Josué appayvam apquiltimnascama
1 Apvanacmec nic nat Josué. Mepqui ilhnic nat apquilimpocjay cotnaja ingmoc aclhamaclhojo años, ayinyema Dios. 2 Apcansaclhec nic nat apyovoclhojo enlhitaoc, najan mayayo apquilvanyam, najan apquilyimtalhnamo, najan apquilyicpilquemo, najan apquilimja apmamyi.
Aptomjac nic nat apquilanya: —Sicvanyam coo, comoc sat nelha sictiyascam. 3 Apquilvitac alhta mataa quellhip aptamjaycam simpilapquiscama Dios nipyesicsa metnaja nintemolhama. Dios ayinyema alhta mataa apquilyimnatem quellhip. 4 Alyacyesquic alhta sicmaycam sicas, yoyam olyipsitic yoclhilhma sicmilasictem. Elhnam sat moclhama apquilmolhama tribu, ayenmo vatsam Jordán acvaycmo yingmin acvanyam Mediterráneo. Najan maa yoclhilhma melvoycamlha mocjam quellhip. 5 Elmiclhac sat quellhip as yoclhilhma, acno aplhanma ilhnic nat Dios. Elantipsacpoc sat maa metnaja nintemolhama, ayinyema Dios. 6 Elyimnac sat quellhip. Elyiplovcasojo mataa singanamaclha actalhesamalhca Moisés. Elsavojo sat apquilyiplovquiscama quellhip. 7 Noeltime nasa apquilpalhquemap metnaja nintemolhama, apquilaymomap nipyesicsa quellhip. Noeltime nasa apquilayo quilaycmasquiscama apancaoc acyitsomalhca dios. Noeyiplovcasojo nasa apquiltemaclha maa. Noelane nasa colngalhca acvisay anco quilaycmasquiscama. 8 Elyiplovcasojo sat mataa Dios Apyimtalhnamo, acno apquilyiplovquiscama alhta mataa quellhip. 9 Apquilantipsacpec alhta mataa napatavo quellhip cotnaja ingmoc appintalhnama najan apquilyimnatem. Apquilyimnatem apanco mataa quellhip, am elhno cotnaja ingmoc. 10 Lhama ingmoc apmopvan ingyinyajacsic mil cotnaja ingmoc. Ayinyema Dios, aptomja apquilyimnatescama mataa quellhip, acno aplhanma nic nat. , 11 Eltamilsacpojo apanco quellhip. Elasicjojo sat mataa Dios Apyimtalhnamo. 12-13 Elyasamcojo quellhip: Apquilyinyovquic sat ancoc Dios quellhip. Apquilpalhavocmec sat ancoc quellhip, ayinyema alyimjapeycaoc metnaja nintemolhama apquilaymomap nipyesicsa quellhip. Melantipsacpejec sat mataa as enlhitaoc ayinyema Dios. Malha trampa quiljanma sat eltimjic as enlhitaoc. Elmacpoc sat quellhip, ellingamcojoc sat acyimtalhnama. Malha quilyicpilhquitma sat cotnejic apquillingaycamco quellhip. Malha najan amaoc alyiplhaycaoc apataoc sat cotnejic. Mepqui apcaymomap lhama quellhip sat cotnejic as yoclhilhma actamila, apquillhoy alhta quellhip, ayinyema Dios apquilmescama.
14 Vocmec nelha sictiyascam coo, ongvitsapoc sat. Nocolvonquim nasa, colyasingvoclhojo apquilvalhoc quellhip, apquilvitay alhta aclhamoclhojo asoc altamila, ayinyema aplhanma alhta siclho Dios. Apsovjoc alhta aplhanma mataa mepqui apyeycajascaoc Dios. 15-16 Apquilvita inyicje asoc altamila quellhip. Ellingamcojoc sat quellhip acyimtalhnama, acyitna inlhojo apquiltemaclha quellhip mepqui apquilyiplovquiscama apmayjayoclha Dios. Apquiltomja inlhojo quellhip apquilayo quilaycmasquiscama acyiplomo apquilpayescamo quellhip. Dios eyanmongsiclhac sat apquiltemaclha apancaoc quellhip. Mengyaymacpejec sat lhama quellhip as yoclhilhma actamila, apquillhoy alhta quellhip, ayinyema Dios — nic nat aptomjac Josué.
