Doce mataymong ayinyema vatsam
1 Apsovjacpoc nic nat enlhitaoc apquiljalhtipilhquitma vatsam Jordán. Aptomjac nic nat Dios apcanya Josué: 2 —Ilyacyes sat doce enlhitaoc apquilinyema moclhama apmolhama enlhitaoc Israel. 3 Itne sat elanic: Elvoclha sat doce mataymong ayinyema vatsam acyamac'aclha apcanamcaclha sacerdotes. Elsov sat mataymong acvocmo aptiyanvamlha alhtaa nac jay — nic nat aptomjac Dios.
4 Apquevam nic nat Josué doce enlhitaoc malyacyescama apquilinyema moclhama apmolhama. 5 Aptomjac nic nat Josué apquilanya: —Elyas sat vatsam acyamac'aclha acyitnaclha yamit aysicsic. Elpatmaoc sat moclhama quellhip mataymong, acno moclhama apmolhama enlhitaoc Israel. 6 Cotnejic sat actemaclha asoc monquinatquiscama. Sat eltimjic elilmalhna apquitquic: ¿Soc lha actema as mataymong? — sat eltimjic. 7 Elatingmojo sat quellhip: Eycaso acyitnama ingatic actemaclha acyaptama yingmin Jordán naysicsa apquilsovm yamit aysicsic acyitnamaclha Dios appayvam. Inyaptalhquic nic nat yingmin vatsam Jordán. Eycaso mataymong actomja acyitnescama ingatic yoyam colvoncamejec enlhitaoc Israel cotmongvoycamlha nelha — nic nat aptomjac Josué.
8 Apquilyajaclhoc nic nat enlhitaoc actomjaclha appayvam Josué. Apquilpatmamquic nic nat doce mataymong vatsam Jordán. Innoc nic nat actomjaclha appayvam Dios apcanama Josué. Apquilpatmamquic nic nat mataymong enlhit apquilinyema moclhama apmolhama. Apquicjesquic nic nat mataymong apnatiyanvamlha. 9 Apquicjesquic nic nat Josué doce mataymong naysicsa vatsam acpayjo apcanamcaclha sacerdotes apquilsom yamit aysicsic. Yitnec nic nat maa mataymong acvocmo ningvamlha nac jay. 10 Apquilsovquic nic nat sacerdotes yamit aysicsic acyitnamaclha Dios appayvam. Apcanam nic nat naysicsa vatsam. Invocmec nic nat aclhamoclhojo actemaclha Dios appayvam apcanama Josué yoyam eltimnacsic enlhitaoc. Invocmec nic nat actemaclha Moisés appayvam apcanama Josué. Apquilpecjasquic nic nat enlhitaoc. Apquiljalhtipilhquitquic nic nat vatsam. 11 Apsovjacpoc nic nat enlhitaoc apquiljalhtipilhquitma vatsam. Apquilimjamquic nic nat sacerdotes apquilsovm yamit aysicsic. Apquilvitac nic nat aplhamoclhojo enlhitaoc.
12 Apquilmamyi ilhnic nat apquillhingam enlhitaoc Rubén apmolhama najan Gad apmolhama najan napocja apmolhama Manasés. Apquilsovquic nic nat apquilmaycam. Acno ilhnic nat apcanama Moisés. 13 Apvocmec nic nat cuarenta mil enlhitaoc apquilsoycam apquilmaycam yoyam elnapacpoc. Apquiltamjoc nic nat elyeycajangvomoc amyip acvanyam. Apquilpeyvoc nic nat tingma Jericó. Apvitac nic nat Dios. 14 Aptimescasquic nic nat Dios Apyimtalhnamo Josué nipyesicsa enlhitaoc Israel. Apquilyajaclhoc nic nat mataa appayvam aclhamoclhojo acnim. Acno ilhnic nat apquilyajayquiclho Moisés appayvam enlhitaoc Israel.
15 Aptomjac nic nat Dios apcanya Josué: 16 —Ilane sat elquimpiclha mocjam sacerdotes apquilsovm yamit aysicsic. Ilane sat elyinyoc apcanamcaclha vatsam Jordán — nic nat aptomjac.
