Aplhanma Dios mepqui apyeycajascaoc
(1~Cr 16.7-22)1 Eltime gracias Visqui ingac.
Ellingas sat apvisay apanco.
Eliltimnas sat aptamjaycam Visqui ingac nipyesicsa enlhitaoc lhalhma anco.
2 Eltime sat apquilayo acyiplomo apquilminaycmascama.
Ellingas sat aptamjaycam simpilapquiscama.
3 Apquilinyejemo quellhip apquillhalhnma mayayo apvisay apanco.
Colpayjiclha apquilvalhoc quellhip apquiltingyey mataa Visqui ingac.
4 Eltingya sat mataa Visqui ingac najan apmopvan apanco.
Eltingya sat mataa Visqui ingac aclhamoclhojo acnim.
5 Noncolvonquim nasa aptamjaycam simpilapquiscama najan alyivey.
Noncolvonquim nasa aptemaclha apyicpilquemo najan apcanamaclha.
6 Quellhip apquilvisay Abraham aptovana niptamin.
Quellhip apquilvisay Jacob apquitquic, najan Dios apquilyacyescama.
7 Apvisay Dios Visqui ingac.
Aptomja apcanama apyovoclhojo enlhit as nalhpop.
8 Colvoncamejec mataa aplhanma apmayjayoclha nipyesicsa enlhitaoc cotmongvoycamlha nelha.
9 Aplhanma nic nat apmayjayoclha napato Abraham.
Aplhanma nic nat napato Isaac. ,
10 Malha apcanamaclha nic nat elyiplovcasojo Jacob apquilmolhama.
Malha aplhanma apmayjayoclha nic nat elyiplovcasojo Israel apquilmolhama.
11 Aptomjac nic nat:
—Olmecsic sat quellhip yoclhilhma Canaán.
Malha apquilmayclha sat cotnejic — nic nat aptomjac.
12 Apcanito ilhnic nat enaymacoc, malha maycaa cotnajaclha apquilaoclha apquiltomjac.
13 Apquilquimpaclhec nic nat mataa apquilyamasa poc aptemaclha enlhitaoc.
Apquilquimpaclhec nic nat mataa apquilyamasa yoclhilhma, yoyam elvita poc.
14 Apmiyovquic nic nat Dios Visqui ingac, yoyam melingamquejec acyimtalhnama.
Aptomjac nic nat apquilanya apquilviscaa actomja apquilaoclha:
15 —Noeltanov nasa enlhitaoc silyacyescama coo.
Noelinmelham nasa profetas apquillingascama sicvisay — nic nat aptomjac Dios Visqui ingac.
16 Mayic ataoc nic nat as yoclhilhma.
Mepqui ilhnic nat nintom ayinyema Dios.
17 Innec nic nat ayapajasa José, malha apmomap nic nat apyinyovmacpo.
18 Aplingamcoc nic nat cadena actetem apmancoc, najan moc táva ápac actetem.
19 Innec nic nat acyipcona José ayinyema Visqui ingac appayvam.
Acvaycmo ilhnic nat acnim actomjaclha aplhanma siclho José.
20 Apcapajasquic nic nat apvisqui (faraón), yoyam elyamyiclha José (etajiclha).
Am nic nat emyavac mocjam apvisqui (faraón).
21 Aptimesacpec nic nat apvisqui José nipyesicsa apquilmolhama.
Aptimesacpec nic nat apvisqui nipyesicsa apyovoclhojo co Egipto.
22 Etnejic sat José apquiltamescama co Egipto yatapquilviscaa.
Eltimjic sat maltamsoycaoc apquilvanyam (ningayo).
23 Innec nic nat acnalaclho Jacob apquilmolhama yoclhilhma Egipto.
Apnam nic nat maa cotnajaclha apquilaoclha.
Ningilyeyjamcaa Cam siclhoc nic nat apcaoclha.
24 Aplhameclhec nic nat apnaymacoc.
Apquilyimnatem nic nat, am elhno co Egipto.
