Lhama quilvana ayitquic co Jerusalén najan co Samaria
1 Aptomjac alhta Visqui ingac seyanya coo: 2 Anit nic nat quilvana ayitcoc, lhama ilhnic nat inquin. (Apquilyitsomacpo israelitas as anit quilvana ayitcoc.) 3 Innam nic nat yoclhilhma Egipto as anit quilvana ayitcoc, altomjayclho alanatama. Inquilpatjetamquic nic nat metnaja anatamcaa. 4 Actiyam amamyi ilhnic nat acvisay Ahola (atovana natamin co Samaria). Inyalhing nic nat acvisay Aholiba (atovana natamin co Jerusalén). Coo alhta sictimem enatamcaa alvitay ayitquic. 5 Eyinyovquic alhta Ahola, actomjayclho alanatama nipyesicsa singilpilhtetemo asirios. 6 Inquilanoc alhta apava apquiltamila singilpilhtetemo, najan apquilviscaa, najan apquilyimnanic, najan nolhing apcapaoc. 7 ¡Apquiltamila apanco co Asiria! Inyispaquic alhta colpatjetamcoc quilvana seyamasma Ahola. Intomjac alhta ayayo quilaycmasquiscama acyitsomalhca dios. 8 Yoclhilhma Egipto alhta actomjayclho alanatama, am colvatasac mataa. Actemaclha ayitcoc alhta alanatama. 9 Avanjec alhta ayitsepma anenyic asirios, am alhta omyavac comalhcac as quilvana nipyesicsa maa. 10 Apquilmacpec alhta ayitquic apquilinava najan quilvana ayitcoc, inquilnatamalhquic ayalomalhca as quilvana, inmatnec alhta. Actomja alhta acyanmongayclha actemaclha anco as quilvana, yoyam colavojoc sat mataa moc quilvanaa.
11 Invitac alhta Aholiba actemaclha acmatnam inyalho Ahola. Inyangvocmec alhta actemaclha anco alanatama. 12 Inquilanoc alhta apava apquiltamila singilpilhtetemo, najan apquilviscaa, najan apquilyimnanic, najan nolhing apcapaoc. 13 Invajanamquic alhta actemaclha anco inyalho, actomja acsilhnanomalhca anco. 14-15 Inyangvocmec alhta actemaclha anco quilvana. Invitac alhta tingma napocja quilaycmasquiscama babilonios, alcajasomalhca alyilhvasem. Apquilyapmam alhta cinturón najan apquilpocanma turbante alhta apquilviscaa co Babilonia. 16 Inquitsepquic alhta anenyic Aholiba acvita quilaycmasquiscama babilonios altamila. Incapajasquic alhta soycam amyaa, colhic acnalanta babilonios acnaclha quilvana. 17 Apquilvoctac alhta babilonios acnaclha quilvana, yoyam elpatjetamcoc, ayinyema acmajayoclha quilvana alanatama. Incastinquic alhta acvaycmo acyiclhama quilvana. 18 Invitalhquic alhta as quilvana alanatama mepqui apava napatavo enlhit. Actanovquic alhta coo, sicyinyova as quilvana, acno alhta sicyamasma inyalho Ahola. 19 Inyangvocmec alhta actemaclha alanatama as quilvana, aclhanma avalhoc actemaclha alanatama siclho yoclhilhma Egipto. 20 Inquitsepquic alhta anenyic copatjetamcoc egipcios, apquiltemaclha apancaoc acno apquilinava nolhing najan inquilinava yamelyeyjaycoc — alhta aptomjac Visqui ingac.
