Actomjaclha nelha appayvam Pablo
1 Natqui sat cotnejic sicvoyclha nipyesicsa quellhip. Ongilpeyvasiclhac sat moclhama asoc acyimtalhnama yoyam elaylhojo apcanit najan apnatqui apquiltomja apquilvitaycamco. 2 Altimnasquic alhta quellhip sicvoclho alhta nipyesicsa. Altimnasquic mocjam quilhvo naysicsa sictalhesquiscama quellhip. Actomjac coo silanya quellhip apquiltomja apquilsilhnanomap apmamyi najan lha apquilanomacpo ingilyalhinga: Movanquejec omyoc lhama ingyalhing aptomja apsilhnanomap. 3 Elyasingvomoc sat quellhip cotnaja sicpayvam ajanco, eyca actomja Cristo appayvam siltimnascama quellhip. Elyasingvomoc sat najan quellhip aptemaclha Cristo aptomja apmopvan, jave mepqui apmopvan. 4 Naso, mepqui apmopvan alhta Cristo naysicsa apquitsepma asoc timyescama. Apjalhnancoc aptomjac mocjam Cristo ayinyema Dios apmopvan. Acno nincoo lha. Ningiltomja inyicje mepqui ningmovan, ningiltomja eyca ninpasmeyquiclha Cristo najan ningiltomja ingjalhnancaoc ayinyema Dios apmopvan. Eycaso elvitac sat quellhip.
5 Elyipcon sat actemaclha apquilvalhoc najan actemaclha melyasquiyam quellhip. ¿Apne ya Cristo apquilvalhoc quellhip? Am sat ancoc elhnac apquilvalhoc, meltimjic sat Cristo apmolhama quellhip. 6 Ayanayquic coo elyasingvomoc sat quellhip nintemaclha ningiltomja ningilpeyvomo. 7 Almalhnescasquic coo Dios yoyam elmeyvoc quellhip, yoyam melyiplovsejec quellhip actemaclha acmasom. Am oltamjoc yoyam cotalhcac nintemaclha acpeyvomo. Altamjoc yoyam cotalhcac apquiltemaclha quellhip apquilyiplovquiscama actemaclha actamila. Apquilanayquic sat ancoc quellhip mongilpeyvomo nincoo, tasic najan. 8 Mongvanquejec ongilyacsilhma actemaclha actomja nasoc anco. Ningyiplovcasquic mataa actemaclha actomja nasoc anco. 9 Inpayjeclhec nincoo ingvalhoc ningiltomja mepqui ningmovan, naysicsa ningvitay apquilmopvan quellhip. Eycaso actomja ningilmalhnesquiscama quellhip. Ningiltamjoc yoyam ellaniclhac quellhip aclhamoclhojo asoc. 10 Actalhescasquic quellhip as vaycajac yicpintama ovoclhac nipyesicsa quellhip. Acvoclhec sat ancoc nipyesicsa quellhip, am oltamjoc oyimnaticsic sicpayvam yoyam cotalhqueje sictemaclha sicyimtalhnamo. Emcasquic alhta Visqui ingac actemaclha sicyimtalhnamo yoyam olyimnatesquisic apquilvalhoc quellhip, jave yoyam onatovacsic.
11 Quellhip elyalhinga. Sas sat apnaycam, colpayjiclha apquilvalhoc quellhip. Ellaniclha sat aclhamoclhojo asoc nipyesicsa. Eltamilquisquim sat apquilvalhoc poc nipyesicsa quellhip. Elinlhanmojo sat apquilyiplovquiscama. Eltamilsojo sat mataa apquilvalhoc. Epasmoc sat quellhip Dios aptomja singasicjayo najan acyitna actamilaycam apvalhoc. 12 Elpayvesap sat acyiplomo acpayjayclha apquilvalhoc. 13 Inquillhenquic apquilvalhoc quellhip aplhamoclhojo ingilyalhinga.
14 Altamjoc yoyam ellhovac quellhip apcaycaoc ayinyema Jesucristo Visqui ingac. Yoyam ellhovac singasicjayo ayinyema Dios najan yoyam epasmoc sat Espíritu Santo. Amén.
