1 ¿So actomja yi? Melhanma Visqui ingac acnim apyicpilquemo, apquililtamjo inlhojo elvita enlhit apnaymacoc.
2 Apquiltimec apancaoc amyip enlhit apquilmapsomcaa, elminyilhic poc enlhit apnatoscama.
3 Inquilminyilhalhquic mataa yamelyeyjaycoc najan vayqui apnatoscama apquilyeyjeycam najan lhintampaa.
4 Apquilyingamacpec mataa mepqui apquilnatam, apquilinyajamquic maa, apquilyilhanmamcaa.
5 Apquiltingyac aptoycaoc, malha yamelyeyjaycoc navjac yoclhilhma actamopeycaoc.
6 Apquiltingyac acyilhna alaymomalhca amyip apancaoc acma apquilnatam. Apquiltingyac acyilhna alaymomalhca payjoc ayimjaclha uva avjac.
7 Apnatinquic mepqui apava alhtaa, mepqui manto apcalomap acmatsamangi.
8 Apquillingamcoc yingmin acmamay acvanyam, apquilyilhanmamcaa mataymong alvinatem.
9 Inquilnatamalhquic ayitquic lhintampaa quilhva actiyam. Apquilnatamacpec apcalomap acyanmongam apmaycaoc nasa enlhit mepqui apquilnatam.
10 Apquileyvec mepqui apava, apquilpatmaoclha trigo apactic naysicsa mayic alnapma.
11 Apquillanac maa aceite olivo ayingmenic, apquilajapcasquic uva acyilhna cotniclhac ayingmenic, naysicsa acnim alnapma, mepqui apyinaycaoc.
12 Avanjec apquiliclhangveycam natingma naysicsa apquillingaycamco acyimtalhnama, am eyca ingyajalhnoc Dios apquilmalhnancama maa.
13 Apquiltanovquic ayitsay olhma enlhit apquilmapsomcaa, mepqui apquilyiplovquiscama singanamaclha acpeyvomo.
14 Alhtooc mataa aplhaticja apticyovam inyap, elnapoc enlhit mepqui asoc. Alhtaa mataa aptemaclha apminyilhma.
15 Apquiljalhnec yatescamalhma enlhit apquilanatama, apcalasa apcatic, apcanem meyicpilcacpejec sat nipyesicsa apnaymacoc.
16 Alhtaa mataa apminyilhma poc tingma pac. Apquilyilhanmec mataa apquilminyilhma acnim anco, colcac apquilvalhoc actemaclha ayitsay olhma.
17 Apquilacac mataa acnim anco. Apquilyispaquic mataa alhtaa, apquiltemaclha apancaoc mepqui apquilay alhtaa.
Zofar appayvam
18 Yingmin sat cajic enlhit apmapsom, malha acsovm yingmin ayinyem intomjac. Acmasom actimesomalhca amyip apanco, mepqui enlhit apquiltimesaycam uva avjac.
19 Impayjeclhec mataa piyam apóc naysicsa acmajat, evonquepoc sat congne malhic enlhit meyascalhma, mepqui aptiyapma mocjam.
20 Paj colhanma apvisay apanco inquin, yapa sat eltovamcoc apyovoclhojo congne malhic, melhenacpejec sat mocjam. Malha yamit acyatemenamalhca aptomjac enlhit apmapsom.
21 Aptovasquic alhta mataa quilvana cotay ayitca najan tampeyi (lhintampaa), am alhta epasmac.
22 Enatovasacpoc sat apquilmopvancaa, comascoc sat apquileyvam, ayinyema apmopvan apanco Dios.
23 Elmiyovacpoc sat apquiltomja melyasquiyam, apquilanoc mataa Dios apquiltomjaclha enlhit.
24 Acyavataclhojo eltimjic sat apquilyimtalhnamo enlhit apquilmapsomcaa. Quilhvoc sat comascoc apquileyvam malha paat acyamay, najan acyilhna alyatemenamalhca.
25 Nasoc anco sicpayvam, payjoc siclhanma coo. ¿Apcanem ya enlhit sicmovan amyaa? — nic nat aptomjac Zofar.
1 ¿So actomja yi? Melhanma Visqui ingac acnim apyicpilquemo, apquililtamjo inlhojo elvita enlhit apnaymacoc.
