Actemaclha aclingaycamco ingvalhoc
1 Visqui ingac. Ingyeylhojo silmalhnancama.
Ingyeylhojo siyevoycam sicpayvam acyimnatem.
2 Noyilhanim nasa lhip, acyitna inlhojo aclingaycamco evalhoc coo.
Ingyeylhojo siyevoycam.
Jeyatingmojo coo quilhvo nac jay silmalhna asoc.
3 Malha etin acvonquepma intomjac (nelha) sictiyascam coo.
Malha talha intomjac acmelhanma eyimpejic.
4 Inyamasalhquic evalhoc coo, malha paat acyamay intomjac.
Elvoncacmec coo otoc sictom (momajay otoc).
5 Aliclhangvec coo mataa naysicsa mepqui mocjam sicyimnatem (sicyamjoncama).
6 Acyitsalhquic coo nata ayimpay yoclhilhma actamopeycaoc.
Acyitsalhquic coo sovaya congne tingma apjápac.
7 Mepqui sictiyanma alhtaa, malha nata ayitcoc acyanca apyitsicsic tingma.
8 Avanjec mataa sevenneycam enlhit selinmelhaycam.
Inlhenalhquic mataa sicvisay naysicsa apquilyamneycam.
9 Mepqui sictom coo. Actovquic co tajap.
Sicyam coo ayincajay ate yingmenic.
10 Acyinjalhquic coo nalhpop ayinyema lhip aplom najan setanoncama.
11 Malha pisquisca acvinatem intomjac (nelha) sictiyascam coo.
Mepqui sicyimnatem coo, malha paat acyamay intomjac.
12 Lhip visqui ingac etyisam sat mataa acyiplomo apcanamaclha.
Colvoncamajec sat mataa lhip apvisay cotmongvoycamlha nelha.
13 Ingva. Ipasingvota tingma Sión.
Ilasicjiclhojo sat mocjam.
Quilhvoc anco as ningvalha nac jay.
14 Apquilasicjavoc mataa apquiltimesaycam lhip, apquilvita inlhojo mataymong apquillanomap siclho.
Ayovsec mataa apquilvalhoc apquilvita tingma aptovasomap (apquilyanina).
15 Eltimjic sat apquilayo lhip apvisay Visqui ingac apyovoclhojo enlhitaoc.
Eltimjic sat apquilayo lhip Visqui ingac apyovoclhojo apquilviscaa reyes.
16 Epenacsojoc sat Visqui ingac elanac tingma Sión.
Evotac sat naysicsa gloria apyimtalhnamo.
17 Ingyeylhojoc sat apquilmalhnancama enlhitaoc acyajapma apquilvalhoc.
Ingyeylhojoc sat apquilmalhnancama mepqui aptanoncama.
18 Colhic sat actalhesa amyaa (apquilvactamo apquilmomap) elyipsitic intovana nintamin.
Eltimjic sat apquilayo Visqui ingac aptomja metyaycamlha mocjam (mepaliyam mocjam).
19 Apnec mataa netin Visqui ingac, apquilanoc as nalhpop.
Apmaclha apanco netin acyiplomo mayayo.
20 Apquiljalhnoc mataa apquilmalhnancama apquilmomap.
Apquilvomcasquic mataa tap apquilanyomap eticyo.
21 Eltimjic sat apquilayo Visqui ingac naysicsa apquillingascama apvisay.
Natingma Sión yoyam colngalhca, najan tingma Jerusalén.
22 Ingyaniclhac sat maa apyovoclhojo enlhitaoc.
Eltimjic sat apquilayo Visqui ingac apyovoclhojo.
23 Inmasquec alhta sicyimnatem nalhit amay alhta (Dios apmascoscama).
Apyavatasquic alhta sictiyascam coo yoyam ongvitsapoc.
24 Actomjac alhta coo:
—Dios Visqui ajac. Jemyov coo.
Motnajac mocjam sicvanyam — alhta actomjac coo.
Lhip Visqui ajac etyisam sat cotmongvoycamlha nelha.
25 Siclhoc nic nat apquillanay lhip as nalhpop.
Lhip nic nat apquillanay netin.
26 Comascoc sat netin najan nalhpop.
Memasquingvomejec sat mataa lhip.
Comascoc sat maa, malha apava apjápac sat cotnejic.
Lhip sat etnejic apya'monquiscama poc nintalhnama apava.
Colvonquepoc sat maa, mongvitay sat.
27 Elhic sat mataa lhip, mepqui aptomjayclho poc.
Cotmongvomejec sat nelha lhip aptiyascam (acyimnatem apnenyic lhip).
28 Elhnam sat (Jerusalén) apyovoclhojo intovana mepqui ayay apquilvalhoc.
Eyimnaticsojoc sat mataa lhip apyovoclhojo intovana nintamin.
