Aptalhesquiscama Pablo yoyam elyipsitic Jesucristo apmolhama tingma Colosas
1 Coo nac Pablo, sictimem apóstol siyapajasomalhca ayinyema Jesucristo. Eycaso actomja apmayjayoclha Dios. Najan siclhalhma ingyalhing Timoteo. 2 Actalhescasquic as vaycajac actemaclha aclhanma evalhoc ingilyalhinga apnaycam tingma Colosas, apquiltomja melyasquiyam Jesucristo najan apquiltomja Dios apquilyacyescama. Altamjoc co yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam.
Apquilmalhnesquiscama Pablo apquilyalhinga apquiltomja melyasquiyam
3 Naysicsa ningilmalhnesquiscama quellhip ningiltimec nincoo mataa gracias Dios aptomja Apyap Jesucristo Visqui ingac. 4 Ninlingac nincoo amyaa actemaclha melyasquiyam quellhip Jesucristo. Najan actemaclha apquilasicjayo quellhip aplhamoclhojo Dios apquilyacyescama. 5 Yitnec quellhip aljalhneycam apquilvalhoc asoc acnaycaoc netin yoyam ellhovac sat. Inquillhenalhquic alhta as asoc naysicsa apquillingay quellhip tasic amyaa Dios appayvam actomja nasoc anco. 6 Inlingalhquic lhalhma anco as amyaa nac jay, malha ningvitay acyilhna. Acno alhta siclhoc apquillingay quellhip lha tasic amyaa. Apquilyicpilcangvocmec alhta Dios apcaycaoc actomja nasoc anco. 7 Apquillhicmosquic alhta ingyalhing Epafras nipyesicsa quellhip. Aptomja Jesucristo apquilancam appeyvomo. Najan aptomja alhta ningiltamjaycamo lhama nincoo. 8 Ingiltimnascactac alhta Epafras actemaclha quellhip singilasicjayo ayinyema Espíritu apanco Dios.
9 Ninlingac alhta amyaa siclhoc anco apquiltemaclha quellhip. Ningilinlhanacmec mataa nincoo ningilmalhnesquiscama quellhip yoyam elhicmocsic sat Dios actemaclha apmayjayoclha yoyam elyasingvomoc quellhip najan elyicpilcangvomoc ayinyema Espíritu apanco Dios. 10 Coyiplovjoc sat apquiltamilcasomacpo apanco quellhip actemaclha apyisponcama Dios najan actemaclha yoyam colhic ayaco. Cotalhcac sat actemaclha apquilyiplovquiscama quellhip asoc altamila, malha ningvitay acyilhna. Coyangvomoc sat apquilyasingvoyam quellhip aptemaclha Dios Ingyapam. 11 Eltimjic sat quellhip apquilyimnatem ayinyema apmopvan apanco Dios. Apquillingamcoc sat ancoc acmasom quellhip, coytic sat actamilaycam apquilvalhoc najan actemaclha apquilinlhanyacmo. 12 Eltimjic sat gracias Ingyapam naysicsa acpayjayclha apquilvalhoc. Apquiltamjoc yoyam ellhovac quellhip apmescama apquilpasmeyquiclha Dios apquilyacyescama naysicsa ayitsayoclhilhma apanco. 13 Ningnec alhta inyicje naysicsa yatescamalhma, malha singilmam. Ingilyinyovcasquic alhta yatesaclhilhma Dios. Ingilnescaclhec alhta apquilnancascama Apquitca aptomja Visqui ingac. 14 Ingilvomcasquic alhta tap ayinyema apquitsepma singyanmongam nincoo. Apmascosquic alhta mongilyascalhma.
