Mocjam apyimnatem apanco Sansón
1 Nalhit acnim nic nat apmiyaclho tingma Gaza Sansón. Apvitac nic nat quilvana alanatama. Aptalhnec nic nat tingma ac, yoyam eyitnamoc lhama as quilvana. 2 Inlingalhquic nic nat natingma apvoy Sansón. Apquilvocjingvocmec nic nat as tingma filisteos. Apquiltamilcasquic nic nat apatnaoc tingma apvanyam. Mepqui ilhnic nat amyaa alhtaa. Apquililtamjoc elajic Sansón secá sat. 3 Aplhaticjac nic nat Sansón alhtaa aysicso, am etenac mocjam. Apquiljalhyovasquic nic nat atong acyivey, acyiplomo poste najan yamit acyimnatescama atong. Appatmaoclhec nic nat acyovoclhojo netin inquilhe, payjoc jilip tingma Hebrón.
Quilvana acvisay Dalila
4 Inlicavoc nic nat apvalhoc Sansón lhama quilvana acvisay Dalila. Tingma ac nic nat alvata Sorec. 5 Apquilmiyalhec nic nat apquilyimtalhnamo filisteos acnaclha Dalila.
Apquiltomjac nic nat apquilanya: —Colinlhanmojo lhiya coyasamcojo ayinyemayaclha apyimnatem apanco Sansón. Coyasamcojo actemaclha yoyam ongilmoc najan ongilpilhtetic Sansón. Colhic sat acmesa lhiya acyanmongam. Moclhama nincoo ongilmecsic mil cien plata solyayem alyivey — nic nat apquiltomjac.
6 Intomjac nic nat quilvana ayanya Sansón: —Tasi inyicje jeltimnacsic ayinyemayaclha lhip apyimnatem apanco. ¿Ingvanqui ya ongilpilhtetic lhip, comopvan lhip eyitipsic tama? — nic nat intomjac.
7 Apcatingmavoc nic nat Sansón: —Elpilhtetquic sat ancoc pilhpaalh aplhataoc alhnancaoc. Comascoc sat sictemaclha sicyimnatem. Olhojoc sat poc enlhit mepqui apyimnatem — nic nat aptomjac.
8 Apquilsantimcasquic nic nat siete aplhataoc alhnancaoc enlhit apquilyimtalhnamo. Innec nic nat acmesa Dalila. Yiplovcoc nic nat acpilhtetem apectengaoc Sansón. 9 Apquilyilhacpoc nic nat napocja filisteos as tingma.
Inyimnatasquic nic nat acpayvam Dalila: —Sansón, ¡quimpocjacme filisteos! — nic nat intomjac quilvana.
Apyitipcasquic nic nat Sansón aplhataoc alhnancaoc, malha tama ayitcoc acmeta intomjac. Am nic nat elyasingvocmoc filisteos, ayinyemayaclha apyimnatem apanco Sansón.
10 Intomjac nic nat Dalila ayanya: —¡Eyinimcasqui nac lhip! ¡Apmopvan amyaa nac lhip! Tasi inyicje jeltimnacsic lhip quilhvo nac jay, actemaclha yoyam ongilpilhtetic lhip — nic nat intomjac.
11 Apcatingmavoc nic nat Sansón: —Elpilhtetquic sat ancoc tama alhnancoc quilhva alanamalhca. Comascoc sat sictemaclha sicyimnatem. Olhojoc sat poc enlhit mepqui apyimnatem — nic nat aptomjac.
12 Intingyac nic nat Dalila tama alhnancoc. Yiplovcoc nic nat acpilhtetem apectengaoc Sansón.
Inyimnatasquic nic nat acpayvam Dalila: —Sansón, ¡quimpocjacme filisteos! — nic nat intomjac.
Apquilyilhacpoc nic nat napocja filisteos as tingma. Apyitipcasquic nic nat tama alhnancaoc Sansón, malha tama ayitcoc intomjac.
13 Intomjac nic nat Dalila ayanya Sansón: —¡Eyinimcasqui nac lhip! ¡Apmopvan amyaa nac lhip! Jeltimnas sat actemaclha yoyam ongilpilhtetic lhip — nic nat intomjac quilvana.
