1 Quellhip ingilyalhinga. Mongvanquejec nincoo ongiltalhesquisic acvamlha acnim yoyam evotac Visqui ingac. 2 Apquilyasamcoc quellhip yoyam cotlapsic sat evotac Visqui ingac. Cotnejic sat malha enlhit apminyilhma acpilapquiscama apvoy alhtaa. 3 Sat eltimjic ellhenic enlhitaoc lhalhma anco: “Actamilaclhojo ningnaycam, mepqui amyaa” —sat eltimjic. Cotlapsic sat covotac yoyam enatovasacpoc enlhitaoc. Colapvanquejec enlhitaoc elinquitacpoc. Malha quilvana acpilapquiscama acmasca yicpintama cotimsic ayitca. 4 Quellhip ingilyalhinga. Am elhnam quellhip yatesaclhilhma. Incaymalhquic cotlapsejec quellhip acvaa sat acnim apác Visqui ingac, malha acpilapquiscama apvoy enlhit apminyilhma. 5 Quellhip apquileyvam ayitsayoclhilhma najan apquileyvam acnim anco. Jave nincoo ningileyvam alhtaa. 6 Am eliljalhnac Visqui ingac enlhitaoc lhalhma anco, malha apnatiyanma apquiltomjac. Mongvanquejec nincoo ongnateynic. Incaymalhquic ongilantiyapmojo najan ontimjic mepqui singilyeyjamelhma. 7 Apnatinquic mataa alhtaa enlhit mepqui apquiljalhneycam. Inquilnapquic mataa anmin alhtaa apquiltomja apyinaycaoc anmin. 8 Incaymalhquic ontimjic mepqui singilyeyjamelhma ayinyemaclha nincoo ningileyvam acnim anco. Yitnec mataa apquilajapquiscama apnenyaoc singilpilhtetemo najan apquilajapquiscama apcatcoc naysicsa apquilnapomap. Incaymalhquic nincoo lha coytic mongyasquiyam najan ningilasicjayo najan aljalhneycam ingvalhoc ongilvomsalhca tap. 9 Am eltamjoc Dios eyanmongsiclha nintemaclha yoyam ongnatovasalhca. Apquiltamjoc eyca yoyam ongvomsalhcac tap ayinyema Jesucristo Visqui ingac. 10 Apquitsepquic alhta Jesús singyanmongam nincoo yoyam ontimjic mataa ninpasmeyquiclha nincoo naysicsa ningileyvam najan naysicsa ningitsepma. 11 Eliltimnas sat mataa poc, elyimnatesquis sat najan apquilvalhoc nipyesicsa quellhip, actemaclha alhta apquilyiplovquiscama quellhip.
Pablo apquiltimnascaoc apquilyalhinga
12 Quellhip ingilyalhinga. Ningiltamjoc nincoo ongiltimnasiclhojo quellhip. Elilyejiclhojo sat mataa yoyam colhic alaco apquiltomja apquillhicmoscama nipyesicsa quellhip najan apquiltomja apquilimja apmamyi najan apquiltomja apquiltimnascaoc ayinyema Visqui ingac. 13 Elasicjojo sat mataa, collhen sat mataa apquilvalhoc actemaclha apquiltamjaycam apquilpipma. Eltamilsojo sat apquilvalhoc nipyesicsa quellhip.
14 Quellhip ingilyalhinga. Ningiltamjoc ongilanic quellhip: Elane sat elilyejiclhojo apquiltomja melilyajayquiclho. Elyascasingvoclhojo sat apquiltomja apquilvatseycaoc yoyam elinlhanmojo. Elpasim sat apquiltomja melyimnatem. Eltamilsojo sat nipyesicsa aplhamoclhojo.
15 Noelyanmongsiclha nasa aptemaclha acmasom poc. Elyiplovquis sat mataa actemaclha actamila nipyesicsa quellhip najan nipyesicsa aplhamoclhojo.
16 Colpayjiclha sat mataa apquilvalhoc quellhip. 17 Elinlhanmojo sat mataa apquililmalhnancama. 18 Eltime sat mataa gracias Dios Ingyapam. Eycaso actomja apmayjayoclha Dios yoyam elvajanamcojo quellhip melyasquiyam Cristo Jesús.
19 Noelyas nasa olhma Espíritu apanco Dios. 20 Noelvinam nasa amyaa ayinyema Espíritu apanco Dios. 21 Noelquinatquis nasa aclhamoclhojo actemaclha, actomja actamila najan actomja acmasom. Elyiplovquis sat actamila anco. 22 Elyinyov sat aclhamoclhojo actemaclha almasomcaa.
23 Dios ayinyema actamilaycam ingvalhoc. Ningiltamjoc yoyam eponquinic Dios quellhip najan emyoc apquilyovoclhojo najan apquilvalhoc najan apquilvanmoncama actemaclha mepqui apquilsilhnanomap, acvocmo sat acnim apvoyctamlha Jesucristo Visqui ingac. 24 Am eyeycajasac appayvam Dios aptomja apquilasinaycam quellhip. Mepqui apcayam lhama asoc actemaclha aplhanma.