Actamilaycam ingvalhoc napato Dios ayinyema apquitsepma Cristo
15 Dios aptomja mongvitay nincoo. Apvaac alhta Apquitca yoyam ongvita aptomja apno Apyap. Apnec nic nat Apquitca apmaclha Apyap siclhoc anco, amamyi apquillanay aclhamoclhojo asoc. 16 Apquillanac nic nat Dios aclhamoclhojo asoc netin najan as nalhpop ayinyema apquillanescama Apquitca. Apquillanac nic nat aclhamoclhojo asoc ningvitay najan asoc mongvitay nincoo. Najan actemaclha apquilmopvancaa apnaycam netin. Najan asoc alyimnatem acnaycaoc netin. Najan actemaclha apquilyimtalhnamo apnaycam lhalhma anco. Najan actemaclha almovancaa alinyema Espíritu. Apquitca ilhnic nat apquillanescama aclhamoclhojo asoc acnaycaoc netin najan nalhpop. 17 Apnec nic nat Apquitca amamyi alanomalhca aclhamoclhojo asoc. Covanquejec mataa lhama asoc mepqui Apquitca. 18 Malha Cristo apyovoclhojo apanco apquiltomja apmolhama. Cristo aptomja apquimja apmamyi apmolhama. Aplhaticjangvocmec alhta Cristo apmamyi anco nipyesicsa apquilmasquingvaycmo yoyam etnejic mataa apquimja apmamyi. Aptomja apyimnatescama apnenyaoc apmolhama. 19 Apquiltamjoc nic nat Dios yoyam elhnasojoc aptemaclha Cristo. 20 Apquiltamjoc nic nat Dios yoyam coytic altamilaycam apquilvalhoc enlhitaoc ayinyema apquitsepma Cristo netin asoc timyescama. Apquiltamjoc nic nat Dios yoyam elasicjiclhojoc mocjam enlhitaoc apquileyvam as nalhpop najan apnaycam netin.
21 Najan apquiltemaclha alhta quellhip. Apquiltomja alhta malha cotnaja poc Dios, ayinyema alquitamsama apquilvalhoc almasomcaa najan ayinyema apquiltemaclha almasomcaa. Quilhvo eyca acyitna altamilaycam apquilvalhoc quellhip napato Dios ayinyema Cristo. 22 Aplingamcoc alhta apyovoclhojo acmasca apquitsepma. Apquiltamjoc alhta eltimesquisic apquilponquinomap mepqui alpaysameycaoc najan mepqui apquilsilhnanomap quellhip napato Dios. 23 Elinlhanmojo sat quellhip apquilyiplovquiscama actemaclha melyasquiyam. Noelojo nasa comasquingvomoc aljalhneycam apquilvalhoc ayinyema tasic amyaa apquillingay alhta quellhip. Inpayesalhquic alhta as amyaa nac jay lhalhma anco. Coo nac Pablo siyanyomalhca otnejic sicsoycam amyaa.
Apcanyomap Pablo etamilsic Jesucristo apmolhama
24 Inpayjeclhec evalhoc siclingamco acmasca acyanmongam quellhip. Incaymalhquic alhta elngamcojo mocjam acmasca Cristo acyanmongam apmolhama. Coo eyca pac osavojo siclingaycamco acmasca acyanmongam Jesucristo apmolhama. Malha Cristo apyovoclhojo apanco apquiltomja apmolhama. 25 Eyasinaquic alhta Dios yoyam osavojoc appayvam, yoyam olngacsic nipyesicsa quellhip. 26 Eycaso actomja ilhnic nat acyilhomalhca nipyesicsa enlhitaoc apquileyvam nano. Quilhvo eyca apquilyicpilcangvocmo apquiltomja Dios apquilyacyescama ayinyema Dios apquilyascasingvoyam. 27 Apquiltamjoc Dios yoyam ellhicmosacpoc enlhitaoc lhalhma anco asoc acyilhomalhca nano, acvisay cotlaycaoc asoc altamila. Eycaso acvisay asoc acyilhomalhca: Cristo aptomja apyipitcayo quellhip. Yitnec najan aljalhneycam apquilvalhoc yoyam elvitac ayitsayoclhilhma actamila yoyam covac sat.
28 Ninlingasquic nincoo apvisay Cristo. Ningiltimnasquic mataa nincoo moclhama enlhit najan ningilyascasingvocmec mataa, yoyam elsavojoc apquilyasingvoyam ayinyema apquilpasmeyquiclha Cristo. 29 Eycaso ayinyema sicvascapma mataa, malha silnapomalhca intomjac. Eyimnatasquic mataa apmopvan ayinyema Cristo.
