Aptemaclha apyimtalhnamo Dios
1 Aptomjac alhta Dios apquilanya:
Quip elaylhojo quellhip apnaycam nicja yingmin acvanyam. Elvascap sat quellhip aplhamoclhojo. Elmiyama jalip quellhip yoyam jelpamejitsic. Onganiclhac sat ninlhamoclhojo yoyam ongilpeyvasiclha.
2 Apnec lhama apyimtalhnamo actiyapmaclha acnim. Apyimnatem apanco mataa apquilnapomap, am elhnoc poc. ¿Soc alhta aplhaticjasquiyam? Aptomja alhta apquilmam enlhitaoc. Apmascosquic alhta apquiltimem apquilviscaa. Apquiltomjaclhec lhopactic enlhitaoc ayinyema sovo acvinatem alnapma. Yanca pac actomja ayilhpanquiscama enlhitaoc, malha alhcajayam ayilhpanquiscama yamit ava.
3 Apminlhinquic mataa enlhitaoc mepqui mayinmelhayclha. Apquillanac mataa moc amay alhnancoc.
4 ¿Jalhco ayinyema apmopvan? Coo ayinyema sicvisay Dios. Coo alhta siyeveycam siclhoc anco aplhamoclhojo enlhitaoc. Coo sictomja siyimja emamyi najan siyimja alhayi.
5 Apquilvitac alhta enlhitaoc, apquilacac alhta. Apquilpilhyinimquic alhta enlhitaoc lhalhma anco. Apquililhyacmec alhta yoyam ingyaniclha.
6 Apquilpasmec mataa poc. Aptomjac mataa apcanya poc: —Ivascap — aptomjac mataa.
7 Enlhit carpintero aptomja apyimnatescama apvalhoc platero apquilticpam tava apac. Enlhit apmaycam martillo aptomja apyimnatescama apvalhoc aptamjaycamo lhama: —Tasi — aptomjac mataa. Lava aptomja apyipitquiscama quilaycmasquiscama acyitsomlhca Dios, yoyam colactalhqueje.
8 Quellhip apquilvisay Israel apmolhama selancam coo. Quellhip apquilvisay Jacob apquilmolhama silyacyescama alhta coo. Abraham aptovana niptamin, aptomja alhta sictimem emoc.
9 Ayansaclhec alhta quellhip apquileyvam lhalhma anco. Ayevam alhta quellhip apnaycam nelha lhapop. Actomjac alhta silanya quellhip: —Selancam actomjac alhta quellhip, sictomja silyacyescama, sictomja sicmasma mataa quellhip.
10 Noela nasa quellhip. Coo sictomja sellhalhma. Noncotnajam nasa apquilvalhoc. Coo sictomja Dios Apvisqui apancaoc. Olyimnaticsojoc sat quellhip. Opasmoc sat mataa quellhip. Coo sat omamcoc emic actomja acyimnatem.
11 Elmancangvomoc sat aplhamoclhojo. Elvennacpoc sat apquiltomja apquilinmelhaycam quellhip. Enatovasacpoc sat, elmasquingvomoc sat apquiltomja apquilatingmomap quellhip.
12 Elquitmoc sat quellhip, comascoc sat apquilvitamap apquilatingmomap siclho. Malha ninginamam sat cotnejic mongvitay enlhit apquilinmelhaycam siclho quellhip.
13 Coo sictomja Dios Apvisqui apancaoc quellhip. Sicmasma quellhip, malha sicmaycaoc emic. Actomjac coo silanya quellhip: —Noela nasa, opasmoc sat mataa quellhip.
14 Noela nasa quellhip Jacob apquilmolhama. Apquitcoc apancaoc quellhip malha ascoc. Apcanito quellhip enlhitaoc Israel. Eycaso sicpayvam sicvisay Dios: —Opasmoc sat quellhip. Sicmasma quellhip sicvisay Sicyimtalhnamo.
15 Quip elaylhojo. Otnesquisic sat quellhip malha yamit ninticpaycam ninliclama actic. Yamit alhnancoc malha mintamaycam. Elticpam sat quellhip inquilhe acvinatem, cocpilcalhcac sat. Elticpam sat acvayveyquintamlha, malha anic ayimpeoc sat coltimiclha.
