Ningilmalhnesquiscama
1 Lhip aptomja Apvisqui nipyesicsa enlhitaoc Israel, malha aptamilquiscama apnatoscama.
Apnalaclhec nic nat lhip José apmolhama, malha apnalayclha apnatoscama.
Apnec lhip netin nipyesicsa ángeles querubines.
Quip ingyeylhojo, ilanojo sat lhip.
Ingyimlimojo sat Efraín apmolhama,
2 najan Benjamín apmolhama najan Manasés apmolhama.
Apmopvan innac lhip.
Jingilvomquis tap nincoo.
3 Jintimescasiclha sat nintemaclha alhta mataa.
Jingilanojo sat lhip, ongilvomsalhcac sat tap.
4 Dios Visqui ingac apyimtalhnamo.
¿Jalhco acvam comascoc lhip aplom naysicsa ningilmalhnancama ningiltomja lhip enlhit apancaoc?
5 Avanjec alhta ningvinama, am jingilyacmoc ontovamcoc.
Avanjec alhta ningvinama, am jingilyacmoc ongyinamcoc.
6 Nincoo inquinyemac apquilatingmomap metnaja ningmolhama.
Singilvennéycam apquiltomjac cotnaja ingmoc.
7 Dios Visqui ingac apyimtalhnamo.
Jintimescasiclha sat nintemaclha alhta mataa.
Jingilanojo sat lhip, ongilvomsalhcac sat tap nincoo.
8 Lhip alhta aptomja singyinyovquiscama yoclhilhma Egipto, malha apliclama uva avjac.
Apquilhpancasquic alhta lhip metnaja ningmolhama yoyam onlhic nincoo.
Malha apquinayclha alhta aptomjac lhip uva avjac.
9 Malha apcalhnascama alhta aptomjac lhip amyip.
Impayjeclhec alhta ayquipmenaoc uva avjac.
Impayjeclhec alhta actingaoc lhalhma anco.
10 Impayjac pisquisca ac.
Incapquic inquilhe acvinatem.
Malha yamit alvinatem intomjaclhac actingaoc.
11 Inquilvocmoc actingaoc yingmin acvanyam.
Inquilvocmoc actingaoc vatsam Eufrates.
12 ¿Soctomja apyaninquisa lhip mataymong apjalhtam?
Apquiltovasquic mataa actingaoc enlhit apquilyeycajangvoy.
13 Apquilvoctac mataa pomap.
Apquilmetmec mataa ayquipmenaoc.
Inquilvoctac mataa asoc navjac yoyam coltovacsic.
14 Dios Visqui ingac apyimtalhnamo.
Jintimescasiclha sat nintemaclha alhta mataa.
Jingilanojo sat lhip ningiltomja malha uva avjac.
Ongilvomsalhcac sat tap nincoo.
15 Lhip alhta apquinayclha uva avjac, malha apmic actamilaclha actomja ayictinquiscama.
16 Iyanmongsiclha sat lhip apquiltemaclha alhta apnatovascama najan apquilvatnama talha.
17 Ipasim sat lhip aptomja lhip apyacyescama.
Ipasim sat lhip apvanimquiscama apvisay Aptiyam Aptomja Enlhit.
18 Mongyinyovejec sat mataa lhip cotmongvoycamlha nelha.
Iyimnaticsojo ingnenyaoc nincoo.
Apvamlha lhip ontimjic ningayo.
19 O Dios Visqui ingac apyimtalhnamo.
Jintimescasiclha sat nintemaclha alhta mataa.
Jingilanojo sat lhip, ongilvomsalhcac sat tap nincoo.
Ningilmalhnesquiscama
1 Lhip aptomja Apvisqui nipyesicsa enlhitaoc Israel, malha aptamilquiscama apnatoscama.
Apnalaclhec nic nat lhip José apmolhama, malha apnalayclha apnatoscama.
Apnec lhip netin nipyesicsa ángeles querubines.
Quip ingyeylhojo, ilanojo sat lhip.
Ingyimlimojo sat Efraín apmolhama,
2 najan Benjamín apmolhama najan Manasés apmolhama.
Apmopvan innac lhip.
Jingilvomquis tap nincoo.
3 Jintimescasiclha sat nintemaclha alhta mataa.
Jingilanojo sat lhip, ongilvomsalhcac sat tap.
4 Dios Visqui ingac apyimtalhnamo.
¿Jalhco acvam comascoc lhip aplom naysicsa ningilmalhnancama ningiltomja lhip enlhit apancaoc?
5 Avanjec alhta ningvinama, am jingilyacmoc ontovamcoc.
Avanjec alhta ningvinama, am jingilyacmoc ongyinamcoc.
6 Nincoo inquinyemac apquilatingmomap metnaja ningmolhama.
Singilvennéycam apquiltomjac cotnaja ingmoc.
7 Dios Visqui ingac apyimtalhnamo.
Jintimescasiclha sat nintemaclha alhta mataa.
Jingilanojo sat lhip, ongilvomsalhcac sat tap nincoo.
8 Lhip alhta aptomja singyinyovquiscama yoclhilhma Egipto, malha apliclama uva avjac.
Apquilhpancasquic alhta lhip metnaja ningmolhama yoyam onlhic nincoo.
Malha apquinayclha alhta aptomjac lhip uva avjac.
9 Malha apcalhnascama alhta aptomjac lhip amyip.
Impayjeclhec alhta ayquipmenaoc uva avjac.
Impayjeclhec alhta actingaoc lhalhma anco.
10 Impayjac pisquisca ac.
Incapquic inquilhe acvinatem.
Malha yamit alvinatem intomjaclhac actingaoc.
11 Inquilvocmoc actingaoc yingmin acvanyam.
Inquilvocmoc actingaoc vatsam Eufrates.
12 ¿Soctomja apyaninquisa lhip mataymong apjalhtam?
Apquiltovasquic mataa actingaoc enlhit apquilyeycajangvoy.
13 Apquilvoctac mataa pomap.
Apquilmetmec mataa ayquipmenaoc.
Inquilvoctac mataa asoc navjac yoyam coltovacsic.
14 Dios Visqui ingac apyimtalhnamo.
Jintimescasiclha sat nintemaclha alhta mataa.
Jingilanojo sat lhip ningiltomja malha uva avjac.
Ongilvomsalhcac sat tap nincoo.
15 Lhip alhta apquinayclha uva avjac, malha apmic actamilaclha actomja ayictinquiscama.
16 Iyanmongsiclha sat lhip apquiltemaclha alhta apnatovascama najan apquilvatnama talha.
17 Ipasim sat lhip aptomja lhip apyacyescama.
Ipasim sat lhip apvanimquiscama apvisay Aptiyam Aptomja Enlhit.
18 Mongyinyovejec sat mataa lhip cotmongvoycamlha nelha.
Iyimnaticsojo ingnenyaoc nincoo.
Apvamlha lhip ontimjic ningayo.
19 O Dios Visqui ingac apyimtalhnamo.
Jintimescasiclha sat nintemaclha alhta mataa.
Jingilanojo sat lhip, ongilvomsalhcac sat tap nincoo.