25 Yiplovcoc nic nat apquiltemaclha co Egipto elinmelham Israel apquilmolhama.
Apquilyinimcasquic nic nat mataa elinmelham Dios apquilancam.
26 Apcapajasquic nic nat Dios lhama apquilancam apvisay Moisés.
Aplhalhma ilhnic nat Aarón, Dios apcasinancama.
27 Apquillanac nic nat asoc monquinatquiscama yoclhilhma actamopeycaoc.
Apquillanac nic nat aptamjaycam simpilapquiscama apquileyvomaclha Cam aptovana niptamin.
28 Incapquic nic nat yatescamalhma as yoclhilhma ayinyema Dios.
Am nic nat elilyajaclhoc co Egipto.
29 Intomjaclhec nic nat ema acyovoclhojo yingmin (vatsam) yoclhilhma Egipto.
Inquilitsepmec nic nat quilasma lhalhma anco.
30 Apquilpayjingvocmec nic nat napnicting lhalhma anco.
Apquilantalhnec nic nat apvisqui faraón tingma pac.
31 Inpayjingvocmec nic nat ascoc, sempeje najan paya, acno apcanama siclho Dios.
32 Am nic nat comamecac.
Impalacmec nic nat yingmin alyayem ayinyema Dios.
Impalacmec nic nat talha lhalhma anco as yoclhilhma (tacja).
33 Intovasalhquic nic nat ayimjaclha uva najan higo yamit.
Intovasalhquic nic nat nalhma lhalhma anco.
34 Apquilvaac nic nat sova, ayinyema apcanama Dios.
Metvascam (appintalhnama) nic nat sova, mongmovan ongilyipsitic.
35 Apnatovasquic nic nat ayimjaclha paat, najan moc ayimjaclha ninganma.
36 Apticyovquic nic nat moclhama aptiyam apmamyi (sicaa) as yoclhilhma.
Apticyovquic nic nat sicaa apquilinava quilhva appaliyam.
37 Apquilyinyovquic nic nat yoclhilhma Egipto Israel apquilmolhama.
Apquilpatmaoclhec nic nat asoc almamnave, oro najan plata.
Am nic nat etacpoc lhama meyimnatem nipyesicsa enlhitaoc.
38 Payjeclhec nic nat apquilvalhoc co Egipto, apquilvita apquilyamasma enlhit.
Ayinyema alhta apquiltanoncama metnaja apnaymacoc.
39 Incapquic nic nat yipjopay apquileyvomaclha, ayinyema Dios apquiltamilquiscama.
Talha ilhnic nat actotquiscama (ayapongmatquiscama) alhtaa.
40 Apquililmalhnam nic nat nintom.
Yejemoc nic nat apquilvita senjic, yoyam eltovamcoc.
Apquiltovcamquic nic nat pan (sepo apnic) Dios apcaycaoc.
41 Innec nic nat acpalhcata mataymong acvinatem.
Intipquic nic nat yingmin elyinamcoc.
Malha vatsam nic nat intomjac ayinyem yoclhilhma actamopeycaoc.
42 Inyasingveclhec nic nat apvalhoc Dios aplhanma nic nat actomja nasoc anco.
Aplhanma napatavo apquilancam (apcasinancama) Abraham.
43 Apquilyinyovquic nic nat yoclhilhma naysicsa apquilitsovascama enlhitaoc.
Acyiplomo nic nat apquilpalhamaycam naysicsa apquilitsovascama.
44 Apquillhocac nic nat yoclhilhma actomja apquilaoclha siclho metnaja apnaymacoc.
Apquillhocac nic nat acyilhna actomja ayimjaclha siclho metnaja apnaymacoc.
45 Yoyam elyiplovcasojo mataa apcanamaclha Dios.
Yoyam elilyejiclhojo mataa apquiltamescama Dios Visqui ingac.
Colhic ayaco mataa Visqui ingac.
