Apvisqui co Egipto apyitsomacpo sinavocpo
1 Vocmec alhta acnim primero, najan piltin duodécimo (doce), najan año duodécimo (doce), naysicsa ningmomalhquilha moc yoclhilhma. Aptomjac alhta Visqui ingac seyanya coo: 2 Ilngas sat lhip sicpayvam napato faraón apvisqui co Egipto, actemaclha apminaycmascama yocsa:
Lhip apvisqui apyimtalhnamo apanco as nalhpop, am elhno poc apvisqui. Apyitsomacpo lhip asoc aclom sinavocpo payjoc yingmin acvanyam. Aptacmec lhip yingmin vatsam, appatipquiscama yingmin. Impaysacmec mataa yingmin ayinyem — alhta aptomjac.
3 Ilngas sat lhip mocjam: Eycaso appayvam ayinyema Visqui ingac: Ongvapajacsic sat enlhit appintalhnama, eltimjic sat apquilmaycam yamyamayin, emacpoc sat lhip apna inlhojo yingmin acvanyam. 4 Colhic sat lhip acyinyovasa nalhpop etniclhac apjapac. Elpasmiclhac sat apyovoclhojo mama najan apnaymacoc nipvajac apyitnaclha apjapac. 5 Elvitacpoc sat apjapaoc lhalhma anco netin inquilhe najan payjoc alvata. 6 Cotalhcac sat ema apancaoc nalhpop, conyejic sat malha vatsam ayitcoc ayinyema netin inquilhe. 7-8 Naysicsa sicyanmongsayclha apquiltemaclha apancaoc quellhip co Egipto, colajapvotac sat yipjopay netin lhalhma anco. Comascoc sat ningvitay acnim, najan piltin, najan apyová. Cotniclhac sat yatescamalhma acvanyam (acyivey). Naso coo sicpayvam siclhanma mepqui sicyeycajascaoc — alhta aptomjac.
9 Cotyamoc sat apquilvalhoc enlhitaoc lhalhma anco, apquillinga inlhojo lhip aptovasomap najan apcaoclha. Cotlapsic sat apquillinga enlhit meyicpilquemo mocjam lhip. 10 Elangvomoc sat enlhitaoc lhalhma anco, apquillinga inlhojo amyaa. Cotyamoc sat apquilvalhoc apquilviscaa lhalhma anco, apquilvita inlhojo apticyovam quellhip — alhta aptomjac.
11 Aptomjac mocjam Visqui ingac: Elimpocjac sat nipyesicsa quellhip apvisqui co Babilonia najan apnaymacoc. 12 Avanjec apquillom singilpilhtetemo apancaoc. Eticyoc sat egipcios appintalhnama, comascoc sat aptimem apvisqui apyimtalhnamo. 13 Coticyoc sat acyovoclhojo apnatoscama co Egipto. Melvitacpejec sat mocjam enlhit, paj najan apnatoscama, yoyam elpatipsic mocjam acyitnamaclha yingmin. 14 Cotalhcac sat yingmin vatsam Nilo ayalhnayo anco, conyejic sat vatsam malha aceite ayinyem. Naso coo sicpayvam sicvisay Visqui apancaoc. 15 Otnesquisic coo yoclhilhma cotniclhac sat actamopeycaoc, mepqui enlhit apquileyvam. Jelyicpilcangvomoc sat egipcios sicvisay Visqui apancaoc — alhta aptomjac.
16 Colminaycmacsic sat as ningminaycmascama yocsa aclhamoclhojo quilvanaa moc yoclhilhma lhalhma anco, apquillhenacpo apticyovam egipcios appintalhnama. Naso coo sicpayvam sicvisay Visqui apancaoc — alhta aptomjac.
Egipcios apticyovam
17 Vocmec alhta acnim quince, najan piltin duodécimo (doce), najan año doce, naysicsa ningmomalhquilha moc yoclhilhma. Aptomjac alhta Visqui ingac seyanya coo: 18 Lhip enlhit, itne sat lhip (najan quilvanaa) lhama apminaycmascama actemaclha yocsa, apquillhenacpo apquilviscaa najan singilpilhtetemo co Egipto, yoyam elpalhavomoc sat alyascamaclha ingjangaoc malhic congno. Itne sat appayvam:
Malhic congno appaliyam enlhit apquilyimtalhnamo, payjoc alyascamaclha ingjangaoc. Elpalhavomoc sat nipyesicsa apquiljangaoc apquilmasquingvaycmo nano.