21 Aptomjac mocjam Visqui ingac: Lhiya Aholiba, inquitsepquic anenyic lhiya apquiltemaclha egipcios nano, yoyam elpatjetamcoc mocjam. 22 Actomjac coo siyanya sicvisay Visqui apancaoc: Incastinquic lhiya apquiltemaclha apquilanatama apquiltomjayclho cotnaja ingmoc. Comalhcac sat lhiya naysicsa apquilimpocjay. 23 Elimpocjac sat co Babilonia apquilinyema Pecod, najan Soa, najan Coa, najan apyovoclhojo co Asiria. Aplhamoclhojo apquilyimnanic, najan apquilviscaa, najan singilpilhtetemo, najan nolhing apcapaoc. 24 Elimpocjac sat appintalhnama singilpilhtetemo netin carros. Elvocjac sat acnaclha lhiya, apquilmaycam cascos najan apquilmaycam apquilajapsomap. Comalhcac sat lhiya, yoyam coyicpilcalhcac napatavo maa, colngamcojoc sat acyanmongayclha lhiya actemaclha anco. 25 Oyanmongsiclhac sat coo actemaclha lhiya ayinyema siclom coo. Coyatemenalhcac sat lhiya avajic najan ajaycaoc, eticyoc sat ayitquic lhiya, elmacpoc sat apquilaymomap, colhic sat alvatna talha apyovoclhojo tingma. 26 Conatamalhcac sat lhiya alantalhnama najan asoc acmamnave acnaycaoc lhiya. 27 Omascocsic sat lhiya actemaclha alanatama, siclhoc alhta payjoc Egipto. Colhenejec sat mocjam avalhoc lhiya egipcios, colvoncamoc sat lhiya apquilvisay — alhta aptomjac.
28 Eycaso sicpayvam coo: Comalhcac sat lhiya nipyesicsa cotnaja ingmoc apquilmapsomcaa, actomja actanoncama lhiya. 29 Cotanovalhcac sat lhiya nipyesicsa enlhit apquilasicjayo siclhoc alhta. Colhic sat lhiya ayalhnayo mepqui apava, acno alanatama siclho, yoyam comancangvomoc lhiya. 30 Colngamcojoc sat acyanmongayclha lhiya actemaclha alanatama najan ayayo quilaycmasquiscama apancaoc. 31 Invajanamquic alhta lhiya actemaclha inyalho Ahola. Colngamcojoc sat acyanmongayclha lhiya acno aclingaycamco alhta siclho acyimtalhnama inyalho lhiya, colhojoc sat acyam ingjaycoc panatem veneno.
32 Naso coo sicpayvam sicvisay Visqui: Coynic sat lhiya panatem veneno, acno ayanyomalhca alhta inyalho, yoyam coynic as panatem veneno ingjaycoc acyivey anco, aclaneyo asoc acmasom: Covenalhcac sat, casmesalhcac sat, coyinyovalhcac sat maa.
33 Acvisay ingjaycoc anco acyam siclho inyalho co Samaria, malha anmin ayajem sat cotnejic aclingaycamco acyimtalhnama lhiya.
34 Cosavojoc sat lhiya acyam ingjaycoc, natamin copalhcatic sat maa, coyimsasic sat ayimpejic neme ac lhiya. Naso coo sicpayvam sicvisay Visqui apancaoc — alhta aptomjac.
35 Aptomjac alhta mocjam: Eycaso sicpayvam sicvisay Visqui apancaoc: Lhiya alhta seyamasma coo, actomjayclho quilvana alanatama. Quilhvo nac jay colngamcojoc sat lhiya acyanmongayclha actemaclha anco acmasom — alhta aptomjac.
36 Aptomjac alhta Visqui ingac seyanya coo: Lhip enlhit, ilngas sat lhip amyaa actemaclha anco quilvana Ahola najan inyalhing Aholiba, altemaclha alanatama. 37 Altemaclha maa selyamasma coo najan alnapma enlhit. Mepqui selayo alhta, altomja eyca alayo quilaycmasquiscama sictanoncama coo, najan alnapma ayitquic actemaclha macmescama quilaycmasquiscama, apquiltomja coo lha eyitquic. 38 Mocjam altemaclha as quilvanaa seyinmelhaycam coo: Naysicsa altemaclha ancaoc alantalhnaclho tingma apponquinomap, am najan coltamilcasac acnim ninnayclha — alhta aptomjac. 39 ¡Naysicsa altemaclha ancaoc alnapma ayitquic naysicsa alayo quilaycmasquiscama altomja acnatovascama tingma apponquinomap, coo sicmaclha ajanco!