Josué appayvam apquiltimnascama
1 Apvanacmec nic nat Josué. Mepqui ilhnic nat apquilimpocjay cotnaja ingmoc aclhamaclhojo años, ayinyema Dios. 2 Apcansaclhec nic nat apyovoclhojo enlhitaoc, najan mayayo apquilvanyam, najan apquilyimtalhnamo, najan apquilyicpilquemo, najan apquilimja apmamyi.
Aptomjac nic nat apquilanya: —Sicvanyam coo, comoc sat nelha sictiyascam. 3 Apquilvitac alhta mataa quellhip aptamjaycam simpilapquiscama Dios nipyesicsa metnaja nintemolhama. Dios ayinyema alhta mataa apquilyimnatem quellhip. 4 Alyacyesquic alhta sicmaycam sicas, yoyam olyipsitic yoclhilhma sicmilasictem. Elhnam sat moclhama apquilmolhama tribu, ayenmo vatsam Jordán acvaycmo yingmin acvanyam Mediterráneo. Najan maa yoclhilhma melvoycamlha mocjam quellhip. 5 Elmiclhac sat quellhip as yoclhilhma, acno aplhanma ilhnic nat Dios. Elantipsacpoc sat maa metnaja nintemolhama, ayinyema Dios. 6 Elyimnac sat quellhip. Elyiplovcasojo mataa singanamaclha actalhesamalhca Moisés. Elsavojo sat apquilyiplovquiscama quellhip. 7 Noeltime nasa apquilpalhquemap metnaja nintemolhama, apquilaymomap nipyesicsa quellhip. Noeltime nasa apquilayo quilaycmasquiscama apancaoc acyitsomalhca dios. Noeyiplovcasojo nasa apquiltemaclha maa. Noelane nasa colngalhca acvisay anco quilaycmasquiscama. 8 Elyiplovcasojo sat mataa Dios Apyimtalhnamo, acno apquilyiplovquiscama alhta mataa quellhip. 9 Apquilantipsacpec alhta mataa napatavo quellhip cotnaja ingmoc appintalhnama najan apquilyimnatem. Apquilyimnatem apanco mataa quellhip, am elhno cotnaja ingmoc. 10 Lhama ingmoc apmopvan ingyinyajacsic mil cotnaja ingmoc. Ayinyema Dios, aptomja apquilyimnatescama mataa quellhip, acno aplhanma nic nat. , 11 Eltamilsacpojo apanco quellhip. Elasicjojo sat mataa Dios Apyimtalhnamo. 12-13 Elyasamcojo quellhip: Apquilyinyovquic sat ancoc Dios quellhip. Apquilpalhavocmec sat ancoc quellhip, ayinyema alyimjapeycaoc metnaja nintemolhama apquilaymomap nipyesicsa quellhip. Melantipsacpejec sat mataa as enlhitaoc ayinyema Dios. Malha trampa quiljanma sat eltimjic as enlhitaoc. Elmacpoc sat quellhip, ellingamcojoc sat acyimtalhnama. Malha quilyicpilhquitma sat cotnejic apquillingaycamco quellhip. Malha najan amaoc alyiplhaycaoc apataoc sat cotnejic. Mepqui apcaymomap lhama quellhip sat cotnejic as yoclhilhma actamila, apquillhoy alhta quellhip, ayinyema Dios apquilmescama.
14 Vocmec nelha sictiyascam coo, ongvitsapoc sat. Nocolvonquim nasa, colyasingvoclhojo apquilvalhoc quellhip, apquilvitay alhta aclhamoclhojo asoc altamila, ayinyema aplhanma alhta siclho Dios. Apsovjoc alhta aplhanma mataa mepqui apyeycajascaoc Dios. 15-16 Apquilvita inyicje asoc altamila quellhip. Ellingamcojoc sat quellhip acyimtalhnama, acyitna inlhojo apquiltemaclha quellhip mepqui apquilyiplovquiscama apmayjayoclha Dios. Apquiltomja inlhojo quellhip apquilayo quilaycmasquiscama acyiplomo apquilpayescamo quellhip. Dios eyanmongsiclhac sat apquiltemaclha apancaoc quellhip. Mengyaymacpejec sat lhama quellhip as yoclhilhma actamila, apquillhoy alhta quellhip, ayinyema Dios — nic nat aptomjac Josué.