Actomjaclha nelha appayvam Pablo
25 Quellhip ingilyalhinga. Jingilmalhnesquis sat nincoo lha.
26 Elpayves sat apquilyalhinga acyiplomo acpayjayclha apquilvalhoc.
27 Pac olasinac quellhip ayinyema Visqui ingac yoyam elyipsitic quellhip as vaycajac nipyesicsa ingilyalhinga.
28 Altamjoc coo yoyam epasmoc quellhip Jesucristo Visqui ingac. Amén.
1 Quellhip ingilyalhinga. Mongvanquejec nincoo ongiltalhesquisic acvamlha acnim yoyam evotac Visqui ingac. 2 Apquilyasamcoc quellhip yoyam cotlapsic sat evotac Visqui ingac. Cotnejic sat malha enlhit apminyilhma acpilapquiscama apvoy alhtaa. 3 Sat eltimjic ellhenic enlhitaoc lhalhma anco: “Actamilaclhojo ningnaycam, mepqui amyaa” —sat eltimjic. Cotlapsic sat covotac yoyam enatovasacpoc enlhitaoc. Colapvanquejec enlhitaoc elinquitacpoc. Malha quilvana acpilapquiscama acmasca yicpintama cotimsic ayitca. 4 Quellhip ingilyalhinga. Am elhnam quellhip yatesaclhilhma. Incaymalhquic cotlapsejec quellhip acvaa sat acnim apác Visqui ingac, malha acpilapquiscama apvoy enlhit apminyilhma. 5 Quellhip apquileyvam ayitsayoclhilhma najan apquileyvam acnim anco. Jave nincoo ningileyvam alhtaa. 6 Am eliljalhnac Visqui ingac enlhitaoc lhalhma anco, malha apnatiyanma apquiltomjac. Mongvanquejec nincoo ongnateynic. Incaymalhquic ongilantiyapmojo najan ontimjic mepqui singilyeyjamelhma. 7 Apnatinquic mataa alhtaa enlhit mepqui apquiljalhneycam. Inquilnapquic mataa anmin alhtaa apquiltomja apyinaycaoc anmin. 8 Incaymalhquic ontimjic mepqui singilyeyjamelhma ayinyemaclha nincoo ningileyvam acnim anco. Yitnec mataa apquilajapquiscama apnenyaoc singilpilhtetemo najan apquilajapquiscama apcatcoc naysicsa apquilnapomap. Incaymalhquic nincoo lha coytic mongyasquiyam najan ningilasicjayo najan aljalhneycam ingvalhoc ongilvomsalhca tap. 9 Am eltamjoc Dios eyanmongsiclha nintemaclha yoyam ongnatovasalhca. Apquiltamjoc eyca yoyam ongvomsalhcac tap ayinyema Jesucristo Visqui ingac. 10 Apquitsepquic alhta Jesús singyanmongam nincoo yoyam ontimjic mataa ninpasmeyquiclha nincoo naysicsa ningileyvam najan naysicsa ningitsepma. 11 Eliltimnas sat mataa poc, elyimnatesquis sat najan apquilvalhoc nipyesicsa quellhip, actemaclha alhta apquilyiplovquiscama quellhip.
Pablo apquiltimnascaoc apquilyalhinga
12 Quellhip ingilyalhinga. Ningiltamjoc nincoo ongiltimnasiclhojo quellhip. Elilyejiclhojo sat mataa yoyam colhic alaco apquiltomja apquillhicmoscama nipyesicsa quellhip najan apquiltomja apquilimja apmamyi najan apquiltomja apquiltimnascaoc ayinyema Visqui ingac. 13 Elasicjojo sat mataa, collhen sat mataa apquilvalhoc actemaclha apquiltamjaycam apquilpipma. Eltamilsojo sat apquilvalhoc nipyesicsa quellhip.
14 Quellhip ingilyalhinga. Ningiltamjoc ongilanic quellhip: Elane sat elilyejiclhojo apquiltomja melilyajayquiclho. Elyascasingvoclhojo sat apquiltomja apquilvatseycaoc yoyam elinlhanmojo. Elpasim sat apquiltomja melyimnatem. Eltamilsojo sat nipyesicsa aplhamoclhojo.
15 Noelyanmongsiclha nasa aptemaclha acmasom poc. Elyiplovquis sat mataa actemaclha actamila nipyesicsa quellhip najan nipyesicsa aplhamoclhojo.
16 Colpayjiclha sat mataa apquilvalhoc quellhip. 17 Elinlhanmojo sat mataa apquililmalhnancama. 18 Eltime sat mataa gracias Dios Ingyapam. Eycaso actomja apmayjayoclha Dios yoyam elvajanamcojo quellhip melyasquiyam Cristo Jesús.
19 Noelyas nasa olhma Espíritu apanco Dios. 20 Noelvinam nasa amyaa ayinyema Espíritu apanco Dios. 21 Noelquinatquis nasa aclhamoclhojo actemaclha, actomja actamila najan actomja acmasom. Elyiplovquis sat actamila anco. 22 Elyinyov sat aclhamoclhojo actemaclha almasomcaa.
23 Dios ayinyema actamilaycam ingvalhoc. Ningiltamjoc yoyam eponquinic Dios quellhip najan emyoc apquilyovoclhojo najan apquilvalhoc najan apquilvanmoncama actemaclha mepqui apquilsilhnanomap, acvocmo sat acnim apvoyctamlha Jesucristo Visqui ingac. 24 Am eyeycajasac appayvam Dios aptomja apquilasinaycam quellhip. Mepqui apcayam lhama asoc actemaclha aplhanma.
Actomjaclha nelha appayvam Pablo
25 Quellhip ingilyalhinga. Jingilmalhnesquis sat nincoo lha.
26 Elpayves sat apquilyalhinga acyiplomo acpayjayclha apquilvalhoc.
27 Pac olasinac quellhip ayinyema Visqui ingac yoyam elyipsitic quellhip as vaycajac nipyesicsa ingilyalhinga.
28 Altamjoc coo yoyam epasmoc quellhip Jesucristo Visqui ingac. Amén.
