1 Aptomjac alhta mocjam Dios Apyimtalhnamo: Avanjec apquilmapsomcaa co Moab, oyanmongsiclhac sat apquiltemaclha apancaoc. Apquilvatnec alhta talha apvisqui apmatnam co Edom, aptomjayclho tajap.
2 Olvitic sat talha yoclhilhma Moab, elmetic sat tingma apquiltamila payjoc Queriot. Eticyoc sat enlhitaoc co Moab naysicsa apquilimpocjay najan apquilpayvascama trompeta.
3 Ematong sat apvisqui nipyesicsa maa, eticyoc sat apyovoclhojo apnaymacoc apquilyimtalhnamo — alhta aptomjac Dios — nic nat aptomjac profeta.
4 Aptomjac alhta mocjam: Avanjec apquilmapsomcaa enlhitaoc co Judá. Oyanmongsiclhac sat apquiltemaclha apancaoc. Apnatovasquic alhta apcanamaclha Dios, am alhta elyiplovcasac mataa apcanamaclha. Apquiltimec alhta apquilayo quilaycmasquiscama, acno ilhnic nat apquilyeyjamcaa apquilayo.
5 Olvitic sat talha yoclhilhma Judá, elmetic sat tingma apquiltamila natingma Jerusalén — alhta aptomjac Dios — nic nat aptomjac profeta.
Macyanmongayclha apquiltemaclha apancaoc enlhit
6 Aptomjac alhta mocjam: Avanjec apquilmapsomcaa enlhitaoc Israel. Oyanmongsiclhac sat apquiltemaclha apancaoc. Apquilhaquic alhta enlhit aptamila ayinyema apmaycaoc nasa solyayem. Apquilhaquic alhta enlhit mepqui apquilnatam, ayinyema apmaycaoc nasa tiyayipeoc.
7 Apnatovasquic mataa enlhit mepqui asoc, naysicsa mepqui apquilmasma enlhit apquiltamila. Lhama quilvana alanatama aptomja appatjeteycaoc enlhit najan apquitca. Eycaso acvisay sevennéycam coo sicvisay mayayo.
8 Apquiltajanamquic mataa apquiltajanma, ayinyema apquilajem apmaycaoc nasa poc. Aptovcamquic mataa nintom macmescama quilaycmasquiscama. Apquilyinamquic mataa uva ayingmenic congne tingma acyitnamaclha quilaycmasquiscama, ayinyema solyayem multa apquilanyomap elyanmongsic poc.
9 Coo alhta sicmasma enlhitaoc Israel, sicsovjomo sicnatovascama cotnaja ingmoc amorreos. Apquilyimnatem alhta amorreos, malha yamit cedro najan yamit roble.
10 Coo alhta sicyinyovquiscama yoclhilhma Egipto. Acnalaclhec alhta cuarenta años yoclhilhma actamopeycaoc, acvaycmo yoclhilhma amorreos, yoyam ellhovamcoc enlhitaoc Israel.
11 Quellhip enlhitaoc Israel, actimescasquic alhta napocja eltimjic profetas apquillingascama sicvisay, najan poc eltimjic seltimesaycam apquilponquinomap — alhta aptomjac Dios Apyimtalhnamo.
12 Apquiltomjac alhta quellhip apquilanya enlhit seltimesaycam apquilanyacpo elyinamcoc anmin. Apquilmiyovquic alhta quellhip profetas ellingacsic amyaa ayinyema coo.
13 Ellingamcojoc sat quellhip acyanmongayclha apquiltemaclha apancaoc. Eliclhangvam sat quellhip, acno carro acpatmomalhca trigo apyilhna.
14 Colapvanquejec sat elinyajamcoc, comascoc sat apquiltimem apquilyimnatem. Melvomsacpejec sat tap apquiltomja apquilvascapma.
15 Colapvanquejec elyojong yanca apancaoc, melvomsacpejec sat tap. Colapvanquejec sat elinyajamcoc nalhpop, paj najan nolhing apcapaoc.
16 Etlhaoc sat nalhpop apquilmaycam apancaoc enlhit apquilvascapma, elinyajamcoc sat maa — alhta aptomjac Dios — nic nat aptomjac profeta.