Aptalhesquiscama Pablo yoyam elyipsitic Jesucristo apmolhama tingma Colosas
1 Coo nac Pablo, sictimem apóstol siyapajasomalhca ayinyema Jesucristo. Eycaso actomja apmayjayoclha Dios. Najan siclhalhma ingyalhing Timoteo. 2 Actalhescasquic as vaycajac actemaclha aclhanma evalhoc ingilyalhinga apnaycam tingma Colosas, apquiltomja melyasquiyam Jesucristo najan apquiltomja Dios apquilyacyescama. Altamjoc co yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam.
Apquilmalhnesquiscama Pablo apquilyalhinga apquiltomja melyasquiyam
3 Naysicsa ningilmalhnesquiscama quellhip ningiltimec nincoo mataa gracias Dios aptomja Apyap Jesucristo Visqui ingac. 4 Ninlingac nincoo amyaa actemaclha melyasquiyam quellhip Jesucristo. Najan actemaclha apquilasicjayo quellhip aplhamoclhojo Dios apquilyacyescama. 5 Yitnec quellhip aljalhneycam apquilvalhoc asoc acnaycaoc netin yoyam ellhovac sat. Inquillhenalhquic alhta as asoc naysicsa apquillingay quellhip tasic amyaa Dios appayvam actomja nasoc anco. 6 Inlingalhquic lhalhma anco as amyaa nac jay, malha ningvitay acyilhna. Acno alhta siclhoc apquillingay quellhip lha tasic amyaa. Apquilyicpilcangvocmec alhta Dios apcaycaoc actomja nasoc anco. 7 Apquillhicmosquic alhta ingyalhing Epafras nipyesicsa quellhip. Aptomja Jesucristo apquilancam appeyvomo. Najan aptomja alhta ningiltamjaycamo lhama nincoo. 8 Ingiltimnascactac alhta Epafras actemaclha quellhip singilasicjayo ayinyema Espíritu apanco Dios.
9 Ninlingac alhta amyaa siclhoc anco apquiltemaclha quellhip. Ningilinlhanacmec mataa nincoo ningilmalhnesquiscama quellhip yoyam elhicmocsic sat Dios actemaclha apmayjayoclha yoyam elyasingvomoc quellhip najan elyicpilcangvomoc ayinyema Espíritu apanco Dios. 10 Coyiplovjoc sat apquiltamilcasomacpo apanco quellhip actemaclha apyisponcama Dios najan actemaclha yoyam colhic ayaco. Cotalhcac sat actemaclha apquilyiplovquiscama quellhip asoc altamila, malha ningvitay acyilhna. Coyangvomoc sat apquilyasingvoyam quellhip aptemaclha Dios Ingyapam. 11 Eltimjic sat quellhip apquilyimnatem ayinyema apmopvan apanco Dios. Apquillingamcoc sat ancoc acmasom quellhip, coytic sat actamilaycam apquilvalhoc najan actemaclha apquilinlhanyacmo. 12 Eltimjic sat gracias Ingyapam naysicsa acpayjayclha apquilvalhoc. Apquiltamjoc yoyam ellhovac quellhip apmescama apquilpasmeyquiclha Dios apquilyacyescama naysicsa ayitsayoclhilhma apanco. 13 Ningnec alhta inyicje naysicsa yatescamalhma, malha singilmam. Ingilyinyovcasquic alhta yatesaclhilhma Dios. Ingilnescaclhec alhta apquilnancascama Apquitca aptomja Visqui ingac. 14 Ingilvomcasquic alhta tap ayinyema apquitsepma singyanmongam nincoo. Apmascosquic alhta mongilyascalhma.
