Apyamasma Dios tingma apponquinomap
1 Acvitac alhta tacjalhit querubines acma alhimpancoc, payjoc acyitnamaclha Dios appayvam yamit aysicsic. Malha apvisqui aptajanem allanomalhca asoc acmamnave zafiro, intomjac sicvitay. 2 Aptomjac alhta Visqui ingac apcanya apcasinancama apma apava apmopoy: Ilicvoclha sat atilh acyitna naysicsa querubines acma alhimpancoc, ingyilhpanquis atilh tacjaplhit tingma Jerusalén — alhta aptomjac. Aplicvoclhec atilh apmaycam apmeoc, acyitna naysicsa carro amancoc. 3 Apcanam alhta acma aplhimpancoc payjoc tingma apponquinomap nipiyam. Incajapvaac alhta lhama yipjopay payjoc atrio congne tingma. 4 Inyinyovquic alhta gloria mayayoclha Visqui ingac apcanamcaclha acma aplhimpancoc, acnaclho mocjam payjoc atong acyivey. Avanjec alhta ayitsayolhma congne tingma apponquinomap najan payjoc atrio, ayinyema gloria mayayoclha Visqui ingac. 5 Inlingalhquic actemaclha aplhimpancoc apquilimpay acma aplhimpancoc, malha appayvam ayinyema Dios apyimtalhnamo alhta intomjac. 6 Apcanyacpec alhta apcasinancama apma apava apmopoy, elicvoclha atilh payjoc naysicsa carro amancoc. Aplicvoclhec maa. 7-8 Invitalhquic alhta coning alhimpancoc, malha enlhit apmic. Apliquic siclho atilh lhama apcasinancama, appicanvocmo tacja apmeoc apcasinancama apma apava apmopoy. Aplhocac siclho, aplhinquic maa. 9 Acvitac coo payjoc acma aplhimpancoc cuatro carro amancoc, moclhama acyipitcayclho moc. Alyinmom alhta carro amancoc, malha topacio acmamnave. 10 Acno moc mataa carro amancoc, acyipitcayclho moc, malha acyitna avalhoc moc. 11 Apvancaac acma aplhimpancoc elmiyaclhac lhama nicja najan moc nicja, mepqui yoyam elpaycomoc. Inquilpeyvoc mataa allhingam amancoc, mepqui yoyam colpaycalhcac. 12 Yitnec maa ataoc moclhama apcapoc, najan apmeoc, najan aplhimpancoc, najan apyovoclhojo apyimpeoc. Acno moc alhta cuatro amancoc. 13 Aclingac alhta coo amancoc alvisay carro. 14 Moclhama acma aplhimpancoc acyitna cuatro naataa: lhama acyitsomalhca vayqui inquinavo naat; segunda naat acyitsomalhca enlhit napaat; tercera naat acyitsomalhca yamacmeyva naat; cuarta naat acyitsomalhca mama apyivey apcatic. 15 Acno moc sicvitay acma aplhimpancoc payjoc vatsam Quebar.
Apquillhinquic alhta acma aplhimpancoc. 16 Apquilquimpaclhec siclho, yiplovcoc allhingam amancoc. Apquilmiyaclhec siclho netin, yiplovcoc allhingam almiyayclha netin. 17 Apcanvocmec siclho, yiplovcoc najan alanvoyam amancoc. Acma aplhimpancoc apquiltomja apquillhinquiscama (apnalayclha) amancoc.
18 Inyinyovquic gloria mayayoclha Visqui ingac acmaclha atong acyivey, yoyam colhniclha mocjam tacjaplhit acma aplhimpancoc. 19 Yejemoc alhta apquilpayesaclho aplhimpancoc apquilmiyaclho netin, acno moc almiyayclha netin amancoc. Inyinyovquic gloria mayayoclha Visqui ingac tingma apponquinomap payjoc atong actiyapmaclha acnim, tacjaplhit acma aplhimpancoc alhta innac. 20 Acno moc sicvitay siclho acma aplhimpancoc payjoc vatsam Quebar, apquilsoycam alhta aptajanem apanco Visqui ingac. 21 Moclhama acyitna cuatro naataa, najan cuatro aplhimpancoc, najan apectengaoc coning aplhimpancoc. 22 Acno moc naat alyitsomalhca, sicvitay siclhoc alhta vatsam Quebar. Inquilanoc mataa amamyi moclhama naat — alhta intomjac acvitay sicvanmoncama.
