Cristo aptomja apyimtalhnamo najan conjamalhca apvalhoc
1 Yitnec sat ancoc nintamilquiscamo ingyalhing najan ningyimnatesquiscama apquilvalhoc ingilyalhinga. Apnec sat ancoc ingvalhoc Espíritu pac Jesucristo. Yitnec sat ancoc actemaclha ninpasmeyquiclha najan ningimlayam. 2 Elane sat coyangvomoc acpayjayclha evalhoc coo. Noelyeycajas nasa moc apquilvalhoc actemaclha apquilasicjayo. 3 Elvatsaoc sat apquiltemaclha apquilatingmomap najan apquilyimtalhnesomacpo apanco. Eltimesquis sat mataa apyimtalhnamo poc. 4 Nocoltamjo nasa apquilvalhoc yoyam colhic ayaco quellhip. Eyca collhen sat mataa apquilvalhoc yoyam colhic ayaco poc ingyalhing.
5 Elhnasojo sat apquilvalhoc aptemaclha alhta Cristo Jesús. 6 Apyimtalhnamo ilhnic nat siclho Jesucristo. Am nic nat emyavac aptemaclha apmo Dios Ingyapam. 7 Apyinyovquic alhta apmaclha Dios Ingyapam. Apvaac alhta ningyesicsa yoyam ellanam. Aptiyacmec alhta aptomjaclho enlhit apanco. 8 Am alhta eyimtalhnesacpoc apanco. Apquilyajaclhoc mataa acvocmo acnim yoyam ematong. Apquitsepquic alhta netin asoc timyescama. 9 Aptimescasquic alhta Dios nitno yoyam colhic ayaco. Aptimescasquic alhta apvisay actamila anco, am colhno moc apquilvisay nipyesicsa enlhitaoc. 10 Covac sat acnim. Inlingalhquic sat ancoc apvisay Jesús, elticlhoc sat aptapnaoc aplhamoclhojo apnaycam netin najan apnaycam nalhpop najan apnaycam alyascamaclha ingjangaoc. 11 Ellhenic sat aplhamoclhojo: Jesucristo aptomja Visqui ingac, colhic ayaco Dios Ingyapam netin.
Jesucristo apmolhama apquiltomja malha ayitsayolhma nipyesicsa enlhitaoc lhalhma anco
12 Quellhip elyalhinga. Inpayjeclhec evalhoc apquiltomja selyajayquiclho mataa naysicsa sicma nipyesicsa quellhip najan naysicsa sicma mocjay. Elinlhanmojo sat quellhip actemaclha apquilyajayquiclho. Elvascap sat naysicsa apquilay najan naysicsa apquilpilhyinamam yoyam elvomsacpoc tap. 13 Epasmoc sat Dios yoyam eliltamjoc quellhip actemaclha actamila yoyam elpenacsojo quellhip. Eycaso actomja apmayjayoclha Dios Ingyapam.
14 Ellana sat aclhamoclhojo asoc mepqui apquillhenayclho najan mepqui acyasquiyam apquilvalhoc. 15 Yoyam melsilhnanacpoc quellhip. Eltime sat Dios apquitquic apquilpeyvomo nipyesicsa enlhitaoc apquilmapsomcaa. Eltime sat quellhip malha apquilapongmateycaoc apyova netin. 16 Elinlhanmojo sat mataa tasic amyaa actemaclha acyimnatescama ingnenyic. Apquilinlhanacmec sat ancoc quellhip, copayjiclhac sat evalhoc acvocmo sat acnim apvoyctamlha Jesucristo. Jave ayajemo sictiyascam as nalhpop, jave najan ayajemo sicvascapma alhta. 17 Acmatnec sat ancoc coo, otnejic sat malha asoc ayitcoc macmescama Dios alpalhcomalhca melyasquiyam quellhip. Ayitsovasoc coo lhama quellhip. 18 Colpayjiclha apquilvalhoc quellhip lha. Jelitsovacsojo sat lhama quellhip lha.
Timoteo najan Epafrodito
19 Apquiltamjoc sat ancoc Visqui ingac yoyam ongvapajacsic ingyalhing Timoteo nipyesicsa quellhip, quilhvoc sat ongvapajacsic. Altamjoc coo ongvaylhojo actemaclha amyaa ayinyema quellhip yoyam copayjiclhac sat evalhoc. 20 Am elhnac poc enlhit sicnaclha yoyam colhenam apvalhoc coytic asoc altamila quellhip, apvamlha apanco ingyalhing Timoteo. 21 Apquiltemaclha mataa poc ingilyalhinga collhenic apquilvalhoc asoc apancaoc. Am eyca collhenac mataa apquilvalhoc ningilanyomalhca ontimjic ayinyema Jesucristo. 22 Apquilyasamcoc quellhip actemaclha ingyalhing Timoteo. Epasmec mataa coo naysicsa ningilpayescama tasic amyaa, malha enlhit apquitcoc appasmom mataa apyap. 23 Altamjoc siclhoc oyasamcojo yoyam jeltimesquisic congne singilpilhtetomaclha. Natamin ongvapajacsic sat ingyalhing Timoteo nipyesicsa quellhip. 24 Am oyascacmoc coo Visqui ingac yoyam colhic seyamyiclho. Ovoclhac sat coo lha nipyesicsa quellhip.