19 ¿Aptasi ya lhquip, am ya elhno poc metnaja egipcios? Ityim sat lhip malhic congno, ipalhavom sat lhip apquiljangaoc apticyovam metnaja egipcios.
20 Elpalhavomoc sat nipyesicsa apquiljangaoc apticyovam enlhit appintalhnama. Sovo acvinatem actomja alnapma. 21 Apnam apquilviscaa malhic congno alyascamaclha ingjangaoc, yoyam elmoc tacja apquiljangaoc egipcios apticyovam, elpalhavomoc sat apquiljangaoc apticyovam maa.
22 Innam maa apquiljangaoc apvisqui co Asiria, najan apquiljangaoc apyovoclhojo apnaymacoc, apticyovam alhta apquilimpocjay siclho. 23 Acnamcaclha malhic congno apjangaoc apvisqui co Asiria, najan niyava maa apquiljangaoc apticyovam siclho apquilimpocjay. Avanjec alhta siclho apquillom apquilimpocjay melitsepmaclha co Asiria.
24 Innam maa apquiljangaoc apvisqui co Elam, najan apquiljangaoc apyovoclhojo apnaymacoc, apticyovam siclhoc alhta apquilimpocjay. Malhic congno apjangaoc apvisqui, najan nipyava maa apquiljangaoc apticyovam siclho apquilimpocjay melitsepmaclha co Elam. Apquilvayvamquic alhta mepqui ayayo apquilpalhavocmo maa. 25 Innam maa apquiljangaoc apvisqui co Elam, najan apyovoclhojo apnaymacoc. Malhic congno acyitnaclha apjangaoc apvisqui, najan nipyava maa apnaymacoc.
26 Innam maa apquiljangaoc apvisqui co Mesec, najan co Tubal, najan apyovoclhojo apnaymacoc apticyovam siclho apquilimpocjay. Avanjec alhta apquillom melitsepmaclha naysicsa apquilimpocjay. 27 Mepqui alhta ayayo apquilatoynamap. Apquiltemaclha apquilatoynamap nano apquilyimtalhnamo, acpiquenomalhca sovo acvinatem coning apcatic apquitsepma, acpiquenomalhca apmaycam apcajapsomap netin apquitsepma. Avanjec alhta apquillom melitsepmaclha naysicsa apquilimpocjay.
28 Eticyoc sat quellhip co Egipto, elpalhavomoc sat malhic congno alyascamaclha ingjangaoc nipyesicsa apquiljangaoc apticyovam metnaja egipcios.
29 Apnec maa apvisqui co Edom najan apnaymacoc malhic congno alyascamaclha ingjangaoc, nipyesicsa apticyovam siclho apquilimpocjay.
30 Apnam maa apquilviscaa co nilhqueyja, najan apnaymacoc co Sidón. Innec alhta ayaco melitsepmaclha siclho naysicsa apquilimpocjay. Mepqui ayayo quilhvo nac jay, apquilpalhaviyam nipyesicsa apquiljangaoc apticyovam siclho.
31 Epalhavomoc sat apvisqui faraón apquiljangaoc maa. Cotamalvomoc sat apvalhoc apvita inlhojo apyovoclhojo apnaymacoc egipcios apticyovam naysicsa apquilimpocjay melitsepmaclha mocjam. Naso coo sicpayvam sicvisay Visqui apancaoc. 32 Avanjec alhta aplom naysicsa apquilimpocjay metnaja egipcios. Appalhavocmec quilhvo nac jay nipyesicsa apquiljangaoc apticyovam siclho apquilimpocjay, najan nipyesicsa apquiljangaoc apnaymacoc egipcios. Eycaso sicpayvam sicvisay Visqui apancaoc — alhta aptomjac.
