Aptimem soycam amyaa Pablo nipyesicsa metnaja judíos
1 Coo sicvisay Pablo. Almalhnescasquic coo mataa Dios. Sictomja sicmomalhca ayinyema Cristo Jesús quellhip acyanmongam apquilinyema lhalhma anco. 2 Apquilyasamcoc quellhip actemaclha siyanyomalhca olngacsic tasic amyaa nipyesicsa quellhip ayinyema seyimlaycmo Dios. 3 Acyavataclhojo sictalhesquiscama lhac quellhip actemaclha selhicmoscama Dios asoc acyilhomalhca. 4 Apquilyipsatquic sat ancoc quellhip, elyasamcojoc sat actemaclha sicyasingvoyam asoc acyilhomalhca ayinyema Cristo. 5 Am nic nat elyascacmoc enlhitaoc asoc acyilhomalhca. Quilhvo eyca apquillhicmosquic Dios asoc acyilhomalhca nipyesicsa apóstoles najan profetas Dios apquillingascama ayinyema Espíritu apanco. 6 Eycaso actomja asoc acyilhomalhca: Apquillhoyó lhama intomjac asoc altamila judíos najan poc apquilinyema lhalhma anco. Lhama apmolhama aptomjaclha judíos najan poc apquilinyema lhalhma anco, aptomjaclhec malha lhama apyovoclhojo. Apquillhoyó lhama intomjac ayinyema aplhanmaclha Dios actomja nasoc anco ayinyema Cristo Jesús. 7 Eycaso singillhicmoscama tasic amyaa actemaclha asoc acyilhomalhca. Eyasinaquic alhta Dios otnejic siclingascama amyaa, siclhoy alhta ayinyema Dios apmopvan. 8 Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo. 9 Eyasinaquic alhta yoyam olngacsic asoc acyilhomalhca. Ayinyemaclha appenasoc nic nat siclhoc anco aclhanma apvalhoc Dios. Apyilhascasquic nic nat appenescama aclhanma apvalhoc Dios aptomja apquilantipquiscama ilhnic nat aclhamoclhojo asoc. 10 Jesucristo apmolhama eyca ellingacsic sat quilhvo actemaclha apyascamco Dios yoyam elyasingvomoc apquilyimtalhnamo najan apquilmopvancaa apnaycam netin. 11 Eycaso actomja appenescama ilhnic nat Dios aclhanma apvalhoc siclhoc anco yoyam esavojoc sat appenescama Jesucristo Visqui ingac. 12 Ingvanquic nincoo ongilyoclhojo Dios Ingyapam mepqui ningay ayinyema mongyasquiyam Cristo. 13 Nocolyitnocjojo nasa apquilvalhoc apquillinga actemaclha siclingaycamco acmasca acyanmongam quellhip. Eycaso yoyam sat colhic alaco quellhip.
Ningasicjayo ayinyema Cristo
14 Eycaso ayinyema silticlhiclhama etapnaoc napato Dios Ingyapam. 15 Dios aptomja apquilyap aplhamoclhojo apnaycam netin najan apnaycam as nalhpop. 16 Almalhnescasquic quellhip Ingyapam yoyam colyimnac almam apquilvalhoc ayinyema Espíritu apanco. Ayinyemaclha cotlaycaoc asoc altamila acnaycaoc Dios Ingyapam. 17 Almalhnescasquic coo mocjam yoyam elhic Cristo apquilvalhoc quellhip ayinyema melyasquiyam. Yoyam elyiplovcasojo actemaclha ningasicjayo actomja ayimja amamyi. 18 Sat elyasingvomoc quellhip najan aplhamoclhojo Jesucristo apmolhama actemaclha singasicjayo Cristo: Acvamlha acvinatem apcasicjayo. Najan acvamlha acpayjem apcasicjayo. Najan acvamlha nitno apcasicjayo. Najan acvamlha congno apcasicjayo. 19 Mongvanquejec onsavojo ongilyasamcojo acvamlha singasicjayo Cristo. Apvanquic Dios elanesamcojo apquilvalhoc quellhip aptemaclha apanco.
20 Ingilmasquic apmopvan Dios yoyam ongillanac asoc actamila. Apvanquic eyeycajasamcojo tap apquillanay asoc, am colhno actemaclha ningilmalhnaycam asoc najan am colhno aclheneycam ingvalhoc. 21 Eltime sat apquilayo Dios aplhamoclhojo Jesucristo apmolhama apquilpasmeyquiclha Cristo Jesús. Eltime sat apquilayo mataa aplhamoclhojo piyam najan cotmongvoycamlha nelha. Amén.
