Apquiltimesaycam levitas
1 Yitnec nic nat appamejitquiscama Dios najan Moisés netin inquilhe Sinaí. Apvitac nic nat apquitquic Aarón najan Moisés. 2 Aarón nic nat apquitquic: apvisay Nadab aptiyam apmamyi, apyalhing nic nat Abiú, apyalhing nic nat Eleazar, apyalhing nic nat Itamar. 3 Apquilponquinacpec nic nat cuatro apquitquic eltimjic sacerdotes. 4 Apquitsepquic nic nat Nadab, najan apyalhing Abiú, ayinyema apquilvatnama talha asoc macmescama, payjoc yoclhilhma actamopeycaoc. Mepqui ilhnic nat apquitquic maa. Apquilaymacpec nic nat Eleazar najan Itamar eltimesam mocjam apquiltemaclha sacerdotes apquilpasmeyquiclha apquilyap Aarón.
5 Aptomjac nic nat Dios apcanya Moisés:
6 Ingyansiclha sat apyovoclhojo apquilmolhama tribu Leví. Eltimesam sat apquilpasmeyquiclha sacerdote Aarón. 7 Eltimesam sat apquilno sacerdotes congne carpa apponquinomap ayinyema apcanamaclha Aarón. 8 Eltamilsic sat apquilmaycam congne carpa apponquinomap, eltimesam sat maa, acno aquilanyomap eltimesam israelitas. 9 Copvanquejec lhip elpalhaquisic levitas najan apnaymacoc israelitas. Apquilvamlha levitas yoyam eltimesam sacerdote Aarón najan aptovana maa. 10 Apvamlha Aarón najan aptovana niptamin apquilmopvan eltimjic sacerdotes. Apvitacpec sat ancoc sacerdote metnaja apmolhama Leví, ematong sat maa — alhta aptomjac Dios — nic nat aptomjac Moisés.
Apquilmolhama Leví apquilvisay apquilmolhama Dios
11 Aptomjac nic nat Dios apcanya Moisés:
12 Alyacyesquic coo apquilmolhama Leví nipyesicsa israelitas, acya'mongam apquitca aptiyam apmamyi nipyesicsa apquilmolhama familias. Olhnasojoc sat eyitquic sicmolhama coo. 13 Moclhama enlhit apquitquic aptiyam apmamyi, apvisay sicmolhama coo. Alnapquic alhta nano appaliyam apquilmamyi co Egipto. Inlhenquic alhta evalhoc otnejic ajanco moclhama appaliyam apmamyi enlhit, najan acpaliyam amamyi apnatoscama nipyesicsa israelitas. Coo sicmolhama apyovoclhojo, siclhanma lhac sicvisay Dios — alhta aptomjac — nic nat aptomjac Moisés.
Macnatalhescama apquilvisay levitas
14 Apnam nic nat yoclhilhma actamopeycaoc. Aptomjac nic nat Dios apcanya Moisés: 15 Isavojo sat lhip apnatalhescama apquilvisay apyovoclhojo apquilmolhama Leví, actemaclha familias najan apquilmolhama clanes. Najan apquilvisay sicaa apquilinava appaliyam siclha apvitay, niptamin lhama piltin najan maa tap — alhta aptomjac — nic nat aptomjac Moisés. 16 Apsovjoc nic nat Moisés apnatalhescama apquilvisay levitas, acno apcanamaclha siclho Dios.
17 Leví apquitquic nic nat Gersón, najan Coat, najan Merari. 18 Gersón aptovana apquilmolhama nic nat Libni najan Simei. 19 Coat aptovana apquilmolhama ilhnic nat Amram, Izhar, Hebrón najan Uziel. 20 Merari aptovana apquilmolhama ilhnic nat Mahli najan Musi. Eycaso ilhnic nat apquilmolhama clanes najan familias, Leví aptovana niptamin.