Apcatingmavoc nic nat Sansón: —Copilhtejit sat eva tama acnilhpongam. Coyipitquis sat nalhpop yamit acnilhpongamaclha. Comascoc sat sicyimnatem. Olhojoc sat poc enlhit mepqui apyimnatem.
Intimescasquic nic nat Dalila etyinic Sansón. Impilhtitquic nic nat apva tama acnilhpongam. 14 Inyiplhaquic nic nat nalhpop yamit acnilhpongamaclha.
Inyimnatasquic nic nat acpayvam Dalila: —Sansón, ¡quimpocjacme filisteos! — nic nat intomjac.
Aplhaticjac nic nat Sansón. Apliquic nic nat yamit acyiplhalhem nalhpop.
15 Intomjac nic nat Dalila ayanya: —Apmopvan amyaa nac lhip. ¡Mepqui seyasicjayo nac lhip! Natqui intomjac seyinimquiscama lhip. Am jeltimnasac mocjam ayinyemayaclha apyimnatem apanco lhip — nic nat intomjac.
16 Inquilinlhanacmec nic nat Dalila almalhnaycam moclhama hora. Incastinquic nic nat Sansón actemaclha alinlhanyam quilvana. Inlhenquic nic nat apvalhoc ingyitsapoc.
17 Am nic nat emyavac mocjam actemaclha acyilhamalhca Sansón. Aptomjac nic nat apcanya Dalila: —Am jetingyascasac mocjam sicyisem ayenmo sictiyaycamlha. Sicvisay nazareo, sicponquinomalhca ayinyema Dios. Natamin sicyisem, comascoc sat sicyimnatem. Olhojoc sat poc enlhit mepqui apyimnatem — nic nat aptomjac.
18 Am nic nat coyascacmoc Dalila actomja nasoc anco aplhanma Sansón. Incapajasquic nic nat colhic altimnasa apquilyimtalhnamo filisteos: —¡Elvota sicnaclha quellhip! Eltimnasquic lhac Sansón asoc acyilhamalhca — nic nat intomjac.
Apquilmiyantac nic nat apquilyimtalhnamo, acyiplomo plata solyayem acyanmongam.
19 Intimescasquic nic nat Dalila etyinic Sansón. Inyitnec nic nat apcatic ayinlhaclha quilvana. Innec nic nat altimnasa lhama enlhit, eyatemenic siete apquilhyescama apva apyitsicsic Sansón.
20 Intomjac nic nat Dalila acyimnatesa acpayvam: —Sansón, ¡quimpocjacme filisteos! — nic nat intomjac.
Aplhaticjac nic nat Sansón. Apcanayquic nic nat mocjam apyimnatem Sansón. Am nic nat eyasamcoc aptomja apyamasma Dios, aptomjayclho mepqui apyimnatem. 21 Apquilpatjetquic nic nat filisteos. Apquilyiplhaquic nic nat apataoc, aptomjayclho mepqui apataoc Sansón. Apquilyantamaclhec nic nat tingma Gaza apquilalhimcasa singilpilhtetamaclha. Appilhtetacpec nic nat cadenas. Apcanyacpec nic nat etnajam alanomalhquilha trigo apnic. 22 Apvitac nic nat acvoncayclho mocjam apva Sansón.
Apquitsepma Sansón
23 Apcaneclhec nic nat apquilyimtalhnamo filisteos, yoyam ellana fiesta acvanyam. Eltimjic sat fiesta macmescama asoc quilaycmasquiscama acyitsomalhca dios, acvisay Dagón. Apquilminaycmasquic nic nat apquilayo quilaycmasquiscama:
Apmacpec cotnaja ingmoc, singmescama Dagón acyitsomalhca dios.
Apmacpec cotnaja ingmoc Sansón — nic nat intomjac apquilminaycmascama.
24 Apquilvitac nic nat enlhitaoc, apquiltomjac apquilayo:
Apmacpec cotnaja ingmoc, singmescama Dagón acyitsomalhca dios.
Apmacpec cotnaja ingmoc, Sansón.
Aptovascama alhta ayimjaclha ninganma.
Apquilnapquic alhta ingnaymacoc appintalhnama — nic nat intomjac apquilpayvam.
