Apvisqui rey
1 Dios Visqui ingac.
Ingyane sat colhic acyascamco apvalhoc apvisqui rey.
Ingyane sat etnejic appeyvomo apvisqui apquitca.
2 Etnejic sat apyicpilquemo appeyvomo nipyesicsa apnaymacoc.
Najan nipyesicsa mepqui apquilnatam (mepqui asoc).
3 Conyemac sat inquilhe alvinatem actemaclha ningmiyovmalhca.
Conyemac sat inquilhe ayitcoc actemaclha acpeyvomo.
4 Etnejic sat appeyvomo appeyvescasquiclha nipyesicsa mepqui apquilnatam.
Elpasmoc sat mepqui apquilnatam.
Ingyilhpansic sat apquilyimtalhnesomap apanco.
5 Etnejic sat apvisqui rey ayay apvalhoc napato lhip.
Comasquejec mataa ningvitay acnim najan alhtaa.
Colhojoc sat aptiyascam apvisqui rey.
6 Aptemaclha apvisqui colhojoc sat acmamay najan malha yalya alhtoo.
Aptomja apyeysiscama as nalhpop (lhopactic) najan ayimjaclha paat.
7 Ongvitac sat nintemaclha nimpeyvomo najan actamilaycam ingvalhoc.
Naysicsa aptimem apvisqui cotmongvoycamlha nelha.
8 Yoclhilhma apcanamaclha ayenmo yingmin acvanyam acvaycmo moc yingmin acvanyam.
Moc nicja vatsam Éufrates acvaycmo nelha as nalhpop (lhapop).
9 Elmacpoc sat cotnaja ingmoc apquileyvam moc yoclhilhma (actamopeycaoc).
Eltimjic sat apquilyajayquiclho apcanama inlhojo apvisqui.
10 Elhcac sat apvisqui apcaycaoc alinyema apquilviscaa co Tarsis (España) najan apnaycam acyayem lhop.
Apcaycaoc alinyema apquilviscaa co Sabá (Arabia) najan co Seba (Etiopía).
11 Elilyejiclhojoc sat apyovoclhojo apquilviscaa (elticlhic aptapnaoc).
Eltimesam sat apyovoclhojo enlhitaoc lhalhma anco.
12 Elvomsic sat tap, aplinga inlhojo apquilmalhnaycam enlhit mepqui asoc.
Elvomsic sat tap, aplinga inlhojo ayaymalhco asoc.
Mepqui apmasma asoc.
13 Etingyasquisic asoc, apvita inlhojo melyimnatem najan enlhit mepqui asoc.
Elmiyovacpoc sat enlhit mepqui asoc.
14 Elmiyovacpoc sat naysicsa apquillingaycamco acyimtalhnama.
Apquiltasic mataa as enlhitaoc napato apvisqui.
15 Innec ayaco apvisqui rey.
Elhcac sat macmescama oro alyinmom ayinyema Sabá (Arabia). Colhic sat mataa ayaco.
Colhic sat almalhnesquisa apvisqui rey.
16 Ongvitac sat mataa ayimjaclha acyilhna (trigo) acvaycmo netin inquilhe.
Ongvitac sat mataa ayimjaclha acyilhna.
Colhojoc sat nalhma Líbano.
Ongvitac sat mataa ayimjaclha acyilhna.
Malha ayimjaclha paat (panatem).
17 Comasquejec sat mataa apvisay apanco.
Colhic sat mataa ayaco.
Colhic sat acvaticjapquisa apyovoclhojo enlhitaoc lhalhma anco.
Apquilinyejemo sat elhenacpoc apvisqui rey.
18 Innec ayaco Dios Visqui apancaoc Israel apquilmolhama.
Apmopvan aptamjaycam simpilapquiscama.
19 Innec ayaco apvisay apanco cotmongvoycamlha nelha.
Najan maa gloria apyimtalhnamo.
Naso. Naso.
