Pac ongilanojoc aptemaclha Jesús
1 Apquillhenacpec aplhamoclhojo enlhitaoc acyitna ilhnic nat melyasquiyam, apquiltomja malha singillhicmoscama actemaclha melyasquiyam. Ingilane sat ongitlhaoc asoc singilyascamalhma, malha naysicsa ningyinyem. Ingilane sat ongilvatsamcoc mongilyascalhma, actomja malha singilpilhtetem tama. Ingilane sat ongilinlhanmojo ningyiplovquiscama, malha ningilyamasomalhca carrera actemaclha ningilanyomalhca ontimjic. 2 Pac ongilanojoc aptemaclha Jesús actomja ayinyemaclha mongyasquiyam najan aptomja apviscaycmo actomjaclha nelha mongyasquiyam. Aplingamcoc alhta acmasca Jesús netin asoc timyescama. Am alhta emancac Jesús yoyam ingyitsapoc netin asoc timyescama. Apyasamcoc alhta Jesús yoyam coyiplovjoc sat acpayjayclha apvalhoc. Apnaclhec alhta Jesús apnaclha Dios napocja actamilaclha. Apnec mataa Dios netin aptajanem.
3 Collhen apquilvalhoc quellhip actemaclha alhta aplingaycamco Jesús apquilinmelhaycam enlhitaoc melyascalhma. Inlhenquic sat ancoc apquilvalhoc quellhip, melyampejec sat mataa najan melvatsamquejec sat actemaclha apquilyiplovquiscama. 4 Am eticyoc mocjam quellhip naysicsa apquilinmelhma melyascalhma. 5 ¿Inquilvoncacme ya quellhip apquiltomja Dios apquitquic actemaclha aplhanma ilhnic nat Dios? Intomjac nic nat Dios appayvam actalhesomalhca:
Lhip sictamongvoyam. Novinam nasa Visqui ingac aptomja apyanmongsayclha lhip aptemaclha apanco.
Nolvatesquim nasa apyiplovquiscama naysicsa apyanmongsayclha lhip aptemaclha apanco Visqui ingac.
6 Apyanmongsaclhec nintemaclha inganco Visqui ingac aptomja singasicjayo.
Apyanmongsaclhec mataa nintemaclha inganco singilpalhaquisa apmolhama
—nic nat intomjac Dios appayvam.
7 Elinlhanmojo sat quellhip naysicsa apyanmongsayclha apquiltemaclha apancaoc. Ayinyemaclha Dios aptomja apquitquic quellhip. ¿Apne ya lhama apquitca mepqui apcanem apyap yoyam elyejiclhojo? Ayanayquic coo paj. 8 Aptomjac mataa Dios apcanem elilyejiclhojo apquitquic. Am sat ancoc etnajac singanem Dios yoyam ongilyejiclhojo, mejingiltimjic sat apquitquic. Natamin ongiltimjic sat nincoo malha quipyap. 9 Aptomjac mataa ingilyap nincoo singilanem ongilyejiclhojo nintemaclha inquitcoc. Ningilyajaclhoc nincoo mataa. Incaymalhquic ongilyejiclhojoc mataa Ingyapam netin. Colhic sat mataa acyimnatem ingnenyic. 10 Acyavataclhojo nincoo ingilyap singilanem ongilyejiclhojo, acno mataa actemaclha aclhanma apvalhoc. Apquiltamjoc mataa jingilmeyvoc Ingyapam netin naysicsa apcanem ongilyejiclhojo. Apquiltamjoc jingiltimesquisic ningilpeyvomo, acno aptemaclha appeyvomo. 11 Asqueje inyicje siclho ninlingaycamco apyanmongsayclha nintemaclha inganco, cotnaja acpayjayclha ingvalhoc. Ningilyasingvoclhoc sat ancoc naysicsa ninlingaycamco, coyiplovjoc sat actamilaycam ingvalhoc ayinyema actemaclha acpeyvomo.
Singascama ongiltovacsic Dios appayvam
12 Elyimnaticsojo sat quellhip alyilcomalhca apmeoc najan alyilcomalhca aptapnaoc. 13 Elyiplov sat amay acpeyvomo. Coltamiliclhac sat apquillhingam apquilyateyaycam.
