Nintemaclha acpeyvomo
1 Quellhip elyalhinga, elitsovacsojo quellhip apquiltomja apquilpasmeyquiclha Visqui ingac. Pac olinlhanmojo olheniclhojo mataa amyaa sictalhesquiscama alhta quellhip yoyam colyimnac apquilvalhoc. 2 Elavojo quellhip enlhit apquiltomja malha simjing alminyilhaycam. Elavojo quellhip apquilsoycam amyaa apquilmapsomcaa apquiltomja apquilyimyicjaycam ingyimpejic. 3 Nincoo eyca acyitna asoc monquinatquiscama ingyimpejic actomja nasoc anco. Ayinyemaclha ningilpayasoc nincoo Dios Ingyapam ayinyemaclha Espíritu apanco. Ningilacoc nincoo Cristo Jesús. Am ontingyac asoc apquiltemaclha apancaoc judíos. 4 Evanquic coo lha olhenalhcojo sictemaclha siclhoc anco, am olhnoc poc enlhit. 5 Siclhoc sictiyaycamlha acvocmo ocho acnim inquillanalhquic alhta asoc monquinatquiscama eyimpejic. Sictomja israelita apanco. Sictomja aptovana niptamin Benjamín. Coo nac judío apanco, ayinyemaclha tata aptomja judío apanco najan meme. Sicvisay alhta fariseo apanco. Acvajanamquic alhta actemaclha singanamaclha Moisés. 6 Avanjec alhta sictemaclha sicminlhinaycam Jesucristo apmolhama. Am alhta osilhnanalhca naysicsa sicvajaneycaoc singanamaclha Moisés. 7 Ayanayquic alhta asoc alyimtalhnamo sicyiplovquiscama mataa. Eyca acvaningvoclhec coo as asoc. Eycaso ayinyema alhta Cristo. 8 Najan quilhvo nac jay sicvaningvoyclha as asoc. Ayinyemaclha acyangvocmo seyascasingviyam aclhamoclhojo asoc Jesucristo Visqui ingac. Ayilhaquic coo aclhamoclhojo as asoc, malha sicmetsovjam Cristo. Actomja malha asoc apaoc ningillhacjam. Inlhenquic mataa evalhoc apvamlha Cristo yoyam elhic evalhoc coo. 9 Altamjoc mataa oyipitcojoc Cristo. Am coyitnac sictemaclha sicpeyvomo ayinyema enlhitaoc. Etnescasquic sicpeyvomo Dios Ingyapam ayinyema moyasquiyam apvisay Cristo. 10 Inlhenquic mataa evalhoc lhama asoc: Altamjoc oyasingvomoc Cristo. Altamjoc coytic coo apmopvan actemaclha aplhaticjangviyam alhta. Altamjoc opasmoc coo actemaclha alhta mayasquiscama apyimpejic Cristo. Altamjoc colhojoc siyitsepma actemaclha apquitsepma alhta. 11 Olhaticjangvomoc sat lhaja coo lha nipyesicsa apquilmasquingvaycmo, acvocmo sat acnim ningnalhaticjangvoycamlha.
Elyimnac yoyam elvomjoc actomjaclha nelha
12 Am ovocmoc mocjam coo actomjaclha nelha. Am opensalhcac mocjam coo, moc ningiltimem: am omac mocjam actemaclha acpeyvomo. Actomjac coo malha sicyamascama yoyam opatjetic actemaclha acpeyvomo. Ayinyemaclha Cristo aptomja sepatjitma apmamyi. 13 Quellhip elyalhinga. Am olhenac coo sicvoyam emamyi. Eycaso sictemaclha mataa: Molhenamejec coo mataa actemaclha netamin coo. Acyimnaclhoc mataa yoyam ovomjoc acyitnaclha amamyi. 14 Altamjoc ovomjoc actomjaclha nelha yoyam olhcac acyanmongam acmamnave ayinyema Dios. Aplhanma yoyam jimquesic, ayinyemaclha sicyipitcayo Cristo Jesús.
