Acyamay olhma acvanyam
1 Avanjec nic nat acyamay olhma. Aptomjac nic nat Visqui ingac apcanya Jeremías:
2 Apquilyapcalhquic co Judá ayinyema acmayovsa apquilvalhoc. Apnam nalhpop enlhitaoc apquiliclhangveycam. Apquilpalhamam co Jerusalén, yoyam elpasingvotac poc.
3 Apquilapajasquic enlhit acma apquilnatam elyajangvomoc apquilancam. Apquilvita eyca mepqui avalhaoc yamyamilquit. Apquilvoctac mocjam mepqui yingmin naysicsa apquilmancactama. Apquilajapcasquic napataa apquilvactama.
4 Apquilajapcasquic napataa enlhit apnaycam amyip, ayinyema mepqui yingmin acmamay, acyivey anco acyamay olhma.
5 Apyinyovacpec mataa popyit apquitcoc, ayinyema metay aptom popyit apyapmoc.
6 Inquilyancac netin inquilhe yamelyeyjaycoc navjac, mepqui alvitay actoycaoc. Inquilyovsec maa (inquilquinimquic) mepqui actoycaoc, acno chacales yamvavo — alhta aptomjac Visqui ingac.
Apquilmalhnancama profeta
7 Aptomjac nic nat profeta: Lhip Visqui ingac, ningilmasom nincoo ayinyema mongilyascalhma. Avanjec alhta mataa nintemaclha inganco ningilinmelhaycam lhip, jingilasicjiclhojo sat mocjam.
8 Lhip Visqui ingac aptomja singvomquiscama tap naysicsa ninlingaycamco acyimtalhnama, ningiljalhnec mataa lhip. Lhip aptomjaclha malha maycaa apvoy ningyesicsa, yoyam elhic lhama alhtaa, malha metnaja nintemolhama, ¿so actomja yi?
9 ¿Naso ya lhquip malha enlhit mepqui apyimtalhnamo, najan malha acma apquilmaycam mepqui singilpasmom? Ayinayc coo paj. Lhip Visqui ingac apna mataa ningyesicsa. ¡Lhip aptomja apyascamco ningilvisay lhip enlhit apancaoc! Nojingilyinyov nincoo — nic nat aptomjac profeta.
Apcanyomap profeta
10 Aptomjac alhta Visqui ingac apquilanyacpo israelitas: Apquilaycmascam as enlhitaoc acma anit apquilvalhoc. Am colcac evalhoc apquiltemaclha apancaoc. Mongvasicjiclhejec sat mocjam, pac oyanmongsiclhac sat apquiltemaclha apancaoc — alhta aptomjac Visqui ingac.
11 Aptomjac alhta seyanya Dios: Nolmalhnesquis nasa as enlhitaoc. 12 Mongvaylhojoc sat selmalhnaycam enlhit, sicvita inlhojo mepqui aptoycaoc apquilmalhnancama. Sicvita inlhojo asoc acticyovam selmescama coo acyanmongam melyascalhma. Sicvita inlhojo selmescama trigo apactic, mongvasicjejec sat maa. Onatovacsic sat enlhitaoc, eticyoc sat apquilimpocjay, colnapoc sat mayic, colnapoc sat ningmasquem — alhta aptomjac.
13 Ayatingmavoc alhta coo: Lhip Dios. Apquillingasquic alhta amyaa profetas nipyesicsa enlhitaoc, yoyam melvityejec sat apquilimpocjay cotnaja ingmoc, melvityejec sat mayic alnapma, colhic sat actamilaycam apquilvalhoc enlhitaoc cotmongvoycamlha nelha — alhta actomjac coo.
14 Aptomjac alhta Dios seyanya coo: Yitne inyicje apquillingascama sicvisay profetas, apquiltomja eyca apquilmopvan amyaa. Jave coo alhta silapajascama, mepqui siyanama, mepqui sicpamejitquiscama. Apquilyinimcasquic mataa acvitay apquilvanmoncama, apquiltomja apquilpayvam apancaoc apquillingascama as profetas. 15 Coo sicvisay Dios Visqui apancaoc, olhenic sat apquiltemaclha profetas apquillingascama sicvisay mepqui silapajascama coo. Yitnec apquillingascama amyaa mepqui apquilimpocjay, mepqui mayic ataoc as yoclhilhma. Eticyoc sat profetas naysicsa apquilimpocjay cotnaja ingmoc najan naysicsa mayic ataoc. 16 Apquiljalhnoc enlhitaoc as amyaa, eticyoc sat naysicsa apquilimpocjay najan naysicsa mayic ataoc. Coticyoc sat najan quilvanaa najan ayitquic. Elyinyovasacpoc sat apjapaoc apvalhoc tingma Jerusalén, melatoynacpejec sat maa. Sat cotnejic acyanmongayclha apquiltemaclha apancaoc — alhta aptomjac Dios. 17 Itne sat lhip elanic enlhitaoc:
Oliclhangvomoc sat acnim anco najan alhtaa, cotmongvoyam nelha. Sicvita inlhojo apquillingaycamco acyimtalhnama enlhitaoc ajanco. Sicvita inlhojo apquilyimsem alyivey apyimpeoc enlhitaoc — sat itne elanic.