25 Ayanayc coo incaymalhquic ongvapajacsic siclho ingyalhing Epafrodito nipyesicsa quellhip. Aptomja mataa siclhalhma sictamjaycamo lhama, malha silnapomalhco lhama. Quellhip alhta apquilapajascama ingyalhing Epafrodito, yoyam jesantimsic asoc alaymomalhca coo. 26 Inquilipvocme inyicje ingyalhing Epafrodito. Inpecjam apvalhoc, ayinyemaclha aclingalhco apvisay acmasca apyimpejic alhta. 27 Nasoc alhta avanjec acmasca apyimpejic, inquitlhincasquic alhta ingyitsapoc. Apquimlacmoc alhta Dios Ingyapam. Eyimlacmoc alhta coo lha yoyam coyangvomeje acyitnocjayo evalhoc coo. 28 Eycaso ayinyema sicpecjescama ongvapajacsic ingyalhing Epafrodito nipyesicsa quellhip. Altamjoc yoyam colpayjiclha apquilvalhoc, yoyam comascoc alyitnocjayo apquilvalhoc quellhip. 29 Elma sat tacja apvactamo sat. Elitsovacsojo sat lhama. Elane sat colhic ayaco moclhama ingilyalhinga apno ingyalhing Epafrodito. 30 Inquitlhincasquic alhta ingyitsapoc ayinyema apyiplovquiscama Cristo. Am alhta ingyacac ayasomquilha, am alhta emyovsacpoc apanco. Am alhta colapvancaac quellhip jelpasmoc singilpilhtetomaclha. Apvaac alhta ingyalhing Epafrodito apyamongayclha quellhip yoyam jepasmoc.
Cristo aptomja apyimtalhnamo najan conjamalhca apvalhoc
1 Yitnec sat ancoc nintamilquiscamo ingyalhing najan ningyimnatesquiscama apquilvalhoc ingilyalhinga. Apnec sat ancoc ingvalhoc Espíritu pac Jesucristo. Yitnec sat ancoc actemaclha ninpasmeyquiclha najan ningimlayam. 2 Elane sat coyangvomoc acpayjayclha evalhoc coo. Noelyeycajas nasa moc apquilvalhoc actemaclha apquilasicjayo. 3 Elvatsaoc sat apquiltemaclha apquilatingmomap najan apquilyimtalhnesomacpo apanco. Eltimesquis sat mataa apyimtalhnamo poc. 4 Nocoltamjo nasa apquilvalhoc yoyam colhic ayaco quellhip. Eyca collhen sat mataa apquilvalhoc yoyam colhic ayaco poc ingyalhing.
5 Elhnasojo sat apquilvalhoc aptemaclha alhta Cristo Jesús. 6 Apyimtalhnamo ilhnic nat siclho Jesucristo. Am nic nat emyavac aptemaclha apmo Dios Ingyapam. 7 Apyinyovquic alhta apmaclha Dios Ingyapam. Apvaac alhta ningyesicsa yoyam ellanam. Aptiyacmec alhta aptomjaclho enlhit apanco. 8 Am alhta eyimtalhnesacpoc apanco. Apquilyajaclhoc mataa acvocmo acnim yoyam ematong. Apquitsepquic alhta netin asoc timyescama. 9 Aptimescasquic alhta Dios nitno yoyam colhic ayaco. Aptimescasquic alhta apvisay actamila anco, am colhno moc apquilvisay nipyesicsa enlhitaoc. 10 Covac sat acnim. Inlingalhquic sat ancoc apvisay Jesús, elticlhoc sat aptapnaoc aplhamoclhojo apnaycam netin najan apnaycam nalhpop najan apnaycam alyascamaclha ingjangaoc. 11 Ellhenic sat aplhamoclhojo: Jesucristo aptomja Visqui ingac, colhic ayaco Dios Ingyapam netin.
