Apquiltemaclha sacerdotes levitas
1 Apyovoclhojo sacerdote levitas apquiltomja apquilmolhama tribu Leví. Am alhta ellhocac amyipayc apquileyvomaclha. Apquillhocac alhta apnaymacoc israelitas. Elpasmoc sat mataa sacerdotes eltovamcoc ofrendas macmescama Dios, najan moc asoc apquillhoy. 2 Mepqui apquillhoy amyipayc, eltimesam sat Dios, acno apcanama siclho Dios.
3 Apvancaac mataa sacerdotes ellhovamcoc nintom ayinyema ofrendas macmescama Dios apnatoscama acticyovam: acvisay espaldilla, najan quijada, najan cuajar avocmo vayqui (apvocmo nipquesic). 4 Ellhovamcoc sat sacerdotes trigo apyilhna siclha apvitay, najan uva ayingmenic, najan aceite, najan nipquesic apva siclha apquilyesiscama. 5 Dios alhta apquilyacyescama siclho nipyesicsa apquilmolhama tribus, eltimjic sat enlhitaoc levitas najan apquitquic sacerdotes apquiltimesaycam Dios.
6 Apquilhpanec napocja levitas apnaycam tingma mocjay apquileyvomaclha israelitas. Apvanquic levitas emyaclhac carpa apponquinomap apvamlha pac lhama. 7 Apvanquic epalhavomoc sat apnaymacoc sacerdotes, etnesam sat maa Dios, apno apquiltimesaycam apnaymacoc. 8 Elhcac sat nintom najan moc asoc, acno apquillhoy mataa apnaymacoc.
Apquiltemaclha apyojolhma
9 Elvitac sat quellhip yoclhilhma apquilvoycamlha. Noelvajanaoc nasa apquiltemaclha actomja apquilaoclha. 10 Colapvanquejec quellhip elhnasojoc apquiltemaclha metnaja israelitas: apquilajac apquitquic actemaclha macmescama quilaycmasquiscama, acyiplomo apquilvatnama talha, najan apquiltemaclha adivinación apquilyascamco ningilvanmoncama, najan apquilyascamco asoc yoyam colvac sat, najan apquilyojolhma apquilavnama poc. , 11 Noeltingya nasa apmopvan apquilvanmoncama, najan apmopvan ingyacsic yavey, najan apmopvan epamejitsacpoc apquiljangaoc. 12 Aptanovquic mataa Dios apquiltemaclha maa. Enatovasacpoc sat as enlhitaoc actomja apquilaoclha, ayinyema apquiltemaclha apancaoc almasomcaa. 13 Eltime sat quellhip apquilpeyvomo napato Dios. 14 Elvitac sat quellhip yoclhilhma apquilvoycamlha, elvitac sat apquiltemaclha apquilyascamco asoc yoyam colvac sat, najan adivinos apquilmopvan apquilvanmoncama. Apmiyovquic Dios elvajanamcoc quellhip apquiltemaclha apancaoc.
Profetas Dios apquillingascama
15 Ingyanic sat Dios, elhic sat lhama profeta sicno coo nipyesicsa quellhip, ellaylhojo sat mataa appayvam. 16 Naso, apcaneclhec alhta siclho quellhip payjoc inquilhe acvinatem Horeb (Sinaí), apquiltomja quellhip apquilanya: Mongvanquejec ongilaylhojo appayvam ayinyema Dios, mongvanquejec mataa ongilanojo talha acvanyam, jingajic sat — alhta apquiltomjac.
17 Aptomjac alhta Dios seyanya coo: Payjoc apquillhanma enlhit. 18 Ongvanic sat profeta apno lhip nipyesicsa apnaymacoc, etnejic sat aplingascama siyanamaclha najan aplingascama sicpayvam. 19 Am sat ancoc eljalhnoc enlhitaoc sicpayvam aplingascama profeta, oyanmongsiclhac sat apquiltemaclha apancaoc. 20 Apnec sat ancoc profeta metnaja aplingascama sicpayvam, aptomja eyca aplingascama acvisay quilaycmasquiscama acyitsomalhca dios, ematong sat as profeta. 21 Yitnec sat ancoc aclhanma apquilvalhoc: ¿Co laa actema ongilyasamcojo aplingascama profeta, naso ya ayinyema Dios? — intomjac apquilvalhoc. Elyasamcojo quellhip, noelquinatquis nasa: 22 Am sat ancoc elvitac quellhip covac asoc, aplhanma siclho profeta, aptomja apmopvan amyaa aplingascama sicpayvam. Aptomja eyca aplingascama ayinyema ayajamalhco apvalhoc, incaymalhquic elyascomoc quellhip.
