Apquilinmelhaycam apquilmolhama Efraín
1 Apcaneclhec nic nat apquilmolhama Efraín. Apquilmilanquic nic nat vatsam Jordán, apquilmiyaclho tingma Zafón.
Apquiltomjac nic nat apquilanya Jefté: —Apquilimpocjac alhta quellhip nipyesicsa amonitas, mepqui singiltimnascama, yoyam ongilpasmiclha. ¿So actomja yi? Quilhvoc sat ongilvitic talha lhip tingma pac, emyetic sat lhip — nic nat apquiltomjac.
2 Apcatingmavoc nic nat Jefté: —Yitnec alhta singinmelhaycam amonitas. Ayapajasquic alhta amyaa, colhic altimnasa quellhip, yoyam jingilpasingvota. Am alhta elvoctac quellhip. 3 Aljalhnec alhta inyicje, am eyca jepasingvoctac quellhip. Am alhta omyovalhcoyc ajanco najan enaymacoc. Ningilimpocjac alhta amonitas. Dios Visqui ingac ayinyema alhta sicyimnatem. ¿So actomja yi apquilvactamo selinmelhamcaa quilhvo? — nic nat aptomjac.
4 Apcansaclhec nic nat Jefté apyovoclhojo tingma Galaad. Apquilimpocjac nic nat nipyesicsa apquilmolhama, apquilnapquic nic nat maa. Apquillhenacpec nic nat mataa co Galaad apquileyvam nicja yoclhilhma Efraín najan nicja yoclhilhma Manasés, apquiltomja apquilvatseycaoc. 5 Naysicsa apquilimpocjay co Galaad apquilmam mamay netin vatsam Jordán. Apvitacpec nic nat mataa enlhit apquilhyam, aptomja apcanyacpo: Naso ya lhquip apquilmolhama Efraín — nic nat apquiltomjac. —Paj — nic nat aptomjac apcatingmavo. 6 Itne sat lhip Shibolet— nic nat apquiltomjac. Aptomjac nic nat apvajanamco enlhit: Sibolet — nic nat aptomjac. Am nic nat copvanac evjanamcoc acpeyvomo. Quilhvoc nic nat apmacpo. Apmatnec nic nat maa nicja vatsam. Apticyovquic nic nat actema nac jay malha cuarenta y dos mil apquilmolhama Efraín.
7 Apvisqui nic nat maa Jefté nipyesicsa israelitas acvaycmo seis años. Apquitsepmec nic nat Jefté. Apcatoynacpec nic nat tingma pac Galaad.
Tres enlhit mayayo
8 Niptamin nic nat Jefté aptimesacpo nipyesicsa israelitas enlhit mayayo apvisay Ibzán, tingma pac Belén. 9 Apnam nic nat treinta apquitquic apquilinava najan treinta apquitquic quilvanaa. Apquilyimjapcasquic nic nat apquitquic metnaja apquiltemolhama. Aptimec nic nat apvisqui nipyesicsa Israel acvaycmo siete años. 10 Apquitsepmec nic nat Ibzán, apcatoynacpec nic nat tingma pac Belén.
11 Niptamin nic nat maa aptimesacpo nipyesicsa israelitas enlhit mayayo apvisay Elón, apquilmolhama ilhnic nat Zabulón. Aptimec nic nat apvisqui acvaycmo diez años. 12 Apquitsepmec nic nat Elón. Apcatoynacpec nic nat tingma pac Ajalón apquileyvomaclha apquilmolhama.
13 Niptamin nic nat maa aptimesacpo nipyesicsa israelitas enlhit mayayo apvisay Abdón, Hilel apquitca, tingma pac Piratón. Aptimec nic nat apvisqui nipyesicsa israelitas 14 acvaycmo ocho años. Apnam nic nat cuarenta apquitquic najan treinta aptovana. Inyancac nic nat aptoscama yamelyeyjaycoc moclhama apquilmolhama. 15 Apquitsepmec nic nat Abdón. Apcatoynacpec nic nat tingma Piratón, apquileyvomaclha apquilmolhama Efraín, payjoc inquilhe alvinatem alvisay Amalec.
