Apquiltemaclha apquilmapsomcaa
1 Visqui ingac.
¿So actomja yi apnaclho mocjay?
¿So actomja yi apyilhomacpo apanco naysicsa ninlingaycamco acyimtalhnama?
2 Apyimtalhnesacpec apanco enlhit apmapsom, aptimesquisa ayay apvalhoc enlhit mepqui apyimtalhnamo.
Emacpoc sat apanco quiljanma apquillanay apanco.
3 Apyimtalhnesacpec apanco enlhit aplingasa ayitsepma apnenyic acyivey solyayem.
Aptimesacpec apmapsom Visqui ingac ayinyema apvennéycam as enlhit.
4 Yitnec aplhanma enlhit apyimtalhnesomap apanco:
—Paj lhama Dios.
Colhejec mataa acyanmongseclho nintemaclha — intomjac mataa alquitamsama apvalhoc.
5 Apyiplovcasquic mataa aptemaclha apanco apmapsom.
Apmapseve as enlhit.
—Mepqui mataa singyicpilquemo Dios — intomjac mataa apvalhoc.
Apvennám mataa apvita enlhit apquilinmelhaycam.
6 Intomjac mataa apvalhoc:
—Mongvacyejec mataa coo. (mosilhnanalhquejec)
Motjanyejec sat acyimtalhnama yoyam olngamcojo — intomjac apvalhoc.
7 Avanjec mataa appayvam apyamneycam najan apmopvan amyaa.
Avanjec apquilyinimquiscama.
Avanjec mataa appayvam acmasom ninlingaycamco singiltovascama.
8 Apyilhanmec mataa tap tingma.
Apyilhacpoc mataa ingyajic enlhit actamilaycam apvalhoc.
Apquiljalhnacpec mataa enlhit yoyam ematong.
9 Apyilhanmec mataa malha yamacmeyva coning yamit acmampanac (congne malhic acpatyapma).
Apyilhanmec mataa yoyam epatjetic enlhit apquilhyam.
Malha quiljanma yamyamayin sat emacpoc.
10 Apjalhec mataa apyilhacpo.
Malha yamacmeyva ameoc cotnejic apmomap.
11 Intomjac mataa apvalhoc:
—Colvoncamoc sat Dios sictemaclha coo.
Metay mataa sictemaclha apcapa apataoc — intomjac apvalhoc.
12 Dios Visqui ingac.
Itnimiclha netin. Imyasiclha netin apectong.
Imyov sat enlhit melyimnatem (actamilaycam apquilvalhoc).
13 ¿So actomja yi apvénnacpo lhip Dios ayinyema enlhit apmapsom?
Intomjac mataa apvalhoc:
—Meyanmongsiclhejec nintemaclha inganco Dios — intomjac apvalhoc.
14 Apvitac mataa lhip aptemaclha apmapsom.
Apvitac mataa apquillingaycamco yoyam epasmoc lhip.
Am elyascacmoc mataa apquilyeyjeycam najan melyimnatem.
Lhip aptomja singmasma.
15 Ingyintas sat lhip apectong enlhit apmapsom.
Iyanmongsiclha sat lhip aptemaclha apmapsom.
Isavojo sat emascoscomoc.
16 Dios apvisay Visqui ingac cotmongvoycamlha nelha.
Apquinyajamquic apquilaoclha cotnaja ingmoc (cotnaja nimpayvomó lhama).
17 Visqui ingac.
Apjalhnoc lhip apquilmalhnancama enlhit conjamalhca apquilvalhoc.
Aptamilquiscacmec lhip apquilvalhoc.
18 Lhip aptomja appeyvescasquiclha apyeyjeycam najan acyajapma apvalhoc.
(Ilvatesquim) Ilvatesquis apquiltemaclha apancaoc acmasom enlhitaoc as nalhpop.
Apquiltemaclha apquilmapsomcaa
1 Visqui ingac.
¿So actomja yi apnaclho mocjay?
¿So actomja yi apyilhomacpo apanco naysicsa ninlingaycamco acyimtalhnama?
2 Apyimtalhnesacpec apanco enlhit apmapsom, aptimesquisa ayay apvalhoc enlhit mepqui apyimtalhnamo.
Emacpoc sat apanco quiljanma apquillanay apanco.
3 Apyimtalhnesacpec apanco enlhit aplingasa ayitsepma apnenyic acyivey solyayem.
Aptimesacpec apmapsom Visqui ingac ayinyema apvennéycam as enlhit.
4 Yitnec aplhanma enlhit apyimtalhnesomap apanco:
—Paj lhama Dios.
Colhejec mataa acyanmongseclho nintemaclha — intomjac mataa alquitamsama apvalhoc.
5 Apyiplovcasquic mataa aptemaclha apanco apmapsom.
Apmapseve as enlhit.
—Mepqui mataa singyicpilquemo Dios — intomjac mataa apvalhoc.
Apvennám mataa apvita enlhit apquilinmelhaycam.
6 Intomjac mataa apvalhoc:
—Mongvacyejec mataa coo. (mosilhnanalhquejec)
Motjanyejec sat acyimtalhnama yoyam olngamcojo — intomjac apvalhoc.
7 Avanjec mataa appayvam apyamneycam najan apmopvan amyaa.
Avanjec apquilyinimquiscama.
Avanjec mataa appayvam acmasom ninlingaycamco singiltovascama.
8 Apyilhanmec mataa tap tingma.
Apyilhacpoc mataa ingyajic enlhit actamilaycam apvalhoc.
Apquiljalhnacpec mataa enlhit yoyam ematong.
9 Apyilhanmec mataa malha yamacmeyva coning yamit acmampanac (congne malhic acpatyapma).
Apyilhanmec mataa yoyam epatjetic enlhit apquilhyam.
Malha quiljanma yamyamayin sat emacpoc.
10 Apjalhec mataa apyilhacpo.
Malha yamacmeyva ameoc cotnejic apmomap.
11 Intomjac mataa apvalhoc:
—Colvoncamoc sat Dios sictemaclha coo.
Metay mataa sictemaclha apcapa apataoc — intomjac apvalhoc.
12 Dios Visqui ingac.
Itnimiclha netin. Imyasiclha netin apectong.
Imyov sat enlhit melyimnatem (actamilaycam apquilvalhoc).
13 ¿So actomja yi apvénnacpo lhip Dios ayinyema enlhit apmapsom?
Intomjac mataa apvalhoc:
—Meyanmongsiclhejec nintemaclha inganco Dios — intomjac apvalhoc.
14 Apvitac mataa lhip aptemaclha apmapsom.
Apvitac mataa apquillingaycamco yoyam epasmoc lhip.
Am elyascacmoc mataa apquilyeyjeycam najan melyimnatem.
Lhip aptomja singmasma.
15 Ingyintas sat lhip apectong enlhit apmapsom.
Iyanmongsiclha sat lhip aptemaclha apmapsom.
Isavojo sat emascoscomoc.
16 Dios apvisay Visqui ingac cotmongvoycamlha nelha.
Apquinyajamquic apquilaoclha cotnaja ingmoc (cotnaja nimpayvomó lhama).
17 Visqui ingac.
Apjalhnoc lhip apquilmalhnancama enlhit conjamalhca apquilvalhoc.
Aptamilquiscacmec lhip apquilvalhoc.
18 Lhip aptomja appeyvescasquiclha apyeyjeycam najan acyajapma apvalhoc.
(Ilvatesquim) Ilvatesquis apquiltemaclha apancaoc acmasom enlhitaoc as nalhpop.
