1 Etlhaoc sat quellhip aclhamoclhojo nintemaclha almasomcaa najan actemaclha ningyinimquiscama najan actemaclha anit ingilvalhoc najan actemaclha ningyasipquiscama najan actemaclha nintipquiscama apvisay ingmoc. 2 Elaylhojo amyaa acyitsomalhca: Dios appayvam actomja malha neme apyingmenic actamila anco. Eltingya sat quellhip mataa Dios appayvam, malha sicaa ayitcoc ayitamsama neme. Yoyam elyimnac sat quellhip yoyam najan elvomoc ningilvomsomalhquilha tap. 3 Apquilyasamcoc quellhip aptomja aptamila Visqui ingac, ayinyemaclha apquilyipconquic alhta quellhip.
Cristo aptomja malha mataymong comasquingvoyam
4 Moc amyaa acyitsomalhca. Elyoclha sat quellhip apnaclha Visqui ingac aptomja malha mataymong actomja acmamnave anco. 5 Ellhojo sat quellhip yatipjaymacaoc melmasquingvoyam. Dios sat ellanac malha tingma apponquinomap. Eltimjic sat quellhip Dios apquilancam. Eltimjic sat apquilpasmeyquiclha Jesucristo, malha apquilmescama quellhip asoc macmescama Dios, actemaclha apyisponcama. 6 Eycaso intomjac aclhanma actalhesomalhca:
Pac opquinic sat tingma Sión lhama mataymong.
Tingma apvojac sat cotnejic as mataymong.
Acponquinomalhca as mataymong najan acmamnave.
Am sat ancoc ongilyascacmoc, ongmiyovalhcac sat
—nic nat intomjac Dios appayvam.
7 Acmamnave anco as mataymong, ayinyemaclha melyasquiyam apquiltomja quellhip. Apquillhenacpe eyca apquiltomja apquilyasquiyam. Intomjac aclhanma actalhesomalhca:
Mataymong apquilyamasma alhta apquilaneycaoc tingma.
Inpiquenalhquic tingma apvojac actajescamaclha
—nic nat intomjac Dios appayvam.
8 Invocmec alhta nelha aclhanmaclha actalhesomalhca:
Acvisay mataymong yoyam cotlapongsic enlhitaoc,
najan yoyam collovquisic enlhitaoc
—nic nat intomjac Dios appayvam. Apquilpilapacmec as enlhitaoc, ayinyemaclha apquilyasquiyam tasic amyaa. Dios apcayinquiscamaclha apanco yoyam elpilapmoc as enlhitaoc.
Dios apmolhama
9 Quellhip apquiltomja Dios apquilyacyescama. Quellhip apquiltomja Dios apquilancam Visqui apmolhama. Quellhip apquiltomja enlhitaoc apquilponquinomap, apquiltomja Dios apmolhama. Apquiltamjoc Dios yoyam ellingacsic quellhip aptamjaycam sinpilapquiscama. Aptomja najan apquilanama quellhip yoyam elvatsamcoc quellhip apquileyvam naysicsa yatescamalhma yoyam elvomoc ayitsayoclhilhma actamila. 10 Intomjac nic nat apquillhenamap quellhip: Jave sicmolhama —nic nat aptomjac Dios. Quilhvo eyca apquiltomja quellhip Dios apmolhama. Najan moc aclhanma ilhnic nat: Mongvimlimoyc sat coo —nic nat aptomjac Dios. Quilhvo eyca aptomja apquimlaycmo quellhip.
Eltamilsacpojo apanco yoyam ellanam Dios
11 Quellhip elyalhinga. Quellhip apquiltomja malha maycaa apquileyvam cotnajaclha apquilaoclha as nalhpop. Actomjac coo silanya quellhip: Noelyejiclhojo nasa actemaclha ayitsepma ingnenyic, ayinyemaclha inquilnapalhquic mataa ingilvalhoc. 12 Eltamilsacpojo apanco nipyesicsa enlhit lhalhma anco. Ayinyemaclha inquilantipsalhquic mataa apquilvisay quellhip nipyesicsa apquilmopvancaa amyaa. Cotalhcac sat nipyesicsa maa actemaclha apquiltamilcasomacpo apanco quellhip. Eltimjic sat apquilayo Dios as enlhitaoc acvocmo sat acnim ningyicpilcomalhquilha.
13 Apquiltamjoc Visqui ingac yoyam elilyejiclhojo quellhip apquiltomja apquilyimtalhnamo nipyesicsa enlhitaoc. Apyimtalhnamo apanco aptomja apvisqui presidente. 14 Najan poc apquilviscaa apquiltomja apquilyimtalhnamo. Ayinyemaclha apquilapajasacpec mataa yoyam elyicpilhquetic enlhit apquilmapsomcaa yoyam najan colhic alaco enlhit apquiltamila. 15 Apquiltamjoc Dios yoyam eltamilsacpojo apanco quellhip. Apquilvitac sat ancoc enlhit apquilmapsomcaa elvatsamcoc sat actemaclha apquillhamasomap.
