Ningilvomsomalhca tap ayinyema singasicjayo Dios
1 Collhen apquilvalhoc apquiltemaclha alhta nano quellhip. Apquilyiplovcasquic alhta quellhip apquiltemaclha almasomcaa najan melyascalhma. Malha apquilitsepma alhta quellhip napato Dios. 2 Apquilvajanamquic alhta quellhip apquiltemaclha enlhitaoc lhalhma anco. Apquilyajaclhoc alhta quellhip actemaclha somquic quilyicjamo. Acmovan innac somquic quilyicjamo actomja mocjam avisqui nipyesicsa enlhitaoc apquiltomja melilyajayquiclho Dios appayvam. 3 Ningilvajanamquic alhta nincoo lha nintemaclha inganco. Ningilyajaclhoc alhta mataa actemaclha ningmayjayoclha najan actemaclha ayitsepma ingnenyic. Covanquejec alhta jingyeycajac apyanmongsayclha Dios nintemaclha inganco. Ningno nincoo enlhitaoc lhalhma anco. 4 Avanjec anco alhta singimlayquiclho Dios. Avanjec anco alhta singasicjayo Dios. 5 Ingilmasquic alhta acyimnatem ingnenyaoc ayinyema ningilpasmeyquiclha Cristo. Ayinyemaclha malha ningilitsepma alhta nincoo napato Dios ayinyema mongilyascalhma. Nasoc anco, apquilvomsomap tap quellhip ayinyema apcasicjayo Dios. 6 Dios aptomja malha singnalhaticjasquiyam lhama Cristo Jesús yoyam jingilnecsic lhama netin. 7 Ayinyemaclha apquiltamjoc Dios cotmongvoycamlha nelha elhicmocsic actemaclha singasicjayo najan actemaclha singamliyam ayinyema Cristo Jesús. Acyiviy anco singasicjayo, malha acyeycajangvaycmo. 8 Lhama mocjam siclhanma: Apquilvomsomap tap quellhip ayinyema apcasicjayo Dios, ayinyema najan melyasquiyam quellhip. Jave apquiltimem apanco quellhip, eyca actomja singmescama Dios. 9 Jave ayinyema acyanmongam actemaclha apquilyiplovquiscama quellhip yoyam melyimtalhnesacpejec apanco quellhip. 10 Nincoo ningilinyema Dios aptomja singmescama ingvalhoc alhnanco ayinyema Cristo Jesús yoyam ongilyiplovcasojo actemaclha actamila. Dios aptomja singillanesquiscama yoyam ongilyiplovcasojo actemaclha actamila.
Actamilaycam ingvalhoc ayinyema Cristo
11 Lhama mocjam siclhanma: Collhen apquilvalhoc quellhip apquiltemaclha apancaoc nano. Quellhip apquiltomja metnaja judíos. Apquiltomjacpec alhta quellhip apquilvisay “mepqui asoc monquinatquiscama apyimpeoc”. Judíos alhta apquillhanma, ayinyemaclha “acyitna maa asoc monquinatquiscama apyimpeoc”. 12 Mepqui Cristo alhta apquileyvam quellhip. Am nic nat elpalhavocmoc quellhip enlhitaoc Israel apquiltomja Dios apquilyacyescama. Am nic nat elyasamcoc quellhip asoc monquinatquiscama apmayjayoclha Dios, ayinyema aplhanmaclha nic nat Dios actomja nasoc anco. Mepqui aljalhneycam apquilvalhoc alhta quellhip. Najan mepqui allhanma apquilvalhoc alhta Dios quellhip naysicsa apquileyvam as nalhpop. 13 Tepec alhta inyicje quellhip Cristo. Quilhvo eyca apquilamquitvaa quellhip. Eycaso ayinyema Cristo apquitsepma singyanmongam. Quilhvoc apquiltomja quellhip apquilpasmeyquiclha Cristo. 14 Cristo ayinyema actamilaycam ingvalhoc. Apmascosquic alhta Cristo apquilinmelhomap judíos najan enlhitaoc lhalhma anco. Apyipitcaseclhec alhta poc, malha apliclama apjalhtam. 15 Apmascosquic alhta Cristo actemaclha acmovan singanamaclha najan singascamaclha actalhesomalhca. Apyipitcaseclhec alhta poc enlhitaoc lhalhma anco najan judíos. Lhama apmolhama apquiltomjaclha ayinyema apquilpasmeyquiclha Cristo. Aptimescasquic alhta actemaclha actamilaycam ingvalhoc. 16 Apmascosquic alhta Cristo apquilinmelhomap judíos najan enlhitaoc lhalhma anco, ayinyema apquitsepma netin asoc timyescama. Apcasicjascaseclhec poc napato Dios yoyam eltimjic lhama apmolhama.
