Actemaclha sictiyascam
1 Inlhenquic alhta evalhoc:
—Otamilsalhcojoc sat ajanco.
Mosilhnanalhquejec sat ayinyema sicpayvam.
Ovanmac sat mataa sicvita inlhojo enlhit apmapsom — alhta intomjac evalhoc.
2 Acvanmaquic alhta, malha sictomja mepqui sicpayvam.
Am alhta cotepac sicpayvam actamila.
Inyangvocmec alhta aclingaycamco evalhoc.
3 Melhnec alhta evalhoc.
Malha talha alhta aclingaycamco ayay evalhoc.
Inyiplovcoc alhta actiyapma evalhoc sicpayvam:
4 —Dios Visqui ajac.
Jeyascasingvom sat actomjaclha nelha sictiyascam.
Acvamlha acnim yoyam otyisam mocjam.
¿Acvamlha ya acyavataclhojo?
5 Naso, acyavataclhojo sictiyascam coo.
Malha mepqui coo napato lhip.
Nintiyascam nincoo acyitsomalhca ningvatipnapma (nintipquiscama ninginamam).
Malha mepqui ningvisay nincoo.
6 Nintiyascam nincoo acyitsomalhca pisquisca.
Mepqui acvisay nintamin.
Alhto inyicje ningicjescama ningilnatam.
Mepqui apmayclha as asoc nintamin.
7 Visqui ajac.
¿Soc asoc actamila yoyam olaylhic coo?
Naso, apvamlha lhip siljalhanma mataa coo.
8 Jeyasicjiclhojo coo sicvisay sicsilhnanomalhca ajanco (noyanmongsiclha nasa).
Jemyov sat selasmesa inlhojo apquilmapsomcaa.
9 Acvanmaquic coo.
Mepqui actiyapma sicpayvam.
Lhip Visqui ingac ayinyema actomjaclha alhta.
10 Vamlha itne.
Ilvatesquis aclingaycamco evalhoc (siclingaycamco coo).
Ongvitsapoc sat coo ayinyema lhip seyasquiscama eyimpejic.
11 Lhip apyanmongsayclha nintemaclha ningilsilhnanomalhca inganco.
Aptovasqui nac lhip actamila ingyimpejic.
Malha mepqui ningvisay nincoo.
12 Visqui, ingyeylhojo silmalhnancama.
Ingyeylhojo siliclhangveycam.
Jelanojo naysicsa sicyapcalhem (sicvinama).
Maycaa coo napato lhip.
Apquilno ilhnic nat sicyeyjamcaa.
13 Nojelanojo nasa naysicsa aplom (jeyamyiclha siclho).
Ovascapoc sat acyavataclhojo yicpintama sicmasquingvoyam (siyitsepma).
Actemaclha sictiyascam
1 Inlhenquic alhta evalhoc:
—Otamilsalhcojoc sat ajanco.
Mosilhnanalhquejec sat ayinyema sicpayvam.
Ovanmac sat mataa sicvita inlhojo enlhit apmapsom — alhta intomjac evalhoc.
2 Acvanmaquic alhta, malha sictomja mepqui sicpayvam.
Am alhta cotepac sicpayvam actamila.
Inyangvocmec alhta aclingaycamco evalhoc.
3 Melhnec alhta evalhoc.
Malha talha alhta aclingaycamco ayay evalhoc.
Inyiplovcoc alhta actiyapma evalhoc sicpayvam:
4 —Dios Visqui ajac.
Jeyascasingvom sat actomjaclha nelha sictiyascam.
Acvamlha acnim yoyam otyisam mocjam.
¿Acvamlha ya acyavataclhojo?
5 Naso, acyavataclhojo sictiyascam coo.
Malha mepqui coo napato lhip.
Nintiyascam nincoo acyitsomalhca ningvatipnapma (nintipquiscama ninginamam).
Malha mepqui ningvisay nincoo.
6 Nintiyascam nincoo acyitsomalhca pisquisca.
Mepqui acvisay nintamin.
Alhto inyicje ningicjescama ningilnatam.
Mepqui apmayclha as asoc nintamin.
7 Visqui ajac.
¿Soc asoc actamila yoyam olaylhic coo?
Naso, apvamlha lhip siljalhanma mataa coo.
8 Jeyasicjiclhojo coo sicvisay sicsilhnanomalhca ajanco (noyanmongsiclha nasa).
Jemyov sat selasmesa inlhojo apquilmapsomcaa.
9 Acvanmaquic coo.
Mepqui actiyapma sicpayvam.
Lhip Visqui ingac ayinyema actomjaclha alhta.
10 Vamlha itne.
Ilvatesquis aclingaycamco evalhoc (siclingaycamco coo).
Ongvitsapoc sat coo ayinyema lhip seyasquiscama eyimpejic.
11 Lhip apyanmongsayclha nintemaclha ningilsilhnanomalhca inganco.
Aptovasqui nac lhip actamila ingyimpejic.
Malha mepqui ningvisay nincoo.
12 Visqui, ingyeylhojo silmalhnancama.
Ingyeylhojo siliclhangveycam.
Jelanojo naysicsa sicyapcalhem (sicvinama).
Maycaa coo napato lhip.
Apquilno ilhnic nat sicyeyjamcaa.
13 Nojelanojo nasa naysicsa aplom (jeyamyiclha siclho).
Ovascapoc sat acyavataclhojo yicpintama sicmasquingvoyam (siyitsepma).