14 Elinlhanmojo apquilyiplovquiscama actemaclha actamilaycam ingvalhoc nipyesicsa aplhamoclhojo enlhitaoc. Eltamilsacpojo apanco quellhip. Mongvanquejec ongvita Visqui ingac mepqui ayalhnayo ingvalhoc najan mepqui ningiltamilcasomalhco inganco. 15 Elavojo quellhip elyinyoc Dios apcaycaoc. Noeltime nasa allom apquilvalhoc actomja malha singvoy nipyesicsa enlhitaoc. 16 Elavojo quellhip actemaclha ningilanatama. Noelvajanaoc nasa aptemaclha ilhnic nat Esaú. Apyinyovquic nic nat acvisay aptemaclha metnaja apquitcoc acyanmongam acvamlha lhama aptom. 17 Apquilyasamcoc quellhip. Apquiltamjoc nic nat inyicje Esaú yoyam elmalhnesquisic apyap asoc altamila ayinyema Dios. Aptamopamquic nic nat Esaú. Avanjec nic nat apvinama, ayinyemaclha am nic nat copvanac etniclha mocjam metnaja apquitcoc.
18 Apquilyipitcangveclhoc nic nat enlhitaoc Israel inquilhe acvinatem Sinaí. Apvancaac nic nat elpatningvomjo inquilhe acvinatem. Inmetquic nic nat as inquilhe. Incapquic nic nat yipjopay. Jalh olhma ilhnic nat intomjac. Inquilhtingyovquic nic nat. 19 Inlingalhquic nic nat trompeta acpayvascama. Inlingalhquic nic nat appayvam ayinyema Dios, malha ayilhtingyovayam nic nat intomjac. Lhama ilhnic nat apquillinga enlhitaoc as appayvam. Am nic nat colyacmoc elaylhojo mocjam actemaclha appayvam. 20 Am nic nat colcac apquilvalhoc apcanamaclha: “Invoclhec sat ancoc enlhit aptoscama yoyam cotatescamjoc inquilhe acvinatem quilhvoc sat comatong ayinyema apquilyicney mataymong” —nic nat intomjac apquilingay. 21 Avanjec nic nat apquilay enlhitaoc apquilvitamco asoc netin inquilhe. Aptomjac nic nat Moisés: “Avanjec sicpilhyinamam, ayacac coo” —nic nat aptomjac.
Am eltatescacmoc quellhip as inquilhe, am colhno apquiltemaclha ilhnic nat israelitas. 22 Apquiltatescacmec quellhip inquilhe acvisay Sión najan tingma apyiviy apmaclha Dios apquilmilaneycaoc najan tingma Jerusalén apyitna netin. Apquilvoclhec quellhip apcaneyquiclha appintalhnama ángeles, malha muchos miles, 23 yoyam eltimjic apquilayo Dios. Apquilvoclhec quellhip apcaneyquiclha Dios apmolhama acyitna apquilvisay acnatalhesomalhca netin. Apquilvoclhec quellhip apnaclha Dios aptomja apyicpilquemo aplhamoclhojo enlhitaoc najan apnaycamcaclha apquiljangaoc apquiltomja apquilpeyvomo napato Dios. 24 Apquilvoclhec quellhip apnaclha Jesús aptomja singyipitcasquiclha Dios ayinyema monquinatquiscama apmayjayoclha Dios aplhanma alhnancoc. Apquilvoclhec quellhip acyitnaclha em pac Jesús mayilhpajey quellhip. Actamila anco Jesucristo em pac acyinquinomalhca, am nic nat colhnoc Abel em pac acyinquinomalhca.
25 Eltamilsojo quellhip. Noelyinyov nasa aptomja singilpamejitquiscama. Apquilyinyovquic nic nat enlhitaoc Israel apvisqui apancaoc Moisés aptomja aplingascama apmayjayoclha Dios nipyesicsa. Apyanmongsaclhec nic nat Dios apquiltemaclha apancaoc enlhitaoc Israel. Ningyinyovquic sat ancoc Jesús aptomja singilpamejitquiscama apna netin, coyangvomoc sat apyanmongsayclha Dios nintemaclha inganco. 26 Inyovjam nic nat nalhpop ayinyema appayvam Dios. Aptomjac mocjam quilhvo nac jay: “Oyovjesam sat mocjam lhama nalhpop. Oyovjesam sat najan netin” —intomjac appayvam. 27 “Mocjam lhama” —intomjac appayvam. Ingilyascasingvocmec as appayvam yoyam cotniclhac alhnancoc netin najan as nalhpop. Ayinyemaclha comascoc sat netin najan nalhpop najan aclhamoclhojo asoc apquillanay nic nat Dios. Comasquejec sat mataa asoc mongmovan ongyovjesam. 28 Jingilmesic sat Dios apquilnancascama apanco actomja coyovjeycam. Ingilane sat ontimjic gracias Dios Ingyapam. Ningilayo ningiltomjac mataa Dios actemaclha apyisponcama. Pac ongilavojoc sat mataa Dios naysicsa ningiltimem gracias. 29 Ayinyemaclha Dios aptomja malha talha actomja acsovjomo asoc.