21 Gersón apquilmolhama clanes nic nat Libni najan Simei. 22 Apyoclhojo apquilinava appaliyam nic nat siclha apvitay macnatalhescama lhama piltin niptamin, acvaycmo 7.500 enlhitaoc. 23 Campamento apancaoc nic nat nicja carpa apponquinomap, payjoc actalhningvamlha acnim. 24 Gersón aptovana apvisqui apancaoc nic nat Eliasaf, Lael apquitca. 25 Yitnec nic nat apquiltimesaycam carpa apponquinomap: apquiltamilquiscama carpa, najan aplhancoc apponquinomap, najan cubierta ayajapsomalhca, najan apava apquilhnama carpa apatong. 26 Najan apava acjalhtamomalhca patio, najan apava acjalhtamomalhca altar apquilvatnamaclha asoc najan aplhancoc apponquinomap, najan maa tama aplhataoc carpa apponquinomap.
27 Aptovana apquilmolhama Coat nic nat: Amram, Izhar, Hebrón, Uziel. 28 Apyovoclhojo apquilinava appaliyam nic nat macnatalhescama apquilvisay niptamin lhama piltin, acvaycmo 8.300 enlhitaoc. Apquiltimesam nic nat carpa apponquinomap. 29 Yitnec nic nat campamento apancaoc nicja carpa apponquinomap, payjoc nipiyam. 30 Apyovoclhojo apquilmolhama apvisqui apancaoc nic nat Elizfán, Uziel apquitca. 31 Apquiltomja ilhnic apquiltamilquiscama yamit aysicsic acyitnamaclha Dios appayvam, najan mesa, najan ayapongmateyquiclha, najan altares apquilvatnamaclha, najan acyovoclhojo apquilmaycam alponquinomalhca, najan apava acjalhtamomalhca maa.
32 Eleazar, Aarón apquitca ilhnic nat apvisqui nipyesicsa sacerdotes levitas, apquiltimesaycam carpa apponquinomap.
33 Aptovana apquilmolhama Merari ilhnic nat Mahli najan Musi. 34 Apyovoclhojo apquilinavaa appaliyam siclha apvitay macnatalhescama apquilvisay niptamin lhama piltin, acvaycmo 6.200 enlhitaoc. 35 Yitnec nic nat campamento apancaoc nicja carpa apponquinomap, payjoc nilhqueyja. Apvisqui apancaoc nic nat Zuriel, Abihail apquitca. 36 Aptovana Merari apquiltimesam nic nat carpa apponquinomap: apquiltamilquiscama tablas yamit nicja, najan moc yamit poste, najan actemaclha tingma apvajac, najan acyovoclhojo apquilmaycam maa. 37 Najan maa poste nayava patio acjalhtamomalhca, najan poste avjac, najan tama alhataoc, najan yamit ayitcoc apquilyiplhalhem.
38 Campamento apancaoc Moisés najan Aarón najan Aarón apquitquic nic nat amamyi carpa apponquinomap, payjoc actiyapmaclha acnim. Apquiltimesam nic nat congne carpa apponquinomap apquileyvomaclha israelitas. Apvitacpec sat ancoc sacerdote metnaja apcanyomap etnesam, ematong sat.
39 Apquilpenasquic nic nat Moisés najan Aarón apnatalhescama apquilvisay levitas apquilmolhama, acno aplhanma siclho Dios. Apyovoclhojo apquilinava appaliyam siclha apvitay niptamin lhama piltin, acnatalhesalhco 22.000 enlhitaoc.
Macnatalhescama apquilvisay israelitas
40 Aptomjac nic nat Dios apcanya Moisés:
Isavojo sat lhip apnatalhescama apquilvisay israelitas apquitquic apquilinava appaliyam siclha apvitay niptamin lhama piltin, najan maa tap. 41 Ilponquinquis sat apquilvisay levitas otnejic ajancaoc, coo sicpayvam sicvisay Dios. Acno apnatoscama acpaliyam siclha apvitay nipyesicsa, otnejic ajancaoc. Molhenejec coo apnatoscama appaliyam siclha apvitay nipyesicsa israelitas — alhta aptomjac Dios — nic nat aptomjac Moisés.
