Apquilinmelhaycam cotnaja ingmoc
1 Apquillingac alhta amyaa Sanbalat, najan Tobías, najan Gesem árabe najan poc apnaymacoc cotnaja ingmoc, actemaclha nimpenescama mataymong tingma apjalhtam. Am alhta coymalhcac lhama asoc (incaymalhquic alhta acvamlha ongilyipitsic atnaoc). 2 Ingilapajascasquic alhta amyaa Sanbalat najan Gesem, yoyam onganiclhac sat nincoo tingma, payjoc alvata acvisay Ono. Apquililtamjoc alhta jingiltovacsic nincoo. 3 Ayapajasquic alhta colhic altimnasa amyaa: Movanquejec opasmoc ninganayclha maa, ayinyema acyivey sictamjaycam, movanquejec oyinyoc — alhta actomjac coo. 4 Ingilapajascasquic alhta mocjam amyaa, acvaycmo cuatro amyaa acno moc. Acnasoc alhta coo siyatingmaycam.
5 Apcapajasquic alhta apquilancam Sanbalat mocjam amyaa, acvaycmo cinco. Acvitac alhta carta aptalhescama Sanbalat. 6 Intomjac alhta vaycajac: Inlingalhquic amyaa nipyesicsa enlhitaoc, aplhanma najan Gesem, aptemaclha lhip aclhanma apvalhoc jingilimpocjac nincoo. Eycaso ayinyema apquillanay tingma apjalhtam quellhip. Aplhenacpec lhip etnejic sat apvisqui nipyesicsa maa. 7 Apquillhenacpec profetas yoyam eltimesquisic lhip etnejic apvisqui rey tingma Jerusalén. Ellingacsic sat lhip apvisay apvisqui yoclhilhma Judá. Elngac sat as amyaa apvisqui Artajerjes. Ivota sat lhip yoyam ongilpamejitsalhcojo — alhta intomjac vaycajac.
8 Ayapajascasquic alhta coo lha vaycajac, sictalhesquisa: Acmovan amyaa aplingay alhta lhip. Ayinyema lhip apvalhoc apanco — alhta actomjac coo. 9 Apquililtamjoc alhta jingilacsic nincoo, yoyam ongilvatsamcoc ningillanay apjalhtam tingma. Inlhenquic alhta evalhoc oyangviscomjoc sat sicvascapma. 10 Acmiyaclhec alhta tingma pac Semaías, Delaía apquitca, Mehetabel aptavin. Am alhta copvanac etyapoc tingma pac. Aptomjac alhta seyanya: Ongilantilhic sat tingma apponquinomap, ongilapiclhac sat atnaoc. Elvotac sat cotnaja ingmoc alhtaa nac jay, yoyam elajic lhip — alhta aptomjac. 11 Ayatingmavoc alhta coo: Movanquejec ongvinyejic oyilhanmoc tingma apponquinomap, yoyam omyovalhcac ajanco. Motingyejec sat coo tingma apponquinomap — alhta actomjac coo.
12 Aplhenquic alhta Semaías appayvam apanco, jave Dios apcasinancama appayvam. Aplhocac alhta acyanmongam ayinyema Sanbalat najan Tobías, yoyam jeyinimsic actemaclha appayvam. 13 Apquililtamjoc alhta jelacsic, yoyam osilhnanalhcoc ajanco. Colngalhcac sat amyaa acmasom actemaclha sevennéycam coo.
14 Dios Visqui ajac. Noncolvonquim nasa aptemaclha apanco Sanbalat najan maa Tobías. ¡Noncolvonquim nasa acpayvam profeta quilvana Noadías najan poc profetas apquilpayvam, yoyam jelacsic coo! — alhta actomjac silmalhnamcaa coo.
15 Impensalhquic alhta ningillanay tingma apjalhtam acnim veinticinco najan piltin apvisay Elul, acvaycmo ningiltamjaycam cincuenta y dos acnim. 16 Apquillingac alhta cotnaja ingmoc apnaycam yoclhilhma ningyava actemaclha nimpenescama. Yiplovcoc alhta acyivey apquilay, inmasquec alhta apquilyimtalhnesomap apanco. Apquilyasingvocmec alhta singillhalhma Dios aptomja appenescama nac jay.
17 Yitnec alhta acnatalhesomalhca mataa cartas, aplhoy mataa Tobías najan apquillhoy mataa apquilviscaa yoclhilhma Judá. 18 Aplhamoc alhta co Judá apquilyipitcaclho Tobías eltimjic apquilpasmeyquiclha. Aptomjac alhta apipyata Secanías, Ara apquitca. Tobías apquitca alhta Johanán, aptava alhta acvisay Mesulam apquitca, Berequías apquitca. 19 Apquiltimec alhta apquilayo, malha apyimtalhnamo Tobías. Apquillingasquic alhta mataa sicpayvam apnaclha Tobías. Etalhoscasquic alhta cartas jelacsic mataa coo.