2 Apquiltimec apancaoc amyip enlhit apquilmapsomcaa, elminyilhic poc enlhit apnatoscama.
3 Inquilminyilhalhquic mataa yamelyeyjaycoc najan vayqui apnatoscama apquilyeyjeycam najan lhintampaa.
4 Apquilyingamacpec mataa mepqui apquilnatam, apquilinyajamquic maa, apquilyilhanmamcaa.
5 Apquiltingyac aptoycaoc, malha yamelyeyjaycoc navjac yoclhilhma actamopeycaoc.
6 Apquiltingyac acyilhna alaymomalhca amyip apancaoc acma apquilnatam. Apquiltingyac acyilhna alaymomalhca payjoc ayimjaclha uva avjac.
7 Apnatinquic mepqui apava alhtaa, mepqui manto apcalomap acmatsamangi.
8 Apquillingamcoc yingmin acmamay acvanyam, apquilyilhanmamcaa mataymong alvinatem.
9 Inquilnatamalhquic ayitquic lhintampaa quilhva actiyam. Apquilnatamacpec apcalomap acyanmongam apmaycaoc nasa enlhit mepqui apquilnatam.
10 Apquileyvec mepqui apava, apquilpatmaoclha trigo apactic naysicsa mayic alnapma.
11 Apquillanac maa aceite olivo ayingmenic, apquilajapcasquic uva acyilhna cotniclhac ayingmenic, naysicsa acnim alnapma, mepqui apyinaycaoc.
12 Avanjec apquiliclhangveycam natingma naysicsa apquillingaycamco acyimtalhnama, am eyca ingyajalhnoc Dios apquilmalhnancama maa.
13 Apquiltanovquic ayitsay olhma enlhit apquilmapsomcaa, mepqui apquilyiplovquiscama singanamaclha acpeyvomo.
14 Alhtooc mataa aplhaticja apticyovam inyap, elnapoc enlhit mepqui asoc. Alhtaa mataa aptemaclha apminyilhma.
15 Apquiljalhnec yatescamalhma enlhit apquilanatama, apcalasa apcatic, apcanem meyicpilcacpejec sat nipyesicsa apnaymacoc.
16 Alhtaa mataa apminyilhma poc tingma pac. Apquilyilhanmec mataa apquilminyilhma acnim anco, colcac apquilvalhoc actemaclha ayitsay olhma.
17 Apquilacac mataa acnim anco. Apquilyispaquic mataa alhtaa, apquiltemaclha apancaoc mepqui apquilay alhtaa.
Zofar appayvam
18 Yingmin sat cajic enlhit apmapsom, malha acsovm yingmin ayinyem intomjac. Acmasom actimesomalhca amyip apanco, mepqui enlhit apquiltimesaycam uva avjac.
19 Impayjeclhec mataa piyam apóc naysicsa acmajat, evonquepoc sat congne malhic enlhit meyascalhma, mepqui aptiyapma mocjam.
20 Paj colhanma apvisay apanco inquin, yapa sat eltovamcoc apyovoclhojo congne malhic, melhenacpejec sat mocjam. Malha yamit acyatemenamalhca aptomjac enlhit apmapsom.
21 Aptovasquic alhta mataa quilvana cotay ayitca najan tampeyi (lhintampaa), am alhta epasmac.
22 Enatovasacpoc sat apquilmopvancaa, comascoc sat apquileyvam, ayinyema apmopvan apanco Dios.
23 Elmiyovacpoc sat apquiltomja melyasquiyam, apquilanoc mataa Dios apquiltomjaclha enlhit.
24 Acyavataclhojo eltimjic sat apquilyimtalhnamo enlhit apquilmapsomcaa. Quilhvoc sat comascoc apquileyvam malha paat acyamay, najan acyilhna alyatemenamalhca.
25 Nasoc anco sicpayvam, payjoc siclhanma coo. ¿Apcanem ya enlhit sicmovan amyaa? — nic nat aptomjac Zofar.
