Apquiltamjaycam apquilmolhama Leví
1 Apvanacmec nic nat apvisqui David. Invocmec nic nat nelha acnim aptiyascam. Aptimescasquic nic nat David apquitca Salomón, etnejic sat apvisqui nipyesicsa enlhitaoc Israel. 2 Apcansaclhec nic nat apyovoclhojo mayayo apquilviscaa najan apyovoclhojo sacerdotes najan levitas. 3 Apquilyipsatacpec nic nat levitas acyitna inlhojo apquileyvam treinta años najan tap. Apquilyipsatacpec nic nat treinta y ocho mil enlhitaoc levitas. 4 Apquilyacyesquic nic nat David veinticuatro mil levitas, yoyam eltimesam tingma apponquinomap. Poc nic nat seis mil eltimjic mayayo najan apquilyicpilquemo. 5 Poc nic nat cuatro mil apquiltamilquiscama atnaoc. Poc nic nat apquilminaycmascama najan apquilpayvascama yoyam colhic ayaco Dios cuatro mil levitas. 6 Apquilanyacpec nic nat actemaclha grupos, ayinyema apquilmolhama Leví: Gersón, Coat najan Merari.
7 Gersón apquitquic nic nat: Laadán najan Simei. 8 Tres nic nat apquitquic Laadán: Jehiel aptiyam apmamyi, Zetam najan Joel. 9 Tres nic nat apquitquic Simei: Selomit, Haziel najan Harán. Eycaso ilhnic nat apyapmayc apquilmolhama Laadán. 10 Cuatro ilhnic nat apquitquic Simei: Jahat, Ziza, Jeús najan Bería. 11 Aptiyam apmamyi ilhnic nat Jahat, apyalhing nic nat Ziza. Asilhtec nic nat apquilvitay apquitquic Jeús najan Bería. Apquilyipsatacpec nic nat malha lhama familia apquilmolhama.
12 Cuatro ilhnic nat apquitquic Coat: Amram, Izhar, Hebrón najan Uziel. 13 Amram apquitquic nic nat: Aarón najan Moisés. Apcanyacpec nic nat Aarón ayinyema Dios etingyasquisic asoc macmescama Dios, najan asoc acmasis yoyam colhic alvatna napato Dios, elngacsic sat apvaticjapquiscama Dios nipyesicsa enlhitaoc. Am nic nat ingyanyacpoc poc enlhit, apvamlha ilhnic nat Aarón najan aptovana cotmongvoycamlha nelha. 14 Apquilmolhama levitas nic nat Moisés najan aptovana.
15 Moisés apquitquic nic nat: Gersón najan Eliezer. 16 Gersón apquitca aptiyam apmamyi ilhnic nat Sebuel. 17 Eliezer apquitca aptiyam apmamyi ilhnic nat Rehabías, mepqui poc apquitquic. Aplhamoc nic nat apquitquic Rehabías. 18 Izhar apquitca aptiyam apmamyi ilhnic nat Selomit. 19 Hebrón apquitquic nic nat: Jeraías aptiyam apmamyi, Amarías, Jahaziel, Jecamán. 20 Uziel apquitquic nic nat: Micaías aptiyam apmamyi najan apyalhing Isías.
21 Merari apquitquic nic nat Mahli najan Musi. Mahli apquitquic nic nat: Eleazar najan Cis. 22 Mepqui ilhnic nat apquitquic apquilinava Eleazar, apquitsepquic nic nat. Innam nic nat apquitquic quilvanaa. Inquilyimjapquic nic nat inquilyipma, Cis apquitquic. 23 Tres apquitquic nic nat Musi: Mahli, Edar najan Jeremot.
24 Eycaso ilhnic nat Leví aptovana niptamin, moclhama familia apquilmolhama acnatalhesomalhca apquilvisay vaycajac. Apquiltomja apquileyvam veinte años najan tap, moclhama acma aptava. Apquiltomjac apquiltimesaycam tingma apponquinomap.
