1 Quellhip elyalhinga. Eycaso actemaclha aplhanma ilhnic nat Dios actomja nasoc anco. Nincoo ilhnic nat ingillhenac. Incaymalhquic ongilvatsamcoc actemaclha actomja acpaysimquiscama ningyovoclhojo nincoo najan acpaysimquiscama ingvalhoc ingac. Incaymalhquic nincoo ongiltamilsalhcojo inganco napato Dios.
Apquilyanmonquiscama apquilvalhoc co Corinto
2 Ningiltamjoc nincoo yoyam jingilasicjojo mocjam quellhip. Am alhta ongillanac lhama asoc acmasom nipyesicsa quellhip. Am alhta ongiltovasac lhama nipyesicsa quellhip, am alhta najan ongilyinimcasac. 3 Eycaso cotnaja siclhanma quellhip yoyam elnatjojo. Altimnasquic alhta siclho quellhip: Ongilinlhanmojoc sat ninpasmeyquiclha quellhip naysicsa ningileyvam najan naysicsa ningitsepma. 4 Am oyascacmoc coo apquiltemaclha quellhip. Aclhenquic coo mataa apquiltemaclha actamila quellhip yoyam colhic alaco. Avanjec mataa acpayjayclha evalhoc naysicsa siclingaycamco acmasca.
5 Acvoclhec alhta yoclhilhma Macedonia. Mepqui sicnaycam alhta actomjac acnim najan alhtaa. Yimtilhec alhta siclingaycamco acmasca. Yitnec alhta silnapomalhca, yitnec najan ayay evalhoc. 6 Lhama alhta apvactamo ingyalhing Tito. Yejemoc alhta actamilaclho evalhoc ayinyema Dios. Ayinyemaclha Dios ayinyema mataa aptamilquisquiyam ingvalhoc. 7 Payjeclhec alhta evalhoc, jave acvamlha ayinyema apvoycta ingyalhing Tito, eyca ayinyema singiltimnascama amyaa actamila ayinyema quellhip. Ingiltimnasquic alhta actemaclha alipvoyam quellhip apquiltemo jingvita. Najan actemaclha alyitnocjayo apquilvalhoc quellhip ayinyema alhta apquiltemaclha nipyesicsa quellhip. Najan actemaclha selmasma quellhip yoyam jelpasmoc. Payjeclhec alhta evalhoc siclinga as amyaa.
8 Actalhescasquic alhta quellhip lhama vaycajac. Inyitnocjasquic alhta apquilvalhoc quellhip. Am eyca coyitnocjac coo evalhoc. Inyitnocjavoc alhta siclho evalhoc, ayinyemaclha sicvita actemaclha alyitnocjayo apquilvalhoc acyavataclhojo. 9 Payjeclhec evalhoc quilhvo nac jay. Jave ayinyema sicyitnocjascama apquilvalhoc quellhip. Eyca ayinyemaclha sicvita actemaclha apquilyanmonquiscama apquilvalhoc ayinyema alhta siclho alyitnocjayo apquilvalhoc. Eycaso actomja alhta apmayjayoclha Dios. Am alhta ollanac lhama asoc acmasom nipyesicsa quellhip. 10 Yitnec sat ancoc acyitnocjayo ingvalhoc actemaclha apmayjayoclha Dios, coyiplovjoc sat ningyanmonquiscama ingvalhoc yoyam ongilvomsalhcac tap. Coyitnocjejec sat mataa ingvalhoc ningiltomja ningyanmonquiscama ingvalhoc. Moc actemaclha mataa acyitnocjayo apquilvalhoc enlhit lhalhma anco, yiplovcoc mataa actemaclha ningitsepma.
11 Yitnec alhta acyitnocjayo apquilvalhoc quellhip actemaclha apmayjayoclha Dios. Quip elanojo actemaclha alhta actamila, ayinyemaclha yiplovcoc alhta apquilyanmonquiscama apquilvalhoc. Yiplovcoc alhta najan apquilvascapma quellhip. Yiplovcoc alhta najan selmasma quellhip yoyam jelpasmoc. Inquillovquic alhta apquilvalhoc selmasma coo. Inquilacoc alhta apnenyaoc quellhip. Apquililtamjoc quellhip jelvita coo. Apquililtamjoc quellhip elyanmongsiclha aptemaclha apanco ingyalhing apmapsom. Apquillhicmosquic quellhip yoyam cotalhcac apquiltemaclha quellhip mepqui apquilsilhnanomap. 12 Actalhescasquic alhta quellhip. Am oltamjoc olhenic ingyalhing aptomja acnatjesaycam najan ingyalhing aptomja apnatjemo. Altamjoc alhta yoyam cotalhcac napato Dios actemaclha aclheneycam ingvalhoc quellhip. 13 Eycaso actomja actamilquisquiyam ingilvalhoc.
Inyangvocmec alhta acpayjayclha evalhoc sicvita ingyalhing Tito actemaclha acpayjayclha apvalhoc. Ayinyemaclha apquilpayesaclhec alhta quellhip apvalhoc Tito apna alhta nipyesicsa quellhip. 14 Altimnasquic alhta ingyalhing Tito actemaclha siyayo quellhip. Altimnasquic alhta Tito actomja nasoc anco, acno alhta mataa siltimnascama quellhip amyaa actomja nasoc anco. 15 Inyangvocmec apcasicjayo ingyalhing Tito quellhip. Ayinyemaclha inlhenquic mataa apvalhoc actemaclha apquiljalhenmo quellhip najan actemaclha alhta apquilmam tacja quellhip. Yiplovcoc alhta ayay najan acpilhyinamam apquilvalhoc quellhip. 16 Payjeclhec evalhoc coo, ayinyemaclha am oyascacmoc apquiltemaclha quellhip.
