Tercera apquilpamejitsomap
(Caps 22—27)1-2 Aptomjac nic nat Elifaz apcanya: Lhip Job, ¿apcanayqui ya lhquip enlhit apyascamco apmopvan etnejic appasmeyquiclha Dios? Ayinayc coo paj.
3 ¿Inyangvocme ya apyimtlahnamo Dios, apvita inlhojo aptemaclha lhip appeyvomo?
4 ¿Apcanayqui ya lhquip eltamsacpoc napato Dios, ayinyema lhip aptemaclha apcayo?
5 Avanjec lhip aptemaclha apmapsom najan apsilhnanomap apanco napato Dios.
6 Apcanayquic mataa lhip, elajic apmaycaoc nasa apnaymacoc, colhic acmesa lhip apava apquilantalhnama enlhit, eleyoc sat mepqui apava.
7 Lhip apmasma aptom najan yingmin, apvita inlhojo mayic ayajem najan acnim ayajem.
8 Aptimesacpec apanco lhip apyimtalhnamo, apcanem apvisqui lhip as nalhpop.
9 Apmasma lhip asoc, apvita inlhojo lhintampaa najan apcapajasa lhip apquilyeyjaycam.
10 Avanjec ayay apvalhoc lhip, apvita inlhojo acmasom najan trampas, yoyam emacpoc.
11 Yatescamalhma lhalhma anco, metay lhip asoc, apvayvamco congne yingmin.
12 Dios apna netin, nitnoc anco. Aptoyam apminic aptomja apyová netin.
13 Lhip aclhanma apvalhoc: Paj copvanac jingilyipconic Dios, alyascamalhma yipjopay.
14 Paj copvanac jingvita, naysicsa aptiyascam netin, ayinyema yipjopay ayajapma.
15 ¿Apquiltamjo ya lhquip eyiplaclha amay apancaoc ningilyeyjamcaa apquilmapsomcaa?
16 Apquilitsepquic alhta, malha yingmin actovascama tingma, yoyam eyaninic.
17 Apquiltomjac apquilanya: ¡Lhip Visqui ingac, jingilyamyiclha! ¡Copvanquejec jingilanic nincoo Dios apyimtalhnamo! — apquiltomjac maa.
18 (Apquillhocac nic nat asoc altamila yinyema Dios. Moc actemaclha aclhanma evalhoc coo, am colhno aclhanma apquilvalhoc apquilmapsomcaa.)
19 Impayjeclhec apquilvalhoc apquilpeyvomo, apquilasmasquic maa enlhit apquiltamila.
20 Apnatovasacpec cotnaja ingmoc, talha actomja acsovjomo apquilnatam apquilmapsomcaa.
21 Ingyasicjiclhojo sat lhip mocjam Dios, colhic sat actamilaycam apvalhoc lhip.
22 Coma sat apvalhoc Dios appayvam, iyiplovcasojo sat singanamaclha actamila.
23 Apyanmoncasquic sat ancoc apvalhoc lhip napato Dios, ingyasicjacpoc mocjam lhip. Ingyas asoc acmasom lhip tingma pac.
24 Itlhaoc sat oro asoc acmamnave, coytic ac lha naysicsa mataymong nicja yingmin.
25 Lhama apanco etnejic sat apmamnave, Dios Visqui ingac apyimtalhnamo.
26 Dios epayesiclhac sat apvalhoc lhip, colhic sat apvalhoc lhip mepqui acyasquiyam.
27 Ingyajalhnoc sat Dios apquilmalhnancama lhip. Mepqui apyeycajascama cotnejic sat lhip apyiplovquiscama.
28 Apvanquic ellanac lhip aclhamoclhojo asoc, etyisam sat lhip naysicsa ayitsayolhma.
29 Evenacpoc sat enlhit ayajamalhco apvalhoc, evomsacpoc sat tap enlhit mepqui ayajamalhco apvalhoc.
30 Emyovacpoc sat aptomja apsilhnanomap apanco, acyitna inlhojo lhip actamila apvalhoc, mepqui meyascalhma — nic nat aptomjac Elifaz.