25 Apquilitsovasoc nic nat filisteos. Apquililtamjoc nic nat elasmacsic Sansón. Aptipsacpec nic nat singilpilhtetomaclha. Apquinimsacpec nic nat naysicsa poste alyivey coning tingma.
26 Aptomjac nic nat Sansón apcanya apyimnanic, aptomja apyantamayclha mepqui apataoc: —Jeyantemiclha payjoc poste alvinatem coning tingma templo, omamcoc siclho — nic nat aptomjac Sansón.
27 Apcaneclhec nic nat congne tingma templo aplhamoclhojo apquilyimtalhnamo najan enlhitaoc najan quilvanaa. Apnam nic nat netin tingma malha tres mil filisteos. Apquilanoc nic nat actemaclha mactovascama Sansón. 28 Apquilmalhnaquic nic nat Sansón Dios Apyimtalhnamo, apyimnatesa appayvam: Jepasim coo. Lhama mocjam jeyimnaticsojo coo. Oyanmongsiclhac sat apquiltemaclha apancaoc filisteos. Ayinyema alhta mepqui ejataoc — nic nat aptomjac. 29 Appacningvocmec nic nat anit poste alvinatem Sansón. Apmamquic nic nat, apyimnatesa appayvam: 30 —¡Ongvitsapojoc lhama cotnaja ingmoc filisteos! — nic nat aptomjac.
Apyimnatasquic nic nat apyaninquisa apyovoclhojo tingma templo apnamcaclha apquilyimtalhnamo najan apnaymacoc filisteos. Apquilitsepquic nic nat appintalhnama. Am nic nat elhno apticyovam siclho naysicsa aptiyascam Sansón.
31 Apquilvoctac nic nat apquilmolhama Sansón. Apquilpatmaoclhec nic nat apquitsepma, elatoynic payjoc tingma Zora, nicja Estaol. Avalhoc mataymong nic nat, actomja apanco apyap Manoa. Apyimtalhnamo ilhnic nat Sansón nipyesicsa enlhitaoc Israel acvaycmo veinte años.
Mocjam apyimnatem apanco Sansón
1 Nalhit acnim nic nat apmiyaclho tingma Gaza Sansón. Apvitac nic nat quilvana alanatama. Aptalhnec nic nat tingma ac, yoyam eyitnamoc lhama as quilvana. 2 Inlingalhquic nic nat natingma apvoy Sansón. Apquilvocjingvocmec nic nat as tingma filisteos. Apquiltamilcasquic nic nat apatnaoc tingma apvanyam. Mepqui ilhnic nat amyaa alhtaa. Apquililtamjoc elajic Sansón secá sat. 3 Aplhaticjac nic nat Sansón alhtaa aysicso, am etenac mocjam. Apquiljalhyovasquic nic nat atong acyivey, acyiplomo poste najan yamit acyimnatescama atong. Appatmaoclhec nic nat acyovoclhojo netin inquilhe, payjoc jilip tingma Hebrón.
Quilvana acvisay Dalila
4 Inlicavoc nic nat apvalhoc Sansón lhama quilvana acvisay Dalila. Tingma ac nic nat alvata Sorec. 5 Apquilmiyalhec nic nat apquilyimtalhnamo filisteos acnaclha Dalila.
Apquiltomjac nic nat apquilanya: —Colinlhanmojo lhiya coyasamcojo ayinyemayaclha apyimnatem apanco Sansón. Coyasamcojo actemaclha yoyam ongilmoc najan ongilpilhtetic Sansón. Colhic sat acmesa lhiya acyanmongam. Moclhama nincoo ongilmecsic mil cien plata solyayem alyivey — nic nat apquiltomjac.
6 Intomjac nic nat quilvana ayanya Sansón: —Tasi inyicje jeltimnacsic ayinyemayaclha lhip apyimnatem apanco. ¿Ingvanqui ya ongilpilhtetic lhip, comopvan lhip eyitipsic tama? — nic nat intomjac.
7 Apcatingmavoc nic nat Sansón: —Elpilhtetquic sat ancoc pilhpaalh aplhataoc alhnancaoc. Comascoc sat sictemaclha sicyimnatem. Olhojoc sat poc enlhit mepqui apyimnatem — nic nat aptomjac.