16 Naso, quellhip apquiltomja apquilvomsomap tap. Colapvanquejec quellhip elpocsic asoc almasomcaa naysicsa apquillhanma apquilvomsomap tap. Ayinyemaclha quellhip apquiltomja Dios apquilancam. 17 Eltamilsojo apquilvalhoc apquilvita inlhojo mataa poc. Elasicjojo ingilyalhinga. Elavojo Dios Ingyapam. Elavojo najan apvisqui presidente.
Actemaclha aplingaycamco acmasca Cristo
18 Actomjac coo silanya quellhip apquiltomja apquilancam: Elavojo najan elilyejiclhojo apquilviscaa apancaoc, apquiltomja apquiltamila najan apquiltomja apquilmapsomcaa. 19 Intasic onlingamcojoc alhto acmasca, ayinyemaclha nincoo ningiltomja ningilancam Dios. 20 Am cotamilo eyca ninlingaycamco acmasca ayinyema ningilsilhnanomalhca inganco. Apyispaqui eyca Dios apvita actemaclha ninlingaycamco acmasca ayinyema ningillanay asoc acpeyvomo. 21 Eycaso actomja apmayjayoclha Dios. Ayinyemaclha aplingamcoc alhta Cristo acmasca acyanmongam quellhip. Apquillhicmosquic alhta Cristo yoyam elvajanamcoc quellhip actema nac lha. 22 Am coyitnac lhama meyascalhma Cristo, am najan coyitnac lhama apmopvan amyaa. 23 Innec alhta acvinamcaa Cristo, am alhta eyca ingyatingmavoc. Aplingamcoc alhta acmasca, am alhta eyca elhenac yoyam eyanmongsiclha. Inlhenquic alhta eyca apvalhoc Dios aptomja appeyvomo, aptomja apquilyicpilquemo apquiltemaclha. 24 Appatmeclhec alhta apanco Cristo mongilyascalhma. Apyipitsacpec alhta asoc timyescama acyiplomo appatam mongilyascalhma. Ingilvatescasquic alhta mongilyascalhma yoyam ongiltimjic ningilpeyvomo naysicsa ningileyvam. Innec alhta alyimsasa apyimpejic yoyam eltamalvomoc quellhip. 25 Apquileyvec alhta quellhip malha nipquesic apquillhinganyam. Quilhvo eyca apquiltajingveclho quellhip. Apquilyoctamo apnaclha Cristo aptomja malha apquilancam nipquesic. Cristo aptomja apquiltamilquiscama apquilvalhoc quellhip.
1 Etlhaoc sat quellhip aclhamoclhojo nintemaclha almasomcaa najan actemaclha ningyinimquiscama najan actemaclha anit ingilvalhoc najan actemaclha ningyasipquiscama najan actemaclha nintipquiscama apvisay ingmoc. 2 Elaylhojo amyaa acyitsomalhca: Dios appayvam actomja malha neme apyingmenic actamila anco. Eltingya sat quellhip mataa Dios appayvam, malha sicaa ayitcoc ayitamsama neme. Yoyam elyimnac sat quellhip yoyam najan elvomoc ningilvomsomalhquilha tap. 3 Apquilyasamcoc quellhip aptomja aptamila Visqui ingac, ayinyemaclha apquilyipconquic alhta quellhip.
Cristo aptomja malha mataymong comasquingvoyam
4 Moc amyaa acyitsomalhca. Elyoclha sat quellhip apnaclha Visqui ingac aptomja malha mataymong actomja acmamnave anco. 5 Ellhojo sat quellhip yatipjaymacaoc melmasquingvoyam. Dios sat ellanac malha tingma apponquinomap. Eltimjic sat quellhip Dios apquilancam. Eltimjic sat apquilpasmeyquiclha Jesucristo, malha apquilmescama quellhip asoc macmescama Dios, actemaclha apyisponcama. 6 Eycaso intomjac aclhanma actalhesomalhca:
Pac opquinic sat tingma Sión lhama mataymong.
Tingma apvojac sat cotnejic as mataymong.
Acponquinomalhca as mataymong najan acmamnave.
Am sat ancoc ongilyascacmoc, ongmiyovalhcac sat
—nic nat intomjac Dios appayvam.
7 Acmamnave anco as mataymong, ayinyemaclha melyasquiyam apquiltomja quellhip. Apquillhenacpe eyca apquiltomja apquilyasquiyam. Intomjac aclhanma actalhesomalhca:
Mataymong apquilyamasma alhta apquilaneycaoc tingma.
Inpiquenalhquic tingma apvojac actajescamaclha
—nic nat intomjac Dios appayvam.
8 Invocmec alhta nelha aclhanmaclha actalhesomalhca:
Acvisay mataymong yoyam cotlapongsic enlhitaoc,
najan yoyam collovquisic enlhitaoc
—nic nat intomjac Dios appayvam. Apquilpilapacmec as enlhitaoc, ayinyemaclha apquilyasquiyam tasic amyaa. Dios apcayinquiscamaclha apanco yoyam elpilapmoc as enlhitaoc.
