1 Actomjac coo siyanya lhip actemaclha siyasinaycam. Aplingac sicpayvam Dios najan Jesucristo yoyam evotac sat mocjam etnejic Apvisqui. Yoyam elyicpilcojoc sat enlhit apjalhnancaoc najan apquilmasquingvaycmo. 2 Illhicmos sat lhip tasic amyaa. Ilinlhanmojo sat apquiltimnascama naysicsa apquiljalhenmo enlhitaoc najan naysicsa meljalhenmo. Illhicmos sat yoyam melyascamejec enlhitaoc. Ipeyvescasiclha sat apquiltemaclha najan iyascasingvom enlhitaoc najan ilpamejitsacpojo. Ilinlhanmojo sat apquillhicmoscama acvamlha apmopvan. 3 Incovac sat acnim yoyam elvatsamcoc enlhitaoc apquiljalhenmo singillhicmoscama tasic amyaa. Etlhamcoc sat malha apquilpatmeycam. Poc sat eltingyamcoc apquillhicmoscama yoyam elaylhojo mataa amyaa actemaclha apquilmayjayoclha elaylhojo. 4 Elvonquepoc sat acyitnaclha singillhicmoscama actomja nasoc anco. Elyiplovcasojoc sat apquiltemaclha amyaa nano. 5 Itne sat lhip mataa apyascamco, mepqui acyeyjamelhma. Ilinmalhacpojo sat lhip acmasca. Ilinlhanmojo sat aptamjaycam aptimem lhip soycam amyaa yoyam elngacsic tasic amyaa.
6 Coo eyca actomjac quilhvo malha asoc ningmescama Dios yoyam omatong. Camquitvaac acnim yoyam omatong. 7 Pac oyitsic sictemaclha alhta mataa: Acvascapquic coo mataa, malha silnapomalhca, malha ningilyamasomalhca actemaclha carrera. Acvocmec coo actomjaclha nelha. Am olvatescacmoc actemaclha moyasquiyam. 8 Inpensalhquic acyanmongam yoyam olhcac sat acvisay actemaclha acpeyvomo ayinyema Dios. Jimquesic sat Visqui ingac acvocmo sat acnim. Visqui ingac aptomja singyicpilquemo appeyvomo. Jave sicvamlha coo yoyam olhcac acyanmongam. Ellhovac sat najan aplhamoclhojo apquiltomja apquiljalhanma apvoyctamlha naysicsa acpayjayclha apquilvalhoc.
Apcanama Pablo Timoteo
9 Ipecjicsojo sat lhip jetyaningvotamojo. 10 Eyinyovquic alhta ingyalhing Demas. Ayinyemaclha apquiltamjoc mataa asoc as nalhpop. Apmiyaclhec alhta tingma Tesalónica. Apmiyaclhec alhta ingyalhing Crescente yoclhilhma Galacia. Apmiyaclhec alhta ingyalhing Tito yoclhilhma Dalmacia. 11 Apvamlha ingyalhing Lucas apnac aso sicnaclha. Itne sat lhip aplhalhma ingyalhing Marcos. Iyantamenta sat aso. Apvanquic mataa jepasmoc naysicsa sictamjaycam. 12 Ayapajasquic alhta ingyalhing Tíquico tingma Efeso. 13 Apvoctac sat ancoc lhip, jesantimquis sictalhnama apvinatem, malha poncho. Acpiquinaclhec alhta poncho ajac tingma Troas, ingyalhing Carpo tingma pac. Jesantimquis najan vaycajac ajancaoc najan ava alyiviy.
14 Apnec alhta Alejandro aptomja apquilticpam tava ápaoc. Avanjec alhta apmapsom. Eyimtalhnesquic alhta evalhoc. Visqui ingac sat eyanmongsiclha aptemaclha. 15 Ingyavojo sat lhip. Aptanovquic alhta Alejandro yoyam ongiltimnacsic tasic amyaa.
16 Am alhta jepasmac lhama ingyalhing napatavo apquilyimtalhnamo, naysicsa seyicpilquemo siclhoc anco. Elyinyovquic alhta aplhamoclhojo. Altamjoc coo yoyam meyanmongsiclhejec Dios apquiltemaclha alhta. 17 Epasmec alhta Visqui ingac, aptomja alhta seyimnatescama. Acsovjoquic siltimnascama tasic amyaa yoyam ellinga aplhamoclhojo enlhitaoc lhalhma anco. Evomcasquic tap Visqui ingac apnamcaclha cotnaja ingmoc, malha asoc navjac aclom setaclhama. 18 Jevomsic sat mocjam tap naysicsa ayasomquilha. Jemyoc sat yoyam jelhnesic apquilnancascama netin. Colhic sat mataa ayaco Visqui ingac cotmongvoycamlha nelha. Amén.
Aclhanma apvalhoc Pablo, yoyam epasmoc Dios
19 Inlhenquic evalhoc ingyalhing Aquila najan aptava Prisca, najan ingyalhing Onesíforo najan apmolhama. 20 Apnec tingma Corinto ingyalhing Erasto. Acmasca apyimpejic alhta Trófimo. Acyamyeclhec alhta ingyalhing Trófimo tingma Mileto. 21 Ipecjicsojo sat lhip, jetyaningvotamojo yicpintama ongvomoc piyam. Inlhenquic apquilvalhoc lhip ingyalhing Eubulo najan Pudente najan Lino najan Claudia najan aplhamoclhojo ingilyalhinga.
22 Altamjoc coo etnejic aplhalhma lhip Jesucristo Visqui ingac. Altamjoc yoyam epasmoc Dios Ingyapam aplhamoclhojo quellhip. Amén.
