Apvisqui Ben-adad metnaja israelita najan Asa
(1~R 15.16-22)1 Aptimec nic nat apvisqui Asa nipyesicsa co Judá acvaycmo treinta y seis años. Apvisqui co Israel ilhnic nat Baasa. Apquilimpocjac nic nat Baasa najan apnaymacoc nipyesicsa co Judá. Apquilyimnatesquic nic nat tingma Ramá. Colapvanquejec mataa co Judá ellhovamcoc amyaa. 2 Apcansaclhec nic nat apvisqui Asa asoc acmamnave oro najan plata acnaycaoc tingma apponquinomap najan apvisqui tingma pac. Apcapajasquic nic nat apnaclha apvisqui co Siria apvisay Ben-adad, tingma pac nic nat apvisay Damasco. Aptomjac nic nat Asa apcanya Ben-adad: 3 Pac ongillana pacto actemaclha ningmiyovmalhca ningyesicsa, acno ilhnic nat apquiltemaclha ningilyeyjamcaa. ¡Ima tacja oro najan plata siyapajascama apnaclha lhip! Ilvates sat lhip appasmeyquiclha apvisqui co Israel, comascoc sat singilimpocjay mataa apvisqui co Israel — nic nat aptomjac apvisqui Asa.
4 Inlicavoc nic nat apvalhoc Ben-adad aptemaclha apvisqui Asa. Apcapajasquic nic nat colhic altimnasa apquilviscaa singilpilhtetemo, yoyam elimpocjac tingma apquilvanyam nipyesicsa co Israel. Apquilmec nic nat tingma Ijón, najan Dan, najan Abel-maim najan apyovoclhojo tingma apquileyvomaclha Neftali apquilmolhama, najan tingma apancaoc acnaycamcolha nintom. 5 Apquilvatasquic nic nat Baasa eyimnaticsojo tingma Ramá. 6 Apnalaclhec nic nat apvisqui Asa apyovoclhojo apnaymacoc co Judá, yoyam elpatmaoclhac sat yamit najan mataymong apyamasma siclho apvisqui Baasa. Innec nic nat mallanayclha tingma Geba najan tingma Mizpa.
7 Apnec nic nat profeta Hanani. Aptomjac nic nat maycaa apnaclha Asa aptomja apvisqui co Judá, aptomja apcanya: Lhip alhta apcanem elmiyovacpoc ayinyema co Siria, jave apcanem ayinyema Dios Visqui ingac. Elvonquepoc sat apquiltomja apquilmasma. 8 Coyit apatic lhip alhta apyimnatem apanco ayinyema appasmom Dios Visqui ingac. Apquilimpocjac alhta nipyesicsa quellhip cotnaja ingmoc etiopes najan libios appintalhnama, najan carros najan nolhing apcapaoc. 9 Apquilanoc mataa Dios Visqui ingac apquiltemaclha enlhitaoc lhalhma anco. Aptomja mataa appasmeyquiclha enlhitaoc acyitna inlhojo melyasquiyam. ¡Lhip eyca aptomjayclho acyeyjamelhma! Comasquejec sat mataa apquilimpocjay cotnaja ingmoc nipyesicsa quellhip — nic nat aptomjac profeta.
10 Aplovquic nic nat Asa aplinga profeta appayvam, apcanama ingyalhimsacpoc sat singilpilhtetomaclha. Apquillingamcoc nic nat acyimtalhnama napocja enlhit co Judá.
Apquitsepma apvisqui Asa
(1~R 15.23-24)11 Yitnec nic nat mocjam actalhesomalhca amyaa aptemaclha apvisqui Asa, acvisay vaycajac apquilviscaa co Judá najan apquilviscaa co Israel. 12 Vocmec nic nat treinta y nueve años aptimem apvisqui Asa, apvita acmasca apyimpejic apmancoc Asa. Aptingyac nic nat quilaney poc, yoyam eltamilquiscomoc, am nic nat etingyac Dios Visqui ingac. 13 Apquitsepquic nic nat acvaycmo cuarenta y un años aptimem apvisqui. 14 Apcatoynacpec nic nat avalhoc mataymong payjoc tingma Jerusalén, moc apvisay Tingma David. Apquilatsiscasquic nic nat aptajanma apquitsepma asoc acmasis anco najan moc actemaclha acmasis, ayinyema quilaney poc. Apquiltimec nic nat apquilayo apvisay, acyiplomo apquilvatnama talha acvanyam.