Apyamasma Dios tingma apponquinomap
1 Acvitac alhta tacjalhit querubines acma alhimpancoc, payjoc acyitnamaclha Dios appayvam yamit aysicsic. Malha apvisqui aptajanem allanomalhca asoc acmamnave zafiro, intomjac sicvitay. 2 Aptomjac alhta Visqui ingac apcanya apcasinancama apma apava apmopoy: Ilicvoclha sat atilh acyitna naysicsa querubines acma alhimpancoc, ingyilhpanquis atilh tacjaplhit tingma Jerusalén — alhta aptomjac. Aplicvoclhec atilh apmaycam apmeoc, acyitna naysicsa carro amancoc. 3 Apcanam alhta acma aplhimpancoc payjoc tingma apponquinomap nipiyam. Incajapvaac alhta lhama yipjopay payjoc atrio congne tingma. 4 Inyinyovquic alhta gloria mayayoclha Visqui ingac apcanamcaclha acma aplhimpancoc, acnaclho mocjam payjoc atong acyivey. Avanjec alhta ayitsayolhma congne tingma apponquinomap najan payjoc atrio, ayinyema gloria mayayoclha Visqui ingac. 5 Inlingalhquic actemaclha aplhimpancoc apquilimpay acma aplhimpancoc, malha appayvam ayinyema Dios apyimtalhnamo alhta intomjac. 6 Apcanyacpec alhta apcasinancama apma apava apmopoy, elicvoclha atilh payjoc naysicsa carro amancoc. Aplicvoclhec maa. 7-8 Invitalhquic alhta coning alhimpancoc, malha enlhit apmic. Apliquic siclho atilh lhama apcasinancama, appicanvocmo tacja apmeoc apcasinancama apma apava apmopoy. Aplhocac siclho, aplhinquic maa. 9 Acvitac coo payjoc acma aplhimpancoc cuatro carro amancoc, moclhama acyipitcayclho moc. Alyinmom alhta carro amancoc, malha topacio acmamnave. 10 Acno moc mataa carro amancoc, acyipitcayclho moc, malha acyitna avalhoc moc. 11 Apvancaac acma aplhimpancoc elmiyaclhac lhama nicja najan moc nicja, mepqui yoyam elpaycomoc. Inquilpeyvoc mataa allhingam amancoc, mepqui yoyam colpaycalhcac. 12 Yitnec maa ataoc moclhama apcapoc, najan apmeoc, najan aplhimpancoc, najan apyovoclhojo apyimpeoc. Acno moc alhta cuatro amancoc. 13 Aclingac alhta coo amancoc alvisay carro. 14 Moclhama acma aplhimpancoc acyitna cuatro naataa: lhama acyitsomalhca vayqui inquinavo naat; segunda naat acyitsomalhca enlhit napaat; tercera naat acyitsomalhca yamacmeyva naat; cuarta naat acyitsomalhca mama apyivey apcatic. 15 Acno moc sicvitay acma aplhimpancoc payjoc vatsam Quebar.
Apquillhinquic alhta acma aplhimpancoc. 16 Apquilquimpaclhec siclho, yiplovcoc allhingam amancoc. Apquilmiyaclhec siclho netin, yiplovcoc allhingam almiyayclha netin. 17 Apcanvocmec siclho, yiplovcoc najan alanvoyam amancoc. Acma aplhimpancoc apquiltomja apquillhinquiscama (apnalayclha) amancoc.
18 Inyinyovquic gloria mayayoclha Visqui ingac acmaclha atong acyivey, yoyam colhniclha mocjam tacjaplhit acma aplhimpancoc. 19 Yejemoc alhta apquilpayesaclho aplhimpancoc apquilmiyaclho netin, acno moc almiyayclha netin amancoc. Inyinyovquic gloria mayayoclha Visqui ingac tingma apponquinomap payjoc atong actiyapmaclha acnim, tacjaplhit acma aplhimpancoc alhta innac. 20 Acno moc sicvitay siclho acma aplhimpancoc payjoc vatsam Quebar, apquilsoycam alhta aptajanem apanco Visqui ingac. 21 Moclhama acyitna cuatro naataa, najan cuatro aplhimpancoc, najan apectengaoc coning aplhimpancoc. 22 Acno moc naat alyitsomalhca, sicvitay siclhoc alhta vatsam Quebar. Inquilanoc mataa amamyi moclhama naat — alhta intomjac acvitay sicvanmoncama.