40 Ilngas sat mocjam sicpayvam: Inquilapajasquic alhta soycam amyaa, colhic altimnasa enlhitaoc mocjay, yoyam elilhyemoc. Inyapasquic alhta yingmin lhiya najan inyalhing, inquilyilhvasquic acmalhimpancoc, inquilnatamamquic asoc alyinmom, yoyam colmoc tacja maycaa. 41 Innamquic quellhiya netin altajanma, nicja mesa aclaneyo nintom, najan asoc acmasis najan aceite acponquinomalhca. 42 Inlingalhquic apquilpalhamaycam enlhit malha naysicsa fiesta. Apquilvaac enlhit apquilinyema yoclhilhma actamopeycaoc, apquilayo as quilvanaa, apquilmescama nasa alatquiscama ameoc brazaletes najan coronas alpocanma ayitsicsaoc. 43 Inlhenquic alhta evalhoc, am castingac mataa altemaclha alanatama as quilvanaa — intomjac evalhoc. 44 Apquilvaac acnaclha Ahola najan acnaclha Aholiba, yoyam elpatjetamcoc as quilvanaa alanatama. 45 Enlhit apquilpeyvomo eltimjic sat apquilvitaycamco naysicsa macyicpilquemo as quilvanaa, elanic sat maa colngamcojoc sat acyanmongayclha altemaclha ancaoc, altomja quilvana alyamasma najan ticyovam yapmayc — alhta aptomjac.
46 Aptomjac mocjam Visqui ingac: Incaymalhquic ingyaniclhac apyovoclhojo enlhitaoc, elasquisic sat ayimpeoc as quilvanaa, elatamcoc sat asoc alyinmom alnatanma. 47 Elyicnac sat mataymong yoyam coticyoc as quilvanaa, coltipilcalhcac sat apaoc sovo acvinatem. Eticyoc sat ayitquic apquilinava najan quilvanaa ayitcoc, colhic sat alvatna talha tingma apancaoc. 48 Omascocsic sat altemaclha quellhiya, colyasingvomoc sat acyovoclhojo quilvanaa lhalhma anco, mongmovan ongyiplovcasojo altemaclha as anit quilvanaa. 49 Covanquejec quellhiya mepqui allingaycamco acyanmongayclha altemaclha ancaoc quellhiya, altemaclha alayo quilaycmasquiscama acyitsomalhca dios. Jelyicpilcangvomoc sat quellhiya, sicvisay coo Visqui sicyimtalhnamo. Quellhip israelitas apquilyitsomacpo as anit quilvanaa alanatama — alhta aptomjac Visqui ingac.
Lhama quilvana ayitquic co Jerusalén najan co Samaria
1 Aptomjac alhta Visqui ingac seyanya coo: 2 Anit nic nat quilvana ayitcoc, lhama ilhnic nat inquin. (Apquilyitsomacpo israelitas as anit quilvana ayitcoc.) 3 Innam nic nat yoclhilhma Egipto as anit quilvana ayitcoc, altomjayclho alanatama. Inquilpatjetamquic nic nat metnaja anatamcaa. 4 Actiyam amamyi ilhnic nat acvisay Ahola (atovana natamin co Samaria). Inyalhing nic nat acvisay Aholiba (atovana natamin co Jerusalén). Coo alhta sictimem enatamcaa alvitay ayitquic. 5 Eyinyovquic alhta Ahola, actomjayclho alanatama nipyesicsa singilpilhtetemo asirios. 6 Inquilanoc alhta apava apquiltamila singilpilhtetemo, najan apquilviscaa, najan apquilyimnanic, najan nolhing apcapaoc. 7 ¡Apquiltamila apanco co Asiria! Inyispaquic alhta colpatjetamcoc quilvana seyamasma Ahola. Intomjac alhta ayayo quilaycmasquiscama acyitsomalhca dios. 8 Yoclhilhma Egipto alhta actomjayclho alanatama, am colvatasac mataa. Actemaclha ayitcoc alhta alanatama. 9 Avanjec alhta ayitsepma anenyic asirios, am alhta omyavac comalhcac as quilvana nipyesicsa maa. 10 Apquilmacpec alhta ayitquic apquilinava najan quilvana ayitcoc, inquilnatamalhquic ayalomalhca as quilvana, inmatnec alhta. Actomja alhta acyanmongayclha actemaclha anco as quilvana, yoyam colavojoc sat mataa moc quilvanaa.