17 Aptomjac nic nat Josué apquilanya sacerdotes: —Elyinyov apcanamcaclha vatsam Jordán — nic nat aptomjac. 18 Apquilsovquic nic nat sacerdotes yamit aysicsic. Apquilyinyovquic nic nat apcanamcaclha vatsam Jordán. Apquilyipjongvocmec nic nat mepqui lha yingmin. Yejemoc nic nat acyaveclho mocjam yingmin. Inyejingvocmec nic nat yingmin nicja vatsam.
19 Apquilyinyovquic nic nat vatsam aplhamoclhojo enlhitaoc Israel. Apvocmec nic nat lhama piltin diez acnim. Apquicjingvocmec nic nat amyip Gilgal, jalip tingma Jericó, acpayjo actiyapmaclha acnim. 20 Apquicjesquic nic nat doce mataymong amyip Gilgal. Ayinyema ilhnic nat mataymong vatsam Jordán. 21 Aptomjac nic nat Josué apquilanya enlhitaoc: —Sat eltimjic elilmalhna quellhip apquitquic: ¿Soc lha actema as mataymong? — sat eltimjic. 22 Eltime sat elatingmojo quellhip: Apquiljalhtipilhquitquic alhta vatsam enlhitaoc Israel. Inyaptalhquic alhta yingmin — sat eltime elanic. 23 Apyamasquic alhta Dios Apyimtalhnamo yingmin vatsam. Apquilvitac alhta quellhip. Innoc alhta actemaclha apyamascama Dios nalhit Yingmin Acyilhvasem Mar Rojo. Ningiljalhtipilhquitquic alhta nincoo. 24 Elyicpilcangvomoc sat aplhamoclhojo enlhitaoc as nalhpop actemaclha apyimnatem Dios. Yoyam elilyejiclhojoc sat mataa quellhip appayvam Dios Apyimtalhnamo aclhamoclhojo acnim — nic nat aptomjac Josué.
Doce mataymong ayinyema vatsam
1 Apsovjacpoc nic nat enlhitaoc apquiljalhtipilhquitma vatsam Jordán. Aptomjac nic nat Dios apcanya Josué: 2 —Ilyacyes sat doce enlhitaoc apquilinyema moclhama apmolhama enlhitaoc Israel. 3 Itne sat elanic: Elvoclha sat doce mataymong ayinyema vatsam acyamac'aclha apcanamcaclha sacerdotes. Elsov sat mataymong acvocmo aptiyanvamlha alhtaa nac jay — nic nat aptomjac Dios.
4 Apquevam nic nat Josué doce enlhitaoc malyacyescama apquilinyema moclhama apmolhama. 5 Aptomjac nic nat Josué apquilanya: —Elyas sat vatsam acyamac'aclha acyitnaclha yamit aysicsic. Elpatmaoc sat moclhama quellhip mataymong, acno moclhama apmolhama enlhitaoc Israel. 6 Cotnejic sat actemaclha asoc monquinatquiscama. Sat eltimjic elilmalhna apquitquic: ¿Soc lha actema as mataymong? — sat eltimjic. 7 Elatingmojo sat quellhip: Eycaso acyitnama ingatic actemaclha acyaptama yingmin Jordán naysicsa apquilsovm yamit aysicsic acyitnamaclha Dios appayvam. Inyaptalhquic nic nat yingmin vatsam Jordán. Eycaso mataymong actomja acyitnescama ingatic yoyam colvoncamejec enlhitaoc Israel cotmongvoycamlha nelha — nic nat aptomjac Josué.