Apquiltemaclha sacerdotes levitas
1 Apyovoclhojo sacerdote levitas apquiltomja apquilmolhama tribu Leví. Am alhta ellhocac amyipayc apquileyvomaclha. Apquillhocac alhta apnaymacoc israelitas. Elpasmoc sat mataa sacerdotes eltovamcoc ofrendas macmescama Dios, najan moc asoc apquillhoy. 2 Mepqui apquillhoy amyipayc, eltimesam sat Dios, acno apcanama siclho Dios.
3 Apvancaac mataa sacerdotes ellhovamcoc nintom ayinyema ofrendas macmescama Dios apnatoscama acticyovam: acvisay espaldilla, najan quijada, najan cuajar avocmo vayqui (apvocmo nipquesic). 4 Ellhovamcoc sat sacerdotes trigo apyilhna siclha apvitay, najan uva ayingmenic, najan aceite, najan nipquesic apva siclha apquilyesiscama. 5 Dios alhta apquilyacyescama siclho nipyesicsa apquilmolhama tribus, eltimjic sat enlhitaoc levitas najan apquitquic sacerdotes apquiltimesaycam Dios.
6 Apquilhpanec napocja levitas apnaycam tingma mocjay apquileyvomaclha israelitas. Apvanquic levitas emyaclhac carpa apponquinomap apvamlha pac lhama. 7 Apvanquic epalhavomoc sat apnaymacoc sacerdotes, etnesam sat maa Dios, apno apquiltimesaycam apnaymacoc. 8 Elhcac sat nintom najan moc asoc, acno apquillhoy mataa apnaymacoc.
Apquiltemaclha apyojolhma
9 Elvitac sat quellhip yoclhilhma apquilvoycamlha. Noelvajanaoc nasa apquiltemaclha actomja apquilaoclha. 10 Colapvanquejec quellhip elhnasojoc apquiltemaclha metnaja israelitas: apquilajac apquitquic actemaclha macmescama quilaycmasquiscama, acyiplomo apquilvatnama talha, najan apquiltemaclha adivinación apquilyascamco ningilvanmoncama, najan apquilyascamco asoc yoyam colvac sat, najan apquilyojolhma apquilavnama poc. , 11 Noeltingya nasa apmopvan apquilvanmoncama, najan apmopvan ingyacsic yavey, najan apmopvan epamejitsacpoc apquiljangaoc. 12 Aptanovquic mataa Dios apquiltemaclha maa. Enatovasacpoc sat as enlhitaoc actomja apquilaoclha, ayinyema apquiltemaclha apancaoc almasomcaa. 13 Eltime sat quellhip apquilpeyvomo napato Dios. 14 Elvitac sat quellhip yoclhilhma apquilvoycamlha, elvitac sat apquiltemaclha apquilyascamco asoc yoyam colvac sat, najan adivinos apquilmopvan apquilvanmoncama. Apmiyovquic Dios elvajanamcoc quellhip apquiltemaclha apancaoc.
Profetas Dios apquillingascama
15 Ingyanic sat Dios, elhic sat lhama profeta sicno coo nipyesicsa quellhip, ellaylhojo sat mataa appayvam. 16 Naso, apcaneclhec alhta siclho quellhip payjoc inquilhe acvinatem Horeb (Sinaí), apquiltomja quellhip apquilanya: Mongvanquejec ongilaylhojo appayvam ayinyema Dios, mongvanquejec mataa ongilanojo talha acvanyam, jingajic sat — alhta apquiltomjac.
17 Aptomjac alhta Dios seyanya coo: Payjoc apquillhanma enlhit. 18 Ongvanic sat profeta apno lhip nipyesicsa apnaymacoc, etnejic sat aplingascama siyanamaclha najan aplingascama sicpayvam. 19 Am sat ancoc eljalhnoc enlhitaoc sicpayvam aplingascama profeta, oyanmongsiclhac sat apquiltemaclha apancaoc. 20 Apnec sat ancoc profeta metnaja aplingascama sicpayvam, aptomja eyca aplingascama acvisay quilaycmasquiscama acyitsomalhca dios, ematong sat as profeta. 21 Yitnec sat ancoc aclhanma apquilvalhoc: ¿Co laa actema ongilyasamcojo aplingascama profeta, naso ya ayinyema Dios? — intomjac apquilvalhoc. Elyasamcojo quellhip, noelquinatquis nasa: 22 Am sat ancoc elvitac quellhip covac asoc, aplhanma siclho profeta, aptomja apmopvan amyaa aplingascama sicpayvam. Aptomja eyca aplingascama ayinyema ayajamalhco apvalhoc, incaymalhquic elyascomoc quellhip.