Apquilinmelhaycam apquilmolhama Efraín
1 Apcaneclhec nic nat apquilmolhama Efraín. Apquilmilanquic nic nat vatsam Jordán, apquilmiyaclho tingma Zafón.
Apquiltomjac nic nat apquilanya Jefté: —Apquilimpocjac alhta quellhip nipyesicsa amonitas, mepqui singiltimnascama, yoyam ongilpasmiclha. ¿So actomja yi? Quilhvoc sat ongilvitic talha lhip tingma pac, emyetic sat lhip — nic nat apquiltomjac.
2 Apcatingmavoc nic nat Jefté: —Yitnec alhta singinmelhaycam amonitas. Ayapajasquic alhta amyaa, colhic altimnasa quellhip, yoyam jingilpasingvota. Am alhta elvoctac quellhip. 3 Aljalhnec alhta inyicje, am eyca jepasingvoctac quellhip. Am alhta omyovalhcoyc ajanco najan enaymacoc. Ningilimpocjac alhta amonitas. Dios Visqui ingac ayinyema alhta sicyimnatem. ¿So actomja yi apquilvactamo selinmelhamcaa quilhvo? — nic nat aptomjac.
4 Apcansaclhec nic nat Jefté apyovoclhojo tingma Galaad. Apquilimpocjac nic nat nipyesicsa apquilmolhama, apquilnapquic nic nat maa. Apquillhenacpec nic nat mataa co Galaad apquileyvam nicja yoclhilhma Efraín najan nicja yoclhilhma Manasés, apquiltomja apquilvatseycaoc. 5 Naysicsa apquilimpocjay co Galaad apquilmam mamay netin vatsam Jordán. Apvitacpec nic nat mataa enlhit apquilhyam, aptomja apcanyacpo: Naso ya lhquip apquilmolhama Efraín — nic nat apquiltomjac. —Paj — nic nat aptomjac apcatingmavo. 6 Itne sat lhip Shibolet— nic nat apquiltomjac. Aptomjac nic nat apvajanamco enlhit: Sibolet — nic nat aptomjac. Am nic nat copvanac evjanamcoc acpeyvomo. Quilhvoc nic nat apmacpo. Apmatnec nic nat maa nicja vatsam. Apticyovquic nic nat actema nac jay malha cuarenta y dos mil apquilmolhama Efraín.
7 Apvisqui nic nat maa Jefté nipyesicsa israelitas acvaycmo seis años. Apquitsepmec nic nat Jefté. Apcatoynacpec nic nat tingma pac Galaad.
Tres enlhit mayayo
8 Niptamin nic nat Jefté aptimesacpo nipyesicsa israelitas enlhit mayayo apvisay Ibzán, tingma pac Belén. 9 Apnam nic nat treinta apquitquic apquilinava najan treinta apquitquic quilvanaa. Apquilyimjapcasquic nic nat apquitquic metnaja apquiltemolhama. Aptimec nic nat apvisqui nipyesicsa Israel acvaycmo siete años. 10 Apquitsepmec nic nat Ibzán, apcatoynacpec nic nat tingma pac Belén.
11 Niptamin nic nat maa aptimesacpo nipyesicsa israelitas enlhit mayayo apvisay Elón, apquilmolhama ilhnic nat Zabulón. Aptimec nic nat apvisqui acvaycmo diez años. 12 Apquitsepmec nic nat Elón. Apcatoynacpec nic nat tingma pac Ajalón apquileyvomaclha apquilmolhama.
13 Niptamin nic nat maa aptimesacpo nipyesicsa israelitas enlhit mayayo apvisay Abdón, Hilel apquitca, tingma pac Piratón. Aptimec nic nat apvisqui nipyesicsa israelitas 14 acvaycmo ocho años. Apnam nic nat cuarenta apquitquic najan treinta aptovana. Inyancac nic nat aptoscama yamelyeyjaycoc moclhama apquilmolhama. 15 Apquitsepmec nic nat Abdón. Apcatoynacpec nic nat tingma Piratón, apquileyvomaclha apquilmolhama Efraín, payjoc inquilhe alvinatem alvisay Amalec.