8 Apquilyajaclhoc nic nat enlhitaoc actomjaclha appayvam Josué. Apquilpatmamquic nic nat doce mataymong vatsam Jordán. Innoc nic nat actomjaclha appayvam Dios apcanama Josué. Apquilpatmamquic nic nat mataymong enlhit apquilinyema moclhama apmolhama. Apquicjesquic nic nat mataymong apnatiyanvamlha. 9 Apquicjesquic nic nat Josué doce mataymong naysicsa vatsam acpayjo apcanamcaclha sacerdotes apquilsom yamit aysicsic. Yitnec nic nat maa mataymong acvocmo ningvamlha nac jay. 10 Apquilsovquic nic nat sacerdotes yamit aysicsic acyitnamaclha Dios appayvam. Apcanam nic nat naysicsa vatsam. Invocmec nic nat aclhamoclhojo actemaclha Dios appayvam apcanama Josué yoyam eltimnacsic enlhitaoc. Invocmec nic nat actemaclha Moisés appayvam apcanama Josué. Apquilpecjasquic nic nat enlhitaoc. Apquiljalhtipilhquitquic nic nat vatsam. 11 Apsovjacpoc nic nat enlhitaoc apquiljalhtipilhquitma vatsam. Apquilimjamquic nic nat sacerdotes apquilsovm yamit aysicsic. Apquilvitac nic nat aplhamoclhojo enlhitaoc.
12 Apquilmamyi ilhnic nat apquillhingam enlhitaoc Rubén apmolhama najan Gad apmolhama najan napocja apmolhama Manasés. Apquilsovquic nic nat apquilmaycam. Acno ilhnic nat apcanama Moisés. 13 Apvocmec nic nat cuarenta mil enlhitaoc apquilsoycam apquilmaycam yoyam elnapacpoc. Apquiltamjoc nic nat elyeycajangvomoc amyip acvanyam. Apquilpeyvoc nic nat tingma Jericó. Apvitac nic nat Dios. 14 Aptimescasquic nic nat Dios Apyimtalhnamo Josué nipyesicsa enlhitaoc Israel. Apquilyajaclhoc nic nat mataa appayvam aclhamoclhojo acnim. Acno ilhnic nat apquilyajayquiclho Moisés appayvam enlhitaoc Israel.
15 Aptomjac nic nat Dios apcanya Josué: 16 —Ilane sat elquimpiclha mocjam sacerdotes apquilsovm yamit aysicsic. Ilane sat elyinyoc apcanamcaclha vatsam Jordán — nic nat aptomjac.
17 Aptomjac nic nat Josué apquilanya sacerdotes: —Elyinyov apcanamcaclha vatsam Jordán — nic nat aptomjac. 18 Apquilsovquic nic nat sacerdotes yamit aysicsic. Apquilyinyovquic nic nat apcanamcaclha vatsam Jordán. Apquilyipjongvocmec nic nat mepqui lha yingmin. Yejemoc nic nat acyaveclho mocjam yingmin. Inyejingvocmec nic nat yingmin nicja vatsam.
19 Apquilyinyovquic nic nat vatsam aplhamoclhojo enlhitaoc Israel. Apvocmec nic nat lhama piltin diez acnim. Apquicjingvocmec nic nat amyip Gilgal, jalip tingma Jericó, acpayjo actiyapmaclha acnim. 20 Apquicjesquic nic nat doce mataymong amyip Gilgal. Ayinyema ilhnic nat mataymong vatsam Jordán. 21 Aptomjac nic nat Josué apquilanya enlhitaoc: —Sat eltimjic elilmalhna quellhip apquitquic: ¿Soc lha actema as mataymong? — sat eltimjic. 22 Eltime sat elatingmojo quellhip: Apquiljalhtipilhquitquic alhta vatsam enlhitaoc Israel. Inyaptalhquic alhta yingmin — sat eltime elanic. 23 Apyamasquic alhta Dios Apyimtalhnamo yingmin vatsam. Apquilvitac alhta quellhip. Innoc alhta actemaclha apyamascama Dios nalhit Yingmin Acyilhvasem Mar Rojo. Ningiljalhtipilhquitquic alhta nincoo. 24 Elyicpilcangvomoc sat aplhamoclhojo enlhitaoc as nalhpop actemaclha apyimnatem Dios. Yoyam elilyejiclhojoc sat mataa quellhip appayvam Dios Apyimtalhnamo aclhamoclhojo acnim — nic nat aptomjac Josué.
