1 Apquilpenasquic nic nat apquillanay apquilmaycam tingma apponquinomap acno ilhnic nat apcanama Salomón. Apsovjoc nic nat Salomón moc apquilmaycam allanomalhca oro najan plata, actomja ilhnic nat siclho David apyap ninga apanco. Apninquinquic nic nat Salomón depósito acnaycamcolha asoc acmamnave congne tingma apponquinomap.
Yamit aysicsic acyitnamaclha Dios appayvam
(1~R 8.1-11)2 Apcansaclhec nic nat Salomón tingma Jerusalén apquilviscaa mayayo, najan apquilviscaa apquilmolhama tribus, najan apquilmolhama apquilyapmayc israelitas. Apquilanyacpec nic nat eltiyaningvomjo najan elpatmenta yamit aysicsic acyitnamaclha Dios appayvam, acyitna Tingma David, moc acvisay Sión. 3 Acnim fiesta ilhnic nat intomjac jamilh, piltin septimo, apcaneclho israelitas maa. 4 Apquilvoctac nic nat apquilvanyam co Israel. Apquilpatmaoclhec nic nat levitas yamit aysicsic acyitnamaclha Dios appayvam, 5 najan maa carpa apponquinomap, najan acyovoclhojo apquilmaycam alponquinomalhca, apquilpatmaoclho ilhnic nat sacerdotes najan levitas. 6 Apnec nic nat apvisqui Salomón payjoc yamitaysicsic acyitnamaclha Dios appayvam, najan maa apyovoclhojo israelitas. Apquilnapquic nic nat apnatoscama nipquesic najan vayqui macmescama Dios, cotlaycaoc, mongmovan ongilyipsitic. 7 Apquilpatmaoclhec nic nat sacerdotes yamit aysicsic acyitnamaclha Dios appayvam, apquilpiquena apvalhoc tingma apponquinomap, payjoc apvalhoc Santísimo apponquinomap apanco, payjoc coning quilaycmasquiscama acma alhimpancoc. 8 Inquilpayesquic nic nat alhimpancoc quilaycmasquiscama tacjalhit yamit aysicsic acyitnamaclha Dios appayvam najan tacjalhit ningilmaycam travesaños. 9 Ajolhec nic nat yamit ningilmaycam travesaños, acvaycmo alhancoc Santo apponquinomap, ningatoc aplhancoc Santísimo apponquinomap. Am nic nat colvitalhcac maa. Yitnec nic nat mataa maa, acvaycmo acnim actalhesomalhca as vaycajac. 10 Yitnec nic nat congne yamitaysicsic anit mataymong nicjaa, appicanma ilhnic nat Moisés avalhoc maa, payjoc inquilhe acvinatem Horeb, moc acvisay mataymong acnatalhesomalhca pacto ningmiyovmalhca Visqui ingac nipyesicsa enlhitaoc Israel apquilyamasma ilhnic nat yoclhilhma Egipto.
11 Apquilantipquic nic nat apvalhoc Santo apponquinomap sacerdotes. Apquilpenasquic nic nat apquillanayclha apquilvalhoc apyovoclhojo sacerdotes, najan maa poc mepqui apquiltimesaycam as acnim. 12 Apcanam nic nat levitas apquilminaycmascama: Asaf, najan Hemán, najan Jedutún, apquilpasmeyquiclha apquitquic najan apquilmolhama, apma apava apquilantalhnama lino. Apquilmaycam nic nat salterios najan arpas apquilpayvascama. Najan maa sacerdotes ciento veinte apquilpayvascama trompetas. Apcanam nic nat payjoc altar actiyapmaclha acnim.
13 Apquilpayvasquic nic nat apquilpasmeyquiclha trompetas, najan maa apquilminaycmascama, yoyam colhic ayaco najan gracias Dios Visqui ingac. Apquilpayvasquic nic nat naysicsa apquilminaycmascama, apquilmaycam música, najan trompetas najan platillos. Apquilminaycmasquic nic nat: Eltime sat apquilayo Dios aptomja aptamila apanco, aptomja singasicjayo cotmongvoycamlha nelha— nic nat intomjac apquilminaycmascama. Pilapcasquic nic nat acvitalhco lhama congne tingma apponquinomap. 14 Apquilvitac nic nat sacerdotes as yipjopay, actomja ayinmelhaycam naysicsa apquiltamjaycam culto, ayinyema gloria apcapongmatem Dios apanco acyitna congne tingma apponquinomap.
