Tingma apmiyovmacpilha enlhit
(Nm 35.9-28Jos 20.1-9)1 Elvitac sat quellhip yoclhilhma alhnancoc. Enatovasacpoc sat actomja apquilaoclha ayinyema Dios. Elhnam sat quellhip as yoclhilhma, elhnam sat tingma apancaoc najan tingma apquilvanyam. 2 Elponquinquis sat apnatqui tingma as yoclhilhma Dios apmescama. 3 Ellaniclha sat amay acyascama tingma apquilvanyam. Elilhpanquis as yoclhilhma natqui partes, moclhama parte lhama tingma apvanyam, yoyam emyovacpoc as tingma enlhit apquinyem. 4 Enlhit apcajem poc, ingyinyejic sat apvoyam as tingma, yoyam emyovacpoc sat maa. Ayinyema apcajem poc mepqui aplom, najan mepqui aclhanma apvalhoc. 5 Amyaa actema nac jay: Aplhalhma enlhit apyintilhvoyam nalhma. Naysicsa apquinquem yamit aclicalhco tava navá, acyimsasa aplhalhma, ingyitsapoc sat. Apvanquic ingyinyejic as enlhit apcajem evomsacpoc tap tingma apmiyovmacpilha enlhit. 6 Cat anco amay apquinyem, apvita eyca niptamin apya'mascam apmolhama apmatnam (apquitsepma), eyanmongsiclha aptemaclha apcajem, ayinyema mepqui apsilhnanomap apanco apcajem, najan mepqui mataa apquinmelhaycam poc. 7 Eycaso sicpayvam silanya quellhip, yoyam elponquinsic apnatqui tingma apquilvanyam. 8 Eyangviscomjoc sat Dios yoclhilhma apquileyvomaclha quellhip, acno aplhanma nat napatavo apquilyeyjamcaa quellhip. 9 Natamin elponquinquis sat mocjam apnatqui tingma apquilvanyam apquilmiyovmacpilha enlhit, acvaycmo seis tingma. (Elyiplovquis sat mataa siyanamaclha siltimnascama quilhvo, najan moc: Elasicjojo mataa quellhip Dios elyiplaclha amay pac.) 10 Mematnejec sat mataa enlhit mepqui apsilhnanomap apanco as yoclhilhma alhnancoc Dios apmescama. Mellhenacpejec sat quellhip apquilsilhnanomap apanco.
11 Apnec sat ancoc enlhit aplom aptanoncama poc, aptomja apya'mascam yoyam ingyajic. Apcajac sat ancoc, ingyinyejic sat tingma apmiyovmacpilha enlhit. 12 Elanic sat apquilyicpilquemo mayayo emacpoc sat enlhit, eyantamacpoc sat nipyesicsa apquilmolhama aptomja apcajem, yoyam etvasacpoc mataa, ematong sat maa. 13 Noelasicjojo nasa apmapsom. Mematnejec sat mocjam enlhit mepqui apsilhnanomap apanco israelita. Mepqui amyaa sat cotnejic mataa.
14 Elvitac sat quellhip yoclhilhma alhnancoc Dios apmescama. Noeltingya nasa eltimjic apancaoc nicja amyip najan nicja apquileyvomaclha poc enlhit. Inquilyipsatalhquic nanoc nat amyipayc najan apquileyvomaclha poc israelitas.
Enlhit napato singyicpilquemo
15 Apnec sat ancoc enlhit apsilhnanomap apanco napato singyicpilquemo, incaymalhquic ellhenic apcanit, tasic najan apnatqui enlhit apquilvitaycamco. Copvanquejec lhama apanco enlhit apvitaycamco elhenic napato singyicpilquemo.
16 Appejescacmec sat ancoc apmapsom enlhit apvitaycamco, aptomja apmopvan amyaa. 17 Incaymalhquic as apcanit elmiyaclhac apnaclha sacerdote aptimesaycam napato Dios, najan apnaclha apquilyicpilquemo apquiltimesaycam maa. 18 Eyicpilcacpoc sat apsilhnanomap apanco napatavo apquilyicpilquemo. Yitnec sat ancoc apmopvan amyaa enlhit apvitaycamco, 19 colhic sat acyanmongseclho aptemaclha apanco, etnejic sat apsilhnanomap apanco, jave poc. Elmascos sat quellhip acmasom, acyitna inlhojo nipyesicsa quellhip. 20 Elangvomoc sat apyovoclhojo israelitas, apquillinga inlhojo apmatnam enlhit apvitaycamco naysicsa apmopvan amyaa. 21 Noelmiyov nasa apmapsom: actemaclha ningajem acyanmongayclha ningajem, actemaclha ingatic acyanmongayclha ingatic, ingmaoc acyanmongayclha ingmaoc, ingminic acyanmongayclha ingminic. Ningiltimem nincoo: Inticpongalhquic sat ancoc lhip apvajic, iyanmongsiclha. Iticpong sat lhip lha apvajic poc — nic nat aptomjac Moisés.
