Acmolhama Rut
1 Apnec nic nat apmolhama apvisay Booz. Noemí atava ninga nic nat apmolhama. Apyimtalhnamo ilhnic nat Booz. Cascama ilhnic nat apquilnatam.
2 Nalhit acnim nic nat intomjac. Intomjac nic nat Rut ayanya Noemí: —Pac omyaclhac amyip. Am sat ancoc elmiyavac enlhitaoc apquiltamjaycam. Ongvansiclhac sat acyilhna acpaliyam, apquilsovjomo inlhojo apquilyatemenma — nic nat intomjac.
Incatingmavoc nic nat inyipyamong: —Noc maa — nic nat intomjac.
3 Inmiyaclhec nic nat Rut ayimjaclha cebada, apquiltamjaycamcaclha enlhit. Incansaclhec nic nat acyilhna acpaliyam nalhpop, apquilsovjomo apquilyatemenma. Inyasingvocmec nic nat Rut actomja amyip apanco Booz, apmolhama ilhnic nat inyipyata ninga.
4 Tingma Belén nic nat apquinyicta Booz. Appayvasquic nic nat enlhit apquiltimesaycam: —Epasmoc sat quellhip Dios Apyimtalhnamo — nic nat aptomjac.
—Epasmoc sat lhip lha Dios Apyimtalhnamo — nic nat apquiltomjac apquilatingmavo.
5 Aptomjac nic nat Booz apcanya apquilancam apquiltimesaycam: —¿Soc enlhit acmolhama as quilvana ayitcoc? — nic nat aptomjac.
6 Apcatingmavoc nic nat: —Co Moab as quilvana ayitcoc, aclhalhma alhta Noemí. 7 Inquiltamjoc lhac momyovejec acyilhna acpaliyam nalhpop, ninsovjomo inlhojo nintamjaycam. Incansaclhec acyilhna mepqui ayastingam, ayenmo alhtooc lhac. Quilhvoc lhac acnaclho siclho — nic nat aptomjac.
8 Aptomjac nic nat Booz apcanya Rut: —Caylhojo lhiya eyitca. Nocotingya nasa acyilhna poc apanco amyip. Copalhavom sat lhiya quilvanaa seltimesaycam. 9 Cansiclha sat acyilhna apquilsovjomo inlhojo apquiltamjaycam. Altimnasquic lhac enlhit seltimesaycam, yoyam melapajacsejec lhiya. Acnim sat ancoc incajac, coyin sat yatingvalhva— nic nat aptomjac.
10 Injalhec nic nat Rut. Inticlhicvocmec nic nat nalhpop payjaclha naat, actomja ayayo.
Intomjac nic nat Rut ayanya Booz: —¿So actomja yi seyimlacmo nac lhip? Am otnajac sictemolhama as quilvanaa altimesaycam — nic nat intomjac.
11 Apcatingmavoc nic nat Booz: —Acyasamcoc coo actemaclha acpasmom lhiya inyipyamong, niptamin atava ninga. Inyinyovquic alhta lhiya inyap najan inquin. Inyinyovquic alhta ayaoclha, yoyam copalhavota nincoo, mongiltomja nintemolhama lhiya. 12 Epasmoc sat lhiya Dios Apyimtalhnamo, etnejic apasma lhiya, ayinyema ayayo mataa lhiya. Colhcac sat lhiya acyanmongam, ayinyema Dios Apyimtalhnamo, apvita inlhojo actemaclha actamila alhta lhiya — nic nat aptomjac.
13 Incatingmavoc nic nat Rut: —Aptasi nac lhip. Payjeclhec evalhoc coo siclhinga lhip appayvam. Inquiltasic anco quilvanaa altimesaycam, molhno coo — nic nat intomjac.
14 Apcaneclhec nic nat yoyam eltovamcoc. Aptomjac nic nat Booz apcanya Rut: —Colhing, jingiltasomoc sat nincoo. Cotov pan acyiplomo ayingmenic — nic nat aptomjac.
Innaclhec nic nat Rut apnaycamcaclha enlhit apquiltimesaycam. Apcamquic nic nat Booz actic macyilhnayam. Intovquic nic nat Rut mepqui acsovjomo. Intamilcasquic nic nat actic ayaymomalhca. 15 Inmiyaclhec nic nat mocjam Rut, cansiclhac mocjam acyilhna acpaliyam nalhpop.
Aptomjac nic nat Booz apquilanya apquiltimesaycam: —Noelmiyov nasa quilvana, cansiclhac acyilhna naysicsa alpilhtetem acyilhna. 16 Elpales sat moclhama acyilhna, cansiclhac sat as quilvana. Noelapajas nasa as quilvana — nic nat aptomjac.