11 Invitac alhta Aholiba actemaclha acmatnam inyalho Ahola. Inyangvocmec alhta actemaclha anco alanatama. 12 Inquilanoc alhta apava apquiltamila singilpilhtetemo, najan apquilviscaa, najan apquilyimnanic, najan nolhing apcapaoc. 13 Invajanamquic alhta actemaclha anco inyalho, actomja acsilhnanomalhca anco. 14-15 Inyangvocmec alhta actemaclha anco quilvana. Invitac alhta tingma napocja quilaycmasquiscama babilonios, alcajasomalhca alyilhvasem. Apquilyapmam alhta cinturón najan apquilpocanma turbante alhta apquilviscaa co Babilonia. 16 Inquitsepquic alhta anenyic Aholiba acvita quilaycmasquiscama babilonios altamila. Incapajasquic alhta soycam amyaa, colhic acnalanta babilonios acnaclha quilvana. 17 Apquilvoctac alhta babilonios acnaclha quilvana, yoyam elpatjetamcoc, ayinyema acmajayoclha quilvana alanatama. Incastinquic alhta acvaycmo acyiclhama quilvana. 18 Invitalhquic alhta as quilvana alanatama mepqui apava napatavo enlhit. Actanovquic alhta coo, sicyinyova as quilvana, acno alhta sicyamasma inyalho Ahola. 19 Inyangvocmec alhta actemaclha alanatama as quilvana, aclhanma avalhoc actemaclha alanatama siclho yoclhilhma Egipto. 20 Inquitsepquic alhta anenyic copatjetamcoc egipcios, apquiltemaclha apancaoc acno apquilinava nolhing najan inquilinava yamelyeyjaycoc — alhta aptomjac Visqui ingac.
21 Aptomjac mocjam Visqui ingac: Lhiya Aholiba, inquitsepquic anenyic lhiya apquiltemaclha egipcios nano, yoyam elpatjetamcoc mocjam. 22 Actomjac coo siyanya sicvisay Visqui apancaoc: Incastinquic lhiya apquiltemaclha apquilanatama apquiltomjayclho cotnaja ingmoc. Comalhcac sat lhiya naysicsa apquilimpocjay. 23 Elimpocjac sat co Babilonia apquilinyema Pecod, najan Soa, najan Coa, najan apyovoclhojo co Asiria. Aplhamoclhojo apquilyimnanic, najan apquilviscaa, najan singilpilhtetemo, najan nolhing apcapaoc. 24 Elimpocjac sat appintalhnama singilpilhtetemo netin carros. Elvocjac sat acnaclha lhiya, apquilmaycam cascos najan apquilmaycam apquilajapsomap. Comalhcac sat lhiya, yoyam coyicpilcalhcac napatavo maa, colngamcojoc sat acyanmongayclha lhiya actemaclha anco. 25 Oyanmongsiclhac sat coo actemaclha lhiya ayinyema siclom coo. Coyatemenalhcac sat lhiya avajic najan ajaycaoc, eticyoc sat ayitquic lhiya, elmacpoc sat apquilaymomap, colhic sat alvatna talha apyovoclhojo tingma. 26 Conatamalhcac sat lhiya alantalhnama najan asoc acmamnave acnaycaoc lhiya. 27 Omascocsic sat lhiya actemaclha alanatama, siclhoc alhta payjoc Egipto. Colhenejec sat mocjam avalhoc lhiya egipcios, colvoncamoc sat lhiya apquilvisay — alhta aptomjac.
28 Eycaso sicpayvam coo: Comalhcac sat lhiya nipyesicsa cotnaja ingmoc apquilmapsomcaa, actomja actanoncama lhiya. 29 Cotanovalhcac sat lhiya nipyesicsa enlhit apquilasicjayo siclhoc alhta. Colhic sat lhiya ayalhnayo mepqui apava, acno alanatama siclho, yoyam comancangvomoc lhiya. 30 Colngamcojoc sat acyanmongayclha lhiya actemaclha alanatama najan ayayo quilaycmasquiscama apancaoc. 31 Invajanamquic alhta lhiya actemaclha inyalho Ahola. Colngamcojoc sat acyanmongayclha lhiya acno aclingaycamco alhta siclho acyimtalhnama inyalho lhiya, colhojoc sat acyam ingjaycoc panatem veneno.
32 Naso coo sicpayvam sicvisay Visqui: Coynic sat lhiya panatem veneno, acno ayanyomalhca alhta inyalho, yoyam coynic as panatem veneno ingjaycoc acyivey anco, aclaneyo asoc acmasom: Covenalhcac sat, casmesalhcac sat, coyinyovalhcac sat maa.