Actamilaycam ingvalhoc napato Dios ayinyema apquitsepma Cristo
15 Dios aptomja mongvitay nincoo. Apvaac alhta Apquitca yoyam ongvita aptomja apno Apyap. Apnec nic nat Apquitca apmaclha Apyap siclhoc anco, amamyi apquillanay aclhamoclhojo asoc. 16 Apquillanac nic nat Dios aclhamoclhojo asoc netin najan as nalhpop ayinyema apquillanescama Apquitca. Apquillanac nic nat aclhamoclhojo asoc ningvitay najan asoc mongvitay nincoo. Najan actemaclha apquilmopvancaa apnaycam netin. Najan asoc alyimnatem acnaycaoc netin. Najan actemaclha apquilyimtalhnamo apnaycam lhalhma anco. Najan actemaclha almovancaa alinyema Espíritu. Apquitca ilhnic nat apquillanescama aclhamoclhojo asoc acnaycaoc netin najan nalhpop. 17 Apnec nic nat Apquitca amamyi alanomalhca aclhamoclhojo asoc. Covanquejec mataa lhama asoc mepqui Apquitca. 18 Malha Cristo apyovoclhojo apanco apquiltomja apmolhama. Cristo aptomja apquimja apmamyi apmolhama. Aplhaticjangvocmec alhta Cristo apmamyi anco nipyesicsa apquilmasquingvaycmo yoyam etnejic mataa apquimja apmamyi. Aptomja apyimnatescama apnenyaoc apmolhama. 19 Apquiltamjoc nic nat Dios yoyam elhnasojoc aptemaclha Cristo. 20 Apquiltamjoc nic nat Dios yoyam coytic altamilaycam apquilvalhoc enlhitaoc ayinyema apquitsepma Cristo netin asoc timyescama. Apquiltamjoc nic nat Dios yoyam elasicjiclhojoc mocjam enlhitaoc apquileyvam as nalhpop najan apnaycam netin.
21 Najan apquiltemaclha alhta quellhip. Apquiltomja alhta malha cotnaja poc Dios, ayinyema alquitamsama apquilvalhoc almasomcaa najan ayinyema apquiltemaclha almasomcaa. Quilhvo eyca acyitna altamilaycam apquilvalhoc quellhip napato Dios ayinyema Cristo. 22 Aplingamcoc alhta apyovoclhojo acmasca apquitsepma. Apquiltamjoc alhta eltimesquisic apquilponquinomap mepqui alpaysameycaoc najan mepqui apquilsilhnanomap quellhip napato Dios. 23 Elinlhanmojo sat quellhip apquilyiplovquiscama actemaclha melyasquiyam. Noelojo nasa comasquingvomoc aljalhneycam apquilvalhoc ayinyema tasic amyaa apquillingay alhta quellhip. Inpayesalhquic alhta as amyaa nac jay lhalhma anco. Coo nac Pablo siyanyomalhca otnejic sicsoycam amyaa.
Apcanyomap Pablo etamilsic Jesucristo apmolhama
24 Inpayjeclhec evalhoc siclingamco acmasca acyanmongam quellhip. Incaymalhquic alhta elngamcojo mocjam acmasca Cristo acyanmongam apmolhama. Coo eyca pac osavojo siclingaycamco acmasca acyanmongam Jesucristo apmolhama. Malha Cristo apyovoclhojo apanco apquiltomja apmolhama. 25 Eyasinaquic alhta Dios yoyam osavojoc appayvam, yoyam olngacsic nipyesicsa quellhip. 26 Eycaso actomja ilhnic nat acyilhomalhca nipyesicsa enlhitaoc apquileyvam nano. Quilhvo eyca apquilyicpilcangvocmo apquiltomja Dios apquilyacyescama ayinyema Dios apquilyascasingvoyam. 27 Apquiltamjoc Dios yoyam ellhicmosacpoc enlhitaoc lhalhma anco asoc acyilhomalhca nano, acvisay cotlaycaoc asoc altamila. Eycaso acvisay asoc acyilhomalhca: Cristo aptomja apyipitcayo quellhip. Yitnec najan aljalhneycam apquilvalhoc yoyam elvitac ayitsayoclhilhma actamila yoyam covac sat.
28 Ninlingasquic nincoo apvisay Cristo. Ningiltimnasquic mataa nincoo moclhama enlhit najan ningilyascasingvocmec mataa, yoyam elsavojoc apquilyasingvoyam ayinyema apquilpasmeyquiclha Cristo. 29 Eycaso ayinyema sicvascapma mataa, malha silnapomalhca intomjac. Eyimnatasquic mataa apmopvan ayinyema Cristo.