17 Incansaclhec nic nat acyilhna acpaliyam amyip apanco Booz. Intalhnacmec nic nat. Invocmec nic nat ayansayclha actic aclicamalhca, malha veinte kilo cebada actic. 18 Impatmaoclhec nic nat Rut tingma ac. Inquillhicmosquic nic nat inyipyamong actic acsayquinta. Incamquic nic nat actic macyilhnayam ayaymomalhca. Intovquic nic nat Noemí.
19 Intomjac nic nat Noemí ayanya: —¿Co laa acpayjo actamjaycam lhiya? ¿Jalhco ayinyema actic acyilhna? Epasmoc sat Dios Apyimtalhnamo enlhit aptomja apcamliyam lhiya — nic nat intomjac Noemí.
Inquiltimnasquic nic nat Rut actomjaclha acvitay naysicsa ayansayclha acyilhna. Intomjac nic nat Rut: —Enlhit actomja amyip apanco apvisay Booz, sictimesaycam coo — nic nat intomjac.
20 Incatingmavoc nic nat Noemí: —Epasmoc sat Dios as enlhit. Aptomjac lhac singimlaycmo nincoo. Aptomjac alhta apquimlaycmo apquilmasquingvoyam. Aptomja nasoc anco ningmolhama, yoyam jingmeyvoc mataa — nic nat intomjac.
21 Intomjac nic nat Rut ayanya: —Aptomjac lhac seyanya opalhavomoc enlhit apquiltimesaycam. Acvaycmo ninsovjomo ningyatemenma acyilhna — nic nat intomjac.
22 Intomjac nic nat Noemí ayanya atapa: —Lhiya eyitca. Copalhavom sat mocjam quilvanaa altimesaycam. Nocotingya nasa moc amyip. Cotjanyejec sat acmasom — nic nat intomjac Noemí.
23 Inquilinlhanacmec nic nat Rut ayansayclha acyilhna alpalhquemalhca moc quilvanaa altimesaycam Booz. Vocmec nic nat apquilsovjomo acyilhna cebada najan maa trigo. Intajaclhec nic nat mataa acnaclha inyipyamong.
Acmolhama Rut
1 Apnec nic nat apmolhama apvisay Booz. Noemí atava ninga nic nat apmolhama. Apyimtalhnamo ilhnic nat Booz. Cascama ilhnic nat apquilnatam.
2 Nalhit acnim nic nat intomjac. Intomjac nic nat Rut ayanya Noemí: —Pac omyaclhac amyip. Am sat ancoc elmiyavac enlhitaoc apquiltamjaycam. Ongvansiclhac sat acyilhna acpaliyam, apquilsovjomo inlhojo apquilyatemenma — nic nat intomjac.
Incatingmavoc nic nat inyipyamong: —Noc maa — nic nat intomjac.
3 Inmiyaclhec nic nat Rut ayimjaclha cebada, apquiltamjaycamcaclha enlhit. Incansaclhec nic nat acyilhna acpaliyam nalhpop, apquilsovjomo apquilyatemenma. Inyasingvocmec nic nat Rut actomja amyip apanco Booz, apmolhama ilhnic nat inyipyata ninga.
4 Tingma Belén nic nat apquinyicta Booz. Appayvasquic nic nat enlhit apquiltimesaycam: —Epasmoc sat quellhip Dios Apyimtalhnamo — nic nat aptomjac.
—Epasmoc sat lhip lha Dios Apyimtalhnamo — nic nat apquiltomjac apquilatingmavo.
5 Aptomjac nic nat Booz apcanya apquilancam apquiltimesaycam: —¿Soc enlhit acmolhama as quilvana ayitcoc? — nic nat aptomjac.
6 Apcatingmavoc nic nat: —Co Moab as quilvana ayitcoc, aclhalhma alhta Noemí. 7 Inquiltamjoc lhac momyovejec acyilhna acpaliyam nalhpop, ninsovjomo inlhojo nintamjaycam. Incansaclhec acyilhna mepqui ayastingam, ayenmo alhtooc lhac. Quilhvoc lhac acnaclho siclho — nic nat aptomjac.
8 Aptomjac nic nat Booz apcanya Rut: —Caylhojo lhiya eyitca. Nocotingya nasa acyilhna poc apanco amyip. Copalhavom sat lhiya quilvanaa seltimesaycam. 9 Cansiclha sat acyilhna apquilsovjomo inlhojo apquiltamjaycam. Altimnasquic lhac enlhit seltimesaycam, yoyam melapajacsejec lhiya. Acnim sat ancoc incajac, coyin sat yatingvalhva— nic nat aptomjac.