20 Nelha intomjac apquilmalhnancama David, Isaí apquitca.
Apvisqui rey
1 Dios Visqui ingac.
Ingyane sat colhic acyascamco apvalhoc apvisqui rey.
Ingyane sat etnejic appeyvomo apvisqui apquitca.
2 Etnejic sat apyicpilquemo appeyvomo nipyesicsa apnaymacoc.
Najan nipyesicsa mepqui apquilnatam (mepqui asoc).
3 Conyemac sat inquilhe alvinatem actemaclha ningmiyovmalhca.
Conyemac sat inquilhe ayitcoc actemaclha acpeyvomo.
4 Etnejic sat appeyvomo appeyvescasquiclha nipyesicsa mepqui apquilnatam.
Elpasmoc sat mepqui apquilnatam.
Ingyilhpansic sat apquilyimtalhnesomap apanco.
5 Etnejic sat apvisqui rey ayay apvalhoc napato lhip.
Comasquejec mataa ningvitay acnim najan alhtaa.
Colhojoc sat aptiyascam apvisqui rey.
6 Aptemaclha apvisqui colhojoc sat acmamay najan malha yalya alhtoo.
Aptomja apyeysiscama as nalhpop (lhopactic) najan ayimjaclha paat.
7 Ongvitac sat nintemaclha nimpeyvomo najan actamilaycam ingvalhoc.
Naysicsa aptimem apvisqui cotmongvoycamlha nelha.
8 Yoclhilhma apcanamaclha ayenmo yingmin acvanyam acvaycmo moc yingmin acvanyam.
Moc nicja vatsam Éufrates acvaycmo nelha as nalhpop (lhapop).
9 Elmacpoc sat cotnaja ingmoc apquileyvam moc yoclhilhma (actamopeycaoc).
Eltimjic sat apquilyajayquiclho apcanama inlhojo apvisqui.
10 Elhcac sat apvisqui apcaycaoc alinyema apquilviscaa co Tarsis (España) najan apnaycam acyayem lhop.
Apcaycaoc alinyema apquilviscaa co Sabá (Arabia) najan co Seba (Etiopía).
11 Elilyejiclhojoc sat apyovoclhojo apquilviscaa (elticlhic aptapnaoc).
Eltimesam sat apyovoclhojo enlhitaoc lhalhma anco.
12 Elvomsic sat tap, aplinga inlhojo apquilmalhnaycam enlhit mepqui asoc.
Elvomsic sat tap, aplinga inlhojo ayaymalhco asoc.
Mepqui apmasma asoc.
13 Etingyasquisic asoc, apvita inlhojo melyimnatem najan enlhit mepqui asoc.
Elmiyovacpoc sat enlhit mepqui asoc.
14 Elmiyovacpoc sat naysicsa apquillingaycamco acyimtalhnama.
Apquiltasic mataa as enlhitaoc napato apvisqui.
15 Innec ayaco apvisqui rey.
Elhcac sat macmescama oro alyinmom ayinyema Sabá (Arabia). Colhic sat mataa ayaco.
Colhic sat almalhnesquisa apvisqui rey.
16 Ongvitac sat mataa ayimjaclha acyilhna (trigo) acvaycmo netin inquilhe.
Ongvitac sat mataa ayimjaclha acyilhna.
Colhojoc sat nalhma Líbano.
Ongvitac sat mataa ayimjaclha acyilhna.
Malha ayimjaclha paat (panatem).
17 Comasquejec sat mataa apvisay apanco.
Colhic sat mataa ayaco.
Colhic sat acvaticjapquisa apyovoclhojo enlhitaoc lhalhma anco.
Apquilinyejemo sat elhenacpoc apvisqui rey.
18 Innec ayaco Dios Visqui apancaoc Israel apquilmolhama.
Apmopvan aptamjaycam simpilapquiscama.
19 Innec ayaco apvisay apanco cotmongvoycamlha nelha.
Najan maa gloria apyimtalhnamo.
Naso. Naso.
20 Nelha intomjac apquilmalhnancama David, Isaí apquitca.