16 Ingyimpocsic sat maa. Cosovc sat alhcajayam, ingyilhpansic sat yatipiyam. Colpayjiclhac sat apquilvalhoc quellhip ayinyema coo sicvisay Dios. Colhic sat seyaco sicvisay Sicyimtalhnamo nipyesicsa quellhip.
17 Apquilquitamquic yingmin apyinaycaoc enlhit mepqui asoc. Inyamacac mataa apatong ayinyema mepqui yingmin. Coo sicvisay Dios Apvisqui apancaoc. Ongvaylhojoc sat mataa coo selmalhnaycam quellhip. Moyinyovejec sat mataa.
18 Otnesquisic sat actiyapmaclha yingmin netin inquilhe najan alvata. Otnesquisic sat acyitnamaclha yingmin yoclhilhma mepqui lha yingmin. Otnesquisic sat actiyapmaclha yingmin naysicsa acyamayoclhilhma.
19 Ocniclhac sat yamtaa yoclhilhma mepqui lha yingmin: yamit cedro najan yamit acacias najan yamit arrayanes najan yamit olivos. Najan maa yamit cipreses najan yamit pinos najan yamit bojes.
20 Elvitac sat aplhamoclhojo, elyicpilcangvomoc sat. Colhenic sat apquilvalhoc sicvisay Dios Apvisqui apancaoc apyimtalhnamo silantipquiscama aclhamoclhojo as asoc — alhta aptomjac Dios.
Actemaclha quilaycmasquiscama
21 Eycaso sicpayvam Dios: —Jelyota yoyam opeyvascasiclha apquiltemaclha quellhip. Eycaso sicpayvam sictomja Visqui nipyesicsa Jacob apmolhama: —Jeltimnas sat apquiltemaclha quellhip yoyam opeyvescasiclha coo.
22 Jelsantimquis quilaycmasquiscama. Jingiltimnacsic sat asoc yoyam covac sat. Jingiltimnacsic sat asoc nintamin alhta. Comoc sat ingvalhoc ninlinga sat. Jingiltimnacsic sat asoc yoyam covac sat. Comoc sat ingvalhoc yoyam ongilyasamcojo.
23 Jingiltimnas sat amyaa yoyam covac sat. Ongilyasingvomoc sat apquiltemaclha quellhip apquiltomja dioses apquilviscaa ningyesicsa. Elatipquis asoc altamila, tasic najan asoc almasomcaa. Cotlapsic sat ongvita, cotnajam sat ingilvalhoc.
24 Quip elanojo. Paj apanco quellhip. Mepqui apquilmopvan. Maltanoncama apquiltomja enlhitaoc quellhip apquilyacyescama.
25 Alyacyesquic alhta lhama co nilhquiyja. Apvaac alhta. Apquinyemac alhta actiyapmaclha acnim aptomja aplhanma coo sicvisay. Apquilnapquic alhta yatapquilviscaa, malha nintoyam inyelpa. Najan malha apquilyajapquiscama inyelpa apquillanay yatingvalhva alhta intomjac.
26 ¿Soc alhta singilingascama siclhoc anco yoyam ongilyasamcojo? ¿Soc alhta aplhanma siclho yoyam ontimjic ongilanic: Nasoc anco appayvam? Paj alhta soycam amyaa. Paj alhta singilingascama. Paj alhta onlingac apquilpayvam quellhip.
27 Coo sicvisay emamyi siclingascama amyaa tingma Sión. Emamyi alhta siclingascama tasic amyaa tingma Jerusalén.
28 Acsovjam coo, am otaac lhama. Paj lhama yoyam opamejitsalhcojo. Paj lhama yoyam olmalhnam yoyam jeyatingmojo.
29 Quip elanojo. Paj apanco aplhamoclhojo, mepqui apquilmopvan. Malha alhcajayam altomja quilaycmasquiscama. Malha asoc comomalhca — alhta aptomjac Dios.