Aplhanma Dios mepqui apyeycajascaoc
(1~Cr 16.7-22)1 Eltime gracias Visqui ingac.
Ellingas sat apvisay apanco.
Eliltimnas sat aptamjaycam Visqui ingac nipyesicsa enlhitaoc lhalhma anco.
2 Eltime sat apquilayo acyiplomo apquilminaycmascama.
Ellingas sat aptamjaycam simpilapquiscama.
3 Apquilinyejemo quellhip apquillhalhnma mayayo apvisay apanco.
Colpayjiclha apquilvalhoc quellhip apquiltingyey mataa Visqui ingac.
4 Eltingya sat mataa Visqui ingac najan apmopvan apanco.
Eltingya sat mataa Visqui ingac aclhamoclhojo acnim.
5 Noncolvonquim nasa aptamjaycam simpilapquiscama najan alyivey.
Noncolvonquim nasa aptemaclha apyicpilquemo najan apcanamaclha.
6 Quellhip apquilvisay Abraham aptovana niptamin.
Quellhip apquilvisay Jacob apquitquic, najan Dios apquilyacyescama.
7 Apvisay Dios Visqui ingac.
Aptomja apcanama apyovoclhojo enlhit as nalhpop.
8 Colvoncamejec mataa aplhanma apmayjayoclha nipyesicsa enlhitaoc cotmongvoycamlha nelha.
9 Aplhanma nic nat apmayjayoclha napato Abraham.
Aplhanma nic nat napato Isaac. ,
10 Malha apcanamaclha nic nat elyiplovcasojo Jacob apquilmolhama.
Malha aplhanma apmayjayoclha nic nat elyiplovcasojo Israel apquilmolhama.
11 Aptomjac nic nat:
—Olmecsic sat quellhip yoclhilhma Canaán.
Malha apquilmayclha sat cotnejic — nic nat aptomjac.
12 Apcanito ilhnic nat enaymacoc, malha maycaa cotnajaclha apquilaoclha apquiltomjac.
13 Apquilquimpaclhec nic nat mataa apquilyamasa poc aptemaclha enlhitaoc.
Apquilquimpaclhec nic nat mataa apquilyamasa yoclhilhma, yoyam elvita poc.
14 Apmiyovquic nic nat Dios Visqui ingac, yoyam melingamquejec acyimtalhnama.
Aptomjac nic nat apquilanya apquilviscaa actomja apquilaoclha:
15 —Noeltanov nasa enlhitaoc silyacyescama coo.
Noelinmelham nasa profetas apquillingascama sicvisay — nic nat aptomjac Dios Visqui ingac.
16 Mayic ataoc nic nat as yoclhilhma.
Mepqui ilhnic nat nintom ayinyema Dios.
17 Innec nic nat ayapajasa José, malha apmomap nic nat apyinyovmacpo.
18 Aplingamcoc nic nat cadena actetem apmancoc, najan moc táva ápac actetem.
19 Innec nic nat acyipcona José ayinyema Visqui ingac appayvam.
Acvaycmo ilhnic nat acnim actomjaclha aplhanma siclho José.
20 Apcapajasquic nic nat apvisqui (faraón), yoyam elyamyiclha José (etajiclha).
Am nic nat emyavac mocjam apvisqui (faraón).
21 Aptimesacpec nic nat apvisqui José nipyesicsa apquilmolhama.
Aptimesacpec nic nat apvisqui nipyesicsa apyovoclhojo co Egipto.
22 Etnejic sat José apquiltamescama co Egipto yatapquilviscaa.
Eltimjic sat maltamsoycaoc apquilvanyam (ningayo).
23 Innec nic nat acnalaclho Jacob apquilmolhama yoclhilhma Egipto.
Apnam nic nat maa cotnajaclha apquilaoclha.
Ningilyeyjamcaa Cam siclhoc nic nat apcaoclha.
24 Aplhameclhec nic nat apnaymacoc.
Apquilyimnatem nic nat, am elhno co Egipto.