8 Apquilsantimcasquic nic nat siete aplhataoc alhnancaoc enlhit apquilyimtalhnamo. Innec nic nat acmesa Dalila. Yiplovcoc nic nat acpilhtetem apectengaoc Sansón. 9 Apquilyilhacpoc nic nat napocja filisteos as tingma.
Inyimnatasquic nic nat acpayvam Dalila: —Sansón, ¡quimpocjacme filisteos! — nic nat intomjac quilvana.
Apyitipcasquic nic nat Sansón aplhataoc alhnancaoc, malha tama ayitcoc acmeta intomjac. Am nic nat elyasingvocmoc filisteos, ayinyemayaclha apyimnatem apanco Sansón.
10 Intomjac nic nat Dalila ayanya: —¡Eyinimcasqui nac lhip! ¡Apmopvan amyaa nac lhip! Tasi inyicje jeltimnacsic lhip quilhvo nac jay, actemaclha yoyam ongilpilhtetic lhip — nic nat intomjac.
11 Apcatingmavoc nic nat Sansón: —Elpilhtetquic sat ancoc tama alhnancoc quilhva alanamalhca. Comascoc sat sictemaclha sicyimnatem. Olhojoc sat poc enlhit mepqui apyimnatem — nic nat aptomjac.
12 Intingyac nic nat Dalila tama alhnancoc. Yiplovcoc nic nat acpilhtetem apectengaoc Sansón.
Inyimnatasquic nic nat acpayvam Dalila: —Sansón, ¡quimpocjacme filisteos! — nic nat intomjac.
Apquilyilhacpoc nic nat napocja filisteos as tingma. Apyitipcasquic nic nat tama alhnancaoc Sansón, malha tama ayitcoc intomjac.
13 Intomjac nic nat Dalila ayanya Sansón: —¡Eyinimcasqui nac lhip! ¡Apmopvan amyaa nac lhip! Jeltimnas sat actemaclha yoyam ongilpilhtetic lhip — nic nat intomjac quilvana.
Apcatingmavoc nic nat Sansón: —Copilhtejit sat eva tama acnilhpongam. Coyipitquis sat nalhpop yamit acnilhpongamaclha. Comascoc sat sicyimnatem. Olhojoc sat poc enlhit mepqui apyimnatem.
Intimescasquic nic nat Dalila etyinic Sansón. Impilhtitquic nic nat apva tama acnilhpongam. 14 Inyiplhaquic nic nat nalhpop yamit acnilhpongamaclha.
Inyimnatasquic nic nat acpayvam Dalila: —Sansón, ¡quimpocjacme filisteos! — nic nat intomjac.
Aplhaticjac nic nat Sansón. Apliquic nic nat yamit acyiplhalhem nalhpop.
15 Intomjac nic nat Dalila ayanya: —Apmopvan amyaa nac lhip. ¡Mepqui seyasicjayo nac lhip! Natqui intomjac seyinimquiscama lhip. Am jeltimnasac mocjam ayinyemayaclha apyimnatem apanco lhip — nic nat intomjac.
16 Inquilinlhanacmec nic nat Dalila almalhnaycam moclhama hora. Incastinquic nic nat Sansón actemaclha alinlhanyam quilvana. Inlhenquic nic nat apvalhoc ingyitsapoc.
17 Am nic nat emyavac mocjam actemaclha acyilhamalhca Sansón. Aptomjac nic nat apcanya Dalila: —Am jetingyascasac mocjam sicyisem ayenmo sictiyaycamlha. Sicvisay nazareo, sicponquinomalhca ayinyema Dios. Natamin sicyisem, comascoc sat sicyimnatem. Olhojoc sat poc enlhit mepqui apyimnatem — nic nat aptomjac.
18 Am nic nat coyascacmoc Dalila actomja nasoc anco aplhanma Sansón. Incapajasquic nic nat colhic altimnasa apquilyimtalhnamo filisteos: —¡Elvota sicnaclha quellhip! Eltimnasquic lhac Sansón asoc acyilhamalhca — nic nat intomjac.