Dios apmolhama
9 Quellhip apquiltomja Dios apquilyacyescama. Quellhip apquiltomja Dios apquilancam Visqui apmolhama. Quellhip apquiltomja enlhitaoc apquilponquinomap, apquiltomja Dios apmolhama. Apquiltamjoc Dios yoyam ellingacsic quellhip aptamjaycam sinpilapquiscama. Aptomja najan apquilanama quellhip yoyam elvatsamcoc quellhip apquileyvam naysicsa yatescamalhma yoyam elvomoc ayitsayoclhilhma actamila. 10 Intomjac nic nat apquillhenamap quellhip: Jave sicmolhama —nic nat aptomjac Dios. Quilhvo eyca apquiltomja quellhip Dios apmolhama. Najan moc aclhanma ilhnic nat: Mongvimlimoyc sat coo —nic nat aptomjac Dios. Quilhvo eyca aptomja apquimlaycmo quellhip.
Eltamilsacpojo apanco yoyam ellanam Dios
11 Quellhip elyalhinga. Quellhip apquiltomja malha maycaa apquileyvam cotnajaclha apquilaoclha as nalhpop. Actomjac coo silanya quellhip: Noelyejiclhojo nasa actemaclha ayitsepma ingnenyic, ayinyemaclha inquilnapalhquic mataa ingilvalhoc. 12 Eltamilsacpojo apanco nipyesicsa enlhit lhalhma anco. Ayinyemaclha inquilantipsalhquic mataa apquilvisay quellhip nipyesicsa apquilmopvancaa amyaa. Cotalhcac sat nipyesicsa maa actemaclha apquiltamilcasomacpo apanco quellhip. Eltimjic sat apquilayo Dios as enlhitaoc acvocmo sat acnim ningyicpilcomalhquilha.
13 Apquiltamjoc Visqui ingac yoyam elilyejiclhojo quellhip apquiltomja apquilyimtalhnamo nipyesicsa enlhitaoc. Apyimtalhnamo apanco aptomja apvisqui presidente. 14 Najan poc apquilviscaa apquiltomja apquilyimtalhnamo. Ayinyemaclha apquilapajasacpec mataa yoyam elyicpilhquetic enlhit apquilmapsomcaa yoyam najan colhic alaco enlhit apquiltamila. 15 Apquiltamjoc Dios yoyam eltamilsacpojo apanco quellhip. Apquilvitac sat ancoc enlhit apquilmapsomcaa elvatsamcoc sat actemaclha apquillhamasomap.
16 Naso, quellhip apquiltomja apquilvomsomap tap. Colapvanquejec quellhip elpocsic asoc almasomcaa naysicsa apquillhanma apquilvomsomap tap. Ayinyemaclha quellhip apquiltomja Dios apquilancam. 17 Eltamilsojo apquilvalhoc apquilvita inlhojo mataa poc. Elasicjojo ingilyalhinga. Elavojo Dios Ingyapam. Elavojo najan apvisqui presidente.
Actemaclha aplingaycamco acmasca Cristo
18 Actomjac coo silanya quellhip apquiltomja apquilancam: Elavojo najan elilyejiclhojo apquilviscaa apancaoc, apquiltomja apquiltamila najan apquiltomja apquilmapsomcaa. 19 Intasic onlingamcojoc alhto acmasca, ayinyemaclha nincoo ningiltomja ningilancam Dios. 20 Am cotamilo eyca ninlingaycamco acmasca ayinyema ningilsilhnanomalhca inganco. Apyispaqui eyca Dios apvita actemaclha ninlingaycamco acmasca ayinyema ningillanay asoc acpeyvomo. 21 Eycaso actomja apmayjayoclha Dios. Ayinyemaclha aplingamcoc alhta Cristo acmasca acyanmongam quellhip. Apquillhicmosquic alhta Cristo yoyam elvajanamcoc quellhip actema nac lha. 22 Am coyitnac lhama meyascalhma Cristo, am najan coyitnac lhama apmopvan amyaa. 23 Innec alhta acvinamcaa Cristo, am alhta eyca ingyatingmavoc. Aplingamcoc alhta acmasca, am alhta eyca elhenac yoyam eyanmongsiclha. Inlhenquic alhta eyca apvalhoc Dios aptomja appeyvomo, aptomja apquilyicpilquemo apquiltemaclha. 24 Appatmeclhec alhta apanco Cristo mongilyascalhma. Apyipitsacpec alhta asoc timyescama acyiplomo appatam mongilyascalhma. Ingilvatescasquic alhta mongilyascalhma yoyam ongiltimjic ningilpeyvomo naysicsa ningileyvam. Innec alhta alyimsasa apyimpejic yoyam eltamalvomoc quellhip. 25 Apquileyvec alhta quellhip malha nipquesic apquillhinganyam. Quilhvo eyca apquiltajingveclho quellhip. Apquilyoctamo apnaclha Cristo aptomja malha apquilancam nipquesic. Cristo aptomja apquiltamilquiscama apquilvalhoc quellhip.