Actemaclha aclingaycamco ingvalhoc
1 Visqui ingac. Ingyeylhojo silmalhnancama.
Ingyeylhojo siyevoycam sicpayvam acyimnatem.
2 Noyilhanim nasa lhip, acyitna inlhojo aclingaycamco evalhoc coo.
Ingyeylhojo siyevoycam.
Jeyatingmojo coo quilhvo nac jay silmalhna asoc.
3 Malha etin acvonquepma intomjac (nelha) sictiyascam coo.
Malha talha intomjac acmelhanma eyimpejic.
4 Inyamasalhquic evalhoc coo, malha paat acyamay intomjac.
Elvoncacmec coo otoc sictom (momajay otoc).
5 Aliclhangvec coo mataa naysicsa mepqui mocjam sicyimnatem (sicyamjoncama).
6 Acyitsalhquic coo nata ayimpay yoclhilhma actamopeycaoc.
Acyitsalhquic coo sovaya congne tingma apjápac.
7 Mepqui sictiyanma alhtaa, malha nata ayitcoc acyanca apyitsicsic tingma.
8 Avanjec mataa sevenneycam enlhit selinmelhaycam.
Inlhenalhquic mataa sicvisay naysicsa apquilyamneycam.
9 Mepqui sictom coo. Actovquic co tajap.
Sicyam coo ayincajay ate yingmenic.
10 Acyinjalhquic coo nalhpop ayinyema lhip aplom najan setanoncama.
11 Malha pisquisca acvinatem intomjac (nelha) sictiyascam coo.
Mepqui sicyimnatem coo, malha paat acyamay intomjac.
12 Lhip visqui ingac etyisam sat mataa acyiplomo apcanamaclha.
Colvoncamajec sat mataa lhip apvisay cotmongvoycamlha nelha.
13 Ingva. Ipasingvota tingma Sión.
Ilasicjiclhojo sat mocjam.
Quilhvoc anco as ningvalha nac jay.
14 Apquilasicjavoc mataa apquiltimesaycam lhip, apquilvita inlhojo mataymong apquillanomap siclho.
Ayovsec mataa apquilvalhoc apquilvita tingma aptovasomap (apquilyanina).
15 Eltimjic sat apquilayo lhip apvisay Visqui ingac apyovoclhojo enlhitaoc.
Eltimjic sat apquilayo lhip Visqui ingac apyovoclhojo apquilviscaa reyes.
16 Epenacsojoc sat Visqui ingac elanac tingma Sión.
Evotac sat naysicsa gloria apyimtalhnamo.
17 Ingyeylhojoc sat apquilmalhnancama enlhitaoc acyajapma apquilvalhoc.
Ingyeylhojoc sat apquilmalhnancama mepqui aptanoncama.
18 Colhic sat actalhesa amyaa (apquilvactamo apquilmomap) elyipsitic intovana nintamin.
Eltimjic sat apquilayo Visqui ingac aptomja metyaycamlha mocjam (mepaliyam mocjam).
19 Apnec mataa netin Visqui ingac, apquilanoc as nalhpop.
Apmaclha apanco netin acyiplomo mayayo.
20 Apquiljalhnoc mataa apquilmalhnancama apquilmomap.
Apquilvomcasquic mataa tap apquilanyomap eticyo.
21 Eltimjic sat apquilayo Visqui ingac naysicsa apquillingascama apvisay.
Natingma Sión yoyam colngalhca, najan tingma Jerusalén.
22 Ingyaniclhac sat maa apyovoclhojo enlhitaoc.
Eltimjic sat apquilayo Visqui ingac apyovoclhojo.
23 Inmasquec alhta sicyimnatem nalhit amay alhta (Dios apmascoscama).
Apyavatasquic alhta sictiyascam coo yoyam ongvitsapoc.
24 Actomjac alhta coo:
—Dios Visqui ajac. Jemyov coo.
Motnajac mocjam sicvanyam — alhta actomjac coo.
Lhip Visqui ajac etyisam sat cotmongvoycamlha nelha.
25 Siclhoc nic nat apquillanay lhip as nalhpop.
Lhip nic nat apquillanay netin.
26 Comascoc sat netin najan nalhpop.
Memasquingvomejec sat mataa lhip.
Comascoc sat maa, malha apava apjápac sat cotnejic.
Lhip sat etnejic apya'monquiscama poc nintalhnama apava.
Colvonquepoc sat maa, mongvitay sat.
27 Elhic sat mataa lhip, mepqui aptomjayclho poc.
Cotmongvomejec sat nelha lhip aptiyascam (acyimnatem apnenyic lhip).
28 Elhnam sat (Jerusalén) apyovoclhojo intovana mepqui ayay apquilvalhoc.
Eyimnaticsojoc sat mataa lhip apyovoclhojo intovana nintamin.