25 Yiplovcoc nic nat apquiltemaclha co Egipto elinmelham Israel apquilmolhama.
Apquilyinimcasquic nic nat mataa elinmelham Dios apquilancam.
26 Apcapajasquic nic nat Dios lhama apquilancam apvisay Moisés.
Aplhalhma ilhnic nat Aarón, Dios apcasinancama.
27 Apquillanac nic nat asoc monquinatquiscama yoclhilhma actamopeycaoc.
Apquillanac nic nat aptamjaycam simpilapquiscama apquileyvomaclha Cam aptovana niptamin.
28 Incapquic nic nat yatescamalhma as yoclhilhma ayinyema Dios.
Am nic nat elilyajaclhoc co Egipto.
29 Intomjaclhec nic nat ema acyovoclhojo yingmin (vatsam) yoclhilhma Egipto.
Inquilitsepmec nic nat quilasma lhalhma anco.
30 Apquilpayjingvocmec nic nat napnicting lhalhma anco.
Apquilantalhnec nic nat apvisqui faraón tingma pac.
31 Inpayjingvocmec nic nat ascoc, sempeje najan paya, acno apcanama siclho Dios.
32 Am nic nat comamecac.
Impalacmec nic nat yingmin alyayem ayinyema Dios.
Impalacmec nic nat talha lhalhma anco as yoclhilhma (tacja).
33 Intovasalhquic nic nat ayimjaclha uva najan higo yamit.
Intovasalhquic nic nat nalhma lhalhma anco.
34 Apquilvaac nic nat sova, ayinyema apcanama Dios.
Metvascam (appintalhnama) nic nat sova, mongmovan ongilyipsitic.
35 Apnatovasquic nic nat ayimjaclha paat, najan moc ayimjaclha ninganma.
36 Apticyovquic nic nat moclhama aptiyam apmamyi (sicaa) as yoclhilhma.
Apticyovquic nic nat sicaa apquilinava quilhva appaliyam.
37 Apquilyinyovquic nic nat yoclhilhma Egipto Israel apquilmolhama.
Apquilpatmaoclhec nic nat asoc almamnave, oro najan plata.
Am nic nat etacpoc lhama meyimnatem nipyesicsa enlhitaoc.
38 Payjeclhec nic nat apquilvalhoc co Egipto, apquilvita apquilyamasma enlhit.
Ayinyema alhta apquiltanoncama metnaja apnaymacoc.
39 Incapquic nic nat yipjopay apquileyvomaclha, ayinyema Dios apquiltamilquiscama.
Talha ilhnic nat actotquiscama (ayapongmatquiscama) alhtaa.
40 Apquililmalhnam nic nat nintom.
Yejemoc nic nat apquilvita senjic, yoyam eltovamcoc.
Apquiltovcamquic nic nat pan (sepo apnic) Dios apcaycaoc.
41 Innec nic nat acpalhcata mataymong acvinatem.
Intipquic nic nat yingmin elyinamcoc.
Malha vatsam nic nat intomjac ayinyem yoclhilhma actamopeycaoc.
42 Inyasingveclhec nic nat apvalhoc Dios aplhanma nic nat actomja nasoc anco.
Aplhanma napatavo apquilancam (apcasinancama) Abraham.
43 Apquilyinyovquic nic nat yoclhilhma naysicsa apquilitsovascama enlhitaoc.
Acyiplomo nic nat apquilpalhamaycam naysicsa apquilitsovascama.
44 Apquillhocac nic nat yoclhilhma actomja apquilaoclha siclho metnaja apnaymacoc.
Apquillhocac nic nat acyilhna actomja ayimjaclha siclho metnaja apnaymacoc.
45 Yoyam elyiplovcasojo mataa apcanamaclha Dios.
Yoyam elilyejiclhojo mataa apquiltamescama Dios Visqui ingac.
Colhic ayaco mataa Visqui ingac.
