Enlhit mayayo Tola, poc najan Jair
1 Apnec nic nat enlhit apvisay Tola, Fúa apquitca, Dodo aptavin, apquilmolhama ilhnic nat tribu Isacar. Apvascapquic nic nat elvomsic tap enlhitaoc Israel niptamin apvisqui Abimelec. Tingma pac nic nat Samir, inquilhe alvinatem Efraín. 2 Aptimec nic nat apvisqui nipyesicsa enlhitaoc Israel acvaycmo veintitrés años. Apquitsepmec nic nat Tola, apcatoynacpec nic nat tingma Samir.
3 Niptamin nic nat aptomja apvascapma enlhit apvisay Jair, tingma pac Galaad. Aptimec nic nat apvisqui veintidós años. 4 Apvitac nic nat Jair treinta apquitquic. Inquilyancac nic nat apquilquinamtem yamelyeyjaycoc moclhama apquitquic. Treinta ilhnic nat tingma apquilvanyam apquilmaclha apquitquic, payjoc yoclhilhma Galaad. Apquiltimec mataa as ningvamlha nac jay apquilvisay tingma apquilvanyam Jair.
5 Apquitsepmec nic nat Jair, apcatoynacpec nic nat tingma Camón.
Apquiltemaclha apancaoc israelitas napato Dios
6 Acmasom nic nat apquiltemaclha apancaoc israelitas napato Dios Visqui ingac. Apquiltomjac nic nat apquilayo quilaycmasquiscama acyitsomalhca dios acvisay Baal, moc acvisay Astarté. Innoc nic nat apquilayo quilaycmasquiscama apancaoc co Siria, najan co Sidón, najan co Moab, najan co Amón, najan co Filistea. Apquilyamasmec nic nat Dios Visqui ingac, am nic nat eltomjac mocjam apquilayo. 7 Aplovquic nic nat Dios Visqui ingac. Am nic nat emyavac elmacpoc israelitas nipyesicsa filisteos najan nipyesicsa amonitas. 8 Avanjec nic nat apquillingaycamco israelitas apquilinmelhaycam filisteos najan amonitas, acvaycmo dieciocho años. Apquileyvec nic nat israelitas tingma Galaad, payjoc tap vatsam Jordán apquileyvomaclha amorreos. 9 Apquilmilanquic nic nat vatsam Jordán amonitas, yoyam elimpocjac nipyesicsa apquilmolhama Judá, najan Benjamín, najan Efraín. Avanjec nic nat ayay apquilvalhoc israelitas. 10 Apquililmalhnaquic nic nat epasingvota Dios Visqui ingac. Apquiltomjac nic nat apquilanya: Dios Visqui ingac, avanjec ningilsilhnanomalhca inganco napato lhip. Ningiltomja ningyamasma lhip, ontimjic ningilayo quilaycmasquiscama ápaoc — nic nat apquiltomjac.
11 Apcatingmavoc nic nat Dios Visqui ingac: Apquillingamcoc alhta quellhip apquilinmelhaycam egipcios, najan amorreos, najan amonitas, najan filisteos, 12 najan sidonios, najan amalecitas, najan madianitas. Aljalhnoc alhta mataa selmalhnaycam quellhip, sicvomquiscama tap quellhip. 13 Mopasingvotayc sat quellhip quilhvo nac jay, ayinyema seyamasma quellhip, apquiltomja apquilayo quilaycmasquiscama. 14 Elyas maa acyitnamaclha quilaycmasquiscama apquilyacyescama quellhip, yoyam copasingvota. Colvomsic sat tap quilaycmasquiscama naysicsa apquillingaycamco acyimtalhnama quellhip — nic nat aptomjac.
15 Apquilatingmavoc nic nat israelitas: —¡Naso, ningilsilhnanomalhca inganco napato lhip! Itne sat lhip apquiltamjoclha etnejic, jingilmiyov nincoo quilhvo nac jay — nic nat apquiltomjac. 16 Apquilvatsamquic nic nat israelitas eltimjic apquilayo quilaycmasquiscama. Apquilpayquimcasquic nic nat apquilvalhoc, yoyam eltimjic apquilayo Dios Visqui ingac. Am nic nat colcac apvalhoc Dios, apvita inlhojo apquillingaycamco acyimtalhnama israelitas.
17 Apquilvaac nic nat amonitas apquicjingvocmo payjoc Galaad. Apquicjingvocmec nic nat israelitas payjoc Mizpa. 18 Apquilpamejitsacpec nic nat israelitas co Galaad najan apquilayo enlhit: Ningvitac sat ancoc aplhinquiscama ningimpocjay nipyesicsa amonitas, etnejic sat apvisqui apancaoc nipyesicsa co Galaad — nic nat apquiltomjac.