33 Acvisay ingjaycoc anco acyam siclho inyalho co Samaria, malha anmin ayajem sat cotnejic aclingaycamco acyimtalhnama lhiya.
34 Cosavojoc sat lhiya acyam ingjaycoc, natamin copalhcatic sat maa, coyimsasic sat ayimpejic neme ac lhiya. Naso coo sicpayvam sicvisay Visqui apancaoc — alhta aptomjac.
35 Aptomjac alhta mocjam: Eycaso sicpayvam sicvisay Visqui apancaoc: Lhiya alhta seyamasma coo, actomjayclho quilvana alanatama. Quilhvo nac jay colngamcojoc sat lhiya acyanmongayclha actemaclha anco acmasom — alhta aptomjac.
36 Aptomjac alhta Visqui ingac seyanya coo: Lhip enlhit, ilngas sat lhip amyaa actemaclha anco quilvana Ahola najan inyalhing Aholiba, altemaclha alanatama. 37 Altemaclha maa selyamasma coo najan alnapma enlhit. Mepqui selayo alhta, altomja eyca alayo quilaycmasquiscama sictanoncama coo, najan alnapma ayitquic actemaclha macmescama quilaycmasquiscama, apquiltomja coo lha eyitquic. 38 Mocjam altemaclha as quilvanaa seyinmelhaycam coo: Naysicsa altemaclha ancaoc alantalhnaclho tingma apponquinomap, am najan coltamilcasac acnim ninnayclha — alhta aptomjac. 39 ¡Naysicsa altemaclha ancaoc alnapma ayitquic naysicsa alayo quilaycmasquiscama altomja acnatovascama tingma apponquinomap, coo sicmaclha ajanco!
40 Ilngas sat mocjam sicpayvam: Inquilapajasquic alhta soycam amyaa, colhic altimnasa enlhitaoc mocjay, yoyam elilhyemoc. Inyapasquic alhta yingmin lhiya najan inyalhing, inquilyilhvasquic acmalhimpancoc, inquilnatamamquic asoc alyinmom, yoyam colmoc tacja maycaa. 41 Innamquic quellhiya netin altajanma, nicja mesa aclaneyo nintom, najan asoc acmasis najan aceite acponquinomalhca. 42 Inlingalhquic apquilpalhamaycam enlhit malha naysicsa fiesta. Apquilvaac enlhit apquilinyema yoclhilhma actamopeycaoc, apquilayo as quilvanaa, apquilmescama nasa alatquiscama ameoc brazaletes najan coronas alpocanma ayitsicsaoc. 43 Inlhenquic alhta evalhoc, am castingac mataa altemaclha alanatama as quilvanaa — intomjac evalhoc. 44 Apquilvaac acnaclha Ahola najan acnaclha Aholiba, yoyam elpatjetamcoc as quilvanaa alanatama. 45 Enlhit apquilpeyvomo eltimjic sat apquilvitaycamco naysicsa macyicpilquemo as quilvanaa, elanic sat maa colngamcojoc sat acyanmongayclha altemaclha ancaoc, altomja quilvana alyamasma najan ticyovam yapmayc — alhta aptomjac.
46 Aptomjac mocjam Visqui ingac: Incaymalhquic ingyaniclhac apyovoclhojo enlhitaoc, elasquisic sat ayimpeoc as quilvanaa, elatamcoc sat asoc alyinmom alnatanma. 47 Elyicnac sat mataymong yoyam coticyoc as quilvanaa, coltipilcalhcac sat apaoc sovo acvinatem. Eticyoc sat ayitquic apquilinava najan quilvanaa ayitcoc, colhic sat alvatna talha tingma apancaoc. 48 Omascocsic sat altemaclha quellhiya, colyasingvomoc sat acyovoclhojo quilvanaa lhalhma anco, mongmovan ongyiplovcasojo altemaclha as anit quilvanaa. 49 Covanquejec quellhiya mepqui allingaycamco acyanmongayclha altemaclha ancaoc quellhiya, altemaclha alayo quilaycmasquiscama acyitsomalhca dios. Jelyicpilcangvomoc sat quellhiya, sicvisay coo Visqui sicyimtalhnamo. Quellhip israelitas apquilyitsomacpo as anit quilvanaa alanatama — alhta aptomjac Visqui ingac.
