Actemaclha ningayo Visqui ingac
1 Otnejic sat mataa siyayo Visqui ingac aclhamoclhojo acnim.
Molvaticsejec sat mataa actemaclha siyayo.
2 Avanjec siyayo Visqui ingac, malha ayajamalhco evalhoc.
Quip elaylhojo quellhip, elitsovacsojo apquiltomja mepqui ayajamalhco apquilvalhoc.
3 Ontimjic sat nimpasmeyquiclha ningilayo, aptomja apyimtalhnamo apanco Visqui ingac.
4 Ayitamquic alhta Visqui ingac.
Aplingoc alhta sicpayvam.
Apmascosquic alhta Visqui ingac actemaclha ayay evalhoc.
5 Ningilan'oc sat ancoc Visqui ingac, copayjiclhac sat ingilvalhoc.
Malha ningilapongmatem sat ongiltimjic.
Colhnanmejec sat mataa ningaat.
6 Ayevam alhta coo Visqui ajac naysicsa siclingaycamco acyimtalhnama.
Apmascosquic alhta actemaclha ayay evalhoc.
7 Ángel Visqui ingac apcasinancama aptomja singmasma najan singvomquiscama tap.
Ningiltomja ningilayo Visqui ingac.
8 Elanojo sat quellhip, elyipcon sat aptemaclha aptamila Visqui ingac.
Apquilinyejemoc anco enlhit aptomja apcayo Visqui ingac.
9 Eltime sat apquilayo quellhip apquiltomja Visqui ingac apquilyacyescama.
Coymalhquejec mataa asoc apquiltomja apquilayo.
10 Mayic sat colnapoc enlhit acma apquilnatam.
Mepqui asoc sat eltimiclha.
Coymalhquejec mataa asoc altamila apquiltomja apquilyiplovquiscama Visqui ingac.
11 Quellhip enaymacoc. Ellhingma jilip.
Elaylhojo sicpayvam.
Pac olhicmocsic actemaclha ningayo Visqui ingac.
12 ¿Apquiltamjo ya lhquip etyisam aclhamoclhojo acnim?
¿Apquiltamjo ya lhquip copayjiclha apvalhoc aclhamoclhojo acnim?
13 Itamilsojo sat mataa appayvam.
Notne nasa apmopvan amyaa.
14 Ilvates actemaclha acmasom, iyiplovcasojo actemaclha actamila najan actemaclha nintamilcasomalhco inganco.
15 Visqui ingac aptomja aptamilquiscama enlhit apquilpeyvomo.
Apjalhnoc mataa actemaclha apquililmalhnaycam.
16 Aptanovquic mataa Visqui ingac apquiltomja apquilmapsomcaa.
Comascoc sat apquillhenamap niptamin.
17 Apjalhnoc Visqui ingac apquilmalhnaycam enlhit apquilpeyvomo.
Apmascosquic mataa actemaclha ayay apquilvalhoc.
18 Ningatoc apnac mataa Visqui ingac.
Apquiltamjoc jingilvomsic tap naysicsa aclingaycamco ingilvalhoc, naysicsa acmasquingvoyam mongyasquiyam.
19 Mongvanquejec nincoo mepqui ninlingaycamco acyimtalhnama ningilvisay ningilpeyvomo.
Jingilvomsic sat mataa tap Visqui ingac naysicsa ninlingaycamco acyimtalhnama.
20 Aptamilcasquic mataa ningyovoclhojo Visqui.
Am colhejec mataa ayintasa ingilhquipcoc.
21 Elitsapoc sat apquilmapsomcaa.
Apquiltemaclha acmasom sat colnapoc.
Colhic sat acyanmongseclho apquiltomja singilinmelhaycam ningilvisay ningilpeyvomo.
22 Singmasma aptomja Visqui ingac ningiltomja ningiltimesaycam.
Nintimec sat ancoc ningilayo Visqui ingac, mongilsilhnanalhquejec sat napato.