1 Actomjac coo siyanya lhip actemaclha siyasinaycam. Aplingac sicpayvam Dios najan Jesucristo yoyam evotac sat mocjam etnejic Apvisqui. Yoyam elyicpilcojoc sat enlhit apjalhnancaoc najan apquilmasquingvaycmo. 2 Illhicmos sat lhip tasic amyaa. Ilinlhanmojo sat apquiltimnascama naysicsa apquiljalhenmo enlhitaoc najan naysicsa meljalhenmo. Illhicmos sat yoyam melyascamejec enlhitaoc. Ipeyvescasiclha sat apquiltemaclha najan iyascasingvom enlhitaoc najan ilpamejitsacpojo. Ilinlhanmojo sat apquillhicmoscama acvamlha apmopvan. 3 Incovac sat acnim yoyam elvatsamcoc enlhitaoc apquiljalhenmo singillhicmoscama tasic amyaa. Etlhamcoc sat malha apquilpatmeycam. Poc sat eltingyamcoc apquillhicmoscama yoyam elaylhojo mataa amyaa actemaclha apquilmayjayoclha elaylhojo. 4 Elvonquepoc sat acyitnaclha singillhicmoscama actomja nasoc anco. Elyiplovcasojoc sat apquiltemaclha amyaa nano. 5 Itne sat lhip mataa apyascamco, mepqui acyeyjamelhma. Ilinmalhacpojo sat lhip acmasca. Ilinlhanmojo sat aptamjaycam aptimem lhip soycam amyaa yoyam elngacsic tasic amyaa.
6 Coo eyca actomjac quilhvo malha asoc ningmescama Dios yoyam omatong. Camquitvaac acnim yoyam omatong. 7 Pac oyitsic sictemaclha alhta mataa: Acvascapquic coo mataa, malha silnapomalhca, malha ningilyamasomalhca actemaclha carrera. Acvocmec coo actomjaclha nelha. Am olvatescacmoc actemaclha moyasquiyam. 8 Inpensalhquic acyanmongam yoyam olhcac sat acvisay actemaclha acpeyvomo ayinyema Dios. Jimquesic sat Visqui ingac acvocmo sat acnim. Visqui ingac aptomja singyicpilquemo appeyvomo. Jave sicvamlha coo yoyam olhcac acyanmongam. Ellhovac sat najan aplhamoclhojo apquiltomja apquiljalhanma apvoyctamlha naysicsa acpayjayclha apquilvalhoc.
Apcanama Pablo Timoteo
9 Ipecjicsojo sat lhip jetyaningvotamojo. 10 Eyinyovquic alhta ingyalhing Demas. Ayinyemaclha apquiltamjoc mataa asoc as nalhpop. Apmiyaclhec alhta tingma Tesalónica. Apmiyaclhec alhta ingyalhing Crescente yoclhilhma Galacia. Apmiyaclhec alhta ingyalhing Tito yoclhilhma Dalmacia. 11 Apvamlha ingyalhing Lucas apnac aso sicnaclha. Itne sat lhip aplhalhma ingyalhing Marcos. Iyantamenta sat aso. Apvanquic mataa jepasmoc naysicsa sictamjaycam. 12 Ayapajasquic alhta ingyalhing Tíquico tingma Efeso. 13 Apvoctac sat ancoc lhip, jesantimquis sictalhnama apvinatem, malha poncho. Acpiquinaclhec alhta poncho ajac tingma Troas, ingyalhing Carpo tingma pac. Jesantimquis najan vaycajac ajancaoc najan ava alyiviy.
14 Apnec alhta Alejandro aptomja apquilticpam tava ápaoc. Avanjec alhta apmapsom. Eyimtalhnesquic alhta evalhoc. Visqui ingac sat eyanmongsiclha aptemaclha. 15 Ingyavojo sat lhip. Aptanovquic alhta Alejandro yoyam ongiltimnacsic tasic amyaa.
16 Am alhta jepasmac lhama ingyalhing napatavo apquilyimtalhnamo, naysicsa seyicpilquemo siclhoc anco. Elyinyovquic alhta aplhamoclhojo. Altamjoc coo yoyam meyanmongsiclhejec Dios apquiltemaclha alhta. 17 Epasmec alhta Visqui ingac, aptomja alhta seyimnatescama. Acsovjoquic siltimnascama tasic amyaa yoyam ellinga aplhamoclhojo enlhitaoc lhalhma anco. Evomcasquic tap Visqui ingac apnamcaclha cotnaja ingmoc, malha asoc navjac aclom setaclhama. 18 Jevomsic sat mocjam tap naysicsa ayasomquilha. Jemyoc sat yoyam jelhnesic apquilnancascama netin. Colhic sat mataa ayaco Visqui ingac cotmongvoycamlha nelha. Amén.
Aclhanma apvalhoc Pablo, yoyam epasmoc Dios
19 Inlhenquic evalhoc ingyalhing Aquila najan aptava Prisca, najan ingyalhing Onesíforo najan apmolhama. 20 Apnec tingma Corinto ingyalhing Erasto. Acmasca apyimpejic alhta Trófimo. Acyamyeclhec alhta ingyalhing Trófimo tingma Mileto. 21 Ipecjicsojo sat lhip, jetyaningvotamojo yicpintama ongvomoc piyam. Inlhenquic apquilvalhoc lhip ingyalhing Eubulo najan Pudente najan Lino najan Claudia najan aplhamoclhojo ingilyalhinga.
22 Altamjoc coo etnejic aplhalhma lhip Jesucristo Visqui ingac. Altamjoc yoyam epasmoc Dios Ingyapam aplhamoclhojo quellhip. Amén.