Apquilinmelhaycam cotnaja ingmoc
1 Apquillingac alhta amyaa Sanbalat, najan Tobías, najan Gesem árabe najan poc apnaymacoc cotnaja ingmoc, actemaclha nimpenescama mataymong tingma apjalhtam. Am alhta coymalhcac lhama asoc (incaymalhquic alhta acvamlha ongilyipitsic atnaoc). 2 Ingilapajascasquic alhta amyaa Sanbalat najan Gesem, yoyam onganiclhac sat nincoo tingma, payjoc alvata acvisay Ono. Apquililtamjoc alhta jingiltovacsic nincoo. 3 Ayapajasquic alhta colhic altimnasa amyaa: Movanquejec opasmoc ninganayclha maa, ayinyema acyivey sictamjaycam, movanquejec oyinyoc — alhta actomjac coo. 4 Ingilapajascasquic alhta mocjam amyaa, acvaycmo cuatro amyaa acno moc. Acnasoc alhta coo siyatingmaycam.
5 Apcapajasquic alhta apquilancam Sanbalat mocjam amyaa, acvaycmo cinco. Acvitac alhta carta aptalhescama Sanbalat. 6 Intomjac alhta vaycajac: Inlingalhquic amyaa nipyesicsa enlhitaoc, aplhanma najan Gesem, aptemaclha lhip aclhanma apvalhoc jingilimpocjac nincoo. Eycaso ayinyema apquillanay tingma apjalhtam quellhip. Aplhenacpec lhip etnejic sat apvisqui nipyesicsa maa. 7 Apquillhenacpec profetas yoyam eltimesquisic lhip etnejic apvisqui rey tingma Jerusalén. Ellingacsic sat lhip apvisay apvisqui yoclhilhma Judá. Elngac sat as amyaa apvisqui Artajerjes. Ivota sat lhip yoyam ongilpamejitsalhcojo — alhta intomjac vaycajac.
8 Ayapajascasquic alhta coo lha vaycajac, sictalhesquisa: Acmovan amyaa aplingay alhta lhip. Ayinyema lhip apvalhoc apanco — alhta actomjac coo. 9 Apquililtamjoc alhta jingilacsic nincoo, yoyam ongilvatsamcoc ningillanay apjalhtam tingma. Inlhenquic alhta evalhoc oyangviscomjoc sat sicvascapma. 10 Acmiyaclhec alhta tingma pac Semaías, Delaía apquitca, Mehetabel aptavin. Am alhta copvanac etyapoc tingma pac. Aptomjac alhta seyanya: Ongilantilhic sat tingma apponquinomap, ongilapiclhac sat atnaoc. Elvotac sat cotnaja ingmoc alhtaa nac jay, yoyam elajic lhip — alhta aptomjac. 11 Ayatingmavoc alhta coo: Movanquejec ongvinyejic oyilhanmoc tingma apponquinomap, yoyam omyovalhcac ajanco. Motingyejec sat coo tingma apponquinomap — alhta actomjac coo.
12 Aplhenquic alhta Semaías appayvam apanco, jave Dios apcasinancama appayvam. Aplhocac alhta acyanmongam ayinyema Sanbalat najan Tobías, yoyam jeyinimsic actemaclha appayvam. 13 Apquililtamjoc alhta jelacsic, yoyam osilhnanalhcoc ajanco. Colngalhcac sat amyaa acmasom actemaclha sevennéycam coo.
14 Dios Visqui ajac. Noncolvonquim nasa aptemaclha apanco Sanbalat najan maa Tobías. ¡Noncolvonquim nasa acpayvam profeta quilvana Noadías najan poc profetas apquilpayvam, yoyam jelacsic coo! — alhta actomjac silmalhnamcaa coo.
15 Impensalhquic alhta ningillanay tingma apjalhtam acnim veinticinco najan piltin apvisay Elul, acvaycmo ningiltamjaycam cincuenta y dos acnim. 16 Apquillingac alhta cotnaja ingmoc apnaycam yoclhilhma ningyava actemaclha nimpenescama. Yiplovcoc alhta acyivey apquilay, inmasquec alhta apquilyimtalhnesomap apanco. Apquilyasingvocmec alhta singillhalhma Dios aptomja appenescama nac jay.
17 Yitnec alhta acnatalhesomalhca mataa cartas, aplhoy mataa Tobías najan apquillhoy mataa apquilviscaa yoclhilhma Judá. 18 Aplhamoc alhta co Judá apquilyipitcaclho Tobías eltimjic apquilpasmeyquiclha. Aptomjac alhta apipyata Secanías, Ara apquitca. Tobías apquitca alhta Johanán, aptava alhta acvisay Mesulam apquitca, Berequías apquitca. 19 Apquiltimec alhta apquilayo, malha apyimtalhnamo Tobías. Apquillingasquic alhta mataa sicpayvam apnaclha Tobías. Etalhoscasquic alhta cartas jelacsic mataa coo.