Apquilmiyantac nic nat apquilyimtalhnamo, acyiplomo plata solyayem acyanmongam.
19 Intimescasquic nic nat Dalila etyinic Sansón. Inyitnec nic nat apcatic ayinlhaclha quilvana. Innec nic nat altimnasa lhama enlhit, eyatemenic siete apquilhyescama apva apyitsicsic Sansón.
20 Intomjac nic nat Dalila acyimnatesa acpayvam: —Sansón, ¡quimpocjacme filisteos! — nic nat intomjac.
Aplhaticjac nic nat Sansón. Apcanayquic nic nat mocjam apyimnatem Sansón. Am nic nat eyasamcoc aptomja apyamasma Dios, aptomjayclho mepqui apyimnatem. 21 Apquilpatjetquic nic nat filisteos. Apquilyiplhaquic nic nat apataoc, aptomjayclho mepqui apataoc Sansón. Apquilyantamaclhec nic nat tingma Gaza apquilalhimcasa singilpilhtetamaclha. Appilhtetacpec nic nat cadenas. Apcanyacpec nic nat etnajam alanomalhquilha trigo apnic. 22 Apvitac nic nat acvoncayclho mocjam apva Sansón.
Apquitsepma Sansón
23 Apcaneclhec nic nat apquilyimtalhnamo filisteos, yoyam ellana fiesta acvanyam. Eltimjic sat fiesta macmescama asoc quilaycmasquiscama acyitsomalhca dios, acvisay Dagón. Apquilminaycmasquic nic nat apquilayo quilaycmasquiscama:
Apmacpec cotnaja ingmoc, singmescama Dagón acyitsomalhca dios.
Apmacpec cotnaja ingmoc Sansón — nic nat intomjac apquilminaycmascama.
24 Apquilvitac nic nat enlhitaoc, apquiltomjac apquilayo:
Apmacpec cotnaja ingmoc, singmescama Dagón acyitsomalhca dios.
Apmacpec cotnaja ingmoc, Sansón.
Aptovascama alhta ayimjaclha ninganma.
Apquilnapquic alhta ingnaymacoc appintalhnama — nic nat intomjac apquilpayvam.
25 Apquilitsovasoc nic nat filisteos. Apquililtamjoc nic nat elasmacsic Sansón. Aptipsacpec nic nat singilpilhtetomaclha. Apquinimsacpec nic nat naysicsa poste alyivey coning tingma.
26 Aptomjac nic nat Sansón apcanya apyimnanic, aptomja apyantamayclha mepqui apataoc: —Jeyantemiclha payjoc poste alvinatem coning tingma templo, omamcoc siclho — nic nat aptomjac Sansón.
27 Apcaneclhec nic nat congne tingma templo aplhamoclhojo apquilyimtalhnamo najan enlhitaoc najan quilvanaa. Apnam nic nat netin tingma malha tres mil filisteos. Apquilanoc nic nat actemaclha mactovascama Sansón. 28 Apquilmalhnaquic nic nat Sansón Dios Apyimtalhnamo, apyimnatesa appayvam: Jepasim coo. Lhama mocjam jeyimnaticsojo coo. Oyanmongsiclhac sat apquiltemaclha apancaoc filisteos. Ayinyema alhta mepqui ejataoc — nic nat aptomjac. 29 Appacningvocmec nic nat anit poste alvinatem Sansón. Apmamquic nic nat, apyimnatesa appayvam: 30 —¡Ongvitsapojoc lhama cotnaja ingmoc filisteos! — nic nat aptomjac.
Apyimnatasquic nic nat apyaninquisa apyovoclhojo tingma templo apnamcaclha apquilyimtalhnamo najan apnaymacoc filisteos. Apquilitsepquic nic nat appintalhnama. Am nic nat elhno apticyovam siclho naysicsa aptiyascam Sansón.
31 Apquilvoctac nic nat apquilmolhama Sansón. Apquilpatmaoclhec nic nat apquitsepma, elatoynic payjoc tingma Zora, nicja Estaol. Avalhoc mataymong nic nat, actomja apanco apyap Manoa. Apyimtalhnamo ilhnic nat Sansón nipyesicsa enlhitaoc Israel acvaycmo veinte años.