Apvisqui Ben-adad metnaja israelita najan Asa
(1~R 15.16-22)1 Aptimec nic nat apvisqui Asa nipyesicsa co Judá acvaycmo treinta y seis años. Apvisqui co Israel ilhnic nat Baasa. Apquilimpocjac nic nat Baasa najan apnaymacoc nipyesicsa co Judá. Apquilyimnatesquic nic nat tingma Ramá. Colapvanquejec mataa co Judá ellhovamcoc amyaa. 2 Apcansaclhec nic nat apvisqui Asa asoc acmamnave oro najan plata acnaycaoc tingma apponquinomap najan apvisqui tingma pac. Apcapajasquic nic nat apnaclha apvisqui co Siria apvisay Ben-adad, tingma pac nic nat apvisay Damasco. Aptomjac nic nat Asa apcanya Ben-adad: 3 Pac ongillana pacto actemaclha ningmiyovmalhca ningyesicsa, acno ilhnic nat apquiltemaclha ningilyeyjamcaa. ¡Ima tacja oro najan plata siyapajascama apnaclha lhip! Ilvates sat lhip appasmeyquiclha apvisqui co Israel, comascoc sat singilimpocjay mataa apvisqui co Israel — nic nat aptomjac apvisqui Asa.
4 Inlicavoc nic nat apvalhoc Ben-adad aptemaclha apvisqui Asa. Apcapajasquic nic nat colhic altimnasa apquilviscaa singilpilhtetemo, yoyam elimpocjac tingma apquilvanyam nipyesicsa co Israel. Apquilmec nic nat tingma Ijón, najan Dan, najan Abel-maim najan apyovoclhojo tingma apquileyvomaclha Neftali apquilmolhama, najan tingma apancaoc acnaycamcolha nintom. 5 Apquilvatasquic nic nat Baasa eyimnaticsojo tingma Ramá. 6 Apnalaclhec nic nat apvisqui Asa apyovoclhojo apnaymacoc co Judá, yoyam elpatmaoclhac sat yamit najan mataymong apyamasma siclho apvisqui Baasa. Innec nic nat mallanayclha tingma Geba najan tingma Mizpa.
7 Apnec nic nat profeta Hanani. Aptomjac nic nat maycaa apnaclha Asa aptomja apvisqui co Judá, aptomja apcanya: Lhip alhta apcanem elmiyovacpoc ayinyema co Siria, jave apcanem ayinyema Dios Visqui ingac. Elvonquepoc sat apquiltomja apquilmasma. 8 Coyit apatic lhip alhta apyimnatem apanco ayinyema appasmom Dios Visqui ingac. Apquilimpocjac alhta nipyesicsa quellhip cotnaja ingmoc etiopes najan libios appintalhnama, najan carros najan nolhing apcapaoc. 9 Apquilanoc mataa Dios Visqui ingac apquiltemaclha enlhitaoc lhalhma anco. Aptomja mataa appasmeyquiclha enlhitaoc acyitna inlhojo melyasquiyam. ¡Lhip eyca aptomjayclho acyeyjamelhma! Comasquejec sat mataa apquilimpocjay cotnaja ingmoc nipyesicsa quellhip — nic nat aptomjac profeta.
10 Aplovquic nic nat Asa aplinga profeta appayvam, apcanama ingyalhimsacpoc sat singilpilhtetomaclha. Apquillingamcoc nic nat acyimtalhnama napocja enlhit co Judá.
Apquitsepma apvisqui Asa
(1~R 15.23-24)11 Yitnec nic nat mocjam actalhesomalhca amyaa aptemaclha apvisqui Asa, acvisay vaycajac apquilviscaa co Judá najan apquilviscaa co Israel. 12 Vocmec nic nat treinta y nueve años aptimem apvisqui Asa, apvita acmasca apyimpejic apmancoc Asa. Aptingyac nic nat quilaney poc, yoyam eltamilquiscomoc, am nic nat etingyac Dios Visqui ingac. 13 Apquitsepquic nic nat acvaycmo cuarenta y un años aptimem apvisqui. 14 Apcatoynacpec nic nat avalhoc mataymong payjoc tingma Jerusalén, moc apvisay Tingma David. Apquilatsiscasquic nic nat aptajanma apquitsepma asoc acmasis anco najan moc actemaclha acmasis, ayinyema quilaney poc. Apquiltimec nic nat apquilayo apvisay, acyiplomo apquilvatnama talha acvanyam.