18 Acvitac coo amyip, metlaycaoc apjapaoc maa, ayinyema apquilimpocjay cotnaja ingmoc. Sicvita inlhojo mayic ataoc natingma, - apquilitsepquic maa. Apquilmiyaclhec moc yoclhilhma profetas najan sacerdotes, am elyasamcoc as yoclhilhma — alhta aptomjac seyanya — nic nat aptomjac profeta.
Apquilmalhnesquiscama profeta
19 Aptomjac nic nat profeta: Dios, ¿naso ya lhquip enatovacsic apquilmolhama Judá? ¿Incastinqui ya lhquip apquilaneyo apquiltemaclha co Sión? ¿So actomja yi singilnapma nac lhip? Ningiljalhnec mataa singaycaoc alinyema lhip, paj alhta ongvitac mataa. Ningiljalhnec mataa sintamilquisquiyam, ningvita eyca ayay ingvalhoc.
20 Dios, inyitnec ingatic nintemaclha inganco acmasom. Inyitnec ingatic apquiltemaclha apquilsilhnanomap apanco ningilyeyjamcaa. Inyitnec ingatic ningilinmelhaycam lhip, ningilsilhnanomalhca inganco.
21 Nojingiltovas nasa nincoo, yoyam colhic ayaco lhip apvisay. Notne nasa apvenneycam tingma, acyitnamaclha lhip aptajanem mayayo. Coyitnam apatic lhip pacto ningmiyovmalhca ningyesicsa, notne nasa apyeycajascaoc.
22 Paj coyitnac lhama quilaycmasquiscama acmovan cotnesquisic acmamay. Paj covanac netin cotnesquisic acmamay mepqui lhip. Lhip Dios Visqui ingac. Apmopvan innac lhip ellanac aclhamoclhojo asoc, yoyam jingilmecsic nincoo. Ningiljalhnec mataa lhip, yoyam jingilmeyvoc nincoo — nic nat aptomjac profeta.
Acyamay olhma acvanyam
1 Avanjec nic nat acyamay olhma. Aptomjac nic nat Visqui ingac apcanya Jeremías:
2 Apquilyapcalhquic co Judá ayinyema acmayovsa apquilvalhoc. Apnam nalhpop enlhitaoc apquiliclhangveycam. Apquilpalhamam co Jerusalén, yoyam elpasingvotac poc.
3 Apquilapajasquic enlhit acma apquilnatam elyajangvomoc apquilancam. Apquilvita eyca mepqui avalhaoc yamyamilquit. Apquilvoctac mocjam mepqui yingmin naysicsa apquilmancactama. Apquilajapcasquic napataa apquilvactama.
4 Apquilajapcasquic napataa enlhit apnaycam amyip, ayinyema mepqui yingmin acmamay, acyivey anco acyamay olhma.
5 Apyinyovacpec mataa popyit apquitcoc, ayinyema metay aptom popyit apyapmoc.
6 Inquilyancac netin inquilhe yamelyeyjaycoc navjac, mepqui alvitay actoycaoc. Inquilyovsec maa (inquilquinimquic) mepqui actoycaoc, acno chacales yamvavo — alhta aptomjac Visqui ingac.
Apquilmalhnancama profeta
7 Aptomjac nic nat profeta: Lhip Visqui ingac, ningilmasom nincoo ayinyema mongilyascalhma. Avanjec alhta mataa nintemaclha inganco ningilinmelhaycam lhip, jingilasicjiclhojo sat mocjam.
8 Lhip Visqui ingac aptomja singvomquiscama tap naysicsa ninlingaycamco acyimtalhnama, ningiljalhnec mataa lhip. Lhip aptomjaclha malha maycaa apvoy ningyesicsa, yoyam elhic lhama alhtaa, malha metnaja nintemolhama, ¿so actomja yi?
9 ¿Naso ya lhquip malha enlhit mepqui apyimtalhnamo, najan malha acma apquilmaycam mepqui singilpasmom? Ayinayc coo paj. Lhip Visqui ingac apna mataa ningyesicsa. ¡Lhip aptomja apyascamco ningilvisay lhip enlhit apancaoc! Nojingilyinyov nincoo — nic nat aptomjac profeta.
