Aplingaycamco acyimtalhnama Job
1 Invocmec nic nat acnim, yoyam ingyaniclhac mocjam Dios apquilasinancama. Appasmec nic nat Yavey Singyipconma apcaneyquiclha.
2 Aptomjac nic nat Dios apcanya singyipconma: —¿Co laa apquinyectamlha lhip? — nic nat aptomjac.
Apcatingmavoc nic nat singyipconma: —Actiyasam ajanco alhta nalhpop lhalhma anco — nic nat aptomjac.
3 Aptomjac nic nat Dios apcanya singyipconma: —¿Apvita ya lhquip selancam Job? Aptasic apanco, am elhno poc enlhit. Aptomja setnesaycam coo, aptomja aptamilcasomacpo apanco, mepqui apsilhnanomap apanco. Mepqui mataa apquinmelhaycam poc. Am nic nat elvatasac aptemaclha aptamilcasomacpo apanco, naysicsa aplingaycamco acyimtalhnama, ayinyema alhta lhip — nic nat aptomjac Dios.
4 Apcatingmavoc nic nat singyipconma: —Apyasamcoc Job aptemaclha, yoyam emyovacpojo apanco. Memyovejec mataa lhama asoc, apvita inlhojo apvoyam tap. 5 Ingyane sat elngamcojo mepqui apyimnatem, nasoc anco, elvaticsic sat Job, ingyinmelham sat napato lhip — nic nat aptomjac.
6 Aptomjac nic nat Dios apcanya singyipconma: —Tasi. Itnesquis aplingaycamco acmasca Job. Noyinyovquis nasa apyimnatem apanco — nic nat aptomjac Dios.
7 Apyamyeclhec nic nat singyipconma apnaclha Dios. Aptimescasquic nic nat aplingaycamco acmasca apyimpejic Job, malha pascapma ilhnic nat apcasquiscama apyimpejic. 8 Apnaclhec nic nat Job acyitnamaclha tajap, apquilyinsepa apyimpejic acmasom.
9 Intomjac nic nat Job aptava ayanya: —¿Am ya comascac mocjam actamilaycam apvalhoc lhip? ¡Ingyinmelham sat Dios, ingyitsip! — nic nat intomjac.
10 Apcatingmavoc nic nat Job: —Lhiya, malha ayanem acpayvam intomjac. Nintimec ningayo Dios ayinyema ningillhoy asoc altamila. Incaymalhquic ontimjic ningayo Dios, ningvita inlhojo acmasom — nic nat aptomjac Job.
Am nic nat esilhnanacpoc apanco Job ayinyema aplhanma as appayvam.
Maycaa apnaclha Job
11 Apnatqui ilhnic nat apnaymacoc Job: lhama apvisay nic nat Elifaz apquinyema Temán. Poc apvisay nic nat Bildad apquinyema Súa. Poc apvisay nic nat Zofar apquinyema Naamat. Inlingalhquic nic nat amyaa aplingaycamco acyimtalhnama Job. Inlhenquic nic nat apquilvalhoc apnaymacoc eltiyaningvomjo Job, yoyam eltamilquiscomoc apvalhoc.
12 Apquilamquitvocmec nic nat apquilvita Job. Pilapcasquic nic nat apquilvita apyimpejic Job. Apquiliclhangvam nic nat apnaymacoc, ayinyema acmayovsa apquilvalhoc. Apquilyaptec nic nat apquilantalhnama. Apquilhaquic nic nat lhopactic nitno, najan lhopactic apyitsicsaoc. 13 Apquilnaclhec nic nat apnaclha Job, acvaycmo siete acnim najan siete alhtaa. Apquilvanmaquic nic nat. Am nic nat ellhenac lhama appayvam. Ayinyema ilhnic nat apquilvitay acmasca apyimpejic Job.
Aplingaycamco acyimtalhnama Job
1 Invocmec nic nat acnim, yoyam ingyaniclhac mocjam Dios apquilasinancama. Appasmec nic nat Yavey Singyipconma apcaneyquiclha.
2 Aptomjac nic nat Dios apcanya singyipconma: —¿Co laa apquinyectamlha lhip? — nic nat aptomjac.
Apcatingmavoc nic nat singyipconma: —Actiyasam ajanco alhta nalhpop lhalhma anco — nic nat aptomjac.
3 Aptomjac nic nat Dios apcanya singyipconma: —¿Apvita ya lhquip selancam Job? Aptasic apanco, am elhno poc enlhit. Aptomja setnesaycam coo, aptomja aptamilcasomacpo apanco, mepqui apsilhnanomap apanco. Mepqui mataa apquinmelhaycam poc. Am nic nat elvatasac aptemaclha aptamilcasomacpo apanco, naysicsa aplingaycamco acyimtalhnama, ayinyema alhta lhip — nic nat aptomjac Dios.
4 Apcatingmavoc nic nat singyipconma: —Apyasamcoc Job aptemaclha, yoyam emyovacpojo apanco. Memyovejec mataa lhama asoc, apvita inlhojo apvoyam tap. 5 Ingyane sat elngamcojo mepqui apyimnatem, nasoc anco, elvaticsic sat Job, ingyinmelham sat napato lhip — nic nat aptomjac.
6 Aptomjac nic nat Dios apcanya singyipconma: —Tasi. Itnesquis aplingaycamco acmasca Job. Noyinyovquis nasa apyimnatem apanco — nic nat aptomjac Dios.
7 Apyamyeclhec nic nat singyipconma apnaclha Dios. Aptimescasquic nic nat aplingaycamco acmasca apyimpejic Job, malha pascapma ilhnic nat apcasquiscama apyimpejic. 8 Apnaclhec nic nat Job acyitnamaclha tajap, apquilyinsepa apyimpejic acmasom.
9 Intomjac nic nat Job aptava ayanya: —¿Am ya comascac mocjam actamilaycam apvalhoc lhip? ¡Ingyinmelham sat Dios, ingyitsip! — nic nat intomjac.
10 Apcatingmavoc nic nat Job: —Lhiya, malha ayanem acpayvam intomjac. Nintimec ningayo Dios ayinyema ningillhoy asoc altamila. Incaymalhquic ontimjic ningayo Dios, ningvita inlhojo acmasom — nic nat aptomjac Job.
Am nic nat esilhnanacpoc apanco Job ayinyema aplhanma as appayvam.
Maycaa apnaclha Job
11 Apnatqui ilhnic nat apnaymacoc Job: lhama apvisay nic nat Elifaz apquinyema Temán. Poc apvisay nic nat Bildad apquinyema Súa. Poc apvisay nic nat Zofar apquinyema Naamat. Inlingalhquic nic nat amyaa aplingaycamco acyimtalhnama Job. Inlhenquic nic nat apquilvalhoc apnaymacoc eltiyaningvomjo Job, yoyam eltamilquiscomoc apvalhoc.
12 Apquilamquitvocmec nic nat apquilvita Job. Pilapcasquic nic nat apquilvita apyimpejic Job. Apquiliclhangvam nic nat apnaymacoc, ayinyema acmayovsa apquilvalhoc. Apquilyaptec nic nat apquilantalhnama. Apquilhaquic nic nat lhopactic nitno, najan lhopactic apyitsicsaoc. 13 Apquilnaclhec nic nat apnaclha Job, acvaycmo siete acnim najan siete alhtaa. Apquilvanmaquic nic nat. Am nic nat ellhenac lhama appayvam. Ayinyema ilhnic nat apquilvitay acmasca apyimpejic Job.
