Aptalhesquiscama Pablo najan apquillhalhmaa yoyam elyipsitic Jesucristo apmolhama
1 Coo nac Pablo najan siclhalhma Silvano najan Timoteo. Ningiltalhescasquic nincoo as vaycajac yoyam elyipsitic Jesucristo apmolhama apnaycam tingma Tesalónica. Apquiltomja apquilpasmeyquiclha Dios Ingyapam najan Jesucristo Visqui ingac. Altamjoc coo yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam najan Jesucristo Visqui ingac.
Actemaclha acvitomalhca melyasquiyam co Tesalónica
2 Ningiltimec mataa nincoo gracias Dios Ingyapam naysicsa ningilmalhnesquiscama quellhip. 3 Inlhenquic mataa ingilvalhoc napato Dios Ingyapam actemaclha apquiltamjaycam quellhip ayinyema melyasquiyam. Najan actemaclha apquiltamjaycam quellhip ayinyema apquilasicjayo. Najan actemaclha apquilinlhanyam quellhip ayinyema aljalhneycam apquilvalhoc Jesucristo Visqui ingac. 4 Quellhip ingilyalhing, Dios aptomja apquilasicjayo quellhip. Ningyasamcoc nincoo, Dios aptomja apquilyacyescama quellhip. 5 Ningiltimnasquic alhta nincoo quellhip tasic amyaa. Jave acvamlha ningilpayvam inganco ningiltimnascama quellhip. Eyca ayinyema Dios apmopvan najan ayinyema Espíritu Santo najan ayinyema actemaclha mongyasquiyam. Apquilyasamcoc mocjam quellhip nintemaclha alhta nipyesicsa quellhip. Ningilpasmec alhta mataa quellhip.
6 Apquilyiplovcasquic alhta quellhip nintemaclha nincoo. Apquilyanmoncasquic alhta apquilvalhoc quellhip acno nincoo lha. Apquillingamcoc alhta quellhip actemaclha acmasom. Eyca inquilmec alhta apquilvalhoc Dios appayvam actemaclha acpayjayclha apquilvalhoc ayinyema Espíritu Santo. 7 Inlingalhquic apquiltemaclha quellhip yoyam elvajanamcoc aplhamoclhojo Jesucristo apmolhama apquileyvam yoclhilhma Macedonia najan yoclhilhma Acaya. 8 Quellhip alhta apquillingascama tasic amyaa ayinyema Visqui ingac. Inlingalhquic alhta yoclhilhma Macedonia najan yoclhilhma Acaya najan tap. Inlingalhquic najan lhalhma anco actemaclha apquilyanmonquiscama apquilvalhoc quellhip. Coymalhquejec mocjam yoyam onlhenic nincoo apquiltemaclha quellhip. 9 Ningillhenalhquic nincoo nipyesicsa enlhitaoc maa actemaclha alhta singilmam tacja quellhip. Inlhenalhquic actemaclha apquilhaycaoc quellhip quilaycmasquiscama apquilyitquiscama Dios. Najan actemaclha apquilyanmonquiscama apquilvalhoc quellhip yoyam elanam Dios aptomja apquilmilaneycaoc najan aptomja nasoc anco. 10 Najan actemaclha apquiljalhneycam quellhip Dios Apquitca yoyam evotac sat apquinyema netin. Aptomja alhta Dios aplhaticjasquiyam Apquitca nipyesicsa apquilmasquingvaycmo. Jingilvomsic sat tap acvaa sat apyanmongsayclha Dios apquiltemaclha enlhitaoc.
Aptalhesquiscama Pablo najan apquillhalhmaa yoyam elyipsitic Jesucristo apmolhama
1 Coo nac Pablo najan siclhalhma Silvano najan Timoteo. Ningiltalhescasquic nincoo as vaycajac yoyam elyipsitic Jesucristo apmolhama apnaycam tingma Tesalónica. Apquiltomja apquilpasmeyquiclha Dios Ingyapam najan Jesucristo Visqui ingac. Altamjoc coo yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam najan Jesucristo Visqui ingac.
Actemaclha acvitomalhca melyasquiyam co Tesalónica
2 Ningiltimec mataa nincoo gracias Dios Ingyapam naysicsa ningilmalhnesquiscama quellhip. 3 Inlhenquic mataa ingilvalhoc napato Dios Ingyapam actemaclha apquiltamjaycam quellhip ayinyema melyasquiyam. Najan actemaclha apquiltamjaycam quellhip ayinyema apquilasicjayo. Najan actemaclha apquilinlhanyam quellhip ayinyema aljalhneycam apquilvalhoc Jesucristo Visqui ingac. 4 Quellhip ingilyalhing, Dios aptomja apquilasicjayo quellhip. Ningyasamcoc nincoo, Dios aptomja apquilyacyescama quellhip. 5 Ningiltimnasquic alhta nincoo quellhip tasic amyaa. Jave acvamlha ningilpayvam inganco ningiltimnascama quellhip. Eyca ayinyema Dios apmopvan najan ayinyema Espíritu Santo najan ayinyema actemaclha mongyasquiyam. Apquilyasamcoc mocjam quellhip nintemaclha alhta nipyesicsa quellhip. Ningilpasmec alhta mataa quellhip.
6 Apquilyiplovcasquic alhta quellhip nintemaclha nincoo. Apquilyanmoncasquic alhta apquilvalhoc quellhip acno nincoo lha. Apquillingamcoc alhta quellhip actemaclha acmasom. Eyca inquilmec alhta apquilvalhoc Dios appayvam actemaclha acpayjayclha apquilvalhoc ayinyema Espíritu Santo. 7 Inlingalhquic apquiltemaclha quellhip yoyam elvajanamcoc aplhamoclhojo Jesucristo apmolhama apquileyvam yoclhilhma Macedonia najan yoclhilhma Acaya. 8 Quellhip alhta apquillingascama tasic amyaa ayinyema Visqui ingac. Inlingalhquic alhta yoclhilhma Macedonia najan yoclhilhma Acaya najan tap. Inlingalhquic najan lhalhma anco actemaclha apquilyanmonquiscama apquilvalhoc quellhip. Coymalhquejec mocjam yoyam onlhenic nincoo apquiltemaclha quellhip. 9 Ningillhenalhquic nincoo nipyesicsa enlhitaoc maa actemaclha alhta singilmam tacja quellhip. Inlhenalhquic actemaclha apquilhaycaoc quellhip quilaycmasquiscama apquilyitquiscama Dios. Najan actemaclha apquilyanmonquiscama apquilvalhoc quellhip yoyam elanam Dios aptomja apquilmilaneycaoc najan aptomja nasoc anco. 10 Najan actemaclha apquiljalhneycam quellhip Dios Apquitca yoyam evotac sat apquinyema netin. Aptomja alhta Dios aplhaticjasquiyam Apquitca nipyesicsa apquilmasquingvaycmo. Jingilvomsic sat tap acvaa sat apyanmongsayclha Dios apquiltemaclha enlhitaoc.