Actomjaclha nelha appayvam Pablo
1 Natqui sat cotnejic sicvoyclha nipyesicsa quellhip. Ongilpeyvasiclhac sat moclhama asoc acyimtalhnama yoyam elaylhojo apcanit najan apnatqui apquiltomja apquilvitaycamco. 2 Altimnasquic alhta quellhip sicvoclho alhta nipyesicsa. Altimnasquic mocjam quilhvo naysicsa sictalhesquiscama quellhip. Actomjac coo silanya quellhip apquiltomja apquilsilhnanomap apmamyi najan lha apquilanomacpo ingilyalhinga: Movanquejec omyoc lhama ingyalhing aptomja apsilhnanomap. 3 Elyasingvomoc sat quellhip cotnaja sicpayvam ajanco, eyca actomja Cristo appayvam siltimnascama quellhip. Elyasingvomoc sat najan quellhip aptemaclha Cristo aptomja apmopvan, jave mepqui apmopvan. 4 Naso, mepqui apmopvan alhta Cristo naysicsa apquitsepma asoc timyescama. Apjalhnancoc aptomjac mocjam Cristo ayinyema Dios apmopvan. Acno nincoo lha. Ningiltomja inyicje mepqui ningmovan, ningiltomja eyca ninpasmeyquiclha Cristo najan ningiltomja ingjalhnancaoc ayinyema Dios apmopvan. Eycaso elvitac sat quellhip.
5 Elyipcon sat actemaclha apquilvalhoc najan actemaclha melyasquiyam quellhip. ¿Apne ya Cristo apquilvalhoc quellhip? Am sat ancoc elhnac apquilvalhoc, meltimjic sat Cristo apmolhama quellhip. 6 Ayanayquic coo elyasingvomoc sat quellhip nintemaclha ningiltomja ningilpeyvomo. 7 Almalhnescasquic coo Dios yoyam elmeyvoc quellhip, yoyam melyiplovsejec quellhip actemaclha acmasom. Am oltamjoc yoyam cotalhcac nintemaclha acpeyvomo. Altamjoc yoyam cotalhcac apquiltemaclha quellhip apquilyiplovquiscama actemaclha actamila. Apquilanayquic sat ancoc quellhip mongilpeyvomo nincoo, tasic najan. 8 Mongvanquejec ongilyacsilhma actemaclha actomja nasoc anco. Ningyiplovcasquic mataa actemaclha actomja nasoc anco. 9 Inpayjeclhec nincoo ingvalhoc ningiltomja mepqui ningmovan, naysicsa ningvitay apquilmopvan quellhip. Eycaso actomja ningilmalhnesquiscama quellhip. Ningiltamjoc yoyam ellaniclhac quellhip aclhamoclhojo asoc. 10 Actalhescasquic quellhip as vaycajac yicpintama ovoclhac nipyesicsa quellhip. Acvoclhec sat ancoc nipyesicsa quellhip, am oltamjoc oyimnaticsic sicpayvam yoyam cotalhqueje sictemaclha sicyimtalhnamo. Emcasquic alhta Visqui ingac actemaclha sicyimtalhnamo yoyam olyimnatesquisic apquilvalhoc quellhip, jave yoyam onatovacsic.
11 Quellhip elyalhinga. Sas sat apnaycam, colpayjiclha apquilvalhoc quellhip. Ellaniclha sat aclhamoclhojo asoc nipyesicsa. Eltamilquisquim sat apquilvalhoc poc nipyesicsa quellhip. Elinlhanmojo sat apquilyiplovquiscama. Eltamilsojo sat mataa apquilvalhoc. Epasmoc sat quellhip Dios aptomja singasicjayo najan acyitna actamilaycam apvalhoc. 12 Elpayvesap sat acyiplomo acpayjayclha apquilvalhoc. 13 Inquillhenquic apquilvalhoc quellhip aplhamoclhojo ingilyalhinga.
14 Altamjoc yoyam ellhovac quellhip apcaycaoc ayinyema Jesucristo Visqui ingac. Yoyam ellhovac singasicjayo ayinyema Dios najan yoyam epasmoc sat Espíritu Santo. Amén.
