Acnim ninnayclhilha
(Ex 31.12-17)1 Apcansaclhec nic nat Moisés apyovoclhojo israelitas, aptomja apquilanya: Eycaso appayvam ayinyema Dios Visqui ingac apquilanyacpo quellhip: 2 Eltamjam sat quellhip seis acnim, colapvanquejec eltamjam séptimo acnim, actomja acponquinomalhca najan ninnayclhilha, yoyam colhic ayaco Dios. Ematong sat enlhit aptomja aptamjaycam as acnim ninnayclhilha. 3 Colapvanquejec quellhip elvitic talha moclhama tingma as acnim ninnayclhilha — nic nat aptomjac Dios.
Ofrendas ningmescama nasa
(Ex 25.1-9)4 Aptomjac nic nat Moisés apquilanya israelitas: Eycaso appayvam ayinyema Dios Visqui ingac apquilanyacpo quellhip: 5 Elansiclha sat nipyesicsa apnaymacoc ofrenda macmescama Dios. Yitnec sat ancoc aclhanma apvalhoc enlhit elmecsic asoc, esantimquisic sat: oro, najan plata, najan bronce, 6 najan apava morada, najan apava púrpura, najan apava apyilhvasem, najan apava lino, najan yataay apva, 7 najan nipquesic apyimpeoc alyilhvasem, najan asoyimpeoc, najan yamit acacia, 8 najan calevascama ayingmenic, najan asoc acmasis ningatsisquiscama asoc najan asoc acmasis malvatnama talha, 9 najan mataymong acmamnave cornalina, najan moc mataymong alyinmom, yoyam colyipitsalhcac sat apava efod najan apava pectoral, apquilantalhnama apvisqui sacerdote — nic nat aptomjac.
Apquilmaycam acnaycaoc carpa apponquinomap
(Ex 39.32-43)10 Aptomjac nic nat Moisés apquilanya: Incaymalhquic enlhit apquilmopvan ellana asoc elilhyemoc, yoyam elpasmiclha apquilanyomap ellana: 11 carpa apponquinomap santuario, najan apquilpaclhanma tingma, najan ganchos asoc'jalhem, najan tablas yamit nicja, najan travesaños yamit alvinatem, najan poste alimja, najan bases maa, 12 najan yamit aysicsic acyitnamaclha Dios appayvam, najan ayapma atong, najan travesaños yamit alvinatem, najan apava apcalomap as asoc, 13 najan mesa acyiplomo travesaños yamit acyiplomo apquilmaycam maa, najan pan apponquinomap napato Dios, 14 najan candelabro alapongmateyquiclha acyiplomo apquilmaycam, najan calevascama, najan calevascama ayingmenic, 15 najan altar alvatnamalhquilha asoc acmasis acyiplomo travesaños yamit alvinatem, najan asoc acmasis ningatsisquiscama asoc, najan asoc acmasis malvatnama talha, najan cortina apava payjoc atong carpa apponquinomap, 16 najan altar apquilvatnamaclha holocaustos macmescama Dios malvatnama talha acyanmongam melyascalhma acyiplomo rejilla de bronce, najan travesaños maa yamit alvinatem, najan acyovoclhojo apquilmaycam, najan yingmin alhancoc acyivey acyiplomo base avjac. 17 Najan cortinas apava apquilquilhanma patio, najan postes najan poste avjac, najan cortina apava atong patio, 18 najan estacas amaoc aplhataoc carpa santuario najan carpa patio, 19 najan apava apquilantalhnama sacerdote Aarón najan apquitquic naysicsa apquiltimesaycam congne santuario apponquinomap — nic nat aptomjac Moisés.
Ofrenda macmescama Dios ayinyema israelitas
20 Apquiltajaclhec nic nat siclho apyovoclhojo israelitas, apquilpayvasa Moisés. 21 Inlhenquic nic nat apquilvalhoc moclhama enlhit mepqui acmasma apquilvalhoc, elsantimquisic asoc macmescama Dios, yoyam ellanacpoc sat carpa apponquinomap (aplhancoc apponquinomap) najan asoc ayaymomalhca, najan apava apponquinomap. 22 Apquilvoctac nic nat enlhit najan quilvanaa, apquilsantimquisa asoc macmescama Dios, mepqui acmasma apquilvalhoc aclhamoclhojo asoc: prendedores, anillos, argollas, pendientes de oro, najan moc asoc de oro. Apquilsantimcasquic nic nat moclhama asoc ofrendas macmescama Dios, asoc de oro. 23 Apquilsantimcasquic nic nat apava morada, najan apava púrpura najan apava apyilhvasem, apava lino, najan yataay apva, najan nipquesic apyimpeoc alyilhvasem najan asoyimpeoc. 24 Poc mataa apquilsayquinta ofrenda plata najan bronce, actemaclha macmescama Dios. Poc mataa yamit acacia, yoyam colhic allana apquilmaycam ayaymomalhca. 25 Quilvanaa almovancaa alyipnatem apava alsantimquisa apava morada, najan apava púrpura, najan apava apyilhvasem, najan apava lino. 26 Moc quilvana almovancaa apava aclhanma avalhoc collanac yataay apva. 27 Apquilsantimcasquic mataa apquilviscaa mayayo mataymong acmamnave acvisay cornalina alyinmom najan moc mataymong alyinmom, colhic allana efod najan pectoral aptalhnama apvisqui sacerdote. 28 Najan asoc acmasis, actemaclha ningatsisquiscama asoc, najan asoc acmasis malvatnama talha, najan calevascama ayingmenic.