42 Appenasquic nic nat Moisés apnatalhescama apquilvisay apquilinava israelitas appaliyam siclha apvitay, acno aplhanma siclho Dios. 43 Apyovoclhojo apquilinava appaliyam macnatalhescama apquilvisay niptamin lhama piltin, acvaycmo 22.273 enlhitaoc.
44 Aptomjac nic nat Dios apcanya Moisés:
45 Jetingyasquis sat levitas appaliyam siclha apvitay, jave israelitas apquitquic. Jetingyasquis sat levitas apnatoscama acpaliyam siclha apvitay jave israelitas apnatoscama. Otnejic ajancaoc, ayinyema sicpayvam sicvisay Dios. 46 Appintalhnama ilhnic nat apquitquic siclha apvitay israelitas, am colhno apquitquic levitas, acvaycmo 273 apquilvisay. Incaymalhquic lhip etingya acyanmongam, apquilvamlha apquitquic israelitas apquilyeycajay. 47 Itingya sat cinco monedas de plata acyanmongam moclhama israelita apquitcoc. Lhama solyayem (moneda) colhojoc sat once gramos de plata, colhojoc sat solyayem carpa apponquinomap. 48 Ilmes sat lhip solyayem plata, elhcac sat Aarón najan apquitquic, ayinyema apquilhacjam acyanmongam apquilmasma apquitquic israelitas — alhta aptomjac Dios — nic nat aptomjac Moisés.
49 Aplhocac nic nat Moisés solyayem acyanmongam apquilmasma apquitquic israelitas appaliyam siclha apvitay. Apquilvamlha apquitquic israelitas apquilyeycajay apquitquic levitas. 50 Aplhocac nic nat Moisés 1365 solyayem monedas de plata, acno acyanmongam carpa apponquinomap. 51 Innec nic nat acmesa Aarón najan apquitquic as solyayem, acno apcanama siclho Dios.
Apquiltimesaycam levitas
1 Yitnec nic nat appamejitquiscama Dios najan Moisés netin inquilhe Sinaí. Apvitac nic nat apquitquic Aarón najan Moisés. 2 Aarón nic nat apquitquic: apvisay Nadab aptiyam apmamyi, apyalhing nic nat Abiú, apyalhing nic nat Eleazar, apyalhing nic nat Itamar. 3 Apquilponquinacpec nic nat cuatro apquitquic eltimjic sacerdotes. 4 Apquitsepquic nic nat Nadab, najan apyalhing Abiú, ayinyema apquilvatnama talha asoc macmescama, payjoc yoclhilhma actamopeycaoc. Mepqui ilhnic nat apquitquic maa. Apquilaymacpec nic nat Eleazar najan Itamar eltimesam mocjam apquiltemaclha sacerdotes apquilpasmeyquiclha apquilyap Aarón.
5 Aptomjac nic nat Dios apcanya Moisés:
6 Ingyansiclha sat apyovoclhojo apquilmolhama tribu Leví. Eltimesam sat apquilpasmeyquiclha sacerdote Aarón. 7 Eltimesam sat apquilno sacerdotes congne carpa apponquinomap ayinyema apcanamaclha Aarón. 8 Eltamilsic sat apquilmaycam congne carpa apponquinomap, eltimesam sat maa, acno aquilanyomap eltimesam israelitas. 9 Copvanquejec lhip elpalhaquisic levitas najan apnaymacoc israelitas. Apquilvamlha levitas yoyam eltimesam sacerdote Aarón najan aptovana maa. 10 Apvamlha Aarón najan aptovana niptamin apquilmopvan eltimjic sacerdotes. Apvitacpec sat ancoc sacerdote metnaja apmolhama Leví, ematong sat maa — alhta aptomjac Dios — nic nat aptomjac Moisés.