10 Injalhec nic nat Rut. Inticlhicvocmec nic nat nalhpop payjaclha naat, actomja ayayo.
Intomjac nic nat Rut ayanya Booz: —¿So actomja yi seyimlacmo nac lhip? Am otnajac sictemolhama as quilvanaa altimesaycam — nic nat intomjac.
11 Apcatingmavoc nic nat Booz: —Acyasamcoc coo actemaclha acpasmom lhiya inyipyamong, niptamin atava ninga. Inyinyovquic alhta lhiya inyap najan inquin. Inyinyovquic alhta ayaoclha, yoyam copalhavota nincoo, mongiltomja nintemolhama lhiya. 12 Epasmoc sat lhiya Dios Apyimtalhnamo, etnejic apasma lhiya, ayinyema ayayo mataa lhiya. Colhcac sat lhiya acyanmongam, ayinyema Dios Apyimtalhnamo, apvita inlhojo actemaclha actamila alhta lhiya — nic nat aptomjac.
13 Incatingmavoc nic nat Rut: —Aptasi nac lhip. Payjeclhec evalhoc coo siclhinga lhip appayvam. Inquiltasic anco quilvanaa altimesaycam, molhno coo — nic nat intomjac.
14 Apcaneclhec nic nat yoyam eltovamcoc. Aptomjac nic nat Booz apcanya Rut: —Colhing, jingiltasomoc sat nincoo. Cotov pan acyiplomo ayingmenic — nic nat aptomjac.
Innaclhec nic nat Rut apnaycamcaclha enlhit apquiltimesaycam. Apcamquic nic nat Booz actic macyilhnayam. Intovquic nic nat Rut mepqui acsovjomo. Intamilcasquic nic nat actic ayaymomalhca. 15 Inmiyaclhec nic nat mocjam Rut, cansiclhac mocjam acyilhna acpaliyam nalhpop.
Aptomjac nic nat Booz apquilanya apquiltimesaycam: —Noelmiyov nasa quilvana, cansiclhac acyilhna naysicsa alpilhtetem acyilhna. 16 Elpales sat moclhama acyilhna, cansiclhac sat as quilvana. Noelapajas nasa as quilvana — nic nat aptomjac.
17 Incansaclhec nic nat acyilhna acpaliyam amyip apanco Booz. Intalhnacmec nic nat. Invocmec nic nat ayansayclha actic aclicamalhca, malha veinte kilo cebada actic. 18 Impatmaoclhec nic nat Rut tingma ac. Inquillhicmosquic nic nat inyipyamong actic acsayquinta. Incamquic nic nat actic macyilhnayam ayaymomalhca. Intovquic nic nat Noemí.
19 Intomjac nic nat Noemí ayanya: —¿Co laa acpayjo actamjaycam lhiya? ¿Jalhco ayinyema actic acyilhna? Epasmoc sat Dios Apyimtalhnamo enlhit aptomja apcamliyam lhiya — nic nat intomjac Noemí.
Inquiltimnasquic nic nat Rut actomjaclha acvitay naysicsa ayansayclha acyilhna. Intomjac nic nat Rut: —Enlhit actomja amyip apanco apvisay Booz, sictimesaycam coo — nic nat intomjac.
20 Incatingmavoc nic nat Noemí: —Epasmoc sat Dios as enlhit. Aptomjac lhac singimlaycmo nincoo. Aptomjac alhta apquimlaycmo apquilmasquingvoyam. Aptomja nasoc anco ningmolhama, yoyam jingmeyvoc mataa — nic nat intomjac.
21 Intomjac nic nat Rut ayanya: —Aptomjac lhac seyanya opalhavomoc enlhit apquiltimesaycam. Acvaycmo ninsovjomo ningyatemenma acyilhna — nic nat intomjac.
22 Intomjac nic nat Noemí ayanya atapa: —Lhiya eyitca. Copalhavom sat mocjam quilvanaa altimesaycam. Nocotingya nasa moc amyip. Cotjanyejec sat acmasom — nic nat intomjac Noemí.
23 Inquilinlhanacmec nic nat Rut ayansayclha acyilhna alpalhquemalhca moc quilvanaa altimesaycam Booz. Vocmec nic nat apquilsovjomo acyilhna cebada najan maa trigo. Intajaclhec nic nat mataa acnaclha inyipyamong.