15 Quellhip najan. Inyangvocmec sat ancoc melyasquiyam, elyiplovcasojo actema nac siclhanma lhac. Yitnec sat ancoc quellhip allhanma apquilvalhoc ayaymomalhca moc asoc yoyam elyiplovcasojo, Dios Ingyapam sat elyascasingvomoc quellhip. 16 Elmiyov sat quellhip asoc actomja acno moc allhanma apquilvalhoc.
17 Quellhip elyalhinga. Elvajanaoc sat sictemaclha mataa. Elvajanaoc sat najan poc apquiltomja apquilyiplovquiscama acno ningyiplovquiscama nincoo. 18 Altimnasquic alhta mataa quellhip. Pac oltimnacsic mocjam lhama, ayinyemaclha ayovsec evalhoc coo. Apnam aplhamoclhojo ingilyalhinga apquiltanoncama actemaclha amyaa apquitsepma Cristo, malha cotnaja ingmoc. 19 Covac sat acnim yoyam elnatovasacpoc as ingilyalhinga. Apquilvajanamquic mataa actemaclha ayitsepma apnenyaoc, actomja malha acmovan. Apquilyimtalhnesacpec apanco naysicsa apquiltamongvaycmolhma mepqui apquilmancangviyam. Inquillhenquic mataa apquilvalhoc asoc as nalhpop. 20 Nincoo eyca ningiltomja ningilpalhaviyam Dios apquilnancascama. Avanjec nincoo ningiljalhanma, malha singilipvoyam yoyam evotac Jesucristo Visqui ingac aptomja singvomquiscama tap. 21 Yitnec ningyovoclhojo yoyam comasquingvomoc. Eyanmongsic sat Visqui ingac moc actemaclha ningyovoclhojo. Elhnasojoc sat ningyovoclhojo actemaclha aptamila apanco apyovoclhojo. Apmopvan innac Visqui ingac. Apvanquic ingyanic yoyam colilyejiclhojo aclhamoclhojo asoc netin najan nalhpop.
Nintemaclha acpeyvomo
1 Quellhip elyalhinga, elitsovacsojo quellhip apquiltomja apquilpasmeyquiclha Visqui ingac. Pac olinlhanmojo olheniclhojo mataa amyaa sictalhesquiscama alhta quellhip yoyam colyimnac apquilvalhoc. 2 Elavojo quellhip enlhit apquiltomja malha simjing alminyilhaycam. Elavojo quellhip apquilsoycam amyaa apquilmapsomcaa apquiltomja apquilyimyicjaycam ingyimpejic. 3 Nincoo eyca acyitna asoc monquinatquiscama ingyimpejic actomja nasoc anco. Ayinyemaclha ningilpayasoc nincoo Dios Ingyapam ayinyemaclha Espíritu apanco. Ningilacoc nincoo Cristo Jesús. Am ontingyac asoc apquiltemaclha apancaoc judíos. 4 Evanquic coo lha olhenalhcojo sictemaclha siclhoc anco, am olhnoc poc enlhit. 5 Siclhoc sictiyaycamlha acvocmo ocho acnim inquillanalhquic alhta asoc monquinatquiscama eyimpejic. Sictomja israelita apanco. Sictomja aptovana niptamin Benjamín. Coo nac judío apanco, ayinyemaclha tata aptomja judío apanco najan meme. Sicvisay alhta fariseo apanco. Acvajanamquic alhta actemaclha singanamaclha Moisés. 6 Avanjec alhta sictemaclha sicminlhinaycam Jesucristo apmolhama. Am alhta osilhnanalhca naysicsa sicvajaneycaoc singanamaclha Moisés. 7 Ayanayquic alhta asoc alyimtalhnamo sicyiplovquiscama mataa. Eyca acvaningvoclhec coo as asoc. Eycaso ayinyema alhta Cristo. 8 Najan quilhvo nac jay sicvaningvoyclha as asoc. Ayinyemaclha acyangvocmo seyascasingviyam aclhamoclhojo asoc Jesucristo Visqui ingac. Ayilhaquic coo aclhamoclhojo as asoc, malha sicmetsovjam Cristo. Actomja malha asoc apaoc ningillhacjam. Inlhenquic mataa evalhoc apvamlha Cristo yoyam elhic evalhoc coo. 9 Altamjoc mataa oyipitcojoc Cristo. Am coyitnac sictemaclha sicpeyvomo ayinyema enlhitaoc. Etnescasquic sicpeyvomo Dios Ingyapam ayinyema moyasquiyam apvisay Cristo. 10 Inlhenquic mataa evalhoc lhama asoc: Altamjoc oyasingvomoc Cristo. Altamjoc coytic coo apmopvan actemaclha aplhaticjangviyam alhta. Altamjoc opasmoc coo actemaclha alhta mayasquiscama apyimpejic Cristo. Altamjoc colhojoc siyitsepma actemaclha apquitsepma alhta. 11 Olhaticjangvomoc sat lhaja coo lha nipyesicsa apquilmasquingvaycmo, acvocmo sat acnim ningnalhaticjangvoycamlha.