25 Aptomjac nic nat apvisqui David: Dios Visqui ingac alhta singmescama as yoclhilhma yoyam onlhic. Tingma Jerusalén elhic sat Dios congne tingma apponquinomap. 26 Coymalhquejec sat mataa elpatmaoclha carpa apponquinomap levitas, najan maa apquilmaycam alponquinomalhca — nic nat aptomjac.
27 Nelha ilhnic nat intomjac apcanamaclha David, yoyam colhic alyipsata najan acnatalhesa apquilvisay Leví aptovana, apquilvocmo 20 años tap. 28 Eltimesam sat apquilpasmeyquiclha sacerdotes, Aarón aptovana niptamin. Eltamilsic sat mataa tingma aplhanaoc najan acyivey olhma najan apquilmaycam alponquinomalhca, yoyam colhic alalhnasa avalhaoc najan ayimpeoc najan moc apquiltamjaycam tingma apponquinomap. 29 Eltingyasquisic sat pan apponquinomap elninquinic netin mesa. Eltingyasquisic motajap harina, yoyam elanacpoc pan mepqui apquimpascaoc, najan ningilpayescama, najan motajap apyelaquiscama, najan moclhama actemaclha niljanma ningilyipsateycaoc. 30 Apquilanyacpec mataa moclhama acnim alhtoo najan actalhnam, eltimjic gracias najan ningayo Dios. 31 Elpenacsojoc moclhama acnim ninnayclha apnatoscama apticyovam macmescama Dios acyanmongam melyascalhma. Najan maa fiesta piltin apjalhnancoc. Najan maa fiesta alyivey, eltimesam sat mataa mepqui apcaymomap lhama. 32 Apquilanyacpec nic nat levitas eltimesam carpa apponquinomap najan tingma apponquinomap, apquilpasmeyquiclha apquilmolhama Aarón aptovana niptamin.
Apquiltamjaycam apquilmolhama Leví
1 Apvanacmec nic nat apvisqui David. Invocmec nic nat nelha acnim aptiyascam. Aptimescasquic nic nat David apquitca Salomón, etnejic sat apvisqui nipyesicsa enlhitaoc Israel. 2 Apcansaclhec nic nat apyovoclhojo mayayo apquilviscaa najan apyovoclhojo sacerdotes najan levitas. 3 Apquilyipsatacpec nic nat levitas acyitna inlhojo apquileyvam treinta años najan tap. Apquilyipsatacpec nic nat treinta y ocho mil enlhitaoc levitas. 4 Apquilyacyesquic nic nat David veinticuatro mil levitas, yoyam eltimesam tingma apponquinomap. Poc nic nat seis mil eltimjic mayayo najan apquilyicpilquemo. 5 Poc nic nat cuatro mil apquiltamilquiscama atnaoc. Poc nic nat apquilminaycmascama najan apquilpayvascama yoyam colhic ayaco Dios cuatro mil levitas. 6 Apquilanyacpec nic nat actemaclha grupos, ayinyema apquilmolhama Leví: Gersón, Coat najan Merari.
7 Gersón apquitquic nic nat: Laadán najan Simei. 8 Tres nic nat apquitquic Laadán: Jehiel aptiyam apmamyi, Zetam najan Joel. 9 Tres nic nat apquitquic Simei: Selomit, Haziel najan Harán. Eycaso ilhnic nat apyapmayc apquilmolhama Laadán. 10 Cuatro ilhnic nat apquitquic Simei: Jahat, Ziza, Jeús najan Bería. 11 Aptiyam apmamyi ilhnic nat Jahat, apyalhing nic nat Ziza. Asilhtec nic nat apquilvitay apquitquic Jeús najan Bería. Apquilyipsatacpec nic nat malha lhama familia apquilmolhama.