1 Quellhip elyalhinga. Eycaso actemaclha aplhanma ilhnic nat Dios actomja nasoc anco. Nincoo ilhnic nat ingillhenac. Incaymalhquic ongilvatsamcoc actemaclha actomja acpaysimquiscama ningyovoclhojo nincoo najan acpaysimquiscama ingvalhoc ingac. Incaymalhquic nincoo ongiltamilsalhcojo inganco napato Dios.
Apquilyanmonquiscama apquilvalhoc co Corinto
2 Ningiltamjoc nincoo yoyam jingilasicjojo mocjam quellhip. Am alhta ongillanac lhama asoc acmasom nipyesicsa quellhip. Am alhta ongiltovasac lhama nipyesicsa quellhip, am alhta najan ongilyinimcasac. 3 Eycaso cotnaja siclhanma quellhip yoyam elnatjojo. Altimnasquic alhta siclho quellhip: Ongilinlhanmojoc sat ninpasmeyquiclha quellhip naysicsa ningileyvam najan naysicsa ningitsepma. 4 Am oyascacmoc coo apquiltemaclha quellhip. Aclhenquic coo mataa apquiltemaclha actamila quellhip yoyam colhic alaco. Avanjec mataa acpayjayclha evalhoc naysicsa siclingaycamco acmasca.
5 Acvoclhec alhta yoclhilhma Macedonia. Mepqui sicnaycam alhta actomjac acnim najan alhtaa. Yimtilhec alhta siclingaycamco acmasca. Yitnec alhta silnapomalhca, yitnec najan ayay evalhoc. 6 Lhama alhta apvactamo ingyalhing Tito. Yejemoc alhta actamilaclho evalhoc ayinyema Dios. Ayinyemaclha Dios ayinyema mataa aptamilquisquiyam ingvalhoc. 7 Payjeclhec alhta evalhoc, jave acvamlha ayinyema apvoycta ingyalhing Tito, eyca ayinyema singiltimnascama amyaa actamila ayinyema quellhip. Ingiltimnasquic alhta actemaclha alipvoyam quellhip apquiltemo jingvita. Najan actemaclha alyitnocjayo apquilvalhoc quellhip ayinyema alhta apquiltemaclha nipyesicsa quellhip. Najan actemaclha selmasma quellhip yoyam jelpasmoc. Payjeclhec alhta evalhoc siclinga as amyaa.
8 Actalhescasquic alhta quellhip lhama vaycajac. Inyitnocjasquic alhta apquilvalhoc quellhip. Am eyca coyitnocjac coo evalhoc. Inyitnocjavoc alhta siclho evalhoc, ayinyemaclha sicvita actemaclha alyitnocjayo apquilvalhoc acyavataclhojo. 9 Payjeclhec evalhoc quilhvo nac jay. Jave ayinyema sicyitnocjascama apquilvalhoc quellhip. Eyca ayinyemaclha sicvita actemaclha apquilyanmonquiscama apquilvalhoc ayinyema alhta siclho alyitnocjayo apquilvalhoc. Eycaso actomja alhta apmayjayoclha Dios. Am alhta ollanac lhama asoc acmasom nipyesicsa quellhip. 10 Yitnec sat ancoc acyitnocjayo ingvalhoc actemaclha apmayjayoclha Dios, coyiplovjoc sat ningyanmonquiscama ingvalhoc yoyam ongilvomsalhcac tap. Coyitnocjejec sat mataa ingvalhoc ningiltomja ningyanmonquiscama ingvalhoc. Moc actemaclha mataa acyitnocjayo apquilvalhoc enlhit lhalhma anco, yiplovcoc mataa actemaclha ningitsepma.
11 Yitnec alhta acyitnocjayo apquilvalhoc quellhip actemaclha apmayjayoclha Dios. Quip elanojo actemaclha alhta actamila, ayinyemaclha yiplovcoc alhta apquilyanmonquiscama apquilvalhoc. Yiplovcoc alhta najan apquilvascapma quellhip. Yiplovcoc alhta najan selmasma quellhip yoyam jelpasmoc. Inquillovquic alhta apquilvalhoc selmasma coo. Inquilacoc alhta apnenyaoc quellhip. Apquililtamjoc quellhip jelvita coo. Apquililtamjoc quellhip elyanmongsiclha aptemaclha apanco ingyalhing apmapsom. Apquillhicmosquic quellhip yoyam cotalhcac apquiltemaclha quellhip mepqui apquilsilhnanomap. 12 Actalhescasquic alhta quellhip. Am oltamjoc olhenic ingyalhing aptomja acnatjesaycam najan ingyalhing aptomja apnatjemo. Altamjoc alhta yoyam cotalhcac napato Dios actemaclha aclheneycam ingvalhoc quellhip. 13 Eycaso actomja actamilquisquiyam ingilvalhoc.
Inyangvocmec alhta acpayjayclha evalhoc sicvita ingyalhing Tito actemaclha acpayjayclha apvalhoc. Ayinyemaclha apquilpayesaclhec alhta quellhip apvalhoc Tito apna alhta nipyesicsa quellhip. 14 Altimnasquic alhta ingyalhing Tito actemaclha siyayo quellhip. Altimnasquic alhta Tito actomja nasoc anco, acno alhta mataa siltimnascama quellhip amyaa actomja nasoc anco. 15 Inyangvocmec apcasicjayo ingyalhing Tito quellhip. Ayinyemaclha inlhenquic mataa apvalhoc actemaclha apquiljalhenmo quellhip najan actemaclha alhta apquilmam tacja quellhip. Yiplovcoc alhta ayay najan acpilhyinamam apquilvalhoc quellhip. 16 Payjeclhec evalhoc coo, ayinyemaclha am oyascacmoc apquiltemaclha quellhip.