Pac ongilanojoc aptemaclha Jesús
1 Apquillhenacpec aplhamoclhojo enlhitaoc acyitna ilhnic nat melyasquiyam, apquiltomja malha singillhicmoscama actemaclha melyasquiyam. Ingilane sat ongitlhaoc asoc singilyascamalhma, malha naysicsa ningyinyem. Ingilane sat ongilvatsamcoc mongilyascalhma, actomja malha singilpilhtetem tama. Ingilane sat ongilinlhanmojo ningyiplovquiscama, malha ningilyamasomalhca carrera actemaclha ningilanyomalhca ontimjic. 2 Pac ongilanojoc aptemaclha Jesús actomja ayinyemaclha mongyasquiyam najan aptomja apviscaycmo actomjaclha nelha mongyasquiyam. Aplingamcoc alhta acmasca Jesús netin asoc timyescama. Am alhta emancac Jesús yoyam ingyitsapoc netin asoc timyescama. Apyasamcoc alhta Jesús yoyam coyiplovjoc sat acpayjayclha apvalhoc. Apnaclhec alhta Jesús apnaclha Dios napocja actamilaclha. Apnec mataa Dios netin aptajanem.
3 Collhen apquilvalhoc quellhip actemaclha alhta aplingaycamco Jesús apquilinmelhaycam enlhitaoc melyascalhma. Inlhenquic sat ancoc apquilvalhoc quellhip, melyampejec sat mataa najan melvatsamquejec sat actemaclha apquilyiplovquiscama. 4 Am eticyoc mocjam quellhip naysicsa apquilinmelhma melyascalhma. 5 ¿Inquilvoncacme ya quellhip apquiltomja Dios apquitquic actemaclha aplhanma ilhnic nat Dios? Intomjac nic nat Dios appayvam actalhesomalhca:
Lhip sictamongvoyam. Novinam nasa Visqui ingac aptomja apyanmongsayclha lhip aptemaclha apanco.
Nolvatesquim nasa apyiplovquiscama naysicsa apyanmongsayclha lhip aptemaclha apanco Visqui ingac.
6 Apyanmongsaclhec nintemaclha inganco Visqui ingac aptomja singasicjayo.
Apyanmongsaclhec mataa nintemaclha inganco singilpalhaquisa apmolhama
—nic nat intomjac Dios appayvam.
7 Elinlhanmojo sat quellhip naysicsa apyanmongsayclha apquiltemaclha apancaoc. Ayinyemaclha Dios aptomja apquitquic quellhip. ¿Apne ya lhama apquitca mepqui apcanem apyap yoyam elyejiclhojo? Ayanayquic coo paj. 8 Aptomjac mataa Dios apcanem elilyejiclhojo apquitquic. Am sat ancoc etnajac singanem Dios yoyam ongilyejiclhojo, mejingiltimjic sat apquitquic. Natamin ongiltimjic sat nincoo malha quipyap. 9 Aptomjac mataa ingilyap nincoo singilanem ongilyejiclhojo nintemaclha inquitcoc. Ningilyajaclhoc nincoo mataa. Incaymalhquic ongilyejiclhojoc mataa Ingyapam netin. Colhic sat mataa acyimnatem ingnenyic. 10 Acyavataclhojo nincoo ingilyap singilanem ongilyejiclhojo, acno mataa actemaclha aclhanma apvalhoc. Apquiltamjoc mataa jingilmeyvoc Ingyapam netin naysicsa apcanem ongilyejiclhojo. Apquiltamjoc jingiltimesquisic ningilpeyvomo, acno aptemaclha appeyvomo. 11 Asqueje inyicje siclho ninlingaycamco apyanmongsayclha nintemaclha inganco, cotnaja acpayjayclha ingvalhoc. Ningilyasingvoclhoc sat ancoc naysicsa ninlingaycamco, coyiplovjoc sat actamilaycam ingvalhoc ayinyema actemaclha acpeyvomo.
Singascama ongiltovacsic Dios appayvam
12 Elyimnaticsojo sat quellhip alyilcomalhca apmeoc najan alyilcomalhca aptapnaoc. 13 Elyiplov sat amay acpeyvomo. Coltamiliclhac sat apquillhingam apquilyateyaycam.