Jesucristo apmolhama apquiltomja malha ayitsayolhma nipyesicsa enlhitaoc lhalhma anco
12 Quellhip elyalhinga. Inpayjeclhec evalhoc apquiltomja selyajayquiclho mataa naysicsa sicma nipyesicsa quellhip najan naysicsa sicma mocjay. Elinlhanmojo sat quellhip actemaclha apquilyajayquiclho. Elvascap sat naysicsa apquilay najan naysicsa apquilpilhyinamam yoyam elvomsacpoc tap. 13 Epasmoc sat Dios yoyam eliltamjoc quellhip actemaclha actamila yoyam elpenacsojo quellhip. Eycaso actomja apmayjayoclha Dios Ingyapam.
14 Ellana sat aclhamoclhojo asoc mepqui apquillhenayclho najan mepqui acyasquiyam apquilvalhoc. 15 Yoyam melsilhnanacpoc quellhip. Eltime sat Dios apquitquic apquilpeyvomo nipyesicsa enlhitaoc apquilmapsomcaa. Eltime sat quellhip malha apquilapongmateycaoc apyova netin. 16 Elinlhanmojo sat mataa tasic amyaa actemaclha acyimnatescama ingnenyic. Apquilinlhanacmec sat ancoc quellhip, copayjiclhac sat evalhoc acvocmo sat acnim apvoyctamlha Jesucristo. Jave ayajemo sictiyascam as nalhpop, jave najan ayajemo sicvascapma alhta. 17 Acmatnec sat ancoc coo, otnejic sat malha asoc ayitcoc macmescama Dios alpalhcomalhca melyasquiyam quellhip. Ayitsovasoc coo lhama quellhip. 18 Colpayjiclha apquilvalhoc quellhip lha. Jelitsovacsojo sat lhama quellhip lha.
Timoteo najan Epafrodito
19 Apquiltamjoc sat ancoc Visqui ingac yoyam ongvapajacsic ingyalhing Timoteo nipyesicsa quellhip, quilhvoc sat ongvapajacsic. Altamjoc coo ongvaylhojo actemaclha amyaa ayinyema quellhip yoyam copayjiclhac sat evalhoc. 20 Am elhnac poc enlhit sicnaclha yoyam colhenam apvalhoc coytic asoc altamila quellhip, apvamlha apanco ingyalhing Timoteo. 21 Apquiltemaclha mataa poc ingilyalhinga collhenic apquilvalhoc asoc apancaoc. Am eyca collhenac mataa apquilvalhoc ningilanyomalhca ontimjic ayinyema Jesucristo. 22 Apquilyasamcoc quellhip actemaclha ingyalhing Timoteo. Epasmec mataa coo naysicsa ningilpayescama tasic amyaa, malha enlhit apquitcoc appasmom mataa apyap. 23 Altamjoc siclhoc oyasamcojo yoyam jeltimesquisic congne singilpilhtetomaclha. Natamin ongvapajacsic sat ingyalhing Timoteo nipyesicsa quellhip. 24 Am oyascacmoc coo Visqui ingac yoyam colhic seyamyiclho. Ovoclhac sat coo lha nipyesicsa quellhip.
25 Ayanayc coo incaymalhquic ongvapajacsic siclho ingyalhing Epafrodito nipyesicsa quellhip. Aptomja mataa siclhalhma sictamjaycamo lhama, malha silnapomalhco lhama. Quellhip alhta apquilapajascama ingyalhing Epafrodito, yoyam jesantimsic asoc alaymomalhca coo. 26 Inquilipvocme inyicje ingyalhing Epafrodito. Inpecjam apvalhoc, ayinyemaclha aclingalhco apvisay acmasca apyimpejic alhta. 27 Nasoc alhta avanjec acmasca apyimpejic, inquitlhincasquic alhta ingyitsapoc. Apquimlacmoc alhta Dios Ingyapam. Eyimlacmoc alhta coo lha yoyam coyangvomeje acyitnocjayo evalhoc coo. 28 Eycaso ayinyema sicpecjescama ongvapajacsic ingyalhing Epafrodito nipyesicsa quellhip. Altamjoc yoyam colpayjiclha apquilvalhoc, yoyam comascoc alyitnocjayo apquilvalhoc quellhip. 29 Elma sat tacja apvactamo sat. Elitsovacsojo sat lhama. Elane sat colhic ayaco moclhama ingilyalhinga apno ingyalhing Epafrodito. 30 Inquitlhincasquic alhta ingyitsapoc ayinyema apyiplovquiscama Cristo. Am alhta ingyacac ayasomquilha, am alhta emyovsacpoc apanco. Am alhta colapvancaac quellhip jelpasmoc singilpilhtetomaclha. Apvaac alhta ingyalhing Epafrodito apyamongayclha quellhip yoyam jepasmoc.