Apvisqui co Egipto apyitsomacpo sinavocpo
1 Vocmec alhta acnim primero, najan piltin duodécimo (doce), najan año duodécimo (doce), naysicsa ningmomalhquilha moc yoclhilhma. Aptomjac alhta Visqui ingac seyanya coo: 2 Ilngas sat lhip sicpayvam napato faraón apvisqui co Egipto, actemaclha apminaycmascama yocsa:
Lhip apvisqui apyimtalhnamo apanco as nalhpop, am elhno poc apvisqui. Apyitsomacpo lhip asoc aclom sinavocpo payjoc yingmin acvanyam. Aptacmec lhip yingmin vatsam, appatipquiscama yingmin. Impaysacmec mataa yingmin ayinyem — alhta aptomjac.
3 Ilngas sat lhip mocjam: Eycaso appayvam ayinyema Visqui ingac: Ongvapajacsic sat enlhit appintalhnama, eltimjic sat apquilmaycam yamyamayin, emacpoc sat lhip apna inlhojo yingmin acvanyam. 4 Colhic sat lhip acyinyovasa nalhpop etniclhac apjapac. Elpasmiclhac sat apyovoclhojo mama najan apnaymacoc nipvajac apyitnaclha apjapac. 5 Elvitacpoc sat apjapaoc lhalhma anco netin inquilhe najan payjoc alvata. 6 Cotalhcac sat ema apancaoc nalhpop, conyejic sat malha vatsam ayitcoc ayinyema netin inquilhe. 7-8 Naysicsa sicyanmongsayclha apquiltemaclha apancaoc quellhip co Egipto, colajapvotac sat yipjopay netin lhalhma anco. Comascoc sat ningvitay acnim, najan piltin, najan apyová. Cotniclhac sat yatescamalhma acvanyam (acyivey). Naso coo sicpayvam siclhanma mepqui sicyeycajascaoc — alhta aptomjac.
9 Cotyamoc sat apquilvalhoc enlhitaoc lhalhma anco, apquillinga inlhojo lhip aptovasomap najan apcaoclha. Cotlapsic sat apquillinga enlhit meyicpilquemo mocjam lhip. 10 Elangvomoc sat enlhitaoc lhalhma anco, apquillinga inlhojo amyaa. Cotyamoc sat apquilvalhoc apquilviscaa lhalhma anco, apquilvita inlhojo apticyovam quellhip — alhta aptomjac.
11 Aptomjac mocjam Visqui ingac: Elimpocjac sat nipyesicsa quellhip apvisqui co Babilonia najan apnaymacoc. 12 Avanjec apquillom singilpilhtetemo apancaoc. Eticyoc sat egipcios appintalhnama, comascoc sat aptimem apvisqui apyimtalhnamo. 13 Coticyoc sat acyovoclhojo apnatoscama co Egipto. Melvitacpejec sat mocjam enlhit, paj najan apnatoscama, yoyam elpatipsic mocjam acyitnamaclha yingmin. 14 Cotalhcac sat yingmin vatsam Nilo ayalhnayo anco, conyejic sat vatsam malha aceite ayinyem. Naso coo sicpayvam sicvisay Visqui apancaoc. 15 Otnesquisic coo yoclhilhma cotniclhac sat actamopeycaoc, mepqui enlhit apquileyvam. Jelyicpilcangvomoc sat egipcios sicvisay Visqui apancaoc — alhta aptomjac.
16 Colminaycmacsic sat as ningminaycmascama yocsa aclhamoclhojo quilvanaa moc yoclhilhma lhalhma anco, apquillhenacpo apticyovam egipcios appintalhnama. Naso coo sicpayvam sicvisay Visqui apancaoc — alhta aptomjac.
Egipcios apticyovam
17 Vocmec alhta acnim quince, najan piltin duodécimo (doce), najan año doce, naysicsa ningmomalhquilha moc yoclhilhma. Aptomjac alhta Visqui ingac seyanya coo: 18 Lhip enlhit, itne sat lhip (najan quilvanaa) lhama apminaycmascama actemaclha yocsa, apquillhenacpo apquilviscaa najan singilpilhtetemo co Egipto, yoyam elpalhavomoc sat alyascamaclha ingjangaoc malhic congno. Itne sat appayvam:
Malhic congno appaliyam enlhit apquilyimtalhnamo, payjoc alyascamaclha ingjangaoc. Elpalhavomoc sat nipyesicsa apquiljangaoc apquilmasquingvaycmo nano.