14 Elinlhanmojo apquilyiplovquiscama actemaclha actamilaycam ingvalhoc nipyesicsa aplhamoclhojo enlhitaoc. Eltamilsacpojo apanco quellhip. Mongvanquejec ongvita Visqui ingac mepqui ayalhnayo ingvalhoc najan mepqui ningiltamilcasomalhco inganco. 15 Elavojo quellhip elyinyoc Dios apcaycaoc. Noeltime nasa allom apquilvalhoc actomja malha singvoy nipyesicsa enlhitaoc. 16 Elavojo quellhip actemaclha ningilanatama. Noelvajanaoc nasa aptemaclha ilhnic nat Esaú. Apyinyovquic nic nat acvisay aptemaclha metnaja apquitcoc acyanmongam acvamlha lhama aptom. 17 Apquilyasamcoc quellhip. Apquiltamjoc nic nat inyicje Esaú yoyam elmalhnesquisic apyap asoc altamila ayinyema Dios. Aptamopamquic nic nat Esaú. Avanjec nic nat apvinama, ayinyemaclha am nic nat copvanac etniclha mocjam metnaja apquitcoc.
18 Apquilyipitcangveclhoc nic nat enlhitaoc Israel inquilhe acvinatem Sinaí. Apvancaac nic nat elpatningvomjo inquilhe acvinatem. Inmetquic nic nat as inquilhe. Incapquic nic nat yipjopay. Jalh olhma ilhnic nat intomjac. Inquilhtingyovquic nic nat. 19 Inlingalhquic nic nat trompeta acpayvascama. Inlingalhquic nic nat appayvam ayinyema Dios, malha ayilhtingyovayam nic nat intomjac. Lhama ilhnic nat apquillinga enlhitaoc as appayvam. Am nic nat colyacmoc elaylhojo mocjam actemaclha appayvam. 20 Am nic nat colcac apquilvalhoc apcanamaclha: “Invoclhec sat ancoc enlhit aptoscama yoyam cotatescamjoc inquilhe acvinatem quilhvoc sat comatong ayinyema apquilyicney mataymong” —nic nat intomjac apquilingay. 21 Avanjec nic nat apquilay enlhitaoc apquilvitamco asoc netin inquilhe. Aptomjac nic nat Moisés: “Avanjec sicpilhyinamam, ayacac coo” —nic nat aptomjac.
Am eltatescacmoc quellhip as inquilhe, am colhno apquiltemaclha ilhnic nat israelitas. 22 Apquiltatescacmec quellhip inquilhe acvisay Sión najan tingma apyiviy apmaclha Dios apquilmilaneycaoc najan tingma Jerusalén apyitna netin. Apquilvoclhec quellhip apcaneyquiclha appintalhnama ángeles, malha muchos miles, 23 yoyam eltimjic apquilayo Dios. Apquilvoclhec quellhip apcaneyquiclha Dios apmolhama acyitna apquilvisay acnatalhesomalhca netin. Apquilvoclhec quellhip apnaclha Dios aptomja apyicpilquemo aplhamoclhojo enlhitaoc najan apnaycamcaclha apquiljangaoc apquiltomja apquilpeyvomo napato Dios. 24 Apquilvoclhec quellhip apnaclha Jesús aptomja singyipitcasquiclha Dios ayinyema monquinatquiscama apmayjayoclha Dios aplhanma alhnancoc. Apquilvoclhec quellhip acyitnaclha em pac Jesús mayilhpajey quellhip. Actamila anco Jesucristo em pac acyinquinomalhca, am nic nat colhnoc Abel em pac acyinquinomalhca.
25 Eltamilsojo quellhip. Noelyinyov nasa aptomja singilpamejitquiscama. Apquilyinyovquic nic nat enlhitaoc Israel apvisqui apancaoc Moisés aptomja aplingascama apmayjayoclha Dios nipyesicsa. Apyanmongsaclhec nic nat Dios apquiltemaclha apancaoc enlhitaoc Israel. Ningyinyovquic sat ancoc Jesús aptomja singilpamejitquiscama apna netin, coyangvomoc sat apyanmongsayclha Dios nintemaclha inganco. 26 Inyovjam nic nat nalhpop ayinyema appayvam Dios. Aptomjac mocjam quilhvo nac jay: “Oyovjesam sat mocjam lhama nalhpop. Oyovjesam sat najan netin” —intomjac appayvam. 27 “Mocjam lhama” —intomjac appayvam. Ingilyascasingvocmec as appayvam yoyam cotniclhac alhnancoc netin najan as nalhpop. Ayinyemaclha comascoc sat netin najan nalhpop najan aclhamoclhojo asoc apquillanay nic nat Dios. Comasquejec sat mataa asoc mongmovan ongyovjesam. 28 Jingilmesic sat Dios apquilnancascama apanco actomja coyovjeycam. Ingilane sat ontimjic gracias Dios Ingyapam. Ningilayo ningiltomjac mataa Dios actemaclha apyisponcama. Pac ongilavojoc sat mataa Dios naysicsa ningiltimem gracias. 29 Ayinyemaclha Dios aptomja malha talha actomja acsovjomo asoc.
