Quinto lamento
Ningminaycmascama acmayovsa ingvalhoc
1 Lhip Visqui ingac, coyit apatic lhip actemaclha ninlingaycamco acyimtalhnama. Quip ilanojo apquiltemaclha enlhit singilasmescama najan singvenéycam nincoo.
2 Ingilnatamalhquic nincoo ningileyvomaclha, poc enlhit apnam tingma ingancaoc.
3 Ningilyeyjeycam nincoo, paj nincoo ingilyap. Tampeyi actomjayclho meme ingac.
4 Ningyinyovquic mataa acyanmongam ningilmam yingmin ningyam najan alhpongja.
5 Ningatoc mataa cotnaja ingmoc, malha nanyetic nincoo, mepqui ningilyimnaa, mepqui ninlovquiscama ningilyampay.
6 Ningiltamjoc jingilpasingvota najan jingilmecsic nintom co Egipto najan Asiria.
7 Apquilsilhnanacpec apanco ingilyapmayc ninga, apquilmasquingvocmo. Nincoo eyca ninlingamcoc acyimtalhnama, ayinyema apquilsilhnanomap apanco ningilyeyjamcaa.
8 Apquilviscaa apquiltomja enlhit apquilmomap nano, mepqui singvomquiscama tap.
9 Mongvanquejec ontingya acyilhna amyip, jingilimpocjac sat enlhit apquilmapsomcaa.
10 Avanjec acmelhanma ingyimpejic malha talha, ayinyema mayic singajem.
11 Innatovasalhquic quilvanaa najan ayitquic tingma co Judá najan Jerusalén.
12 Apticyovquic alhta apquilviscaa, apquilvenacpec alhta apquilvanyam mayayo.
13 Apquilanyacpec enlhit ellanac harina, apquilanyacpec apquitcavoc elyintilhvomoc.
14 Inmasquec ningvitay apquilvanyam mayayo, paj ongvitac apquilpayvascama apquitcavoc.
15 Mepqui mocjam acpayjayclha ingilvalhoc, mepqui ningitsovascama fiesta. Avanjec nincoo acmayovsa ingilvalhoc.
16 Intiyacmec nincoo corona nimpocanma, mepqui mayayo nincoo. ¡Nincoo layi ayinyema ningilsilhnanomalhca inganco!
17 Mepqui nincoo acyimnatem ingvalhoc, malha acmasca ingyimpejic nincoo. Avanjec nincoo ningvinama.
18 Intomjaclhec mayicjescama mataymong tingma Jerusalén, aleyvomaclha maling.
19 Lhip Visqui ingac aptimem apyimtalhnamo cotmongvoycamlha nelha.
20 ¿Cotningvomeje ya nelha singilvoncayam lhip? ¿Cotningvomeje ya nelha singyamasma nincoo?
21 Lhip Visqui ingac, jingiltajicsojo mocjam, yoyam ongilyoclhojoc apnaclha lhip. Jingilasicjiclhojo sat mocjam, ongileyoc sat mocjam nintemaclha nano napato lhip.
22 ¿Naso ya singyamasma lhip cotningvoyam nelha? ¿Naso ya singiltanoncama lhip cotningvoyam nelha? — alhta aptomjac.
Quinto lamento
Ningminaycmascama acmayovsa ingvalhoc
1 Lhip Visqui ingac, coyit apatic lhip actemaclha ninlingaycamco acyimtalhnama. Quip ilanojo apquiltemaclha enlhit singilasmescama najan singvenéycam nincoo.
2 Ingilnatamalhquic nincoo ningileyvomaclha, poc enlhit apnam tingma ingancaoc.
3 Ningilyeyjeycam nincoo, paj nincoo ingilyap. Tampeyi actomjayclho meme ingac.
4 Ningyinyovquic mataa acyanmongam ningilmam yingmin ningyam najan alhpongja.
5 Ningatoc mataa cotnaja ingmoc, malha nanyetic nincoo, mepqui ningilyimnaa, mepqui ninlovquiscama ningilyampay.
6 Ningiltamjoc jingilpasingvota najan jingilmecsic nintom co Egipto najan Asiria.
7 Apquilsilhnanacpec apanco ingilyapmayc ninga, apquilmasquingvocmo. Nincoo eyca ninlingamcoc acyimtalhnama, ayinyema apquilsilhnanomap apanco ningilyeyjamcaa.
8 Apquilviscaa apquiltomja enlhit apquilmomap nano, mepqui singvomquiscama tap.
9 Mongvanquejec ontingya acyilhna amyip, jingilimpocjac sat enlhit apquilmapsomcaa.
10 Avanjec acmelhanma ingyimpejic malha talha, ayinyema mayic singajem.
11 Innatovasalhquic quilvanaa najan ayitquic tingma co Judá najan Jerusalén.
12 Apticyovquic alhta apquilviscaa, apquilvenacpec alhta apquilvanyam mayayo.
13 Apquilanyacpec enlhit ellanac harina, apquilanyacpec apquitcavoc elyintilhvomoc.
14 Inmasquec ningvitay apquilvanyam mayayo, paj ongvitac apquilpayvascama apquitcavoc.
15 Mepqui mocjam acpayjayclha ingilvalhoc, mepqui ningitsovascama fiesta. Avanjec nincoo acmayovsa ingilvalhoc.
16 Intiyacmec nincoo corona nimpocanma, mepqui mayayo nincoo. ¡Nincoo layi ayinyema ningilsilhnanomalhca inganco!
17 Mepqui nincoo acyimnatem ingvalhoc, malha acmasca ingyimpejic nincoo. Avanjec nincoo ningvinama.
18 Intomjaclhec mayicjescama mataymong tingma Jerusalén, aleyvomaclha maling.
19 Lhip Visqui ingac aptimem apyimtalhnamo cotmongvoycamlha nelha.
20 ¿Cotningvomeje ya nelha singilvoncayam lhip? ¿Cotningvomeje ya nelha singyamasma nincoo?
21 Lhip Visqui ingac, jingiltajicsojo mocjam, yoyam ongilyoclhojoc apnaclha lhip. Jingilasicjiclhojo sat mocjam, ongileyoc sat mocjam nintemaclha nano napato lhip.
22 ¿Naso ya singyamasma lhip cotningvoyam nelha? ¿Naso ya singiltanoncama lhip cotningvoyam nelha? — alhta aptomjac.