Aptimem soycam amyaa Pablo nipyesicsa metnaja judíos
1 Coo sicvisay Pablo. Almalhnescasquic coo mataa Dios. Sictomja sicmomalhca ayinyema Cristo Jesús quellhip acyanmongam apquilinyema lhalhma anco. 2 Apquilyasamcoc quellhip actemaclha siyanyomalhca olngacsic tasic amyaa nipyesicsa quellhip ayinyema seyimlaycmo Dios. 3 Acyavataclhojo sictalhesquiscama lhac quellhip actemaclha selhicmoscama Dios asoc acyilhomalhca. 4 Apquilyipsatquic sat ancoc quellhip, elyasamcojoc sat actemaclha sicyasingvoyam asoc acyilhomalhca ayinyema Cristo. 5 Am nic nat elyascacmoc enlhitaoc asoc acyilhomalhca. Quilhvo eyca apquillhicmosquic Dios asoc acyilhomalhca nipyesicsa apóstoles najan profetas Dios apquillingascama ayinyema Espíritu apanco. 6 Eycaso actomja asoc acyilhomalhca: Apquillhoyó lhama intomjac asoc altamila judíos najan poc apquilinyema lhalhma anco. Lhama apmolhama aptomjaclha judíos najan poc apquilinyema lhalhma anco, aptomjaclhec malha lhama apyovoclhojo. Apquillhoyó lhama intomjac ayinyema aplhanmaclha Dios actomja nasoc anco ayinyema Cristo Jesús. 7 Eycaso singillhicmoscama tasic amyaa actemaclha asoc acyilhomalhca. Eyasinaquic alhta Dios otnejic siclingascama amyaa, siclhoy alhta ayinyema Dios apmopvan. 8 Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo. 9 Eyasinaquic alhta yoyam olngacsic asoc acyilhomalhca. Ayinyemaclha appenasoc nic nat siclhoc anco aclhanma apvalhoc Dios. Apyilhascasquic nic nat appenescama aclhanma apvalhoc Dios aptomja apquilantipquiscama ilhnic nat aclhamoclhojo asoc. 10 Jesucristo apmolhama eyca ellingacsic sat quilhvo actemaclha apyascamco Dios yoyam elyasingvomoc apquilyimtalhnamo najan apquilmopvancaa apnaycam netin. 11 Eycaso actomja appenescama ilhnic nat Dios aclhanma apvalhoc siclhoc anco yoyam esavojoc sat appenescama Jesucristo Visqui ingac. 12 Ingvanquic nincoo ongilyoclhojo Dios Ingyapam mepqui ningay ayinyema mongyasquiyam Cristo. 13 Nocolyitnocjojo nasa apquilvalhoc apquillinga actemaclha siclingaycamco acmasca acyanmongam quellhip. Eycaso yoyam sat colhic alaco quellhip.
Ningasicjayo ayinyema Cristo
14 Eycaso ayinyema silticlhiclhama etapnaoc napato Dios Ingyapam. 15 Dios aptomja apquilyap aplhamoclhojo apnaycam netin najan apnaycam as nalhpop. 16 Almalhnescasquic quellhip Ingyapam yoyam colyimnac almam apquilvalhoc ayinyema Espíritu apanco. Ayinyemaclha cotlaycaoc asoc altamila acnaycaoc Dios Ingyapam. 17 Almalhnescasquic coo mocjam yoyam elhic Cristo apquilvalhoc quellhip ayinyema melyasquiyam. Yoyam elyiplovcasojo actemaclha ningasicjayo actomja ayimja amamyi. 18 Sat elyasingvomoc quellhip najan aplhamoclhojo Jesucristo apmolhama actemaclha singasicjayo Cristo: Acvamlha acvinatem apcasicjayo. Najan acvamlha acpayjem apcasicjayo. Najan acvamlha nitno apcasicjayo. Najan acvamlha congno apcasicjayo. 19 Mongvanquejec onsavojo ongilyasamcojo acvamlha singasicjayo Cristo. Apvanquic Dios elanesamcojo apquilvalhoc quellhip aptemaclha apanco.
20 Ingilmasquic apmopvan Dios yoyam ongillanac asoc actamila. Apvanquic eyeycajasamcojo tap apquillanay asoc, am colhno actemaclha ningilmalhnaycam asoc najan am colhno aclheneycam ingvalhoc. 21 Eltime sat apquilayo Dios aplhamoclhojo Jesucristo apmolhama apquilpasmeyquiclha Cristo Jesús. Eltime sat apquilayo mataa aplhamoclhojo piyam najan cotmongvoycamlha nelha. Amén.