17 Apvaac alhta Cristo yoyam elngacsic tasic amyaa actemaclha actamilaycam ingvalhoc. Aplingasquic alhta Cristo nipyesicsa quellhip apnaycam “mocjay” najan nipyesicsa judíos apnaycam “ningato”. 18 Ingvanquic nincoo ningilanalhco ongilyoclhojo Ingyapam ayinyema ninpasmeyquiclha Cristo, ayinyemaclha apnec ingilvalhoc Espíritu apanco Dios. 19 Inmasquec apquiltomja quellhip malha “quilhvo apquilvoy” cotnajaclha apquilaoclha. Dios apmolhama apquiltomja quellhip apquilpasmeyquiclha Dios apquilyacyescama. 20 Quellhip apquiltomja malha tingma apquillanomap, apninquinaycaoc netin tingma apvojac apquillanay alhta apóstoles najan profetas Dios apquillingascama. Jesucristo eyca aptomja malha mataymong acyiviy tajescamaclha tingma apvojac. 21 Invocmec netin apyovoclhojo tingma macninquinaycaoc netin tacjalhit mataymong acyiviy. Etnejic sat tingma apponquinomap, tingma pac Visqui ingac. 22 Quellhip najan lha apquiltomja malha macninquinaycaoc netin apquilpasmeyquiclha Cristo. Etnejic sat tingma apponquinomap yoyam elhic Dios ayinyema Espíritu apanco.
Ningilvomsomalhca tap ayinyema singasicjayo Dios
1 Collhen apquilvalhoc apquiltemaclha alhta nano quellhip. Apquilyiplovcasquic alhta quellhip apquiltemaclha almasomcaa najan melyascalhma. Malha apquilitsepma alhta quellhip napato Dios. 2 Apquilvajanamquic alhta quellhip apquiltemaclha enlhitaoc lhalhma anco. Apquilyajaclhoc alhta quellhip actemaclha somquic quilyicjamo. Acmovan innac somquic quilyicjamo actomja mocjam avisqui nipyesicsa enlhitaoc apquiltomja melilyajayquiclho Dios appayvam. 3 Ningilvajanamquic alhta nincoo lha nintemaclha inganco. Ningilyajaclhoc alhta mataa actemaclha ningmayjayoclha najan actemaclha ayitsepma ingnenyic. Covanquejec alhta jingyeycajac apyanmongsayclha Dios nintemaclha inganco. Ningno nincoo enlhitaoc lhalhma anco. 4 Avanjec anco alhta singimlayquiclho Dios. Avanjec anco alhta singasicjayo Dios. 5 Ingilmasquic alhta acyimnatem ingnenyaoc ayinyema ningilpasmeyquiclha Cristo. Ayinyemaclha malha ningilitsepma alhta nincoo napato Dios ayinyema mongilyascalhma. Nasoc anco, apquilvomsomap tap quellhip ayinyema apcasicjayo Dios. 6 Dios aptomja malha singnalhaticjasquiyam lhama Cristo Jesús yoyam jingilnecsic lhama netin. 7 Ayinyemaclha apquiltamjoc Dios cotmongvoycamlha nelha elhicmocsic actemaclha singasicjayo najan actemaclha singamliyam ayinyema Cristo Jesús. Acyiviy anco singasicjayo, malha acyeycajangvaycmo. 8 Lhama mocjam siclhanma: Apquilvomsomap tap quellhip ayinyema apcasicjayo Dios, ayinyema najan melyasquiyam quellhip. Jave apquiltimem apanco quellhip, eyca actomja singmescama Dios. 9 Jave ayinyema acyanmongam actemaclha apquilyiplovquiscama quellhip yoyam melyimtalhnesacpejec apanco quellhip. 10 Nincoo ningilinyema Dios aptomja singmescama ingvalhoc alhnanco ayinyema Cristo Jesús yoyam ongilyiplovcasojo actemaclha actamila. Dios aptomja singillanesquiscama yoyam ongilyiplovcasojo actemaclha actamila.
