Quilvana najan asoc navjac aclom
1 Acvitac alhta netin asoc monquinatquiscama acyiviy: Incapongmatquic alhta quilvana, malha acnim alhta intomjac ayalomalhca. Coning amancoc alhta apyitna piltin. Yitnec alhta acpocanma apcatic doce apyova. 2 Inlovsoc alhta intomjac quilvana. Inpayjam alhta atong ayinyema acmasca amamyi actimquiscama ayitca. 3 Natamin acvitac alhta mocjam asoc monquinatquiscama: Sinavocpo, malha nimisma acyiviy, acyilhvasem alhta. Siete alhta apcatcoc, najan diez inquipitaoc, najan insovjeycamco alhta alpocanma alyinmom apcatcoc. 4 Inmacjesam alhta ayicpacyic nipyesicsa apyova netin. Inpalsacmec alhta apyova aplhamoclhojo, malha tercera parte. Appalacmec alhta as nalhpop. Inyinavaac alhta sinavocpo ayinmamcaclha quilvana inlovso. Inquiljalhnec alhta sinavocpo yoyam cotimsic ayitca quilvana yoyam cotoc sat. 5 Aptiyacmec alhta ayitca apquinavo. Sat etnejic apvisqui. Esovc sat memong yayem vajic naysicsa apcanem enlhitaoc. Apmiyaclhec alhta netin ayitca apnaclha Dios apmaclha netin Visqui aptajanem. 6 Inquinyec alhta quilvana, yoclhilhma actamopeycaoc alhta inyasac. Invitac alhta quilvana apquillanesquiscama Dios yoyam colhic sat. Yoyam najan colhcac asoc alaymomalhca acvoncaclhojo, acvocmo mil doscientos sesenta acnim.
7 Yejemoc alhta sicvita apquilnapomap netin. Lhama ángel apyimtalhnamo apvisay Miguel, najan apquillhalhmaa apnaymacoc ángeles. Apquilnapacpec alhta sinavocpo. Inquilnapalhquic alhta najan sinavocpo najan allhalhmaa ángeles alasinancama. 8 Paj alhta acyimnatem sinavocpo. Paj alhta mocjam acmaclha netin. 9 Intipsalhquic alhta netin sinavocpo najan allhalhmaa, innec alhta alhantamo as nalhpop. Ayinyemaclha actomja mataa alsilhnanoncama enlhitaoc lhalhma anco. Actomja acvisay nano nimisma, moc acvisay yavey diablo najan acvisay yavey Satanás.
10 Aclingac alhta appayvam acyimnatem netin. Intomjac alhta:
—Invaac quilhvo ningilvomsomalhca tap ayinyema Dios najan apmopvan najan apcanamaclha Dios najan actemaclha apyimtalhnamo Cristo. Ayinyemaclha intipsalhquic netin yavey Satanás actomja allhanma mataa acnim najan alhtaa napato Dios apquiltemaclha ingilyalhinga. 11 Apmeleyjac ingilyalhinga, am colhnoc yavey Satanás. Apquilyimnatem ingilyalhinga ayinyema apquitsepma Nipquesic Apquitcoc najan ayinyema apquillingascama amyaa ayinyema Dios. Am alhta elmiyavac acyimnatem apnenyaoc acvocmo yoyam eticyo. 12 Elitsovacsojo sat quellhip aplhamoclhojo apnaycam netin. Enlhitaoc layi apnaycam nalhpop najan yingmin acvanyam. Ayinyemaclha invayventac yavey diablo nipyesicsa quellhip. Avanjec aclom, ayinyemaclha inyasamcoc actomja acyavataclhojo acma —alhta intomjac appayvam.
13 Invitamcoc alhta sinavocpo acyinyovalhco nalhpop. Yejemoc alhta acyamasa quilvana actimquiscama alhta ayitca. 14 Yejemoc alhta aclhoca quilvana anit alhimpancoc alvinatem. Mama apyiviy alhta aplhimpancoc. Yoyam comyaclhac mocjam yoclhilhma actamopeycaoc, acmaclha alhta tres años y medio. Aclhoyaclha alhta asoc alaymomalhca. Am alhta covoyacmo nimisma acyiviy. 15 Inquinyec alhta quilvana. Yejemoc alhta actipsa yingmin sinavocpo, malha ayinyema avalhoc sinavocpo yoyam covayvesamcoc quilvana. Malha vatsam alhta intomjaclhac yingmin. 16 Inmayjac alhta lhapop yoyam cotlhic yingmin actipquiscama sinavocpo. Invomsalhquic alhta tap quilvana. 17 Avanjec alhta aclom sinavocpo actanoncama quilvana. Inlhinquic alhta sinavocpo yoyam colnapalhca quilvana atovana. Ayinyemaclha apquilyiplovcasquic mataa quilvana atovana singanamaclha ayinyema Dios. Apquilyiplovcasquic najan amyaa ayinyema Jesucristo.