Elyimnac yoyam elvomjoc actomjaclha nelha
12 Am ovocmoc mocjam coo actomjaclha nelha. Am opensalhcac mocjam coo, moc ningiltimem: am omac mocjam actemaclha acpeyvomo. Actomjac coo malha sicyamascama yoyam opatjetic actemaclha acpeyvomo. Ayinyemaclha Cristo aptomja sepatjitma apmamyi. 13 Quellhip elyalhinga. Am olhenac coo sicvoyam emamyi. Eycaso sictemaclha mataa: Molhenamejec coo mataa actemaclha netamin coo. Acyimnaclhoc mataa yoyam ovomjoc acyitnaclha amamyi. 14 Altamjoc ovomjoc actomjaclha nelha yoyam olhcac acyanmongam acmamnave ayinyema Dios. Aplhanma yoyam jimquesic, ayinyemaclha sicyipitcayo Cristo Jesús.
15 Quellhip najan. Inyangvocmec sat ancoc melyasquiyam, elyiplovcasojo actema nac siclhanma lhac. Yitnec sat ancoc quellhip allhanma apquilvalhoc ayaymomalhca moc asoc yoyam elyiplovcasojo, Dios Ingyapam sat elyascasingvomoc quellhip. 16 Elmiyov sat quellhip asoc actomja acno moc allhanma apquilvalhoc.
17 Quellhip elyalhinga. Elvajanaoc sat sictemaclha mataa. Elvajanaoc sat najan poc apquiltomja apquilyiplovquiscama acno ningyiplovquiscama nincoo. 18 Altimnasquic alhta mataa quellhip. Pac oltimnacsic mocjam lhama, ayinyemaclha ayovsec evalhoc coo. Apnam aplhamoclhojo ingilyalhinga apquiltanoncama actemaclha amyaa apquitsepma Cristo, malha cotnaja ingmoc. 19 Covac sat acnim yoyam elnatovasacpoc as ingilyalhinga. Apquilvajanamquic mataa actemaclha ayitsepma apnenyaoc, actomja malha acmovan. Apquilyimtalhnesacpec apanco naysicsa apquiltamongvaycmolhma mepqui apquilmancangviyam. Inquillhenquic mataa apquilvalhoc asoc as nalhpop. 20 Nincoo eyca ningiltomja ningilpalhaviyam Dios apquilnancascama. Avanjec nincoo ningiljalhanma, malha singilipvoyam yoyam evotac Jesucristo Visqui ingac aptomja singvomquiscama tap. 21 Yitnec ningyovoclhojo yoyam comasquingvomoc. Eyanmongsic sat Visqui ingac moc actemaclha ningyovoclhojo. Elhnasojoc sat ningyovoclhojo actemaclha aptamila apanco apyovoclhojo. Apmopvan innac Visqui ingac. Apvanquic ingyanic yoyam colilyejiclhojo aclhamoclhojo asoc netin najan nalhpop.
