Apquilpamejitsomap gabaonitas
1 Inlingalhuqic nic nat amyaa apquilyimnatem apanco enlhitaoc Israel. Apquillingac nic nat apquilviscaa, najan amorreos, najan cananeos, najan ferezeos, najan heveos, najan jebuseos. (Apquileyvec nic nat as apquilviscaa vatsam, payjoc actalhningvamlha acnim. Najan payjoc inquilhe alvinatem, najan payjoc amyip acvanyam, najan nicja yingmin acvanyam Mediterráneo acvaycmo yoclhilhma Líbano.) 2 Apquilpasmeclhec nic nat yoyam elimpocjac Josué najan apnaymacoc israelitas. 3 Apquillingac nic nat amyaa heveos apquileyvam yoclhilhma Gabaón, aptemaclha apquimpocjay Josué tingma Jericó najan tingma Haí. 4 Inlhenquic nic nat apquilvalhoc napocja heveos, elyinimsic sat apquiltemaclha apquilyilhomacpo. Apnalaclhec nic nat apnatoscama yamelyeyjaycoc, apquilpatmeycam nintom alhanaoc ápaoc najan uva ayingmenic alhanaoc ápaoc. 5 Apquilantalhneclhec nic nat apava apjapaoc najan tiyayipeoc ápaoc. Yitnec pan apjapac apyimnatem apanco.
6 Apquilvocmec nic nat carpa tingma apvisay Gilgal. Apquiltomjac nic nat apquilanyacpo Josué najan apnaymacoc israelitas: —Cat amay ningilinyemayaclha. Ningiltamjoc ongilpamejitsalhcojo quellhip pacto actemaclha ningmiyovmalhca ningyesicsa — nic nat apquiltomjac.
7 Apquilatingmavoc nic nat enlhitaoc Israel: —Quitoc lhaja apquilinyemayaclha quellhip. ¿Co la actema, yoyam ongillana pacto actemaclha ningmiyovmalhca? — nic nat apquiltomjac.
8 Apquiltomjac nic nat apquilanya: —Ongiltimesam sat quellhip — nic nat apquiltomjac.
Aptomjac nic nat Josué apquilanya: ¿Soc enlhit quellhip qui? ¿Co la' apquilinyemayaclha? — nic nat aptomjac.
9 Apquilatingmavoc nic nat: —Cat amay ningilinyemac nincoo. Ninlingac alhta amyaa Dios Visqui apancaoc quellhip. Amyaa alhta aptomjaclha Dios yoclhilhma Egipto. 10 Najan amyaa aptimesquiscama Dios apcanit apquilviscaa nipyesicsa amorreos. Apnaycam moc nicja vatsam Jordán. Apvisay alhta apvisqui Sehón tingma Hesbón najan apvisqui Og yoclhilhma Basán, tingma pac alhta Astarot. 11 Apquiltomjac alhta ingnaymacoc najan ningayo singilanya nincoo: Eltingya sat nintom eltovamcoc nalhit amay, elpeyvojo sat apquilnaclha maa, eltime sat elanic: —Ongiltimesam sat quellhip. Ongillanac sat pacto actemaclha ningmiyovmalhca — sat eltime — alhta apquiltomjac singilanya. 12 Nintiyaningvaa nipyesicsa quellhip. Ningilpatmam alhta pan apjalhnancoc, quilhvoc aptomjayclho apyamay apyimnatem. 13 Ningillhatmec alhta uva ayingmenic alhanaoc alhnancoc, quilhvoc actomjayclho ápaoc. Innoc moc aptomjayclho apjapaoc apava ningilantalhnama najan tiyayipeoc. Cat alhta amay ninlhingam — nic nat apquiltomjac.
14 Apquilyipconquic nic nat enlhitaoc Israel aptom apancaoc gabaonitas. Am nic nat elpamejitcasac Dios Visqui ingac. 15 Appamejitsacpec nic nat Josué pacto actemaclha ningmiyovmalhca (mepqui ningimpocjay). Aplhenquic nic nat actomja nasoc anco elasicjiclhojo maa, mepqui ningay. Najan apquilvanyam apquilayo israelitas apquillhanma acno moc.
16 Invocmec nic nat natqui acnim. Apquilyasingvocmec nic nat israelitas apquiltemaclha gabaonitas, actomja ningato apquileyvomaclha. 17 Apquilquitamacpec nic nat gabaonitas. Apquilvocmec nic nat tingma apancaoc natqui acnim. Tingma apvisay nic nat Gabón, poc Cafira, poc Beerot, poc Quiriat-jearim. 18 Am nic nat eticyavac enlhit apquilvoy, ayinyema apquilmasma apquilayo apquilvanyam, apquillhanma actomja nasoc anco napato Dios Visqui ingac, yoyam elmeyvoc maa.