29 Aplhamoclhojo enlhit, aclhamoclhojo quilvanaa, acyitna inlhojo aclhanma apquilvalhoc ofrenda macmescama Dios. Apquilsantimcasquic nic nat asoc apancaoc napato Visqui ingac, acno apcanama siclho, yoyam elngacsic Moisés nipyesicsa enlhitaoc.
Apquilmaycam acnaycaoc carpa apponquinomap.
(Ex 31.1-11)30 Aptomjac nic nat Moisés apquilanya israelitas: Quip elanojo quellhip. Visqui ingac aptomja apquilyacyescama nipyesicsa apquilmolhama Judá, enlhit apvisay Bezaleel, Uri apquitca, Hur aptavin. 31 Espíritu de Dios apnac apvalhoc as enlhit, najan acyascamco apvalhoc, najan acyicpilquemo apvalhoc, najan apmopvan ellana alhancoc asoc. 32 Apvanquic ellana apquilcajascama oro, najan plata najan bronce. 33 Colhic allana mataymong acmamnave najan alyinmom, najan yamit allanomalhca quilaycmasquiscama apquilnatanma. 34 Apvanquic as enlhit eyascasingvomoc poc. Poc aplhalhma apvisay Aholiab, Ahisamac apquitca apquinyema apquilmolhama Dan. 35 Espíritu de Dios apna apvalhoc as enlhit najan aptamjaycamó lhama, yoyam colhic allana asoc altamila alcajasomalhca, najan apava morada acma aptalhamavo, najan apava púrpura, najan apava apyilhvasem, najan apava lino, najan alyipnatem moclhama apava ayaymomalhca.
Acnim ninnayclhilha
(Ex 31.12-17)1 Apcansaclhec nic nat Moisés apyovoclhojo israelitas, aptomja apquilanya: Eycaso appayvam ayinyema Dios Visqui ingac apquilanyacpo quellhip: 2 Eltamjam sat quellhip seis acnim, colapvanquejec eltamjam séptimo acnim, actomja acponquinomalhca najan ninnayclhilha, yoyam colhic ayaco Dios. Ematong sat enlhit aptomja aptamjaycam as acnim ninnayclhilha. 3 Colapvanquejec quellhip elvitic talha moclhama tingma as acnim ninnayclhilha — nic nat aptomjac Dios.
Ofrendas ningmescama nasa
(Ex 25.1-9)4 Aptomjac nic nat Moisés apquilanya israelitas: Eycaso appayvam ayinyema Dios Visqui ingac apquilanyacpo quellhip: 5 Elansiclha sat nipyesicsa apnaymacoc ofrenda macmescama Dios. Yitnec sat ancoc aclhanma apvalhoc enlhit elmecsic asoc, esantimquisic sat: oro, najan plata, najan bronce, 6 najan apava morada, najan apava púrpura, najan apava apyilhvasem, najan apava lino, najan yataay apva, 7 najan nipquesic apyimpeoc alyilhvasem, najan asoyimpeoc, najan yamit acacia, 8 najan calevascama ayingmenic, najan asoc acmasis ningatsisquiscama asoc najan asoc acmasis malvatnama talha, 9 najan mataymong acmamnave cornalina, najan moc mataymong alyinmom, yoyam colyipitsalhcac sat apava efod najan apava pectoral, apquilantalhnama apvisqui sacerdote — nic nat aptomjac.