Actemaclha ningayo Visqui ingac
1 Otnejic sat mataa siyayo Visqui ingac aclhamoclhojo acnim.
Molvaticsejec sat mataa actemaclha siyayo.
2 Avanjec siyayo Visqui ingac, malha ayajamalhco evalhoc.
Quip elaylhojo quellhip, elitsovacsojo apquiltomja mepqui ayajamalhco apquilvalhoc.
3 Ontimjic sat nimpasmeyquiclha ningilayo, aptomja apyimtalhnamo apanco Visqui ingac.
4 Ayitamquic alhta Visqui ingac.
Aplingoc alhta sicpayvam.
Apmascosquic alhta Visqui ingac actemaclha ayay evalhoc.
5 Ningilan'oc sat ancoc Visqui ingac, copayjiclhac sat ingilvalhoc.
Malha ningilapongmatem sat ongiltimjic.
Colhnanmejec sat mataa ningaat.
6 Ayevam alhta coo Visqui ajac naysicsa siclingaycamco acyimtalhnama.
Apmascosquic alhta actemaclha ayay evalhoc.
7 Ángel Visqui ingac apcasinancama aptomja singmasma najan singvomquiscama tap.
Ningiltomja ningilayo Visqui ingac.
8 Elanojo sat quellhip, elyipcon sat aptemaclha aptamila Visqui ingac.
Apquilinyejemoc anco enlhit aptomja apcayo Visqui ingac.
9 Eltime sat apquilayo quellhip apquiltomja Visqui ingac apquilyacyescama.
Coymalhquejec mataa asoc apquiltomja apquilayo.
10 Mayic sat colnapoc enlhit acma apquilnatam.
Mepqui asoc sat eltimiclha.
Coymalhquejec mataa asoc altamila apquiltomja apquilyiplovquiscama Visqui ingac.
11 Quellhip enaymacoc. Ellhingma jilip.
Elaylhojo sicpayvam.
Pac olhicmocsic actemaclha ningayo Visqui ingac.
12 ¿Apquiltamjo ya lhquip etyisam aclhamoclhojo acnim?
¿Apquiltamjo ya lhquip copayjiclha apvalhoc aclhamoclhojo acnim?
13 Itamilsojo sat mataa appayvam.
Notne nasa apmopvan amyaa.
14 Ilvates actemaclha acmasom, iyiplovcasojo actemaclha actamila najan actemaclha nintamilcasomalhco inganco.
15 Visqui ingac aptomja aptamilquiscama enlhit apquilpeyvomo.
Apjalhnoc mataa actemaclha apquililmalhnaycam.
16 Aptanovquic mataa Visqui ingac apquiltomja apquilmapsomcaa.
Comascoc sat apquillhenamap niptamin.
17 Apjalhnoc Visqui ingac apquilmalhnaycam enlhit apquilpeyvomo.
Apmascosquic mataa actemaclha ayay apquilvalhoc.
18 Ningatoc apnac mataa Visqui ingac.
Apquiltamjoc jingilvomsic tap naysicsa aclingaycamco ingilvalhoc, naysicsa acmasquingvoyam mongyasquiyam.
19 Mongvanquejec nincoo mepqui ninlingaycamco acyimtalhnama ningilvisay ningilpeyvomo.
Jingilvomsic sat mataa tap Visqui ingac naysicsa ninlingaycamco acyimtalhnama.
20 Aptamilcasquic mataa ningyovoclhojo Visqui.
Am colhejec mataa ayintasa ingilhquipcoc.
21 Elitsapoc sat apquilmapsomcaa.
Apquiltemaclha acmasom sat colnapoc.
Colhic sat acyanmongseclho apquiltomja singilinmelhaycam ningilvisay ningilpeyvomo.
22 Singmasma aptomja Visqui ingac ningiltomja ningiltimesaycam.
Nintimec sat ancoc ningilayo Visqui ingac, mongilsilhnanalhquejec sat napato.