Eycaso ayinyema apquilinmelhaycam israelitas napatavo apquilayo. 19 Apquiltomjac nic nat apquilvanyam apquilanya: —Yitnec nincoo ninlhanma actomja nasoc anco napato Dios Visqui ingac, yoyam elmiyovacpoc maa. Mongvanquejec ongillana moc asoc. 20 Am sat ancoc ongmiyavac as enlhitaoc, ontovacsic sat nintemaclha ninlhanma. Elvoc sat Dios, eyanmongsiclhac sat nintemaclha inganco — nic nat apquiltomjac.
21 Apquiltomjac nic nat apquilayo apquilvanyam, yoyam elmiyovacpoc. Eltimjic sat apquiltimesaycam nipyesicsa enlhitaoc, elyintilhvomoc sat maa najan elyajangvomoc sat mataa. Am nic nat eltovasac apquillhanma apancaoc apquilayo.
22 Apcansaclhec nic nat José maycaa gabaonitas, aptomja apquilanya: —¿So actomja yi singyinimquisa quellhip? Apquilmopvan amyaa quellhip apquilinyemay mocjay, nasoc anco apquileyvomaclha ningato quellhip. 23 Quellhip ellingamcojoc acyimtalhnama, singiltimesaycam sat mataa cotmongvoycamlha nelha. Elyintilhvomoc sat mataa quellhip, elyajangvomoc sat mataa, actomja ayaymomalhca Dios tingma pac apponquinomap.
24 Apquilatingmavoc nic nat napato Josué: —Ningilacac alhta nincoo onticyoc nipyesicsa quellhip. Ningyasamcoc alhta Dios Visqui apancaoc apcanama Moisés, yoyam ellhovamcoc quellhip yoclhilhma ningileyvomaclha, yoyam onticyoc ningyovoclhojo. 25 Ningmomalhca nac nincoo, jingiltimesquis nincoo apquiltamjoclha jingiltimesquisic — nic nat apquiltomjac.
26 Apmiyovquic nic nat Josué eticyoc gabaonitas. 27 Apquilanyacpec nic nat elyintilhvomoc najan elyajangvomoc nipyesicsa israelitas najan payjoc altar acvatnamalhquilha asoc acmatnam congne carpa apponquinomap, acno apcanamaclha Dios Visqui ingac. Apquiltimesam mataa gabaonitas acvaycmo as ningvamlha nac jay.
Apquilpamejitsomap gabaonitas
1 Inlingalhuqic nic nat amyaa apquilyimnatem apanco enlhitaoc Israel. Apquillingac nic nat apquilviscaa, najan amorreos, najan cananeos, najan ferezeos, najan heveos, najan jebuseos. (Apquileyvec nic nat as apquilviscaa vatsam, payjoc actalhningvamlha acnim. Najan payjoc inquilhe alvinatem, najan payjoc amyip acvanyam, najan nicja yingmin acvanyam Mediterráneo acvaycmo yoclhilhma Líbano.) 2 Apquilpasmeclhec nic nat yoyam elimpocjac Josué najan apnaymacoc israelitas. 3 Apquillingac nic nat amyaa heveos apquileyvam yoclhilhma Gabaón, aptemaclha apquimpocjay Josué tingma Jericó najan tingma Haí. 4 Inlhenquic nic nat apquilvalhoc napocja heveos, elyinimsic sat apquiltemaclha apquilyilhomacpo. Apnalaclhec nic nat apnatoscama yamelyeyjaycoc, apquilpatmeycam nintom alhanaoc ápaoc najan uva ayingmenic alhanaoc ápaoc. 5 Apquilantalhneclhec nic nat apava apjapaoc najan tiyayipeoc ápaoc. Yitnec pan apjapac apyimnatem apanco.
6 Apquilvocmec nic nat carpa tingma apvisay Gilgal. Apquiltomjac nic nat apquilanyacpo Josué najan apnaymacoc israelitas: —Cat amay ningilinyemayaclha. Ningiltamjoc ongilpamejitsalhcojo quellhip pacto actemaclha ningmiyovmalhca ningyesicsa — nic nat apquiltomjac.
7 Apquilatingmavoc nic nat enlhitaoc Israel: —Quitoc lhaja apquilinyemayaclha quellhip. ¿Co la actema, yoyam ongillana pacto actemaclha ningmiyovmalhca? — nic nat apquiltomjac.
8 Apquiltomjac nic nat apquilanya: —Ongiltimesam sat quellhip — nic nat apquiltomjac.
Aptomjac nic nat Josué apquilanya: ¿Soc enlhit quellhip qui? ¿Co la' apquilinyemayaclha? — nic nat aptomjac.
