Enatovasacpoc sat co Moab
1 Amyaa apquillhenamap co Moab: ¡Aptovasacpec alhta tingma Ar alhtaa anco! ¡Aptovasacpec alhta tingma Kir alhtaa anco! Paj mocjam moabitas.
2 Apquilmiyaclhec alhta netin inquilhe enlhitaoc co Dibón, elyapcalhic sat maa acyitnamaclha quilaycmasquiscama. Apquilyapcalhquic maa ayinyema apnatovasomap payjoc inquilhe Nebo najan tingma Medeba. Inquilyatemenalhquic apva apyitsicsaoc najan ava apatnaoc enlhit ayinyema acmayovsa apquilvalhoc.
3 Apquileyvec enlhitaoc apma apquilantalhnama yamquintim ajac. Apquiliclhangvec netin tingma, apquilyapcalhquic apvalhoc tingma, avanjec mataa actiyapma ate ayingmenic ayinyema acmayovsa apquilvalhoc.
4 Apquililpalhamam enlhitaoc tingma Hesbón najan tingma Elale, yoyam elpasingvota. Inlingalhquic apquililpalhamaycam tingma Jahaza. Najan singilpilhtetemo moabitas apquiltomja apquilpalhamaycam, inmasquec alhta apquilyimnatem.
5 Inlhenquic evalhoc elpasingvota co Moab. Apquilinyajamquic enlhitaoc acvaycmo tingma Zoar, acvaycmo Eglat-selisiya. Apquilyiplaclhec amay Luhit naysicsa apyapcalhem, najan payjoc amay Horonaim apquiltomja apquilpalhamaycam najan aliclhangveycam ayinyema aptovasomacpilha tingma.
6 Inquilyamamquic yamilquit payjoc Nimrim. Inquilyamamquic paat najan yamtaa, paj cotalhcac ayimjaclha lhalhma anco.
7 Apquilsovjoc apquilnatam apancaoc enlhitaoc, apquilpatmaoclho tap vatsam Álamos.
8 Inlingalhquic apquilyapcalhem yoclhilhma Moab lhalhma anco, acvaycmo tingma Eglaim, najan acvaycmo Beer-elim.
9 Invitalhquic ema apancaoc payjoc yingmin Dimón, ongvapajacsic sat mocjam acyimtalhnama, yoyam ellingamcojoc enlhitaoc. Lhama yamacmeyva colnapoc sat apquilaymomap co Moab, apnaycam mocjam as yoclhilhma.
Enatovasacpoc sat co Moab
1 Amyaa apquillhenamap co Moab: ¡Aptovasacpec alhta tingma Ar alhtaa anco! ¡Aptovasacpec alhta tingma Kir alhtaa anco! Paj mocjam moabitas.
2 Apquilmiyaclhec alhta netin inquilhe enlhitaoc co Dibón, elyapcalhic sat maa acyitnamaclha quilaycmasquiscama. Apquilyapcalhquic maa ayinyema apnatovasomap payjoc inquilhe Nebo najan tingma Medeba. Inquilyatemenalhquic apva apyitsicsaoc najan ava apatnaoc enlhit ayinyema acmayovsa apquilvalhoc.
3 Apquileyvec enlhitaoc apma apquilantalhnama yamquintim ajac. Apquiliclhangvec netin tingma, apquilyapcalhquic apvalhoc tingma, avanjec mataa actiyapma ate ayingmenic ayinyema acmayovsa apquilvalhoc.
4 Apquililpalhamam enlhitaoc tingma Hesbón najan tingma Elale, yoyam elpasingvota. Inlingalhquic apquililpalhamaycam tingma Jahaza. Najan singilpilhtetemo moabitas apquiltomja apquilpalhamaycam, inmasquec alhta apquilyimnatem.
5 Inlhenquic evalhoc elpasingvota co Moab. Apquilinyajamquic enlhitaoc acvaycmo tingma Zoar, acvaycmo Eglat-selisiya. Apquilyiplaclhec amay Luhit naysicsa apyapcalhem, najan payjoc amay Horonaim apquiltomja apquilpalhamaycam najan aliclhangveycam ayinyema aptovasomacpilha tingma.
6 Inquilyamamquic yamilquit payjoc Nimrim. Inquilyamamquic paat najan yamtaa, paj cotalhcac ayimjaclha lhalhma anco.
7 Apquilsovjoc apquilnatam apancaoc enlhitaoc, apquilpatmaoclho tap vatsam Álamos.
8 Inlingalhquic apquilyapcalhem yoclhilhma Moab lhalhma anco, acvaycmo tingma Eglaim, najan acvaycmo Beer-elim.
9 Invitalhquic ema apancaoc payjoc yingmin Dimón, ongvapajacsic sat mocjam acyimtalhnama, yoyam ellingamcojoc enlhitaoc. Lhama yamacmeyva colnapoc sat apquilaymomap co Moab, apnaycam mocjam as yoclhilhma.