1 Apquilpenasquic nic nat apquillanay apquilmaycam tingma apponquinomap acno ilhnic nat apcanama Salomón. Apsovjoc nic nat Salomón moc apquilmaycam allanomalhca oro najan plata, actomja ilhnic nat siclho David apyap ninga apanco. Apninquinquic nic nat Salomón depósito acnaycamcolha asoc acmamnave congne tingma apponquinomap.
Yamit aysicsic acyitnamaclha Dios appayvam
(1~R 8.1-11)2 Apcansaclhec nic nat Salomón tingma Jerusalén apquilviscaa mayayo, najan apquilviscaa apquilmolhama tribus, najan apquilmolhama apquilyapmayc israelitas. Apquilanyacpec nic nat eltiyaningvomjo najan elpatmenta yamit aysicsic acyitnamaclha Dios appayvam, acyitna Tingma David, moc acvisay Sión. 3 Acnim fiesta ilhnic nat intomjac jamilh, piltin septimo, apcaneclho israelitas maa. 4 Apquilvoctac nic nat apquilvanyam co Israel. Apquilpatmaoclhec nic nat levitas yamit aysicsic acyitnamaclha Dios appayvam, 5 najan maa carpa apponquinomap, najan acyovoclhojo apquilmaycam alponquinomalhca, apquilpatmaoclho ilhnic nat sacerdotes najan levitas. 6 Apnec nic nat apvisqui Salomón payjoc yamitaysicsic acyitnamaclha Dios appayvam, najan maa apyovoclhojo israelitas. Apquilnapquic nic nat apnatoscama nipquesic najan vayqui macmescama Dios, cotlaycaoc, mongmovan ongilyipsitic. 7 Apquilpatmaoclhec nic nat sacerdotes yamit aysicsic acyitnamaclha Dios appayvam, apquilpiquena apvalhoc tingma apponquinomap, payjoc apvalhoc Santísimo apponquinomap apanco, payjoc coning quilaycmasquiscama acma alhimpancoc. 8 Inquilpayesquic nic nat alhimpancoc quilaycmasquiscama tacjalhit yamit aysicsic acyitnamaclha Dios appayvam najan tacjalhit ningilmaycam travesaños. 9 Ajolhec nic nat yamit ningilmaycam travesaños, acvaycmo alhancoc Santo apponquinomap, ningatoc aplhancoc Santísimo apponquinomap. Am nic nat colvitalhcac maa. Yitnec nic nat mataa maa, acvaycmo acnim actalhesomalhca as vaycajac. 10 Yitnec nic nat congne yamitaysicsic anit mataymong nicjaa, appicanma ilhnic nat Moisés avalhoc maa, payjoc inquilhe acvinatem Horeb, moc acvisay mataymong acnatalhesomalhca pacto ningmiyovmalhca Visqui ingac nipyesicsa enlhitaoc Israel apquilyamasma ilhnic nat yoclhilhma Egipto.
11 Apquilantipquic nic nat apvalhoc Santo apponquinomap sacerdotes. Apquilpenasquic nic nat apquillanayclha apquilvalhoc apyovoclhojo sacerdotes, najan maa poc mepqui apquiltimesaycam as acnim. 12 Apcanam nic nat levitas apquilminaycmascama: Asaf, najan Hemán, najan Jedutún, apquilpasmeyquiclha apquitquic najan apquilmolhama, apma apava apquilantalhnama lino. Apquilmaycam nic nat salterios najan arpas apquilpayvascama. Najan maa sacerdotes ciento veinte apquilpayvascama trompetas. Apcanam nic nat payjoc altar actiyapmaclha acnim.
13 Apquilpayvasquic nic nat apquilpasmeyquiclha trompetas, najan maa apquilminaycmascama, yoyam colhic ayaco najan gracias Dios Visqui ingac. Apquilpayvasquic nic nat naysicsa apquilminaycmascama, apquilmaycam música, najan trompetas najan platillos. Apquilminaycmasquic nic nat: Eltime sat apquilayo Dios aptomja aptamila apanco, aptomja singasicjayo cotmongvoycamlha nelha— nic nat intomjac apquilminaycmascama. Pilapcasquic nic nat acvitalhco lhama congne tingma apponquinomap. 14 Apquilvitac nic nat sacerdotes as yipjopay, actomja ayinmelhaycam naysicsa apquiltamjaycam culto, ayinyema gloria apcapongmatem Dios apanco acyitna congne tingma apponquinomap.