9 Apquilatingmavoc nic nat: —Cat amay ningilinyemac nincoo. Ninlingac alhta amyaa Dios Visqui apancaoc quellhip. Amyaa alhta aptomjaclha Dios yoclhilhma Egipto. 10 Najan amyaa aptimesquiscama Dios apcanit apquilviscaa nipyesicsa amorreos. Apnaycam moc nicja vatsam Jordán. Apvisay alhta apvisqui Sehón tingma Hesbón najan apvisqui Og yoclhilhma Basán, tingma pac alhta Astarot. 11 Apquiltomjac alhta ingnaymacoc najan ningayo singilanya nincoo: Eltingya sat nintom eltovamcoc nalhit amay, elpeyvojo sat apquilnaclha maa, eltime sat elanic: —Ongiltimesam sat quellhip. Ongillanac sat pacto actemaclha ningmiyovmalhca — sat eltime — alhta apquiltomjac singilanya. 12 Nintiyaningvaa nipyesicsa quellhip. Ningilpatmam alhta pan apjalhnancoc, quilhvoc aptomjayclho apyamay apyimnatem. 13 Ningillhatmec alhta uva ayingmenic alhanaoc alhnancoc, quilhvoc actomjayclho ápaoc. Innoc moc aptomjayclho apjapaoc apava ningilantalhnama najan tiyayipeoc. Cat alhta amay ninlhingam — nic nat apquiltomjac.
14 Apquilyipconquic nic nat enlhitaoc Israel aptom apancaoc gabaonitas. Am nic nat elpamejitcasac Dios Visqui ingac. 15 Appamejitsacpec nic nat Josué pacto actemaclha ningmiyovmalhca (mepqui ningimpocjay). Aplhenquic nic nat actomja nasoc anco elasicjiclhojo maa, mepqui ningay. Najan apquilvanyam apquilayo israelitas apquillhanma acno moc.
16 Invocmec nic nat natqui acnim. Apquilyasingvocmec nic nat israelitas apquiltemaclha gabaonitas, actomja ningato apquileyvomaclha. 17 Apquilquitamacpec nic nat gabaonitas. Apquilvocmec nic nat tingma apancaoc natqui acnim. Tingma apvisay nic nat Gabón, poc Cafira, poc Beerot, poc Quiriat-jearim. 18 Am nic nat eticyavac enlhit apquilvoy, ayinyema apquilmasma apquilayo apquilvanyam, apquillhanma actomja nasoc anco napato Dios Visqui ingac, yoyam elmeyvoc maa.
Eycaso ayinyema apquilinmelhaycam israelitas napatavo apquilayo. 19 Apquiltomjac nic nat apquilvanyam apquilanya: —Yitnec nincoo ninlhanma actomja nasoc anco napato Dios Visqui ingac, yoyam elmiyovacpoc maa. Mongvanquejec ongillana moc asoc. 20 Am sat ancoc ongmiyavac as enlhitaoc, ontovacsic sat nintemaclha ninlhanma. Elvoc sat Dios, eyanmongsiclhac sat nintemaclha inganco — nic nat apquiltomjac.
21 Apquiltomjac nic nat apquilayo apquilvanyam, yoyam elmiyovacpoc. Eltimjic sat apquiltimesaycam nipyesicsa enlhitaoc, elyintilhvomoc sat maa najan elyajangvomoc sat mataa. Am nic nat eltovasac apquillhanma apancaoc apquilayo.
22 Apcansaclhec nic nat José maycaa gabaonitas, aptomja apquilanya: —¿So actomja yi singyinimquisa quellhip? Apquilmopvan amyaa quellhip apquilinyemay mocjay, nasoc anco apquileyvomaclha ningato quellhip. 23 Quellhip ellingamcojoc acyimtalhnama, singiltimesaycam sat mataa cotmongvoycamlha nelha. Elyintilhvomoc sat mataa quellhip, elyajangvomoc sat mataa, actomja ayaymomalhca Dios tingma pac apponquinomap.
24 Apquilatingmavoc nic nat napato Josué: —Ningilacac alhta nincoo onticyoc nipyesicsa quellhip. Ningyasamcoc alhta Dios Visqui apancaoc apcanama Moisés, yoyam ellhovamcoc quellhip yoclhilhma ningileyvomaclha, yoyam onticyoc ningyovoclhojo. 25 Ningmomalhca nac nincoo, jingiltimesquis nincoo apquiltamjoclha jingiltimesquisic — nic nat apquiltomjac.
26 Apmiyovquic nic nat Josué eticyoc gabaonitas. 27 Apquilanyacpec nic nat elyintilhvomoc najan elyajangvomoc nipyesicsa israelitas najan payjoc altar acvatnamalhquilha asoc acmatnam congne carpa apponquinomap, acno apcanamaclha Dios Visqui ingac. Apquiltimesam mataa gabaonitas acvaycmo as ningvamlha nac jay.