Aptemaclha apyimtalhnamo Dios
1 Aptomjac alhta Dios apquilanya:
Quip elaylhojo quellhip apnaycam nicja yingmin acvanyam. Elvascap sat quellhip aplhamoclhojo. Elmiyama jalip quellhip yoyam jelpamejitsic. Onganiclhac sat ninlhamoclhojo yoyam ongilpeyvasiclha.
2 Apnec lhama apyimtalhnamo actiyapmaclha acnim. Apyimnatem apanco mataa apquilnapomap, am elhnoc poc. ¿Soc alhta aplhaticjasquiyam? Aptomja alhta apquilmam enlhitaoc. Apmascosquic alhta apquiltimem apquilviscaa. Apquiltomjaclhec lhopactic enlhitaoc ayinyema sovo acvinatem alnapma. Yanca pac actomja ayilhpanquiscama enlhitaoc, malha alhcajayam ayilhpanquiscama yamit ava.
3 Apminlhinquic mataa enlhitaoc mepqui mayinmelhayclha. Apquillanac mataa moc amay alhnancoc.
4 ¿Jalhco ayinyema apmopvan? Coo ayinyema sicvisay Dios. Coo alhta siyeveycam siclhoc anco aplhamoclhojo enlhitaoc. Coo sictomja siyimja emamyi najan siyimja alhayi.
5 Apquilvitac alhta enlhitaoc, apquilacac alhta. Apquilpilhyinimquic alhta enlhitaoc lhalhma anco. Apquililhyacmec alhta yoyam ingyaniclha.
6 Apquilpasmec mataa poc. Aptomjac mataa apcanya poc: —Ivascap — aptomjac mataa.
7 Enlhit carpintero aptomja apyimnatescama apvalhoc platero apquilticpam tava apac. Enlhit apmaycam martillo aptomja apyimnatescama apvalhoc aptamjaycamo lhama: —Tasi — aptomjac mataa. Lava aptomja apyipitquiscama quilaycmasquiscama acyitsomlhca Dios, yoyam colactalhqueje.
8 Quellhip apquilvisay Israel apmolhama selancam coo. Quellhip apquilvisay Jacob apquilmolhama silyacyescama alhta coo. Abraham aptovana niptamin, aptomja alhta sictimem emoc.
9 Ayansaclhec alhta quellhip apquileyvam lhalhma anco. Ayevam alhta quellhip apnaycam nelha lhapop. Actomjac alhta silanya quellhip: —Selancam actomjac alhta quellhip, sictomja silyacyescama, sictomja sicmasma mataa quellhip.
10 Noela nasa quellhip. Coo sictomja sellhalhma. Noncotnajam nasa apquilvalhoc. Coo sictomja Dios Apvisqui apancaoc. Olyimnaticsojoc sat quellhip. Opasmoc sat mataa quellhip. Coo sat omamcoc emic actomja acyimnatem.
11 Elmancangvomoc sat aplhamoclhojo. Elvennacpoc sat apquiltomja apquilinmelhaycam quellhip. Enatovasacpoc sat, elmasquingvomoc sat apquiltomja apquilatingmomap quellhip.
12 Elquitmoc sat quellhip, comascoc sat apquilvitamap apquilatingmomap siclho. Malha ninginamam sat cotnejic mongvitay enlhit apquilinmelhaycam siclho quellhip.
13 Coo sictomja Dios Apvisqui apancaoc quellhip. Sicmasma quellhip, malha sicmaycaoc emic. Actomjac coo silanya quellhip: —Noela nasa, opasmoc sat mataa quellhip.
14 Noela nasa quellhip Jacob apquilmolhama. Apquitcoc apancaoc quellhip malha ascoc. Apcanito quellhip enlhitaoc Israel. Eycaso sicpayvam sicvisay Dios: —Opasmoc sat quellhip. Sicmasma quellhip sicvisay Sicyimtalhnamo.
15 Quip elaylhojo. Otnesquisic sat quellhip malha yamit ninticpaycam ninliclama actic. Yamit alhnancoc malha mintamaycam. Elticpam sat quellhip inquilhe acvinatem, cocpilcalhcac sat. Elticpam sat acvayveyquintamlha, malha anic ayimpeoc sat coltimiclha.