Apquilmolhama Leví apquilvisay apquilmolhama Dios
11 Aptomjac nic nat Dios apcanya Moisés:
12 Alyacyesquic coo apquilmolhama Leví nipyesicsa israelitas, acya'mongam apquitca aptiyam apmamyi nipyesicsa apquilmolhama familias. Olhnasojoc sat eyitquic sicmolhama coo. 13 Moclhama enlhit apquitquic aptiyam apmamyi, apvisay sicmolhama coo. Alnapquic alhta nano appaliyam apquilmamyi co Egipto. Inlhenquic alhta evalhoc otnejic ajanco moclhama appaliyam apmamyi enlhit, najan acpaliyam amamyi apnatoscama nipyesicsa israelitas. Coo sicmolhama apyovoclhojo, siclhanma lhac sicvisay Dios — alhta aptomjac — nic nat aptomjac Moisés.
Macnatalhescama apquilvisay levitas
14 Apnam nic nat yoclhilhma actamopeycaoc. Aptomjac nic nat Dios apcanya Moisés: 15 Isavojo sat lhip apnatalhescama apquilvisay apyovoclhojo apquilmolhama Leví, actemaclha familias najan apquilmolhama clanes. Najan apquilvisay sicaa apquilinava appaliyam siclha apvitay, niptamin lhama piltin najan maa tap — alhta aptomjac — nic nat aptomjac Moisés. 16 Apsovjoc nic nat Moisés apnatalhescama apquilvisay levitas, acno apcanamaclha siclho Dios.
17 Leví apquitquic nic nat Gersón, najan Coat, najan Merari. 18 Gersón aptovana apquilmolhama nic nat Libni najan Simei. 19 Coat aptovana apquilmolhama ilhnic nat Amram, Izhar, Hebrón najan Uziel. 20 Merari aptovana apquilmolhama ilhnic nat Mahli najan Musi. Eycaso ilhnic nat apquilmolhama clanes najan familias, Leví aptovana niptamin.
21 Gersón apquilmolhama clanes nic nat Libni najan Simei. 22 Apyoclhojo apquilinava appaliyam nic nat siclha apvitay macnatalhescama lhama piltin niptamin, acvaycmo 7.500 enlhitaoc. 23 Campamento apancaoc nic nat nicja carpa apponquinomap, payjoc actalhningvamlha acnim. 24 Gersón aptovana apvisqui apancaoc nic nat Eliasaf, Lael apquitca. 25 Yitnec nic nat apquiltimesaycam carpa apponquinomap: apquiltamilquiscama carpa, najan aplhancoc apponquinomap, najan cubierta ayajapsomalhca, najan apava apquilhnama carpa apatong. 26 Najan apava acjalhtamomalhca patio, najan apava acjalhtamomalhca altar apquilvatnamaclha asoc najan aplhancoc apponquinomap, najan maa tama aplhataoc carpa apponquinomap.
27 Aptovana apquilmolhama Coat nic nat: Amram, Izhar, Hebrón, Uziel. 28 Apyovoclhojo apquilinava appaliyam nic nat macnatalhescama apquilvisay niptamin lhama piltin, acvaycmo 8.300 enlhitaoc. Apquiltimesam nic nat carpa apponquinomap. 29 Yitnec nic nat campamento apancaoc nicja carpa apponquinomap, payjoc nipiyam. 30 Apyovoclhojo apquilmolhama apvisqui apancaoc nic nat Elizfán, Uziel apquitca. 31 Apquiltomja ilhnic apquiltamilquiscama yamit aysicsic acyitnamaclha Dios appayvam, najan mesa, najan ayapongmateyquiclha, najan altares apquilvatnamaclha, najan acyovoclhojo apquilmaycam alponquinomalhca, najan apava acjalhtamomalhca maa.