12 Cuatro ilhnic nat apquitquic Coat: Amram, Izhar, Hebrón najan Uziel. 13 Amram apquitquic nic nat: Aarón najan Moisés. Apcanyacpec nic nat Aarón ayinyema Dios etingyasquisic asoc macmescama Dios, najan asoc acmasis yoyam colhic alvatna napato Dios, elngacsic sat apvaticjapquiscama Dios nipyesicsa enlhitaoc. Am nic nat ingyanyacpoc poc enlhit, apvamlha ilhnic nat Aarón najan aptovana cotmongvoycamlha nelha. 14 Apquilmolhama levitas nic nat Moisés najan aptovana.
15 Moisés apquitquic nic nat: Gersón najan Eliezer. 16 Gersón apquitca aptiyam apmamyi ilhnic nat Sebuel. 17 Eliezer apquitca aptiyam apmamyi ilhnic nat Rehabías, mepqui poc apquitquic. Aplhamoc nic nat apquitquic Rehabías. 18 Izhar apquitca aptiyam apmamyi ilhnic nat Selomit. 19 Hebrón apquitquic nic nat: Jeraías aptiyam apmamyi, Amarías, Jahaziel, Jecamán. 20 Uziel apquitquic nic nat: Micaías aptiyam apmamyi najan apyalhing Isías.
21 Merari apquitquic nic nat Mahli najan Musi. Mahli apquitquic nic nat: Eleazar najan Cis. 22 Mepqui ilhnic nat apquitquic apquilinava Eleazar, apquitsepquic nic nat. Innam nic nat apquitquic quilvanaa. Inquilyimjapquic nic nat inquilyipma, Cis apquitquic. 23 Tres apquitquic nic nat Musi: Mahli, Edar najan Jeremot.
24 Eycaso ilhnic nat Leví aptovana niptamin, moclhama familia apquilmolhama acnatalhesomalhca apquilvisay vaycajac. Apquiltomja apquileyvam veinte años najan tap, moclhama acma aptava. Apquiltomjac apquiltimesaycam tingma apponquinomap.
25 Aptomjac nic nat apvisqui David: Dios Visqui ingac alhta singmescama as yoclhilhma yoyam onlhic. Tingma Jerusalén elhic sat Dios congne tingma apponquinomap. 26 Coymalhquejec sat mataa elpatmaoclha carpa apponquinomap levitas, najan maa apquilmaycam alponquinomalhca — nic nat aptomjac.
27 Nelha ilhnic nat intomjac apcanamaclha David, yoyam colhic alyipsata najan acnatalhesa apquilvisay Leví aptovana, apquilvocmo 20 años tap. 28 Eltimesam sat apquilpasmeyquiclha sacerdotes, Aarón aptovana niptamin. Eltamilsic sat mataa tingma aplhanaoc najan acyivey olhma najan apquilmaycam alponquinomalhca, yoyam colhic alalhnasa avalhaoc najan ayimpeoc najan moc apquiltamjaycam tingma apponquinomap. 29 Eltingyasquisic sat pan apponquinomap elninquinic netin mesa. Eltingyasquisic motajap harina, yoyam elanacpoc pan mepqui apquimpascaoc, najan ningilpayescama, najan motajap apyelaquiscama, najan moclhama actemaclha niljanma ningilyipsateycaoc. 30 Apquilanyacpec mataa moclhama acnim alhtoo najan actalhnam, eltimjic gracias najan ningayo Dios. 31 Elpenacsojoc moclhama acnim ninnayclha apnatoscama apticyovam macmescama Dios acyanmongam melyascalhma. Najan maa fiesta piltin apjalhnancoc. Najan maa fiesta alyivey, eltimesam sat mataa mepqui apcaymomap lhama. 32 Apquilanyacpec nic nat levitas eltimesam carpa apponquinomap najan tingma apponquinomap, apquilpasmeyquiclha apquilmolhama Aarón aptovana niptamin.