Actamilaycam ingvalhoc ayinyema Cristo
11 Lhama mocjam siclhanma: Collhen apquilvalhoc quellhip apquiltemaclha apancaoc nano. Quellhip apquiltomja metnaja judíos. Apquiltomjacpec alhta quellhip apquilvisay “mepqui asoc monquinatquiscama apyimpeoc”. Judíos alhta apquillhanma, ayinyemaclha “acyitna maa asoc monquinatquiscama apyimpeoc”. 12 Mepqui Cristo alhta apquileyvam quellhip. Am nic nat elpalhavocmoc quellhip enlhitaoc Israel apquiltomja Dios apquilyacyescama. Am nic nat elyasamcoc quellhip asoc monquinatquiscama apmayjayoclha Dios, ayinyema aplhanmaclha nic nat Dios actomja nasoc anco. Mepqui aljalhneycam apquilvalhoc alhta quellhip. Najan mepqui allhanma apquilvalhoc alhta Dios quellhip naysicsa apquileyvam as nalhpop. 13 Tepec alhta inyicje quellhip Cristo. Quilhvo eyca apquilamquitvaa quellhip. Eycaso ayinyema Cristo apquitsepma singyanmongam. Quilhvoc apquiltomja quellhip apquilpasmeyquiclha Cristo. 14 Cristo ayinyema actamilaycam ingvalhoc. Apmascosquic alhta Cristo apquilinmelhomap judíos najan enlhitaoc lhalhma anco. Apyipitcaseclhec alhta poc, malha apliclama apjalhtam. 15 Apmascosquic alhta Cristo actemaclha acmovan singanamaclha najan singascamaclha actalhesomalhca. Apyipitcaseclhec alhta poc enlhitaoc lhalhma anco najan judíos. Lhama apmolhama apquiltomjaclha ayinyema apquilpasmeyquiclha Cristo. Aptimescasquic alhta actemaclha actamilaycam ingvalhoc. 16 Apmascosquic alhta Cristo apquilinmelhomap judíos najan enlhitaoc lhalhma anco, ayinyema apquitsepma netin asoc timyescama. Apcasicjascaseclhec poc napato Dios yoyam eltimjic lhama apmolhama.
17 Apvaac alhta Cristo yoyam elngacsic tasic amyaa actemaclha actamilaycam ingvalhoc. Aplingasquic alhta Cristo nipyesicsa quellhip apnaycam “mocjay” najan nipyesicsa judíos apnaycam “ningato”. 18 Ingvanquic nincoo ningilanalhco ongilyoclhojo Ingyapam ayinyema ninpasmeyquiclha Cristo, ayinyemaclha apnec ingilvalhoc Espíritu apanco Dios. 19 Inmasquec apquiltomja quellhip malha “quilhvo apquilvoy” cotnajaclha apquilaoclha. Dios apmolhama apquiltomja quellhip apquilpasmeyquiclha Dios apquilyacyescama. 20 Quellhip apquiltomja malha tingma apquillanomap, apninquinaycaoc netin tingma apvojac apquillanay alhta apóstoles najan profetas Dios apquillingascama. Jesucristo eyca aptomja malha mataymong acyiviy tajescamaclha tingma apvojac. 21 Invocmec netin apyovoclhojo tingma macninquinaycaoc netin tacjalhit mataymong acyiviy. Etnejic sat tingma apponquinomap, tingma pac Visqui ingac. 22 Quellhip najan lha apquiltomja malha macninquinaycaoc netin apquilpasmeyquiclha Cristo. Etnejic sat tingma apponquinomap yoyam elhic Dios ayinyema Espíritu apanco.
