Eliú appayvam acvaycmo cuatro veces
(Caps 32—37)1 Apquilvatsamquic nic nat apquilyataycam apnatqui apnaymacoc, apquillinga aplhenamap apanco Job mepqui apsilhnanomap apanco. 2 Aplovquic nic nat Eliú, Baraquel apquitca apvisay busita, aptavin apquilmolhama Ram. Aplingac nic nat appayvam aplhenamap apanco appeyvomo Job, apcanem mepeyvomo nac Dios Visqui ingac. 3 Aplovquic nic nat napatavo apnatqui apnaymacoc, ayinyema mepqui apquilyascamco napato Job, apquiltimesquiscama apmapsom Dios Visqui ingac. 4 Apsilhyoc nic nat Eliú, apquiljalhanma siclho yoyam elvatsamcoc apquilyataycam apnaymacoc. 5 Apvitac nic nat apquiltemaclha mepqui apquilyascamco apnaymacoc elatingmojo Job. Inlovquic siclho apvalhoc. 6 Aptomjac nic nat appayvam Eliú.
Eliú appayvam primer discurso
Eyitcoc mocjam coo, apquilvanyam nac quellhip. Acmiyovquic siclho aclhanma evalhoc.
7 Inlhenquic evalhoc coo: Onlingac siclho apquilpayvam apquilvanyam acma apquilvalhoc acyascamco aclhamoclhojo años — intomjac evalhoc.
8 Acyascamco apquilvalhoc innac apyovoclhojo enlhit, ayinyema Dios Visqui apyimtalhnamo apmescama espíritu apanco, colhic sat apquilvalhoc enlhit.
9 Am conyemac acyascamco ingilvalhoc nintemaclha ningilvanyam, am conyemac aclhamoclhojo años ningileyvam.
10 Inlhenquic evalhoc coo: Elaylhojo quellhip sicpayvam, sictemaclha sicyascamco.
11 Aljalhnoc coo apquilpayvam quellhip, actemaclha alyascamco apquilpayvam quellhip.
12 Aljalhnoc alhta inyicje, paj colapvancaac quellhip elatingmojo appayvam Job.
13 Noncolhen nasa apquilvalhoc quellhip apquiltomja apquilyascamco apanco. Dios ayinyema acyascamco ingvalhoc, am conyemac enlhit.
14 Jave Job seyinmelhaycam coo. Moltimnacsejec sat Job actemaclha apquilpayvam quellhip.
15 Inlhinganacmec apquilpayvam as apnatqui, colapvanquejec elatingmojo.
16 ¿Incaymalhqui ya olaylhic mocjam, naysicsa mepqui apquilyataycam, mepqui apquilatingmaycam?
17 Quilhvoc sat ongvatingmojo coo, ayinyema sictemaclha sicyascamco coo.
18 Avanjec alyataycam evalhoc coo, ayinyema espíritu apanco Dios apna evalhoc coo.
19 Yitnec alyiclhayam evalhoc, copalhic sat mepqui silyataycam, malha uva ayingmenic alhancoc acpalhama sat cotnejic.
20 Movanquejec coo mepqui silyataycam, cotamiliclhac sat evalhoc sictipquisa sicpayvam.
21 Momyovejec sat mataa poc, colhejec sat ayaco poc, ayinyema sicyinimquiscama coo.
22 Jave sictemaclha coo sicyinimquiscama. Dios Visqui apyimtalhnamo eyanmongsiclhac sat sictemaclha ajanco.
Eliú appayvam acvaycmo cuatro veces
(Caps 32—37)1 Apquilvatsamquic nic nat apquilyataycam apnatqui apnaymacoc, apquillinga aplhenamap apanco Job mepqui apsilhnanomap apanco. 2 Aplovquic nic nat Eliú, Baraquel apquitca apvisay busita, aptavin apquilmolhama Ram. Aplingac nic nat appayvam aplhenamap apanco appeyvomo Job, apcanem mepeyvomo nac Dios Visqui ingac. 3 Aplovquic nic nat napatavo apnatqui apnaymacoc, ayinyema mepqui apquilyascamco napato Job, apquiltimesquiscama apmapsom Dios Visqui ingac. 4 Apsilhyoc nic nat Eliú, apquiljalhanma siclho yoyam elvatsamcoc apquilyataycam apnaymacoc. 5 Apvitac nic nat apquiltemaclha mepqui apquilyascamco apnaymacoc elatingmojo Job. Inlovquic siclho apvalhoc. 6 Aptomjac nic nat appayvam Eliú.
Eliú appayvam primer discurso
Eyitcoc mocjam coo, apquilvanyam nac quellhip. Acmiyovquic siclho aclhanma evalhoc.
7 Inlhenquic evalhoc coo: Onlingac siclho apquilpayvam apquilvanyam acma apquilvalhoc acyascamco aclhamoclhojo años — intomjac evalhoc.
8 Acyascamco apquilvalhoc innac apyovoclhojo enlhit, ayinyema Dios Visqui apyimtalhnamo apmescama espíritu apanco, colhic sat apquilvalhoc enlhit.
9 Am conyemac acyascamco ingilvalhoc nintemaclha ningilvanyam, am conyemac aclhamoclhojo años ningileyvam.
10 Inlhenquic evalhoc coo: Elaylhojo quellhip sicpayvam, sictemaclha sicyascamco.
11 Aljalhnoc coo apquilpayvam quellhip, actemaclha alyascamco apquilpayvam quellhip.
12 Aljalhnoc alhta inyicje, paj colapvancaac quellhip elatingmojo appayvam Job.
13 Noncolhen nasa apquilvalhoc quellhip apquiltomja apquilyascamco apanco. Dios ayinyema acyascamco ingvalhoc, am conyemac enlhit.
14 Jave Job seyinmelhaycam coo. Moltimnacsejec sat Job actemaclha apquilpayvam quellhip.
15 Inlhinganacmec apquilpayvam as apnatqui, colapvanquejec elatingmojo.
16 ¿Incaymalhqui ya olaylhic mocjam, naysicsa mepqui apquilyataycam, mepqui apquilatingmaycam?
17 Quilhvoc sat ongvatingmojo coo, ayinyema sictemaclha sicyascamco coo.
18 Avanjec alyataycam evalhoc coo, ayinyema espíritu apanco Dios apna evalhoc coo.
19 Yitnec alyiclhayam evalhoc, copalhic sat mepqui silyataycam, malha uva ayingmenic alhancoc acpalhama sat cotnejic.
20 Movanquejec coo mepqui silyataycam, cotamiliclhac sat evalhoc sictipquisa sicpayvam.
21 Momyovejec sat mataa poc, colhejec sat ayaco poc, ayinyema sicyinimquiscama coo.
22 Jave sictemaclha coo sicyinimquiscama. Dios Visqui apyimtalhnamo eyanmongsiclhac sat sictemaclha ajanco.
