicja vatsam Jaboc, najan tingma apquilvanyam nicja inquilhe, najan moclhama yoclhilhma apmasmaclha Dios. Mongvanquejec alhta ongilimpocjac maa — nic nat aptomjac Moisés.
