Actemaclha ningayo Dios
1 Elinlhanmojo sat quellhip apquilasicjamacpo nipyesicsa apquilyalhinga. 2 Nocolvonquim nasa elyiplovcasojo actemaclha ningmam tacja. Apquilmacpec alhta tacja ángeles nipyesicsa ingilyalhinga, am alhta eyca elyasamcoc ingilyalhinga.
3 Collhen apquilvalhoc quellhip ingilyalhinga apnaycam singilpilhtetomaclha, malha apquilmomap lhama quellhip. Collhen apquilvalhoc quellhip ingilyalhinga apquillingaycamco acmasca, malha apquillingaycamco lhama quellhip. Ayinyemaclha apquileyvec mocjam quellhip as nalhpop.
4 Eltamilsojo sat actemaclha ningmo lhama intava. Noelsilhnanamap nasa actemaclha naysicsa ningyitnamo lhama intava. Ayinyemaclha Dios sat eyanmongsiclha apquiltemaclha enlhit aptomja appatjeteycaoc moc quilvana najan apquiltomja apquilanatama.
5 Nocotsip nasa apnenyaoc solyayem. Colpayjiclha apquilvalhoc acvamlha inlhojo acnaycaoc asoc quellhip. Aptomjac nic nat Dios: “Moyinyovejec sat mataa lhip, yoyam metamopamqueje” —nic nat aptomjac. 6 Ingvanquic nincoo ongillhenic naysicsa mongyasquiyam:
Visqui ingac aptomja sepasmom.
Mongvacyejec sat mataa coo yoyam jetvacsic poc enlhit —sat ontimjic nincoo.
7 Colyit apatic apquiltomja apquillhicmoscama quellhip Dios appayvam. Elvajanaoc sat apquiltemaclha apquiltamilcasomacpo apanco naysicsa apquileyvam najan naysicsa apquilitsepma. Elvajanaoc sat apquiltemaclha melyasquiyam.
8 Lhama aptemaclha mataa Jesucristo, nanoc alhta najan quilhvo nac jay najan cotmongvoycamlha nelha. 9 Noelyinimsap nasa quellhip ayinyema apquillhicmoscama moc actemaclha amyaa. Inyimnatesalhquic sat ancoc ingvalhoc ayinyema singasicjayo Dios, eycaso actomja actamila anco, am colhnoc ningyiplovquiscama singascamaclha ontoc. Alhtoc mataa apquilyiplovquiscama enlhitaoc singascamaclha ontoc.
10 Yitnec nincoo moc actemaclha acvatnamalhquilha asoc macmescama Dios. Colapvanquejec elpasmoc aptoycaoc Dios apquilancam apquiltomja apquiltamjaycam tingma apponquinomap. 11 Aptalhningvoclhec nic nat apquimja apmamyi Dios apquilancam Leví apmolhama congne tingma “apponquinomap apanco”. Apsaclhec nic nat ema ac asoc acticyovam acyanmongam melyascalhma. Apquilvatneclhec nic nat mataa asoc acticyovam tap tingma. 12 Apquitsepquic alhta najan Jesús tap tingma Jerusalén yoyam emascocsic mongilyascalhma ayinyema em pac acyinquinomalhca. 13 Noc, ongilyoclhojoc sat Jesús tap tingma yoyam onglingamcojoc sat lhama aptimesomap apmapsom. 14 Paj nincoo lhama tingma apyiviy as nalhpop aptomja apquilmilaneycaoc. Ningiljalhnec nincoo tingma apyiviy yoyam evac sat. 15 Ingilane sat ongiltimjic ningilayo Dios ayinyema apvisay Jesucristo. Eycaso ningilayo actomja asoc macmescama Dios. Ninlhanma apvisay apanco actomja malha acyilhna actamila anco ningmescama Dios. 16 Nocolvonquim nasa quellhip yoyam elimlimojo apnaymacoc. Elmesaoc sat nicja asoc acnamco inlhojo quellhip. Eycaso actomja asoc macmescama Dios, aptomja apyisponcama.
17 Elilyejiclhojo sat quellhip apquilanem apquilimja apmamyi. Ayinyemaclha apquilimja apmamyi apquiltomja apquiltamilquiscama apquilvalhoc quellhip. Elanic sat Dios yoyam elatingmojo apquilimja apmamyi apquilmalhneclho sat Dios. Elyiplovcasojo sat mataa quellhip yoyam colpayjiclhac mataa apquilvalhoc apquilimja apmamyi. Noelyimtalhnes nasa apquilvalhoc apquilimja apmamyi, elsilhnanacpoc sat apanco quellhip.