1 Aptomjac alhta mocjam Dios Apyimtalhnamo: Avanjec apquilmapsomcaa co Moab, oyanmongsiclhac sat apquiltemaclha apancaoc. Apquilvatnec alhta talha apvisqui apmatnam co Edom, aptomjayclho tajap.
2 Olvitic sat talha yoclhilhma Moab, elmetic sat tingma apquiltamila payjoc Queriot. Eticyoc sat enlhitaoc co Moab naysicsa apquilimpocjay najan apquilpayvascama trompeta.
3 Ematong sat apvisqui nipyesicsa maa, eticyoc sat apyovoclhojo apnaymacoc apquilyimtalhnamo — alhta aptomjac Dios — nic nat aptomjac profeta.
4 Aptomjac alhta mocjam: Avanjec apquilmapsomcaa enlhitaoc co Judá. Oyanmongsiclhac sat apquiltemaclha apancaoc. Apnatovasquic alhta apcanamaclha Dios, am alhta elyiplovcasac mataa apcanamaclha. Apquiltimec alhta apquilayo quilaycmasquiscama, acno ilhnic nat apquilyeyjamcaa apquilayo.
5 Olvitic sat talha yoclhilhma Judá, elmetic sat tingma apquiltamila natingma Jerusalén — alhta aptomjac Dios — nic nat aptomjac profeta.
Macyanmongayclha apquiltemaclha apancaoc enlhit
6 Aptomjac alhta mocjam: Avanjec apquilmapsomcaa enlhitaoc Israel. Oyanmongsiclhac sat apquiltemaclha apancaoc. Apquilhaquic alhta enlhit aptamila ayinyema apmaycaoc nasa solyayem. Apquilhaquic alhta enlhit mepqui apquilnatam, ayinyema apmaycaoc nasa tiyayipeoc.
7 Apnatovasquic mataa enlhit mepqui asoc, naysicsa mepqui apquilmasma enlhit apquiltamila. Lhama quilvana alanatama aptomja appatjeteycaoc enlhit najan apquitca. Eycaso acvisay sevennéycam coo sicvisay mayayo.
8 Apquiltajanamquic mataa apquiltajanma, ayinyema apquilajem apmaycaoc nasa poc. Aptovcamquic mataa nintom macmescama quilaycmasquiscama. Apquilyinamquic mataa uva ayingmenic congne tingma acyitnamaclha quilaycmasquiscama, ayinyema solyayem multa apquilanyomap elyanmongsic poc.
9 Coo alhta sicmasma enlhitaoc Israel, sicsovjomo sicnatovascama cotnaja ingmoc amorreos. Apquilyimnatem alhta amorreos, malha yamit cedro najan yamit roble.
10 Coo alhta sicyinyovquiscama yoclhilhma Egipto. Acnalaclhec alhta cuarenta años yoclhilhma actamopeycaoc, acvaycmo yoclhilhma amorreos, yoyam ellhovamcoc enlhitaoc Israel.
11 Quellhip enlhitaoc Israel, actimescasquic alhta napocja eltimjic profetas apquillingascama sicvisay, najan poc eltimjic seltimesaycam apquilponquinomap — alhta aptomjac Dios Apyimtalhnamo.
12 Apquiltomjac alhta quellhip apquilanya enlhit seltimesaycam apquilanyacpo elyinamcoc anmin. Apquilmiyovquic alhta quellhip profetas ellingacsic amyaa ayinyema coo.
13 Ellingamcojoc sat quellhip acyanmongayclha apquiltemaclha apancaoc. Eliclhangvam sat quellhip, acno carro acpatmomalhca trigo apyilhna.
14 Colapvanquejec sat elinyajamcoc, comascoc sat apquiltimem apquilyimnatem. Melvomsacpejec sat tap apquiltomja apquilvascapma.
15 Colapvanquejec elyojong yanca apancaoc, melvomsacpejec sat tap. Colapvanquejec sat elinyajamcoc nalhpop, paj najan nolhing apcapaoc.
16 Etlhaoc sat nalhpop apquilmaycam apancaoc enlhit apquilvascapma, elinyajamcoc sat maa — alhta aptomjac Dios — nic nat aptomjac profeta.