Apquilmaycam acnaycaoc carpa apponquinomap
(Ex 39.32-43)10 Aptomjac nic nat Moisés apquilanya: Incaymalhquic enlhit apquilmopvan ellana asoc elilhyemoc, yoyam elpasmiclha apquilanyomap ellana: 11 carpa apponquinomap santuario, najan apquilpaclhanma tingma, najan ganchos asoc'jalhem, najan tablas yamit nicja, najan travesaños yamit alvinatem, najan poste alimja, najan bases maa, 12 najan yamit aysicsic acyitnamaclha Dios appayvam, najan ayapma atong, najan travesaños yamit alvinatem, najan apava apcalomap as asoc, 13 najan mesa acyiplomo travesaños yamit acyiplomo apquilmaycam maa, najan pan apponquinomap napato Dios, 14 najan candelabro alapongmateyquiclha acyiplomo apquilmaycam, najan calevascama, najan calevascama ayingmenic, 15 najan altar alvatnamalhquilha asoc acmasis acyiplomo travesaños yamit alvinatem, najan asoc acmasis ningatsisquiscama asoc, najan asoc acmasis malvatnama talha, najan cortina apava payjoc atong carpa apponquinomap, 16 najan altar apquilvatnamaclha holocaustos macmescama Dios malvatnama talha acyanmongam melyascalhma acyiplomo rejilla de bronce, najan travesaños maa yamit alvinatem, najan acyovoclhojo apquilmaycam, najan yingmin alhancoc acyivey acyiplomo base avjac. 17 Najan cortinas apava apquilquilhanma patio, najan postes najan poste avjac, najan cortina apava atong patio, 18 najan estacas amaoc aplhataoc carpa santuario najan carpa patio, 19 najan apava apquilantalhnama sacerdote Aarón najan apquitquic naysicsa apquiltimesaycam congne santuario apponquinomap — nic nat aptomjac Moisés.
Ofrenda macmescama Dios ayinyema israelitas
20 Apquiltajaclhec nic nat siclho apyovoclhojo israelitas, apquilpayvasa Moisés. 21 Inlhenquic nic nat apquilvalhoc moclhama enlhit mepqui acmasma apquilvalhoc, elsantimquisic asoc macmescama Dios, yoyam ellanacpoc sat carpa apponquinomap (aplhancoc apponquinomap) najan asoc ayaymomalhca, najan apava apponquinomap. 22 Apquilvoctac nic nat enlhit najan quilvanaa, apquilsantimquisa asoc macmescama Dios, mepqui acmasma apquilvalhoc aclhamoclhojo asoc: prendedores, anillos, argollas, pendientes de oro, najan moc asoc de oro. Apquilsantimcasquic nic nat moclhama asoc ofrendas macmescama Dios, asoc de oro. 23 Apquilsantimcasquic nic nat apava morada, najan apava púrpura najan apava apyilhvasem, apava lino, najan yataay apva, najan nipquesic apyimpeoc alyilhvasem najan asoyimpeoc. 24 Poc mataa apquilsayquinta ofrenda plata najan bronce, actemaclha macmescama Dios. Poc mataa yamit acacia, yoyam colhic allana apquilmaycam ayaymomalhca. 25 Quilvanaa almovancaa alyipnatem apava alsantimquisa apava morada, najan apava púrpura, najan apava apyilhvasem, najan apava lino. 26 Moc quilvana almovancaa apava aclhanma avalhoc collanac yataay apva. 27 Apquilsantimcasquic mataa apquilviscaa mayayo mataymong acmamnave acvisay cornalina alyinmom najan moc mataymong alyinmom, colhic allana efod najan pectoral aptalhnama apvisqui sacerdote. 28 Najan asoc acmasis, actemaclha ningatsisquiscama asoc, najan asoc acmasis malvatnama talha, najan calevascama ayingmenic.
29 Aplhamoclhojo enlhit, aclhamoclhojo quilvanaa, acyitna inlhojo aclhanma apquilvalhoc ofrenda macmescama Dios. Apquilsantimcasquic nic nat asoc apancaoc napato Visqui ingac, acno apcanama siclho, yoyam elngacsic Moisés nipyesicsa enlhitaoc.
Apquilmaycam acnaycaoc carpa apponquinomap.
(Ex 31.1-11)30 Aptomjac nic nat Moisés apquilanya israelitas: Quip elanojo quellhip. Visqui ingac aptomja apquilyacyescama nipyesicsa apquilmolhama Judá, enlhit apvisay Bezaleel, Uri apquitca, Hur aptavin. 31 Espíritu de Dios apnac apvalhoc as enlhit, najan acyascamco apvalhoc, najan acyicpilquemo apvalhoc, najan apmopvan ellana alhancoc asoc. 32 Apvanquic ellana apquilcajascama oro, najan plata najan bronce. 33 Colhic allana mataymong acmamnave najan alyinmom, najan yamit allanomalhca quilaycmasquiscama apquilnatanma. 34 Apvanquic as enlhit eyascasingvomoc poc. Poc aplhalhma apvisay Aholiab, Ahisamac apquitca apquinyema apquilmolhama Dan. 35 Espíritu de Dios apna apvalhoc as enlhit najan aptamjaycamó lhama, yoyam colhic allana asoc altamila alcajasomalhca, najan apava morada acma aptalhamavo, najan apava púrpura, najan apava apyilhvasem, najan apava lino, najan alyipnatem moclhama apava ayaymomalhca.