18 Jingilmalhnesquis sat nincoo. Ningyasamcoc nincoo acyitna actamilaycam ingilvalhoc. Ningiltamjoc mataa ongiltamilsalhcojo inganco. 19 Altamjoc coo yoyam jelmalhnesquisic quellhip yoyam jeyojoc Dios ovoclha nipyesicsa quellhip quilhvoc anco.
Actomjaclha nelha appayvam apóstol apcapajasomap
20 Dios ayinyema actamilaycam ingvalhoc. Dios aptomja aplhaticjasquiyam Jesucristo Visqui ingac nipyesicsa apquilmasquingvaycmo. Eycaso em pac actomja actimesquiscama monquinatquiscama apmayjayoclha Dios aplhanma yoyam colhejec acyascacmo cotmongvoycamlha nelha. Jesucristo aptomja malha quilancam nipquesic apyimtalhnamo. 21 Ningiltamjoc nincoo Dios eltimesquisic apquilpeyvomo quellhip yoyam elvajanamcoc quellhip actemaclha apmayjayoclha Dios. Jingilanecsic sat ingilvalhoc Dios ayinyema Jesucristo yoyam eyispac nintemaclha. Colhic sat mataa ayaco Cristo cotmongvoycamlha nelha. Amén.
22 Quellhip elyalhinga. Altamjoc coo yoyam colmoc apquilvalhoc sicpayvam actomja acyimnatescama apquilvalhoc. Actalhescasquic quellhip as vaycajac acyavatem anco. 23 Elyasamcojo mocjam lhama amyaa. Aptipsacpec alhta singilpilhtetomaclha ingyalhinga Timoteo. Apvoctac sat ancoc sicnaclha, siclhalhma sat otnejic yoyam ongilvoclhac nipyesicsa quellhip.
24 Inlhenquic ingilvalhoc aplhamoclhojo apquilimja apmamyi najan aplhamoclhojo Jesucristo apmolhama. Inlhenquic apquilvalhoc ingilyalhinga co Italia.
25 Ningiltamjoc yoyam epasmoc Dios quellhip aplhamoclhojo. Amén.
Actemaclha ningayo Dios
1 Elinlhanmojo sat quellhip apquilasicjamacpo nipyesicsa apquilyalhinga. 2 Nocolvonquim nasa elyiplovcasojo actemaclha ningmam tacja. Apquilmacpec alhta tacja ángeles nipyesicsa ingilyalhinga, am alhta eyca elyasamcoc ingilyalhinga.
3 Collhen apquilvalhoc quellhip ingilyalhinga apnaycam singilpilhtetomaclha, malha apquilmomap lhama quellhip. Collhen apquilvalhoc quellhip ingilyalhinga apquillingaycamco acmasca, malha apquillingaycamco lhama quellhip. Ayinyemaclha apquileyvec mocjam quellhip as nalhpop.
4 Eltamilsojo sat actemaclha ningmo lhama intava. Noelsilhnanamap nasa actemaclha naysicsa ningyitnamo lhama intava. Ayinyemaclha Dios sat eyanmongsiclha apquiltemaclha enlhit aptomja appatjeteycaoc moc quilvana najan apquiltomja apquilanatama.
5 Nocotsip nasa apnenyaoc solyayem. Colpayjiclha apquilvalhoc acvamlha inlhojo acnaycaoc asoc quellhip. Aptomjac nic nat Dios: “Moyinyovejec sat mataa lhip, yoyam metamopamqueje” —nic nat aptomjac. 6 Ingvanquic nincoo ongillhenic naysicsa mongyasquiyam:
Visqui ingac aptomja sepasmom.
Mongvacyejec sat mataa coo yoyam jetvacsic poc enlhit —sat ontimjic nincoo.
7 Colyit apatic apquiltomja apquillhicmoscama quellhip Dios appayvam. Elvajanaoc sat apquiltemaclha apquiltamilcasomacpo apanco naysicsa apquileyvam najan naysicsa apquilitsepma. Elvajanaoc sat apquiltemaclha melyasquiyam.
8 Lhama aptemaclha mataa Jesucristo, nanoc alhta najan quilhvo nac jay najan cotmongvoycamlha nelha. 9 Noelyinimsap nasa quellhip ayinyema apquillhicmoscama moc actemaclha amyaa. Inyimnatesalhquic sat ancoc ingvalhoc ayinyema singasicjayo Dios, eycaso actomja actamila anco, am colhnoc ningyiplovquiscama singascamaclha ontoc. Alhtoc mataa apquilyiplovquiscama enlhitaoc singascamaclha ontoc.