Apcanyomap profeta
10 Aptomjac alhta Visqui ingac apquilanyacpo israelitas: Apquilaycmascam as enlhitaoc acma anit apquilvalhoc. Am colcac evalhoc apquiltemaclha apancaoc. Mongvasicjiclhejec sat mocjam, pac oyanmongsiclhac sat apquiltemaclha apancaoc — alhta aptomjac Visqui ingac.
11 Aptomjac alhta seyanya Dios: Nolmalhnesquis nasa as enlhitaoc. 12 Mongvaylhojoc sat selmalhnaycam enlhit, sicvita inlhojo mepqui aptoycaoc apquilmalhnancama. Sicvita inlhojo asoc acticyovam selmescama coo acyanmongam melyascalhma. Sicvita inlhojo selmescama trigo apactic, mongvasicjejec sat maa. Onatovacsic sat enlhitaoc, eticyoc sat apquilimpocjay, colnapoc sat mayic, colnapoc sat ningmasquem — alhta aptomjac.
13 Ayatingmavoc alhta coo: Lhip Dios. Apquillingasquic alhta amyaa profetas nipyesicsa enlhitaoc, yoyam melvityejec sat apquilimpocjay cotnaja ingmoc, melvityejec sat mayic alnapma, colhic sat actamilaycam apquilvalhoc enlhitaoc cotmongvoycamlha nelha — alhta actomjac coo.
14 Aptomjac alhta Dios seyanya coo: Yitne inyicje apquillingascama sicvisay profetas, apquiltomja eyca apquilmopvan amyaa. Jave coo alhta silapajascama, mepqui siyanama, mepqui sicpamejitquiscama. Apquilyinimcasquic mataa acvitay apquilvanmoncama, apquiltomja apquilpayvam apancaoc apquillingascama as profetas. 15 Coo sicvisay Dios Visqui apancaoc, olhenic sat apquiltemaclha profetas apquillingascama sicvisay mepqui silapajascama coo. Yitnec apquillingascama amyaa mepqui apquilimpocjay, mepqui mayic ataoc as yoclhilhma. Eticyoc sat profetas naysicsa apquilimpocjay cotnaja ingmoc najan naysicsa mayic ataoc. 16 Apquiljalhnoc enlhitaoc as amyaa, eticyoc sat naysicsa apquilimpocjay najan naysicsa mayic ataoc. Coticyoc sat najan quilvanaa najan ayitquic. Elyinyovasacpoc sat apjapaoc apvalhoc tingma Jerusalén, melatoynacpejec sat maa. Sat cotnejic acyanmongayclha apquiltemaclha apancaoc — alhta aptomjac Dios. 17 Itne sat lhip elanic enlhitaoc:
Oliclhangvomoc sat acnim anco najan alhtaa, cotmongvoyam nelha. Sicvita inlhojo apquillingaycamco acyimtalhnama enlhitaoc ajanco. Sicvita inlhojo apquilyimsem alyivey apyimpeoc enlhitaoc — sat itne elanic.
18 Acvitac coo amyip, metlaycaoc apjapaoc maa, ayinyema apquilimpocjay cotnaja ingmoc. Sicvita inlhojo mayic ataoc natingma, - apquilitsepquic maa. Apquilmiyaclhec moc yoclhilhma profetas najan sacerdotes, am elyasamcoc as yoclhilhma — alhta aptomjac seyanya — nic nat aptomjac profeta.
Apquilmalhnesquiscama profeta
19 Aptomjac nic nat profeta: Dios, ¿naso ya lhquip enatovacsic apquilmolhama Judá? ¿Incastinqui ya lhquip apquilaneyo apquiltemaclha co Sión? ¿So actomja yi singilnapma nac lhip? Ningiljalhnec mataa singaycaoc alinyema lhip, paj alhta ongvitac mataa. Ningiljalhnec mataa sintamilquisquiyam, ningvita eyca ayay ingvalhoc.
20 Dios, inyitnec ingatic nintemaclha inganco acmasom. Inyitnec ingatic apquiltemaclha apquilsilhnanomap apanco ningilyeyjamcaa. Inyitnec ingatic ningilinmelhaycam lhip, ningilsilhnanomalhca inganco.
21 Nojingiltovas nasa nincoo, yoyam colhic ayaco lhip apvisay. Notne nasa apvenneycam tingma, acyitnamaclha lhip aptajanem mayayo. Coyitnam apatic lhip pacto ningmiyovmalhca ningyesicsa, notne nasa apyeycajascaoc.
22 Paj coyitnac lhama quilaycmasquiscama acmovan cotnesquisic acmamay. Paj covanac netin cotnesquisic acmamay mepqui lhip. Lhip Dios Visqui ingac. Apmopvan innac lhip ellanac aclhamoclhojo asoc, yoyam jingilmecsic nincoo. Ningiljalhnec mataa lhip, yoyam jingilmeyvoc nincoo — nic nat aptomjac profeta.