19 ¿Aptasi ya lhquip, am ya elhno poc metnaja egipcios? Ityim sat lhip malhic congno, ipalhavom sat lhip apquiljangaoc apticyovam metnaja egipcios.
20 Elpalhavomoc sat nipyesicsa apquiljangaoc apticyovam enlhit appintalhnama. Sovo acvinatem actomja alnapma. 21 Apnam apquilviscaa malhic congno alyascamaclha ingjangaoc, yoyam elmoc tacja apquiljangaoc egipcios apticyovam, elpalhavomoc sat apquiljangaoc apticyovam maa.
22 Innam maa apquiljangaoc apvisqui co Asiria, najan apquiljangaoc apyovoclhojo apnaymacoc, apticyovam alhta apquilimpocjay siclho. 23 Acnamcaclha malhic congno apjangaoc apvisqui co Asiria, najan niyava maa apquiljangaoc apticyovam siclho apquilimpocjay. Avanjec alhta siclho apquillom apquilimpocjay melitsepmaclha co Asiria.
24 Innam maa apquiljangaoc apvisqui co Elam, najan apquiljangaoc apyovoclhojo apnaymacoc, apticyovam siclhoc alhta apquilimpocjay. Malhic congno apjangaoc apvisqui, najan nipyava maa apquiljangaoc apticyovam siclho apquilimpocjay melitsepmaclha co Elam. Apquilvayvamquic alhta mepqui ayayo apquilpalhavocmo maa. 25 Innam maa apquiljangaoc apvisqui co Elam, najan apyovoclhojo apnaymacoc. Malhic congno acyitnaclha apjangaoc apvisqui, najan nipyava maa apnaymacoc.
26 Innam maa apquiljangaoc apvisqui co Mesec, najan co Tubal, najan apyovoclhojo apnaymacoc apticyovam siclho apquilimpocjay. Avanjec alhta apquillom melitsepmaclha naysicsa apquilimpocjay. 27 Mepqui alhta ayayo apquilatoynamap. Apquiltemaclha apquilatoynamap nano apquilyimtalhnamo, acpiquenomalhca sovo acvinatem coning apcatic apquitsepma, acpiquenomalhca apmaycam apcajapsomap netin apquitsepma. Avanjec alhta apquillom melitsepmaclha naysicsa apquilimpocjay.
28 Eticyoc sat quellhip co Egipto, elpalhavomoc sat malhic congno alyascamaclha ingjangaoc nipyesicsa apquiljangaoc apticyovam metnaja egipcios.
29 Apnec maa apvisqui co Edom najan apnaymacoc malhic congno alyascamaclha ingjangaoc, nipyesicsa apticyovam siclho apquilimpocjay.
30 Apnam maa apquilviscaa co nilhqueyja, najan apnaymacoc co Sidón. Innec alhta ayaco melitsepmaclha siclho naysicsa apquilimpocjay. Mepqui ayayo quilhvo nac jay, apquilpalhaviyam nipyesicsa apquiljangaoc apticyovam siclho.
31 Epalhavomoc sat apvisqui faraón apquiljangaoc maa. Cotamalvomoc sat apvalhoc apvita inlhojo apyovoclhojo apnaymacoc egipcios apticyovam naysicsa apquilimpocjay melitsepmaclha mocjam. Naso coo sicpayvam sicvisay Visqui apancaoc. 32 Avanjec alhta aplom naysicsa apquilimpocjay metnaja egipcios. Appalhavocmec quilhvo nac jay nipyesicsa apquiljangaoc apticyovam siclho apquilimpocjay, najan nipyesicsa apquiljangaoc apnaymacoc egipcios. Eycaso sicpayvam sicvisay Visqui apancaoc — alhta aptomjac.