Tercera apquilpamejitsomap
(Caps 22—27)1-2 Aptomjac nic nat Elifaz apcanya: Lhip Job, ¿apcanayqui ya lhquip enlhit apyascamco apmopvan etnejic appasmeyquiclha Dios? Ayinayc coo paj.
3 ¿Inyangvocme ya apyimtlahnamo Dios, apvita inlhojo aptemaclha lhip appeyvomo?
4 ¿Apcanayqui ya lhquip eltamsacpoc napato Dios, ayinyema lhip aptemaclha apcayo?
5 Avanjec lhip aptemaclha apmapsom najan apsilhnanomap apanco napato Dios.
6 Apcanayquic mataa lhip, elajic apmaycaoc nasa apnaymacoc, colhic acmesa lhip apava apquilantalhnama enlhit, eleyoc sat mepqui apava.
7 Lhip apmasma aptom najan yingmin, apvita inlhojo mayic ayajem najan acnim ayajem.
8 Aptimesacpec apanco lhip apyimtalhnamo, apcanem apvisqui lhip as nalhpop.
9 Apmasma lhip asoc, apvita inlhojo lhintampaa najan apcapajasa lhip apquilyeyjaycam.
10 Avanjec ayay apvalhoc lhip, apvita inlhojo acmasom najan trampas, yoyam emacpoc.
11 Yatescamalhma lhalhma anco, metay lhip asoc, apvayvamco congne yingmin.
12 Dios apna netin, nitnoc anco. Aptoyam apminic aptomja apyová netin.
13 Lhip aclhanma apvalhoc: Paj copvanac jingilyipconic Dios, alyascamalhma yipjopay.
14 Paj copvanac jingvita, naysicsa aptiyascam netin, ayinyema yipjopay ayajapma.
15 ¿Apquiltamjo ya lhquip eyiplaclha amay apancaoc ningilyeyjamcaa apquilmapsomcaa?
16 Apquilitsepquic alhta, malha yingmin actovascama tingma, yoyam eyaninic.
17 Apquiltomjac apquilanya: ¡Lhip Visqui ingac, jingilyamyiclha! ¡Copvanquejec jingilanic nincoo Dios apyimtalhnamo! — apquiltomjac maa.
18 (Apquillhocac nic nat asoc altamila yinyema Dios. Moc actemaclha aclhanma evalhoc coo, am colhno aclhanma apquilvalhoc apquilmapsomcaa.)
19 Impayjeclhec apquilvalhoc apquilpeyvomo, apquilasmasquic maa enlhit apquiltamila.
20 Apnatovasacpec cotnaja ingmoc, talha actomja acsovjomo apquilnatam apquilmapsomcaa.
21 Ingyasicjiclhojo sat lhip mocjam Dios, colhic sat actamilaycam apvalhoc lhip.
22 Coma sat apvalhoc Dios appayvam, iyiplovcasojo sat singanamaclha actamila.
23 Apyanmoncasquic sat ancoc apvalhoc lhip napato Dios, ingyasicjacpoc mocjam lhip. Ingyas asoc acmasom lhip tingma pac.
24 Itlhaoc sat oro asoc acmamnave, coytic ac lha naysicsa mataymong nicja yingmin.
25 Lhama apanco etnejic sat apmamnave, Dios Visqui ingac apyimtalhnamo.
26 Dios epayesiclhac sat apvalhoc lhip, colhic sat apvalhoc lhip mepqui acyasquiyam.
27 Ingyajalhnoc sat Dios apquilmalhnancama lhip. Mepqui apyeycajascama cotnejic sat lhip apyiplovquiscama.
28 Apvanquic ellanac lhip aclhamoclhojo asoc, etyisam sat lhip naysicsa ayitsayolhma.
29 Evenacpoc sat enlhit ayajamalhco apvalhoc, evomsacpoc sat tap enlhit mepqui ayajamalhco apvalhoc.
30 Emyovacpoc sat aptomja apsilhnanomap apanco, acyitna inlhojo lhip actamila apvalhoc, mepqui meyascalhma — nic nat aptomjac Elifaz.