Enlhit mayayo Tola, poc najan Jair
1 Apnec nic nat enlhit apvisay Tola, Fúa apquitca, Dodo aptavin, apquilmolhama ilhnic nat tribu Isacar. Apvascapquic nic nat elvomsic tap enlhitaoc Israel niptamin apvisqui Abimelec. Tingma pac nic nat Samir, inquilhe alvinatem Efraín. 2 Aptimec nic nat apvisqui nipyesicsa enlhitaoc Israel acvaycmo veintitrés años. Apquitsepmec nic nat Tola, apcatoynacpec nic nat tingma Samir.
3 Niptamin nic nat aptomja apvascapma enlhit apvisay Jair, tingma pac Galaad. Aptimec nic nat apvisqui veintidós años. 4 Apvitac nic nat Jair treinta apquitquic. Inquilyancac nic nat apquilquinamtem yamelyeyjaycoc moclhama apquitquic. Treinta ilhnic nat tingma apquilvanyam apquilmaclha apquitquic, payjoc yoclhilhma Galaad. Apquiltimec mataa as ningvamlha nac jay apquilvisay tingma apquilvanyam Jair.
5 Apquitsepmec nic nat Jair, apcatoynacpec nic nat tingma Camón.
Apquiltemaclha apancaoc israelitas napato Dios
6 Acmasom nic nat apquiltemaclha apancaoc israelitas napato Dios Visqui ingac. Apquiltomjac nic nat apquilayo quilaycmasquiscama acyitsomalhca dios acvisay Baal, moc acvisay Astarté. Innoc nic nat apquilayo quilaycmasquiscama apancaoc co Siria, najan co Sidón, najan co Moab, najan co Amón, najan co Filistea. Apquilyamasmec nic nat Dios Visqui ingac, am nic nat eltomjac mocjam apquilayo. 7 Aplovquic nic nat Dios Visqui ingac. Am nic nat emyavac elmacpoc israelitas nipyesicsa filisteos najan nipyesicsa amonitas. 8 Avanjec nic nat apquillingaycamco israelitas apquilinmelhaycam filisteos najan amonitas, acvaycmo dieciocho años. Apquileyvec nic nat israelitas tingma Galaad, payjoc tap vatsam Jordán apquileyvomaclha amorreos. 9 Apquilmilanquic nic nat vatsam Jordán amonitas, yoyam elimpocjac nipyesicsa apquilmolhama Judá, najan Benjamín, najan Efraín. Avanjec nic nat ayay apquilvalhoc israelitas. 10 Apquililmalhnaquic nic nat epasingvota Dios Visqui ingac. Apquiltomjac nic nat apquilanya: Dios Visqui ingac, avanjec ningilsilhnanomalhca inganco napato lhip. Ningiltomja ningyamasma lhip, ontimjic ningilayo quilaycmasquiscama ápaoc — nic nat apquiltomjac.
11 Apcatingmavoc nic nat Dios Visqui ingac: Apquillingamcoc alhta quellhip apquilinmelhaycam egipcios, najan amorreos, najan amonitas, najan filisteos, 12 najan sidonios, najan amalecitas, najan madianitas. Aljalhnoc alhta mataa selmalhnaycam quellhip, sicvomquiscama tap quellhip. 13 Mopasingvotayc sat quellhip quilhvo nac jay, ayinyema seyamasma quellhip, apquiltomja apquilayo quilaycmasquiscama. 14 Elyas maa acyitnamaclha quilaycmasquiscama apquilyacyescama quellhip, yoyam copasingvota. Colvomsic sat tap quilaycmasquiscama naysicsa apquillingaycamco acyimtalhnama quellhip — nic nat aptomjac.
15 Apquilatingmavoc nic nat israelitas: —¡Naso, ningilsilhnanomalhca inganco napato lhip! Itne sat lhip apquiltamjoclha etnejic, jingilmiyov nincoo quilhvo nac jay — nic nat apquiltomjac. 16 Apquilvatsamquic nic nat israelitas eltimjic apquilayo quilaycmasquiscama. Apquilpayquimcasquic nic nat apquilvalhoc, yoyam eltimjic apquilayo Dios Visqui ingac. Am nic nat colcac apvalhoc Dios, apvita inlhojo apquillingaycamco acyimtalhnama israelitas.
17 Apquilvaac nic nat amonitas apquicjingvocmo payjoc Galaad. Apquicjingvocmec nic nat israelitas payjoc Mizpa. 18 Apquilpamejitsacpec nic nat israelitas co Galaad najan apquilayo enlhit: Ningvitac sat ancoc aplhinquiscama ningimpocjay nipyesicsa amonitas, etnejic sat apvisqui apancaoc nipyesicsa co Galaad — nic nat apquiltomjac.