Tingma apmiyovmacpilha enlhit
(Nm 35.9-28Jos 20.1-9)1 Elvitac sat quellhip yoclhilhma alhnancoc. Enatovasacpoc sat actomja apquilaoclha ayinyema Dios. Elhnam sat quellhip as yoclhilhma, elhnam sat tingma apancaoc najan tingma apquilvanyam. 2 Elponquinquis sat apnatqui tingma as yoclhilhma Dios apmescama. 3 Ellaniclha sat amay acyascama tingma apquilvanyam. Elilhpanquis as yoclhilhma natqui partes, moclhama parte lhama tingma apvanyam, yoyam emyovacpoc as tingma enlhit apquinyem. 4 Enlhit apcajem poc, ingyinyejic sat apvoyam as tingma, yoyam emyovacpoc sat maa. Ayinyema apcajem poc mepqui aplom, najan mepqui aclhanma apvalhoc. 5 Amyaa actema nac jay: Aplhalhma enlhit apyintilhvoyam nalhma. Naysicsa apquinquem yamit aclicalhco tava navá, acyimsasa aplhalhma, ingyitsapoc sat. Apvanquic ingyinyejic as enlhit apcajem evomsacpoc tap tingma apmiyovmacpilha enlhit. 6 Cat anco amay apquinyem, apvita eyca niptamin apya'mascam apmolhama apmatnam (apquitsepma), eyanmongsiclha aptemaclha apcajem, ayinyema mepqui apsilhnanomap apanco apcajem, najan mepqui mataa apquinmelhaycam poc. 7 Eycaso sicpayvam silanya quellhip, yoyam elponquinsic apnatqui tingma apquilvanyam. 8 Eyangviscomjoc sat Dios yoclhilhma apquileyvomaclha quellhip, acno aplhanma nat napatavo apquilyeyjamcaa quellhip. 9 Natamin elponquinquis sat mocjam apnatqui tingma apquilvanyam apquilmiyovmacpilha enlhit, acvaycmo seis tingma. (Elyiplovquis sat mataa siyanamaclha siltimnascama quilhvo, najan moc: Elasicjojo mataa quellhip Dios elyiplaclha amay pac.) 10 Mematnejec sat mataa enlhit mepqui apsilhnanomap apanco as yoclhilhma alhnancoc Dios apmescama. Mellhenacpejec sat quellhip apquilsilhnanomap apanco.
11 Apnec sat ancoc enlhit aplom aptanoncama poc, aptomja apya'mascam yoyam ingyajic. Apcajac sat ancoc, ingyinyejic sat tingma apmiyovmacpilha enlhit. 12 Elanic sat apquilyicpilquemo mayayo emacpoc sat enlhit, eyantamacpoc sat nipyesicsa apquilmolhama aptomja apcajem, yoyam etvasacpoc mataa, ematong sat maa. 13 Noelasicjojo nasa apmapsom. Mematnejec sat mocjam enlhit mepqui apsilhnanomap apanco israelita. Mepqui amyaa sat cotnejic mataa.
14 Elvitac sat quellhip yoclhilhma alhnancoc Dios apmescama. Noeltingya nasa eltimjic apancaoc nicja amyip najan nicja apquileyvomaclha poc enlhit. Inquilyipsatalhquic nanoc nat amyipayc najan apquileyvomaclha poc israelitas.
Enlhit napato singyicpilquemo
15 Apnec sat ancoc enlhit apsilhnanomap apanco napato singyicpilquemo, incaymalhquic ellhenic apcanit, tasic najan apnatqui enlhit apquilvitaycamco. Copvanquejec lhama apanco enlhit apvitaycamco elhenic napato singyicpilquemo.
16 Appejescacmec sat ancoc apmapsom enlhit apvitaycamco, aptomja apmopvan amyaa. 17 Incaymalhquic as apcanit elmiyaclhac apnaclha sacerdote aptimesaycam napato Dios, najan apnaclha apquilyicpilquemo apquiltimesaycam maa. 18 Eyicpilcacpoc sat apsilhnanomap apanco napatavo apquilyicpilquemo. Yitnec sat ancoc apmopvan amyaa enlhit apvitaycamco, 19 colhic sat acyanmongseclho aptemaclha apanco, etnejic sat apsilhnanomap apanco, jave poc. Elmascos sat quellhip acmasom, acyitna inlhojo nipyesicsa quellhip. 20 Elangvomoc sat apyovoclhojo israelitas, apquillinga inlhojo apmatnam enlhit apvitaycamco naysicsa apmopvan amyaa. 21 Noelmiyov nasa apmapsom: actemaclha ningajem acyanmongayclha ningajem, actemaclha ingatic acyanmongayclha ingatic, ingmaoc acyanmongayclha ingmaoc, ingminic acyanmongayclha ingminic. Ningiltimem nincoo: Inticpongalhquic sat ancoc lhip apvajic, iyanmongsiclha. Iticpong sat lhip lha apvajic poc — nic nat aptomjac Moisés.