16 Ingyimpocsic sat maa. Cosovc sat alhcajayam, ingyilhpansic sat yatipiyam. Colpayjiclhac sat apquilvalhoc quellhip ayinyema coo sicvisay Dios. Colhic sat seyaco sicvisay Sicyimtalhnamo nipyesicsa quellhip.
17 Apquilquitamquic yingmin apyinaycaoc enlhit mepqui asoc. Inyamacac mataa apatong ayinyema mepqui yingmin. Coo sicvisay Dios Apvisqui apancaoc. Ongvaylhojoc sat mataa coo selmalhnaycam quellhip. Moyinyovejec sat mataa.
18 Otnesquisic sat actiyapmaclha yingmin netin inquilhe najan alvata. Otnesquisic sat acyitnamaclha yingmin yoclhilhma mepqui lha yingmin. Otnesquisic sat actiyapmaclha yingmin naysicsa acyamayoclhilhma.
19 Ocniclhac sat yamtaa yoclhilhma mepqui lha yingmin: yamit cedro najan yamit acacias najan yamit arrayanes najan yamit olivos. Najan maa yamit cipreses najan yamit pinos najan yamit bojes.
20 Elvitac sat aplhamoclhojo, elyicpilcangvomoc sat. Colhenic sat apquilvalhoc sicvisay Dios Apvisqui apancaoc apyimtalhnamo silantipquiscama aclhamoclhojo as asoc — alhta aptomjac Dios.
Actemaclha quilaycmasquiscama
21 Eycaso sicpayvam Dios: —Jelyota yoyam opeyvascasiclha apquiltemaclha quellhip. Eycaso sicpayvam sictomja Visqui nipyesicsa Jacob apmolhama: —Jeltimnas sat apquiltemaclha quellhip yoyam opeyvescasiclha coo.
22 Jelsantimquis quilaycmasquiscama. Jingiltimnacsic sat asoc yoyam covac sat. Jingiltimnacsic sat asoc nintamin alhta. Comoc sat ingvalhoc ninlinga sat. Jingiltimnacsic sat asoc yoyam covac sat. Comoc sat ingvalhoc yoyam ongilyasamcojo.
23 Jingiltimnas sat amyaa yoyam covac sat. Ongilyasingvomoc sat apquiltemaclha quellhip apquiltomja dioses apquilviscaa ningyesicsa. Elatipquis asoc altamila, tasic najan asoc almasomcaa. Cotlapsic sat ongvita, cotnajam sat ingilvalhoc.
24 Quip elanojo. Paj apanco quellhip. Mepqui apquilmopvan. Maltanoncama apquiltomja enlhitaoc quellhip apquilyacyescama.
25 Alyacyesquic alhta lhama co nilhquiyja. Apvaac alhta. Apquinyemac alhta actiyapmaclha acnim aptomja aplhanma coo sicvisay. Apquilnapquic alhta yatapquilviscaa, malha nintoyam inyelpa. Najan malha apquilyajapquiscama inyelpa apquillanay yatingvalhva alhta intomjac.
26 ¿Soc alhta singilingascama siclhoc anco yoyam ongilyasamcojo? ¿Soc alhta aplhanma siclho yoyam ontimjic ongilanic: Nasoc anco appayvam? Paj alhta soycam amyaa. Paj alhta singilingascama. Paj alhta onlingac apquilpayvam quellhip.
27 Coo sicvisay emamyi siclingascama amyaa tingma Sión. Emamyi alhta siclingascama tasic amyaa tingma Jerusalén.
28 Acsovjam coo, am otaac lhama. Paj lhama yoyam opamejitsalhcojo. Paj lhama yoyam olmalhnam yoyam jeyatingmojo.
29 Quip elanojo. Paj apanco aplhamoclhojo, mepqui apquilmopvan. Malha alhcajayam altomja quilaycmasquiscama. Malha asoc comomalhca — alhta aptomjac Dios.