Quilvana najan asoc navjac aclom
1 Acvitac alhta netin asoc monquinatquiscama acyiviy: Incapongmatquic alhta quilvana, malha acnim alhta intomjac ayalomalhca. Coning amancoc alhta apyitna piltin. Yitnec alhta acpocanma apcatic doce apyova. 2 Inlovsoc alhta intomjac quilvana. Inpayjam alhta atong ayinyema acmasca amamyi actimquiscama ayitca. 3 Natamin acvitac alhta mocjam asoc monquinatquiscama: Sinavocpo, malha nimisma acyiviy, acyilhvasem alhta. Siete alhta apcatcoc, najan diez inquipitaoc, najan insovjeycamco alhta alpocanma alyinmom apcatcoc. 4 Inmacjesam alhta ayicpacyic nipyesicsa apyova netin. Inpalsacmec alhta apyova aplhamoclhojo, malha tercera parte. Appalacmec alhta as nalhpop. Inyinavaac alhta sinavocpo ayinmamcaclha quilvana inlovso. Inquiljalhnec alhta sinavocpo yoyam cotimsic ayitca quilvana yoyam cotoc sat. 5 Aptiyacmec alhta ayitca apquinavo. Sat etnejic apvisqui. Esovc sat memong yayem vajic naysicsa apcanem enlhitaoc. Apmiyaclhec alhta netin ayitca apnaclha Dios apmaclha netin Visqui aptajanem. 6 Inquinyec alhta quilvana, yoclhilhma actamopeycaoc alhta inyasac. Invitac alhta quilvana apquillanesquiscama Dios yoyam colhic sat. Yoyam najan colhcac asoc alaymomalhca acvoncaclhojo, acvocmo mil doscientos sesenta acnim.
7 Yejemoc alhta sicvita apquilnapomap netin. Lhama ángel apyimtalhnamo apvisay Miguel, najan apquillhalhmaa apnaymacoc ángeles. Apquilnapacpec alhta sinavocpo. Inquilnapalhquic alhta najan sinavocpo najan allhalhmaa ángeles alasinancama. 8 Paj alhta acyimnatem sinavocpo. Paj alhta mocjam acmaclha netin. 9 Intipsalhquic alhta netin sinavocpo najan allhalhmaa, innec alhta alhantamo as nalhpop. Ayinyemaclha actomja mataa alsilhnanoncama enlhitaoc lhalhma anco. Actomja acvisay nano nimisma, moc acvisay yavey diablo najan acvisay yavey Satanás.
10 Aclingac alhta appayvam acyimnatem netin. Intomjac alhta:
—Invaac quilhvo ningilvomsomalhca tap ayinyema Dios najan apmopvan najan apcanamaclha Dios najan actemaclha apyimtalhnamo Cristo. Ayinyemaclha intipsalhquic netin yavey Satanás actomja allhanma mataa acnim najan alhtaa napato Dios apquiltemaclha ingilyalhinga. 11 Apmeleyjac ingilyalhinga, am colhnoc yavey Satanás. Apquilyimnatem ingilyalhinga ayinyema apquitsepma Nipquesic Apquitcoc najan ayinyema apquillingascama amyaa ayinyema Dios. Am alhta elmiyavac acyimnatem apnenyaoc acvocmo yoyam eticyo. 12 Elitsovacsojo sat quellhip aplhamoclhojo apnaycam netin. Enlhitaoc layi apnaycam nalhpop najan yingmin acvanyam. Ayinyemaclha invayventac yavey diablo nipyesicsa quellhip. Avanjec aclom, ayinyemaclha inyasamcoc actomja acyavataclhojo acma —alhta intomjac appayvam.
13 Invitamcoc alhta sinavocpo acyinyovalhco nalhpop. Yejemoc alhta acyamasa quilvana actimquiscama alhta ayitca. 14 Yejemoc alhta aclhoca quilvana anit alhimpancoc alvinatem. Mama apyiviy alhta aplhimpancoc. Yoyam comyaclhac mocjam yoclhilhma actamopeycaoc, acmaclha alhta tres años y medio. Aclhoyaclha alhta asoc alaymomalhca. Am alhta covoyacmo nimisma acyiviy. 15 Inquinyec alhta quilvana. Yejemoc alhta actipsa yingmin sinavocpo, malha ayinyema avalhoc sinavocpo yoyam covayvesamcoc quilvana. Malha vatsam alhta intomjaclhac yingmin. 16 Inmayjac alhta lhapop yoyam cotlhic yingmin actipquiscama sinavocpo. Invomsalhquic alhta tap quilvana. 17 Avanjec alhta aclom sinavocpo actanoncama quilvana. Inlhinquic alhta sinavocpo yoyam colnapalhca quilvana atovana. Ayinyemaclha apquilyiplovcasquic mataa quilvana atovana singanamaclha ayinyema Dios. Apquilyiplovcasquic najan amyaa ayinyema Jesucristo.