10 Yitnec nincoo moc actemaclha acvatnamalhquilha asoc macmescama Dios. Colapvanquejec elpasmoc aptoycaoc Dios apquilancam apquiltomja apquiltamjaycam tingma apponquinomap. 11 Aptalhningvoclhec nic nat apquimja apmamyi Dios apquilancam Leví apmolhama congne tingma “apponquinomap apanco”. Apsaclhec nic nat ema ac asoc acticyovam acyanmongam melyascalhma. Apquilvatneclhec nic nat mataa asoc acticyovam tap tingma. 12 Apquitsepquic alhta najan Jesús tap tingma Jerusalén yoyam emascocsic mongilyascalhma ayinyema em pac acyinquinomalhca. 13 Noc, ongilyoclhojoc sat Jesús tap tingma yoyam onglingamcojoc sat lhama aptimesomap apmapsom. 14 Paj nincoo lhama tingma apyiviy as nalhpop aptomja apquilmilaneycaoc. Ningiljalhnec nincoo tingma apyiviy yoyam evac sat. 15 Ingilane sat ongiltimjic ningilayo Dios ayinyema apvisay Jesucristo. Eycaso ningilayo actomja asoc macmescama Dios. Ninlhanma apvisay apanco actomja malha acyilhna actamila anco ningmescama Dios. 16 Nocolvonquim nasa quellhip yoyam elimlimojo apnaymacoc. Elmesaoc sat nicja asoc acnamco inlhojo quellhip. Eycaso actomja asoc macmescama Dios, aptomja apyisponcama.
17 Elilyejiclhojo sat quellhip apquilanem apquilimja apmamyi. Ayinyemaclha apquilimja apmamyi apquiltomja apquiltamilquiscama apquilvalhoc quellhip. Elanic sat Dios yoyam elatingmojo apquilimja apmamyi apquilmalhneclho sat Dios. Elyiplovcasojo sat mataa quellhip yoyam colpayjiclhac mataa apquilvalhoc apquilimja apmamyi. Noelyimtalhnes nasa apquilvalhoc apquilimja apmamyi, elsilhnanacpoc sat apanco quellhip.
18 Jingilmalhnesquis sat nincoo. Ningyasamcoc nincoo acyitna actamilaycam ingilvalhoc. Ningiltamjoc mataa ongiltamilsalhcojo inganco. 19 Altamjoc coo yoyam jelmalhnesquisic quellhip yoyam jeyojoc Dios ovoclha nipyesicsa quellhip quilhvoc anco.
Actomjaclha nelha appayvam apóstol apcapajasomap
20 Dios ayinyema actamilaycam ingvalhoc. Dios aptomja aplhaticjasquiyam Jesucristo Visqui ingac nipyesicsa apquilmasquingvaycmo. Eycaso em pac actomja actimesquiscama monquinatquiscama apmayjayoclha Dios aplhanma yoyam colhejec acyascacmo cotmongvoycamlha nelha. Jesucristo aptomja malha quilancam nipquesic apyimtalhnamo. 21 Ningiltamjoc nincoo Dios eltimesquisic apquilpeyvomo quellhip yoyam elvajanamcoc quellhip actemaclha apmayjayoclha Dios. Jingilanecsic sat ingilvalhoc Dios ayinyema Jesucristo yoyam eyispac nintemaclha. Colhic sat mataa ayaco Cristo cotmongvoycamlha nelha. Amén.
22 Quellhip elyalhinga. Altamjoc coo yoyam colmoc apquilvalhoc sicpayvam actomja acyimnatescama apquilvalhoc. Actalhescasquic quellhip as vaycajac acyavatem anco. 23 Elyasamcojo mocjam lhama amyaa. Aptipsacpec alhta singilpilhtetomaclha ingyalhinga Timoteo. Apvoctac sat ancoc sicnaclha, siclhalhma sat otnejic yoyam ongilvoclhac nipyesicsa quellhip.
24 Inlhenquic ingilvalhoc aplhamoclhojo apquilimja apmamyi najan aplhamoclhojo Jesucristo apmolhama. Inlhenquic apquilvalhoc ingilyalhinga co Italia.
25 Ningiltamjoc yoyam epasmoc Dios quellhip aplhamoclhojo. Amén.