32 Eleazar, Aarón apquitca ilhnic nat apvisqui nipyesicsa sacerdotes levitas, apquiltimesaycam carpa apponquinomap.
33 Aptovana apquilmolhama Merari ilhnic nat Mahli najan Musi. 34 Apyovoclhojo apquilinavaa appaliyam siclha apvitay macnatalhescama apquilvisay niptamin lhama piltin, acvaycmo 6.200 enlhitaoc. 35 Yitnec nic nat campamento apancaoc nicja carpa apponquinomap, payjoc nilhqueyja. Apvisqui apancaoc nic nat Zuriel, Abihail apquitca. 36 Aptovana Merari apquiltimesam nic nat carpa apponquinomap: apquiltamilquiscama tablas yamit nicja, najan moc yamit poste, najan actemaclha tingma apvajac, najan acyovoclhojo apquilmaycam maa. 37 Najan maa poste nayava patio acjalhtamomalhca, najan poste avjac, najan tama alhataoc, najan yamit ayitcoc apquilyiplhalhem.
38 Campamento apancaoc Moisés najan Aarón najan Aarón apquitquic nic nat amamyi carpa apponquinomap, payjoc actiyapmaclha acnim. Apquiltimesam nic nat congne carpa apponquinomap apquileyvomaclha israelitas. Apvitacpec sat ancoc sacerdote metnaja apcanyomap etnesam, ematong sat.
39 Apquilpenasquic nic nat Moisés najan Aarón apnatalhescama apquilvisay levitas apquilmolhama, acno aplhanma siclho Dios. Apyovoclhojo apquilinava appaliyam siclha apvitay niptamin lhama piltin, acnatalhesalhco 22.000 enlhitaoc.
Macnatalhescama apquilvisay israelitas
40 Aptomjac nic nat Dios apcanya Moisés:
Isavojo sat lhip apnatalhescama apquilvisay israelitas apquitquic apquilinava appaliyam siclha apvitay niptamin lhama piltin, najan maa tap. 41 Ilponquinquis sat apquilvisay levitas otnejic ajancaoc, coo sicpayvam sicvisay Dios. Acno apnatoscama acpaliyam siclha apvitay nipyesicsa, otnejic ajancaoc. Molhenejec coo apnatoscama appaliyam siclha apvitay nipyesicsa israelitas — alhta aptomjac Dios — nic nat aptomjac Moisés.
42 Appenasquic nic nat Moisés apnatalhescama apquilvisay apquilinava israelitas appaliyam siclha apvitay, acno aplhanma siclho Dios. 43 Apyovoclhojo apquilinava appaliyam macnatalhescama apquilvisay niptamin lhama piltin, acvaycmo 22.273 enlhitaoc.
44 Aptomjac nic nat Dios apcanya Moisés:
45 Jetingyasquis sat levitas appaliyam siclha apvitay, jave israelitas apquitquic. Jetingyasquis sat levitas apnatoscama acpaliyam siclha apvitay jave israelitas apnatoscama. Otnejic ajancaoc, ayinyema sicpayvam sicvisay Dios. 46 Appintalhnama ilhnic nat apquitquic siclha apvitay israelitas, am colhno apquitquic levitas, acvaycmo 273 apquilvisay. Incaymalhquic lhip etingya acyanmongam, apquilvamlha apquitquic israelitas apquilyeycajay. 47 Itingya sat cinco monedas de plata acyanmongam moclhama israelita apquitcoc. Lhama solyayem (moneda) colhojoc sat once gramos de plata, colhojoc sat solyayem carpa apponquinomap. 48 Ilmes sat lhip solyayem plata, elhcac sat Aarón najan apquitquic, ayinyema apquilhacjam acyanmongam apquilmasma apquitquic israelitas — alhta aptomjac Dios — nic nat aptomjac Moisés.
49 Aplhocac nic nat Moisés solyayem acyanmongam apquilmasma apquitquic israelitas appaliyam siclha apvitay. Apquilvamlha apquitquic israelitas apquilyeycajay apquitquic levitas. 50 Aplhocac nic nat Moisés 1365 solyayem monedas de plata, acno acyanmongam carpa apponquinomap. 51 Innec nic nat acmesa Aarón najan apquitquic as solyayem, acno apcanama siclho Dios.
